Excelências,
Senhoras e Senhores,
Loron ohin representa marco ida ke importante tebetebes ba Administração Pública ita-nia jovem Estado né nian, e ha’u bele considera hanesan loron ida nebé significativo liuhotu, desde que ita hetan ita-nia Independência.
Verdade katak Governo ida né, simu tiha posse, nia aposta kedas ona atu foti medidas nebé bele garante Função Pública ida ke profissional no eficiente, ho condições trabalho nebé dignas no justas ba ema hotu-hotu nebé integra iha laran.
Nuné, ita hotu-hotu haka’as-an atu hadia prátika ida nebé hahú kedas ona ho Administração Nações Unidas nian, nebé iha categorias funcionários Administração Pública nian rua, mak serviço hamutuk: agentes Administração nian, baibain hanaran funcionários temporários, ho funcionários públicos, nebé permanentes.
Funcionários temporários sira hotu, desde sempre, desempenha funções hanesan ho sira nia colegas nebé iha ona vínculo ka ligação metin e seguro ho Estado, maski sira seidauk haré katak iha ona reconhecimento ba sira nia direitos nebé elementares liuhotu, hanesan servidores do Estado, nebé hori uluk kedan sira dedica sira nia esforço no entrega tomak sira nia an bá.
Além da injustiça, tanba situação nebé sira hasoru rasik n’e, ita mos tenke simu katak la salutar ka la di’ak ba economia País né nian, facto katak, maioria funcionários públicos sei temporários nafatin, haré ba importância Estado né nian ba desenvolvimento tecido económico no social, hanesan principal motor investimento público no essencial lori garante condições nebé bele dada investimento privado.
Ho hanoin ida né, mak iha Novembro de 2010, Governo aprova tiha ona Resolução nº 42/2010, hodi define política atu converte agentes Administração nian, sai funcionários públicos permanentes.
Política ida né, nebé hakarak atu atinge equilíbrio ide ke diak liuhotu, entre trabalhadores sira nia direitos ho desenvolvimento estável e sustentável Função Pública nian iha Timor-Leste, mai husi proposta Comissão da Função Pública nian rasik, nebé kona-ba nia serviço, ha’u aproveita, iha oportunidade ida né, atu enaltece ka hahí no considera hanesan meritório tebetebes lori harí Administração Pública e, consequentemente, hametin ita nia Estado de direito.
Funcionários temporários hotu-hotu, nebé preenche requisitos tuir Resolução estipula, submete hotu ona ba processo apuramento ida, tuir condições nebé exige, hahú husi 1 de Janeiro tinan né nian, no foin mak remata ohin, ho tomada de posse funcionários públicos foun nian ida n’e.
Iha 13,227 funcionários mak agora simu posse no, consequentemente, garante mos ba sira emprego ida ke duradouro e estável, ho remuneração ka salário nebé merece, e iha condições de trabalho dignas no bele hetan progressão nebé di’ak, iha idaidak ninia carreira profissional.
Ami calcula ona katak política ida né, sei beneficia 65 mil pessoas ka ema rihun nenulu-resin lima, sura hotu hamutuk familiares tomak funcionários sira n’e nian, tanba n’e mak, ba dahuluk, ita tenke konsidera katak decisão atu integra sira iha Administração Pública, hanesan medida justiça social ida ke boot tebetebes, tanba lori estabilidade ho segurança ba famílias sira né nia moris, iha comunidade idaidak nia lét.
Maibé, ha’u hakarak husik claro iha né, katak funcionários públicos foun sira né, tenke prova katak sira merece tebes duni oportunidade boot, nebé agora fó ba sira. Sira nia plena integração iha funcionalismo público exige ba sira atu apresenta desempenho nebé diak, iha funções nebé sira hala’o ona, no comprova katak sira iha tebes duni qualificações ho competências nebé requere, lori exerce funções nebé hanesan.
Hahú data ida né, no durante fulan 12 oin mai, sira sei tuir período probatório ida, nebé sei halo nafatin avaliação ba sira, e, sómente prazo né hotu ona, mak nomeação né lakon nia carácter provisório, no funcionários sira né bele passa ona ba condição henesan permanentes. Né, naturalmente, se sira nia desempenho iha trabalho bele justifica, buat nebé, ho laran tomak ha’u hein hela, no ha’u fiar metin katak sei acontece ho sira hotu-hotu.
