Fundus importante tebes, dehan Deputada Fernanda Borges

Dili. Forum Haksesuk (FH). Fundus importante, tamba preciza duni infrenta problemas infra-estruturas iha rai laran, neduni buka duni iha fundus hodi ajuda, deklara Deputada Fernanda Borges, husi bankada PUN.

“Precisa mos fundus ba kapital humanu, tamba importante tebes ba desenvolvimentu”, defende Fernanda Borges, Prezidente PUN.

Iha biban hanesan, deputada Fernanda Borges koalia konaba OJE2011 ne’ebe fahe ba rua (2), Orcamento korente no Fundus, buka kontrola didiak maka gastos iha Governu, liliu mina, manutensaun ne’ebe gastas miloens barak liu”, argument Deputada Fernanda Borges.

Iha editorial Forum Haksesuk (13/01/2011) koalia konaba ”Harii Fundus rua ne'e, nebe konsidera legal no konstitucional”. Argumenta editorial FH katak, ”Lei ne'e rasik aprova husi Parlamento Nasional (PN), promulga husi Presidente da República (PR), publika iha Jornal da República (JR) no tama ona iha vigor desde Outobro 2009. Iha tinan ida ho resin ona maka Tribunal la detekta inkonstitucionalidade konaba ba Lei Jestaun Financeira ne´e rasik. Oinsa maka deputadus sira bele kontra fali Lei ne´ebe sira rasik maka aprova. Governo halao deit buat ne´ebe maka Lei haruka hodi loke dalan ba harii Fundus rua ne´e. Governu kumpri ninia knar ne´ebe tuir sistema ne´ebe vigora iha RDTL, Parlamento maka lejisla, Governu nudar exekutivu exekuta."

Editorial kestiona entaun, "Ninia ilegalidade ne´e iha ne´ebe? Karik deputadus sira husi OMP (Oposisaun Maioria Parlamentares) keta iha ona parecer juridikus ruma husi Profesores Direitu Konstitucional ruma nian, ne´ebe detekta ona inkonstitucionalidade konaba Lei Jestaun Financeira karik." Ba ne'e, FH fo hanoin hikas katak "Tribunal iha tinan ida ho resin la detekta tamba la iha kontraria ho Lei Inan RDTL nian".

Iha rubrika editorial FH mos observa katak "

Iha debate ne´e, hatudu deit katak deputadus sira hakarak aproveita tempo antena, transmisaun direkta debates OJE2011 liu husi TVTL ho RTL hodi halao kampanye no marka pontus. Maibe sira haluha tiha katak substansia husi harii fundus ne'e maka oinsa estado ninia dever konstitucional hodi halao objektivu final maka moris diak ba povo, desenvolvimentu no progresso ba nasaun tuir ispiritu Lei Inan RDTL nian. Tamba ne´e, Governu hanoin diak hodi harii Fundus rua (2) ne'e, Fundus Infra-Estrutura (FE) no Fundos Desenvolvimento Capital Humano (FDCH), nebe de faktu Legal no Konstitucional hela!"