VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

quarta-feira, 25 de maio de 2011

Timor-LESTE iha ona ninia kompania Mina naran Timor Gap, EP

Dili. Timor-Leste oficialmente harii ona ninia Kompania Mina Rai no Gaz nian, ne’ebe ho naran Timor Gap (Gas no Petroleo), ho ninia sigla Timor Gap, EP. Timor Gap, EP, ho finalidades atu iha no jere, ho ninia enquadramentu no prinsipiu ho natureza empresarial, ativus sira propriadade Estadu Timor-Leste nian no sector Petroleo regula ho Lei. Diploma ne’ebe apresenta husi Sekretariu Estadu Rekursus Naturais ba Konseilu Ministru (KM), iha Quarta-feira (25/05/2011).

Timor Gap, EP, ninia atividades empresarial, hala'o iha Onshore ka Offshore, iha laran ka liur husi territoriu nasional, relativus ba pesquisa no produsaun iha upstream inklui prestasaun ba servisu. Timor gap, EP afetua mos empresa foun ne’e oras ne’e dadaun harii. Iha ninia artigu 1, harii Timor Gap, EP.

Iha ninia artigu 2, Timor Gap, EP., nudar empresa publika, hetan tutela husi Sekretaria Estadu Rekursus Naturais (SERN) ka orgaun administrasaun direta estado nian ne’ebe kaer ba tutela mina nian. Mos Timor Gap, EP., tenki alina ho interese estratejika Governu nian konaba Mina. Timor Gap, EP., mos submete ninia relatoriu ba Tribunal Contas ka empresa auditoria externa.

Timor Gap, EP., bele halao operasaun iha estranjeiru ka rai liur, hakerek iha ninia artigu 6, operasaun bele liu husi konsorcium intereses.

Ba dala uluk, capital social husi Timor Gap, EP., simu osan husi Estadu, hanesan fundu ba harii ninia ativus operacionais ho karakter empresarial, liga ba sector empresarial ligadu ba sector petroliferu, husi ninia propriadade, hanesan mos ninia knar ne’ebe refere iha artigu 5, ne’ebe delega ba Timor Gap, EP. Konaba Capital social husi Timor GAP, EP., mos hakerek iha Estatuto Timor GAP, EP., iha artigu 6, osan mai husi Orsamentu Estadu nian.

Tuir Sekretariu Estadu Rekursus Naturais (SERN), Alfredo Pires, katak, "importante Timor-Leste iha ninia kompania petroleo/gaz mesak". Tenik tan, "nudar rai ukun rasik an, buka harii ita nia Empresa Petroleo no gaz, ne'ebe estadu maka jere". Husi fatin seluk, Vice PM Jose Luis Guterres hateten katak "ho harii Timor Gap, EP., hatudu katak ita iha duni, independencia, tamba ita rasik maka aban bai rua jere ita nia riku soin, hanesan Petroleo/Gas".

Fontes:

Suara Timor LoroSae no Jornal Nacional Diario (JND), edisaun Quinta-feira (26/05/2011, pajs. 1 i 15)!

Sem comentários:

Enviar um comentário

Nota: só um membro deste blogue pode publicar um comentário.