Administração Pública representa papel crucial no imprescindível iha qualquer País, particularmente iha sira nebé, hanesan Timor-Leste, foin hahú hakat ba oin, iha sira nia processo afirmação hanesan Nação soberana e independente.
Serviços nebé halo ba populações, fundamental tebetebes hodi garante nia bem-estar no hetan moris nebé normal iha sociedade ida laran, tanba né mak indispensável katak tenke reconhece sira nebé exerce funções públicas, sira nia competência, dedicação, isenção, honestidade, altruísmo e espírito de sacrifício.
Administração Pública ida nebé ema mesak desmotivados no fracos mak serve, né atu estraga los deit alicerces Estado nian e bele contribui lori haburas liután caos ho anarquia, hodi nuné, inviabiliza construção sociedade ida ke democrática, justa no bele garante direitos ho segurança populações tomak nian.
Tanba né mak ha’u husu ba maluk-sira hotu, nebé ohin, simbolicamente, simu posse hanesan funcionários públicos, atu entrega an tomak ba serviços nebé imi presta ba Nação. Imi tenke imparciais iha decisões nebé foti, labele husik fali interesses nebé estranhos ho imi nia exercício dos cargos, condiciona fali imi, ou tanba amizades nebé condiciona imi nia actuação.
Trata ho educação e consideração ema hotu-hotu nebé precisa imi nia serviços, nunca bele haluha katak imi nia missão mak atu servi didi’ak ba sira.
Imi mos tenke pontuais no labele falta ba imi nia deveres a não ser hetan autorização husi imi nia superiores e sempre ho motivos nebé justifica loloos.
Coopera ho malu bá: departamentos barabarak labele husik serviço e funcionalismo público só bele eficiente e eficaz se serviços hotu-hotu hala’o sira nia knaar tuir objectivo comum, buat nebé só bele hetan, karik iha coordenação permanente entre servidores Estado nian tomak.
E, liu-liu, imi tenke honestos ka laran moos. Nunca bele simu buat ida nebé imi la iha direito, no labele haluha katak única entidade responsável ba pagamento imi nia salário, mak Estado. Corrupção mak hanesan vício nebé aat liuhotu iha sociedades modernas no causa principal nebé baibain hamosu Estados falhados.
Ita luta durante um quarto de século ba Independência nebé ita hotu mehi, né mak agora, depois de hetan tiha liberdade ho soberania, e ho sacrifício husi ema barak nia vida, ita la bele husik lakon hotu fali, tan de’it ema lubun oan ida nebé hakarak los deit manan osan no buka di’ak deit, lori prejudica Estado nebé ita foin harí daudaun n’e.
Funcionário público nebé corrupto hanesan parasita ida! La presta no la serve ba buat ida. Tanba né, mak ita hotu-hotu, e tenke hotu-hotu, iha obrigação atu tau matan ba interesses Estado nian, hodi nuné, tuir competências nebé fó mai ita, denuncia no sátan metin actos de corrupção hotu-hotu nebé ita hatene.
Ha’u conta ho imi, nebé ba maluk-sira hotu ha’u deseja maiores felicidades iha etapa foun ida, iha imi nia moris né, no halo mos votos katak imi sei hetan maiores êxitos profissionais, hahú ohin ba oin.
Imi nia êxitos profissionais mak hanesan mos êxitos Estado ida n’e nian, nebé ita hotu sente orgulho, no aban-bainrua, ita nia gerações vindouras sei identifica ita hotu hanesan pioneiros ka mata-dalan ba construção Estado ida né.
Obrigadu barak!
Kay Rala Xanana Gusmão
01 Jullu 2011
Ginásio GMT
Díli
ALOKUSAUN SUA EXCELÊNCIA PRIMEIRO-MINISTRO KAY RALA XANANA GUSMÃO NIAN IHA OKASIAUN BA TOMADA DE POSSE FUNCIONÁRIOS PÚBLICOS FOUN 01 Jullu 2011 Ginásio GMT Díli REPÚBLICA DEMOCRÁTICA DE TIMOR-LESTE GABINETE DO PRIMEIRO-MINISTRO
Senhoras e Senhores,
Loron ohin representa marco ida ke importante tebetebes ba Administração Pública ita-nia jovem Estado né nian, e ha’u bele considera hanesan loron ida nebé significativo liuhotu, desde que ita hetan ita-nia Independência.
