PEDN oficialmente PM Kay Rala Xanana Gusmao ható ba parceirus desenvolvimentu iha surumutuk TLDPM

Dili. Plano Estrategica do Desenvolvimento Nacional (PEDN) ne'ebe hetan aprovasaun iha Parlamento Nacional (PN) iha sesaun plenariu Segunda-Feira (11/07/2011), ne'ebe aprova Resolusaun PN no.30/50/PN, 11 de Julho de 2011. Resolusaun ne'e hetan aprovasaun ho maioria, favor 38, kontra (0) no Abstensaun (0). Ho dicisaun ida ne'e, Timor-Leste iha ona ninia meta ba desenvolvimentu ba biban badak (tinan lima ), biban klaran (tinan sanulu) no biban naruk (tinan sanulu ba rua nulu). Timor-Leste estabelece ninia meta hodi ba atinji desenvolvimentu ne'ebe estebelece ona iha ninia metas.

PM Kay Rala Xanana Gusmao, apresenta oficialmente PEDN ba parceirus desenvolvimentu iha surumutuk TLDPM, iha CCD, Dili Timor-Leste, Tersa-Feira (12/07/2011). Iha ninia diskursu, haktuir PM Kay Rala Xanana Gusmao, "uluk nanain, halo enquadramentu konaba Planu ne'ebe movem konecimentu no meius esforsus sira ne'ebe iha hodi fó substancia ba vontade povu nian no nia rumu konaba desenvolvimentu ba ninia rain".

Hatutan PM Kay Rala Xanana Gusmao, "iha fulan Maio tinan 2002 hahu, husi Primeiru Guvernu Konstitucional RDTL, Plano Desenvolvimento Nacional (PDN), hanesan hatan ba aspirasaun povu nian ninia espetativa ne'ebe áas konaba desenvolvimentu ba tinan 20".

Haktuir tan, "iha dokumentu ne'e, imprimi hanoin no visaun simples maibe iha multi facetada, desafius ba konstrusaun nasaun no necesidades ba desenvolvimentu rai doben Timor-Leste".

Tenik tan PM, "PDN iha tinan 2002, bele mos, limite ba periudu tinan lima, hodi exekuta planu, ho asaun sira ne'ebe diriji liu ba harii instituisaun estadu nian ne'ebe seidauk iha no dedika liu ba rekrutamentu ba funsionarius publika, hanesan iha konponente juridika legal no estruturas fisikas, no mos defini estratejia, identifka objetivu no adopta principius orientadores asaun, ho ninia respetivus indikadores avaliasaun".

Iha PDN 2002, ne'ebe loke dalan ba revizaun ba Planu ne'e rasik, hakerek nune' e: "ida ne'e maka Planu Timor-Leste ba dala uluk, sujeita ba revisaun kompleta tinan depois ninia publikasaun". Tamba la iha revisaun ba PDN 2002, maka iha Programa IV Governu Konstitusional, hatama iha ninia programa ne'ebe hetan aprovasaun iha Parlamento Nacional (PN) iha fulan Setembru tinan 2007, asumi kompromisu hodi apresenta PEDN.

Haktuir tan PM iha ninia diskursu konaba preparasaun ba elaborasaun PEDN ne'e rasik, "liu husi envolve Ministerius, Departementus,diretores jerais,nasionais no xefis departementus sira maka elabora planu asaun ba ida-idak ninia ministerius no departementus ba periudus badak,klaran no naruk. Hafoin kompila hamutuk iha dokumentu ida hanesan draft hodi ba halo konsulta haleu Sub-distritus 65 iha Timor-Leste, hahu husi fulan Abril-Setembro tinan 2010".

Haktuir tan PM, "PEDN ninia filosofia, fiar katak la iha planeamentu,la desenvolvimentu ho ninia fim ne'e. Planeamentu ne'e metedu estruturasaun ideiais no ideias, ne'ebe iha ninai filosofia politika ninia kariz sosioekonomika no ne'ebe lideransa rai ne'e nian, ho ninia obrigasaun tenke asume". Hatutan, "filosofia ne'ebe orienta ba hanoin sira ne'e, tradus iha oferta diak iha kondisoens ba moris ba populasaun Timor oan, iha espasu temporal ne'ebe posivel no palpavel".

Haktuir tan PM, "PEDN visa krescimentu ne'ebe maka integradu, iha krescimentu ekonomika ne'ebe kontiunua bele hametin desenvolvimentu ba komponente sosial no umana, hanesan: oportunidade ba servisu; prestasaun servisu ne'ebe diak liu tan; qualidade ba distribuisaun ba riku soin rai nian; aperfecoara konecimentu; mudansas ba atiude no komportamentus no konfiansa ba estabilidade nasional".

PEDN viabiliza tanba atribuitos hat (4): "Vontade politika; potensial ekonomika; integrasaun nasional no dinamismo".

PEDN mos orienta ba pilares tolu (3): "desenvolvimentu kapital umanu, desenvolvimentu infraestruturas no desenvolvimentu ekonomika".