Ba segunda volta entre Lasama ho TMR
Dili. Partido Social Democrata (PSD) hili ona Maria Paixão, atual Vice-Presidente PSD nudar kandidatura ba Eleisaun Presidensial 2012. Liu husi surumutu Komisaun Politika PSD ne´ebe halo iha Quinta-Feira (13/10/2011), decide hodi kandidatu Maria paixao nudar kandidatu husi PSD ba eleisaun Presidensial iha 2012.
Iha biban ne´eba mos, diresaun PSD, diskuti konaba posibilidade hakat ba segunda volta eleisaun PR, opsaun husi PSD, sei hili entre Lasama ho Taur Matan Ruak (TMR). Iha balun hakarak Lasama no balun fali hakarak TMR, tuir fontes FH iha PSD haktuir.
Oras ne´e dadaun mosu ona kandidatus lubung ida maka halai taru ba eleisaun PR2012, Fernando Lasama de Araujo, Taur Matan Ruak, Francisco Xavier do Amaral, Abilio de Araujo, Manuel Tilman, Rogerio Tiago Lobato, Lucas da Costa, José Luis Guterres, Francisco Lu´olo, Angela Freitas no mos Maria Paixao. Hotu-hotu kandidatu hodi halai taru ba kargu ema numeru um iha RDTL, troka José Ramos Horta. Maibe informasaun ne´ebe maka FH hetan katak atual Presidente Republika RDTL mos sei kandidatu mos ba segundo mandatu!
Sem comentários:
Enviar um comentário
Nota: só um membro deste blogue pode publicar um comentário.