Verdade katak Governo ida né, simu tiha posse, nia aposta kedas ona atu foti medidas nebé bele garante Função Pública ida ke profissional no eficiente, ho condições trabalho nebé dignas no justas ba ema hotu-hotu nebé integra iha laran.
Nuné, ita hotu-hotu haka’as-an atu hadia prátika ida nebé hahú kedas ona ho Administração Nações Unidas nian, nebé iha categorias funcionários Administração Pública nian rua, mak serviço hamutuk: agentes Administração nian, baibain hanaran funcionários temporários, ho funcionários públicos, nebé permanentes.
Funcionários temporários sira hotu, desde sempre, desempenha funções hanesan ho sira nia colegas nebé iha ona vínculo ka ligação metin e seguro ho Estado, maski sira seidauk haré katak iha ona reconhecimento ba sira nia direitos nebé elementares liuhotu, hanesan servidores do Estado, nebé hori uluk kedan sira dedica sira nia esforço no entrega tomak sira nia an bá.
Além da injustiça, tanba situação nebé sira hasoru rasik n’e, ita mos tenke simu katak la salutar ka la di’ak ba economia País né nian, facto katak, maioria funcionários públicos sei temporários nafatin, haré ba importância Estado né nian ba desenvolvimento tecido económico no social, hanesan principal motor investimento público no essencial lori garante condições nebé bele dada investimento privado.
Ho hanoin ida né, mak iha Novembro de 2010, Governo aprova tiha ona Resolução nº 42/2010, hodi define política atu converte agentes Administração nian, sai funcionários públicos permanentes.
Política ida né, nebé hakarak atu atinge equilíbrio ide ke diak liuhotu, entre trabalhadores sira nia direitos ho desenvolvimento estável e sustentável Função Pública nian iha Timor-Leste, mai husi proposta Comissão da Função Pública nian rasik, nebé kona-ba nia serviço, ha’u aproveita, iha oportunidade ida né, atu enaltece ka hahí no considera hanesan meritório tebetebes lori harí Administração Pública e, consequentemente, hametin ita nia Estado de direito.
Funcionários temporários hotu-hotu, nebé preenche requisitos tuir Resolução estipula, submete hotu ona ba processo apuramento ida, tuir condições nebé exige, hahú husi 1 de Janeiro tinan né nian, no foin mak remata ohin, ho tomada de posse funcionários públicos foun nian ida n’e.
Iha 13,227 funcionários mak agora simu posse no, consequentemente, garante mos ba sira emprego ida ke duradouro e estável, ho remuneração ka salário nebé merece, e iha condições de trabalho dignas no bele hetan progressão nebé di’ak, iha idaidak ninia carreira profissional.
Ami calcula ona katak política ida né, sei beneficia 65 mil pessoas ka ema rihun nenulu-resin lima, sura hotu hamutuk familiares tomak funcionários sira n’e nian, tanba n’e mak, ba dahuluk, ita tenke konsidera katak decisão atu integra sira iha Administração Pública, hanesan medida justiça social ida ke boot tebetebes, tanba lori estabilidade ho segurança ba famílias sira né nia moris, iha comunidade idaidak nia lét.
Maibé, ha’u hakarak husik claro iha né, katak funcionários públicos foun sira né, tenke prova katak sira merece tebes duni oportunidade boot, nebé agora fó ba sira. Sira nia plena integração iha funcionalismo público exige ba sira atu apresenta desempenho nebé diak, iha funções nebé sira hala’o ona, no comprova katak sira iha tebes duni qualificações ho competências nebé requere, lori exerce funções nebé hanesan.
Hahú data ida né, no durante fulan 12 oin mai, sira sei tuir período probatório ida, nebé sei halo nafatin avaliação ba sira, e, sómente prazo né hotu ona, mak nomeação né lakon nia carácter provisório, no funcionários sira né bele passa ona ba condição henesan permanentes. Né, naturalmente, se sira nia desempenho iha trabalho bele justifica, buat nebé, ho laran tomak ha’u hein hela, no ha’u fiar metin katak sei acontece ho sira hotu-hotu.
