VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
UKUN HAMUTUK?
Sorumutu "Meja Bo'ot" nakonu ho "bua-malus". Sei lo'ok ba malu hela hodi mama hamutuk.
Fretilin
Fretilin - CNRT
Fretilin - PLP
Fretilin - PD
Fretilin - KHUNTO

 
 
   

domingo, 24 de julho de 2011

Lasama: Hau kandidatu ba PR tamba iha esperiencia ba kargu Estadu nian

Liquidoe, Aileu. Prezidente Parlamento Nacional (PN) Fernando Lasama de Araujo haktuir katak “nia kandidatu ba Prezidente Republika (PR) iha eleisaun 2012 tamba iha esperiencia ba kaer kargu Estado nian”, kasu lia hirak ne’e wainhira halo surumutuk ho Povu iha sub-Distritu Liquedoe, Distrito Aileu, Sabado (23/07/2011).

Haktuir tan Lasama, "hau iha esperiencia kaer knar nudar Presidente Republika Interinu (PRI) durante periudu ida deficil, wainhira atentadu 11.02.2008 kontra ita no orgaun soberania Estadu nian, hanesan Presidente Republika, Dr. Ramos Horta hetan tiru no ita nia PM Kay Rala Xanana Gusmao, hetan assaltu”.


Nia hatutan katak “Durante exerce funsaun nudar PRI interinu maka hasai ordem tuir Konstituisaun RDTL hodi halo operasaun konjunta (Operasaun Halibur) hodi estabelece hikas Lei no Ordem. Oinsa maka evita Timor-Leste tama iha Estadu ida failhadu”.

Tenik tan Lasama, ”nudar Presidente PN, hau mos iha esperiencia ba lidera Parlamento Nasional ne’ebe kompostu husi partidus politikus barak iha representasaun Parlamentares, ne’ebe laos facil atu lidera no mantem funcionalidade Instituisaun Estado nian ne’e lao diak tuir guia ne’ebe maka define ona iha Rejimentu PN nian”.

Lasama apela ba votu Util

Iha biban ne’e mos Lasama, nudar Presidente Partido Democratico (PD), apela ba votu util ka lia fuan seluk labele sunu votus. Hatutan Lasama, "vota ba PD ne’e votu util, tamba PD sei ba defende povu nia aspirasaun iha PN, ne'e duni husu ba Inan, Aman sira, alin feto no mane, vota ba PD signifika katak ba vota ne’ebe util, hodi defende aspirasaun povu nian, vota ba PD hodi participa iha procesu desenvolvimentu nasional”.

Tenik tan Lasama de Araujo, Fundador Renetil no ex-Sekretariu Jeral, ”PD iha esperiencia iha procesu demokratizasaun iha Timor-Leste, hahu husi Asembleia Konstituinte hola parte ba elabora Konstituisaun RDTL, hola parte iha Governasaun AMP, ne'e duni se povu vota ba PD ne’e votu util, fiar katak sei ba defende interese povu nian no halo politika ho fuan mos no hanoin tuir povu nia hakarak”.

Hateten ex-Presioneiro Politiku ne’e "husu atu inan aman sira fo nia votus ba PD iha 2012, poder povu nian, PD impresta deit, so ho povu nia votus ne’ebe naton hodi tau fiar ba PD maka bele lori procesu ne’e lao ba oin, votus barak no hetan kadeiras barak iha PN maka iha poder hola decisaun”.

Konsolidasaun PD iha sub-distritu Liquidoe, Distrito Aileu, hetan participasaun maxima husi estrutura PD Nasional, ne’ebe lidera diretamente husi Prezidente PD, Fernando Lasama de Araujo, Sekretariu Jeral Interinu, Samuel Mendonca, dirijentes PD husi Nasional hanesan, Arcanjelo Leite, Vitor Tavares, lider OMD (Organziasaun Feto Demokratiku) Anjelina, António Ramos, no estrutura lideransa Distritu Aileu, sub-distritus Liquedeo no lideres komunitarias sira.

Nudar observadores ba konsolidasaun ne’e, Profesores Universitarios nain rua (2), Prof. Dr. Frederic Durand, husi Universidade Tolulus, Fransa, ne’ebe hakerek livru barak konaba Timor-Leste no kolumnis iha Le Monde Diplomatique (edisaun Francesa) no Prof. Dra. Jaqueline Aquino Siapo, husi Universidade Seol, Koreia do Sul, ne’ebe mos nudar kaben husi Presidente PN Lasama no future Presidente Republika 2012-2017.

Iha biban ne’e mos Presidente PD, Lasama fo tomada de posse ba estruturas lideransa PD iha sukus 7 no aldeias sira hotu kompleta ho kada aldeias iha ema nain 22 ba estrutura Partido, 22 ba OMD (Feto Demokratiku) no 22 ba OJD (Organzasaun Juventude Demokratiku)!

Sem comentários:

Enviar um comentário

Nota: só um membro deste blogue pode publicar um comentário.