Dili. Forum Hasesuk (FH). Proposta subvensaun publika hatama ba meja Parlamentu Nasional (PN) iha dotasaun OJE2011 aloka osan ba CNE (Comissao Nacional Eliecao), iha proposta no. 84, hatama osan iha kodiku OJE (05-722), ho dotasaun inicial (US$1,000,000.00) ho aditamentu (US$5,500,000.00) no dotasaun final (US$6,500,000.00).
Tuir nota justifikasaun husi preponentes sira katak, ”proposta aditamentu ho montante US$5,500,000.00, ho objektivu atu aloka ba partidu politiku hodi haforsa partidu no haburas demokrasia multipartidarismu ne’ebe qualidade”.
Tuir Lei partidus politikus no.3/2004 no Lei no.6/2008, hakerek konaba rejime juridika ba finansiamentu partidus politikus. Ho dotasaun inicial US$1,000,000.00, Partidus FRETILIN hetan subvensaun publika hamutuk montante iha semester ida hetan $161,538.46 (2x $161,538.46) no partidu CNRT hetan subvensaun publika hamutuk montante semester ida hetan US$138,461.54 (2x US$138,461.54). Ho proposta aditamentu ida ne’e maka pasa, FRETILIN ho CNRT hetan 5x (550 %),hatudu katak partidus FRETILIN ho CNRT,FRETILIN hetan total hetan US$2,100,000.00 no CNRT hetan US$1,800,000.00.
Wainhira koalia konaba kombate ba pobreza, partidus politikus bot no historikus rua (2) ne’e FRETILIN no CNRT konsentra fali sira nia programa kombate pobreza ba partidus fali. Partidus politikus rua ne’e, FRETILIN ho CNRT halo proposta hodi hanoin ona ba eleisaun 2012.
Proposta no. 84 ninia preponentes maka: Deputado Antonino Bianco (FRETILIN), Cecilio Caminhas (CNRT), Riak Leman (PSD), Francisco Araujo (ASDT), Jacob Xavier (PPT).
Sem comentários:
Enviar um comentário
Nota: só um membro deste blogue pode publicar um comentário.