Deputada Estanislau da Silva dun Bibi Malae, AMP dehan falta etika no diplomacia iha lia fuan

Dili. Forum Haksesuk (FH). Deputado husi bankada Partidu FRETILIN, Estanislau da Silva, dehan katak “deputado AMP mesak Bibi Malae, tamba kontra sira nia propostas husi partidu FRETILIN”. Reasaun ba afirmasaun ne’ebe ladun edukativu no diplomatiku, husi bankada AMP la simu.

Tuir Deputado Aderito Hugo, CNRT, ”ami a favor ba proposta ne’ebe iha razaun forte, justikativo, maibe kontra ba proposta ne’ebe la iha justifikasaun, inventa tun sa'e no finji la hatene realidade”.

Husi Rui Mineses hateten katak, ”proposta ne’ebe la razoavel no laiha iha justifikasuan forte, desde inicio sempre kontra”. Hatutan Rui Meneses, ”deputado buka mos exemplo ba povo tomak, buka sukat ita nia lia fuan iha deklarasaun, sempre buka iha etika no diplomasia iha koalia”, defende Rui Meneses, husi PD.

Deputado Riak Leman, PSD, afirma, ”hau AMP vota AMP, proposta mai hatun AMP hau vota kontra”.

Se maka Bibi Malae, sira ne'ebe maka explika husi governu bebeik, husi komisaun to'o haksesuk jeneralidade OJE2011, maibe la komprende nafatin ka finji nafatin ne'e maka Bibe Malae.

OJE2011 ba MAEOT aprovado ho votos maioria, favor 37, kontra 7 no abstensan 13!