VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

 
 
   

sexta-feira, 21 de janeiro de 2011

OJE2011: oposisaun kolobora iha especialidade, fiar katak kolobora sei nafatin to'o votasaun final global

Dili. Forum Haksesuk (FH). Iha debate OJE2011 Oposisaun Maioria Parlamentar (OMP), hare iha mudansas iha sentidu no orientasaun votus. OMP/FRETILIN kolabora iha debate no dala balun mos vota favor no parte husi AMP mos kolabora hodi vota favor ba propostas balun husi OMP/FRETILIN. Hare dinamika ida ne'e, Presidente Parlamento Nasional (PN) Fernando Lasama de Araujo, liu husi debate OJE especialidade iha sexta-feira (21/01/2010), haktuir dehan, "hein katak kolaborasaun husi OMP/FRETILIN nafatin to'o fim, votasaun global final ba OJE2011, hanesan debate to'o agora".

Iha debates OJE2011 especialidade, husi parte OMP/FRETILIN, hatudu ninia koloborasaun ba debates, liu husi aceita justifikasaun husi parte governu ba sira nia proposta hodi retira. Mos husi parte AMP, dala balu mos vota ba proposta husi OMP/FRETILIN.

Hare ba ida ne'e hanesan dinamika ida ne'e, iha hanoin oi-oin, balun dehan anticipasaun ba eleisaun ba 2012, balun fali dehan OMP/FRETILIN lakohi pasa mensajem katak sira kontra desenvolvimentu. Tuir Deputado Mateus de Jesus, ex-PUN, iha deklarasaun votus ba OJE2011 jeneralidade katak, "kontra OJE2011, siknifika katak hamate povo ninia moris" (FH, 14/01/2010). Iha votasaun OJE2011 ba jeneralidade OMP/FRETILIN vota Kontra ho total votus 21, Favor 43 votus no Abstensaun votu 1 husi partidu Kota.

Sem comentários:

Enviar um comentário

Nota: só um membro deste blogue pode publicar um comentário.