VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

quinta-feira, 13 de outubro de 2011

Boatus no rumores, hatun dignidade Parlamento Nasional

Dili. Forum Haksesuk (FH). Lia bosok no boatus hatun dignidade Parlamento Nacional (PN), haktuir Deputado Adriano do Nascimento liu husi konferensia imprensa, Sexta-Feira (14/10) iha Uma Fukun Parlamento Nacional, Dili, Timor-Leste. Haktuir Adriano do Nascimento ninia deklarasaun: "Boatus ka isu koba ba imigrasaun Australia halo detensaun ba Timor oan ida, nebe temi iha publiku katak ex secretaria Ministro Agricultura, nebe lori osan dolar rihun 400 tama iha Australia no temi mos involvimentu ministro agrikulturala nudar Secretariu Geral Partido Democratico, ne’e la los no bosok publiku ho interese pesoal no partidaria tamba eleisaun besik ona".

Hatutan tan Deputado Adriano do Nascimento, ne'ebe mos nudar Vice-Prezidente PD, "Partido Democratico deklara katak asaun bosok publiku ne’e, hanesan movimentu politiku ida, ho tipu halo konspirasaun entre lider politku sira no media, ho objetivu atu oho ka hamate ema nia karakter, tamba interese pesoal no interese partidaria atu kaer ukun iha nasaun ida ne’e".

Tenik tan xefi Bankada PD, "Partido Democratico mos deklara katak asaun konspirasaun entre politiku sira no media hodi bosok publiku ne’e, la dignifika Parlamento Nacional, nudar fatin demokrasia no fatin hato’o no hatur lia los, lori povu nia naran hanesan reprezentante Povu".

"Partido Democratico husu ba Deputado sira iha Parlamento Nacional, atu halo politika ho dignidade, ho moral no etika hanesan ukun nain ida iha nasaun foun ida ne’e, lahos sai fali provokator politiku, hodi trasa no habelar boatus ho objetivu atu hatun malu, no hamate ka oho ema ida nia karakter, no mos halo konfuzaun publiku hodi hamosu instabilidade politika iha rai laran".

Iha sesaun Plenariu Parlamentu Nasional iha Segunda-feira (10/10), deputadus sira husi balun husi CNRT, PUN no Fretilin, foti boatus no rumores ne'be sai hanesan deklarasaun politika, ne'ebe la dignifika rasik Instituisaun Estado hanesan Parlamento.Tuir Deputado Adriano do Nascimento, "Partido Democratico husu ba Deputado sira iha Parlamento Nacional, atu la bele sai juiz ba boatus ka isu hodi halo julgamentu popular iha Parlamento ida ne’e, ba asaun ka involvimentu kualker sidadaun Timor oan ida, infrenta problema ka krime ruma. Maibe husu deputado sira tenki hatudu dalan ba justisa ka tribunal, banune sidadaun hot-hotu bele la’o tuir konstituisaun no lei nebe deputado sira halo".

"Partido Democratico mos husu povu Timor Leste tomak, atu lalika fiar no monu ba asaun konspirasaun entre politiku sira no media balu iha Timor Leste, nebe la iha responsabilidade no kredibilidade, la iha moral no etika hanesan Timor nia oan, hodi hanorin malu no lori malu tuir dalan justisa nian, no hatur problema iha tribunal nudar fatin julgamentu".

" Partido Democratico mos husu ba media elektronika no media eskrita sira, atu hatudu profesionalismu no inparsialidade hodi hatun informasaun ba publiku. Husu mos jornalista sira atu la bele tama iha rede konspirasaun politika, hodi sai agente atu habelar boatus ka isu nebe nia objetivu atu hatun no hamaten karakter ema ida nia".

Konaba isu ne'e, Primeiro-Ministro Kay Rala Xanana Gusmao, halo deklarasaun ba media iha Quinta-feira (13/10) katak, "rumores lori osan halai ne'e la los, ne'e noticias falsus". Tenik PM, ne'ebe mos Prezidente CNRT, "husu mos ba media atu investiga no hatun noticias ne'ebe maka iha equilibradu, atu labele alimenta isus falsus".

Ministru Agrikultura e Peskas, Mariano Assanami Sabino, iha konferensia imprensa iha Quinta-feira (10/10) katak: "la los, se iha funcionariu husi MAP maka lori osan halai, tamba sistema pagamanetu iha Ministeriu tuir lei, labele liu US$50 mil, sa tan US$400 Mill", defende Assanami.

"Husu atu politiku sira halo politika ho lia los, laos bazeia ba boatus no romores maka atu eduka povu, politika halo ho laran mos hodi servi povu", argumenta Mariano Assanami Sabino, ne'ebe mos Sekretariu Jeral PD.

Lili Ribeiro, ne'ebe sai nudar vizadu ka naran media balun temi, mos halo konferensia imprensa hodi desmente ba notisias falsus sira ne'e, iha Quarta-feira (12/10), "hatudu passeporte RDTL ne'ebe la rejistu nem tama/sai iha Australia fulan ida ne'e nian laran".

Embaixada RDTL, Abel Guterres, "halo klarifikasaun konaba isu ne'e la los, tamba konfirma ba autoridades Australia sira la los,tamba la iha Timor oan ida maka sira prende ka hatama osan ho quantidade ida ne'e".

FH, Dili, 14.10.2011!

Sem comentários:

Enviar um comentário

Nota: só um membro deste blogue pode publicar um comentário.