VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

segunda-feira, 5 de setembro de 2011

PM Apresenta provas munisoens sira ne’ebe maka UNMIT no ISF hatama iha fulan Abril no Agosto tinan 2011

Principais Jornal Diários 3, hanesan STL, Timor Post no Jornal Nacional Diário, hotu-hotu hatun destake konaba munisoens ne’ebe maka prende husi autoridade alfandega no servisus informasoesn/inteligencia. Hakerek STL, ”UNMIT hatama subar kilat musan kontiener rua. Xanana preokupado”. Timor Post hakerek ho titul, ”PM deskobre UNMIT importa munisoens funu”. Jornal Nacional Diário hakerek ho titul, ”Timor-Leste prende importasaun kilat musan ONU”.

Iha surumutuk level áas entre Governu no UNMIT iha palacio Governu, segunda-feira (05/09/2011), PM no mos Ministro Defesa e Seguransa hatudu ba UNMIT sira konaba provas munisoens ne’ebe maka prende liu husi konteineres rua, iha fulan Abril no container ida foin dadaun ne’e husi ISF nian.

Iha fulan Abril, konteineres rua (2), hatama iha porto Dili, ninia destinu ba enderesu ka alamat UNMIT, Obrigado Barak.

Iha fulan Agosto laran ka tersa-feira kotuk (30/08/2011) konteinere ida tama husi ISF (International Security Forces) nian.

Tuir informasaun ne’ebe maka Jornal ne’e hetan katak: ”razaun husi hatama kilat katak ba kestaun seguransa nian, maka UNMIT no ISF hatama kilat no Munisoens sira ne’e”.

Tuir fonte Jornal ne’e nian,”wainhira PM apresenta provas sira ne’e ba delegasaun UNMIT, sira hotu hakfodak no sai husi encontro lakohi presta deklarasaun ba Media ne’ebe halo kobertura iha Palacio Governo”.

Iha mos planu ne’ebe buka soran jovens iha bairos no artes marciais sira hodi baku malu, objetivu maka kria instabilidade iha Nasaun laran. Tuir informasaun ne’ebe jornal hetan, iha Domingo kalan (04/09/2011), iha ema balun lao ho kareta fahe tua ba jovens sira iha Dili laran, ho objetivu maka atu jovens sira hemu hodi provoka tuda malu, baku malu”.

Kalendariu importante rua maka sei akontese iha 2012, eleisauns (Presidensial no Jeral ), no hakotu Mandatu UNMIT Desembru tinan 2012 mos hakotu Misaun UNPOL ho ISF nian.


Fontes: STL,Timor Post e Jornal Nacional Diário,edisaun Tersa-Feira (06/09/2011)!

Sem comentários:

Enviar um comentário

Nota: só um membro deste blogue pode publicar um comentário.