UNMIT Boycota Festa 20 de Maio 2011

Dili. Ohin Povu Timor-Leste, husi Tutuala to'o Oeccuse, husi Atauro to'o ba Betano, komemora loron Restaurasaun Independencia ba dala Sia (9) iha serimonia solene nebe ba hasa'e bandeira hanesan tradisaun ona, tinan-tinan. Ohin husi parte publiku ne'ebe participa iha recintu Palacio Governo no mos publiku ne'ebe asiste liu husi transmisaun TVTL kestiona tamba fatin ne'ebe maka babain Representante Especial Sekretariu Jeral nian, Sra. Ameera Haq, la marka presensa, tamba sa?

Media Nasional Timor tomak, sei foti iha sira nia publikasaun, ausensia Sra. Ameera Haaq ne'e asoscia kedan ba relatoriu ne'ebe maka Tempo Semanal hatun iha edisaun 15.05.2011 nebe klasifika PM Kay Rala Xanana Gusmao "nudar obstakulus ba Desenvolvimentu Demkrasia iha Timor-Leste". Hatan ba ida ne'e, PM liu husi Diskursu ba komunidade Akademika UNTL nian iha tersa-feira (17/05/2011) hateten katak "agradece ba UNMIT ninia apresiasaun, hatudu katak sira la konece se maka Xanana Gusmao (hare fali Diskursu iha FH, 19/05/2011, edisaun online http://forum-haksesuk.blogspot.com/2011/05/diskursu-pm-kay-rala-xanana-gusmao-iha.html).

Husi parte UNMIT liu husi press release hateten katak "Ami la fiar katak Primeiru Ministru sai nu’udar obstákulu ba governasaun demokrátiku iha Timor-Leste no mós ba konstitusionalizmu. Ami nota katak Sr. Gusmão ne’e nu’udar Primeiru Ministru ne’ebé eleitu demokratikamente, ne’ebé kontinua governa tuir prinsípiu demokrátiku, mak estabelese ho firme iha Timor-Leste. Prinsípiu sira-ne’e nu’udar rezultadu sakrífisiu sira hosi ema barak, partikularmente Sr. Gusmão nian. Ami lamenta katak dokumentu ne’e hetan tratamentu hanesan dokumentu ida-ne’ebé reprezenta pontudevista sira UNMIT nian. Ami mós lamenta kona-ba ofensa ruma ne’ebé dokumentu ne’e hamosu. Ami goza tiha ona relasaun servisu ne’ebé di’ak no kordiál ho Governu Timor-Leste iha tinan barak nia laran. Ami hein atu kontinua hala’o relasaun di’ak hirak-ne’e (Media UNMIT, 19/05/2011)".

Husi Parte PN, Presidente Lasama kancela hotu ona, encontros sira ne'ebe maka sei halao ho UNMIT!