Konsolidasaun PD iha Sub-Distritu Iliomar mobiliza ema barak

Lautem. Partido Democratico (PD), mos halo konsolidasaun no monta estrutura PD iha sub-Distritu Iliomar, Distritu Lautem, iha Sabado (28/05/2011). Iha konsolidasaun ne'e, PD haklaken no habelar valores PD nian ba populasaun tomak. Mos oportunidade ne'e fo tomada posse ba estrutura PD iha Sukus no aldeias iha sub-Distrito Iliomar, Distrito Lautem.

Tuir Sekretariu Jeral PD, Mariano Assanami Sabino ba Depinfo PD katak, "PD nudar partido nakloke ba ema hotu ne'ebe hakarak desenvolve demokrasia iha rai demokratiku Timor-Leste. Se se maka hakarak moris iha Nasaun demokratiku, nudar povu demokratiku iha sociedade demokratiku, nia fatin maka PD". Hatutan Assanami, "PD ne'ebe maka tane as demorkasia no principiu demokrasia nian maka PD".

Hola parte iha konsolidasaun ne'e, alem Sekretariu Jeral PD, Mariano Assanami Sabino, mos estrutura PD Distritu Lautem no sub-distritu Iliomar.

Partido Democratico, foin moris atu halo tinan sanulu (10), maibe ninia abut metin ba nafatin. PD nudar partidu foun, la iha beban ka obstakulus ruma ho historia nakukun Timor-Leste nian tinan 1974/75, hanesan partidu historikus sira hanesan FRETILIN/UDT. PD la iha lider historikus ruma maka hamutuk hodi harii, PD la iha Xanana, PD la iha Alkatiri, Mari, PD la iha AVo Xavier Amaral no PD la iha AVo Carrascalao, Mario. PD fiar ba nia an, fiar ba ita nia lisan no knua, fiar ba ita nia emar sira, PD fiar ba valores no principius PD nian, lao no lao ba oin nafain! Fonte: Depinfo!