Administração Pública representa papel crucial no imprescindível iha qualquer País, particularmente iha sira nebé, hanesan Timor-Leste, foin hahú hakat ba oin, iha sira nia processo afirmação hanesan Nação soberana e independente.
Serviços nebé halo ba populações, fundamental tebetebes hodi garante nia bem-estar no hetan moris nebé normal iha sociedade ida laran, tanba né mak indispensável katak tenke reconhece sira nebé exerce funções públicas, sira nia competência, dedicação, isenção, honestidade, altruísmo e espírito de sacrifício.
Administração Pública ida nebé ema mesak desmotivados no fracos mak serve, né atu estraga los deit alicerces Estado nian e bele contribui lori haburas liután caos ho anarquia, hodi nuné, inviabiliza construção sociedade ida ke democrática, justa no bele garante direitos ho segurança populações tomak nian.
Tanba né mak ha’u husu ba maluk-sira hotu, nebé ohin, simbolicamente, simu posse hanesan funcionários públicos, atu entrega an tomak ba serviços nebé imi presta ba Nação. Imi tenke imparciais iha decisões nebé foti, labele husik fali interesses nebé estranhos ho imi nia exercício dos cargos, condiciona fali imi, ou tanba amizades nebé condiciona imi nia actuação.
Trata ho educação e consideração ema hotu-hotu nebé precisa imi nia serviços, nunca bele haluha katak imi nia missão mak atu servi didi’ak ba sira.
Imi mos tenke pontuais no labele falta ba imi nia deveres a não ser hetan autorização husi imi nia superiores e sempre ho motivos nebé justifica loloos.
Coopera ho malu bá: departamentos barabarak labele husik serviço e funcionalismo público só bele eficiente e eficaz se serviços hotu-hotu hala’o sira nia knaar tuir objectivo comum, buat nebé só bele hetan, karik iha coordenação permanente entre servidores Estado nian tomak.
E, liu-liu, imi tenke honestos ka laran moos. Nunca bele simu buat ida nebé imi la iha direito, no labele haluha katak única entidade responsável ba pagamento imi nia salário, mak Estado. Corrupção mak hanesan vício nebé aat liuhotu iha sociedades modernas no causa principal nebé baibain hamosu Estados falhados.
Ita luta durante um quarto de século ba Independência nebé ita hotu mehi, né mak agora, depois de hetan tiha liberdade ho soberania, e ho sacrifício husi ema barak nia vida, ita la bele husik lakon hotu fali, tan de’it ema lubun oan ida nebé hakarak los deit manan osan no buka di’ak deit, lori prejudica Estado nebé ita foin harí daudaun n’e.
Funcionário público nebé corrupto hanesan parasita ida! La presta no la serve ba buat ida. Tanba né, mak ita hotu-hotu, e tenke hotu-hotu, iha obrigação atu tau matan ba interesses Estado nian, hodi nuné, tuir competências nebé fó mai ita, denuncia no sátan metin actos de corrupção hotu-hotu nebé ita hatene.
Ha’u conta ho imi, nebé ba maluk-sira hotu ha’u deseja maiores felicidades iha etapa foun ida, iha imi nia moris né, no halo mos votos katak imi sei hetan maiores êxitos profissionais, hahú ohin ba oin.
Imi nia êxitos profissionais mak hanesan mos êxitos Estado ida n’e nian, nebé ita hotu sente orgulho, no aban-bainrua, ita nia gerações vindouras sei identifica ita hotu hanesan pioneiros ka mata-dalan ba construção Estado ida né.
Obrigadu barak!
Kay Rala Xanana Gusmão
01 Jullu 2011
Ginásio GMT
Díli
ALOKUSAUN SUA EXCELÊNCIA PRIMEIRO-MINISTRO KAY RALA XANANA GUSMÃO NIAN IHA OKASIAUN BA TOMADA DE POSSE FUNCIONÁRIOS PÚBLICOS FOUN 01 Jullu 2011 Ginásio GMT Díli REPÚBLICA DEMOCRÁTICA DE TIMOR-LESTE GABINETE DO PRIMEIRO-MINISTRO
Versao Portugues & Ingles:
Sem comentários:
Enviar um comentário
Nota: só um membro deste blogue pode publicar um comentário.