VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20110529

Militante PSD Venlale afilia ba PD

Venlale, Baucau. Konsilidasaun PD iha Subd-Distritu Venlale, Distru Baucau, iha loron 28 fulan Maio, iha programa konsolidasaun no tomada de posse ba estrutura foun iha Sub-Distritu Venlale, Distritu Baucau. Tamba PD ninia politika odamatan nakloke ba ema hotu, inkluindu militantes husi Partidus ne’ebe deit atu tama mai hamutuk ho PD, hodi haburas demorkasia husi uma laran, uma knua no komunidade tomak. Tamba ne’e iha biban konsolidasaun ne’ e rasik militante husi PSD ne’ebe mai husi xefis familias hamutuk 86 mai deklara tama ba PD .

Hola parte iha konsolidasaun ne’e estrutura lideransa PD husi Nasional ne’ebe lidera rasik Prezidente PD, Fernando Lasama de Araujo, Vice Prezidente PD, Joao Boavida, Vice Prezidente CPN (Conselho Politico Nacional), Paulo Asis no mos estruturas PD Distritus PD Baucau no sub-distritus Venlale.

Iha biban ne’e Prezidente PD, Fernando Lasama de Araujo, haktuir katak, ”PD ne’e partidu ida naran Partido Dame, neduni odamatan nakloke ba se se maka hakarak tama iha PD, ho hanoin diak ba rai ida ne’e, hanoin diak ba desenvolvimentu, hakarak hametin ukun rasik an, odamatan PD nakloke”.

Hatutan Lasama, ”PD iha ninia lalaok, moris iha tinan sanulu (10) kotuk, hodi diferencia ho partidus no lideres historikus sira, PD hakarak haburas Demokrasia, hametin ukun rasik an, tamba ne’e maka lideransa PD tur hodi hanoin harii PD”.

Tenik tan Lasama de Araujo,” PD moris, atu hametin ita nia lisan, tamba ne’e maka iha logu PD nian, simbolu Lohu Mama fatin, hatudu katak valores demokratiku mai husi ita nia lisan rasik, PD fiar ba ita nia lisan, fiar ba ita nia knua, fiar ba matebian sira, tamba ne’e maka PD firme no fiar lao ona iha tinan sanulu (10) nia laran. Maske mosu tentative oi-oin, PD metin no metin nafatin”.

Partido Democratico, foin moris atu halo tinan sanulu (10), maibe ninia abut metin ba nafatin. PD nudar partidu foun, la iha beban ka obstakulus ruma ho historia nakukun Timor-Leste nian tinan 1974/75, hanesan partidu historikus sira hanesan FRETILIN/UDT. PD la iha lider historikus ruma maka hamutuk hodi harii, PD la iha Xanana, PD la iha Alkatiri, Mari, PD la iha AVo Xavier Amaral no PD la iha Avo Carrascalao, Mario. PD fiar ba nia an, fiar ba ita nia lisan no knua, fiar ba ita nia emar sira, PD fiar ba valores no principius PD nian, lao no lao ba oin nafain!

Fontes: Depinfo PD!

Noticias konaba PD: http://forum-haksesuk.blogspot.com/2011/05/militantes-husi-fretilin-no-psd-afilia.html

Sem comentários:

Enviar um comentário

Nota: só um membro deste blogue pode publicar um comentário.