Lideransa no Pontus Fragilidade

(Kepemimpinan dan Titik-Titik Kerapuhan)

Husi )* Raimundo Oqui

“Tulisan ne’e nudar reflesaun pessoal”

Ita ida-idak iha pontus fragilidade (titik-titik kerapuhan). Ho pontu fraku ne’e dala ruma impede ita atu, halo buat diak ba interese komun. Modelu ka tipu serbisu pontu fragilidade iha ita nia a’an la’o neneik tebes. La bele detekta. Pur ijemplu, ita persija intimidade (need for intimacy). Loron-loron ita persija aproximasaun ka hakbesik a’an ho ema seluk. Ita persija domin, persija ema seluk hadomi ita no persija mos atu expressa ita nia domin. Maibe, sei ita moris atu buka deit intimidade (keintiman), nia sei sai kasador (pemburu kehangatan) ba nia a’an rasik. Nia konsentra a’an deit ba nia a’an rasik. Ijemplu seluk; nesesidade ba rekoñesementu (need for recognition).

Nessesidade ba Rekoñesementu

Karakteristiku ema hanesan ne’e nunka halo erru ka buat a’at. Sempre halo buat ne’ebe furak. Nia la bele halo buat diak kuandu la hetan rekoñesementu husi ema seluk. Maibe, nia so bele halo buat diak hodi hetan rekoñesementu husi ema seluk katak ema ne’e diak tebes. Ida ne’e maka motivasaun bajiku ne’ebe halo nia la hanoin hetan to’o haluha a’an. Klaru liu tan kuandu ema la fo parabens (selamat) no elojia (pujian). Kuandu la hetan susesu eh la konsege realiza mehi ne’ebe nia iha, nia sei hirus, agitado (gelisah) no ikus liu fo sala ba nia a’an rasik. Ne’eduni nia sei la hakmatek wainhira hetan kritikas husi parte seluk. Nia la iha kbi’it ona hodi enfrenta ideas ne’ebe kontra nia ho rajaun sira iha leten katak nia so bele halo buat hodi hetan rekoñesementu no avaliasaun husi parte balun.

Modelu ema hanesan ne’e, ninia dignidade determina husi rekoñesementu (pujian) no avaliasaun (penilaian) husi ema seluk. Ida ne’e diferente tebes ho ema sira ne’ebe halo buat diak tanba nia iha intensaun diak atu fahe riku soin ne’ebe nia iha ba ema seluk. Maske la hetan rekoñesementu no avaliasaun husi ema seluk ba buat diak ne’ebe nia halo, maibe nia nafatin kontente. Nomos nia nafatin sente hakmatek wainhira hetan kritikas husi ema seluk.

Papel Konsellu (counseling)

Objetivu fundamental husi konsellu maka atu tane a’as valor iguladade (persamaan), maske nia ema kiak, ema riku, ema aleijadu, matan delek, ain a’at, tilun diuk, bonita, oin a’at, matenek, ignoransia (beik ten), isin metan ka mutin. Alem de ida ne’e objetivu seluk husi konselu ka diresaun spiritual (spiritual direction) maka atu ajuda ba malu hodi sai imajen ida ho Maromak atu bele sai ema ne’ebe livre no moris ho hakmatek atu nune’e bele iha kbit hodi hadomi, iha kbit hodi servi Maromak no ema seluk ne’ebe persija ita nia tulun. Iha prosesu konsellu, discernimento (roh) mos importante tebes.

Loron-loron ita konfrontadu (diperhadapkan) husi experiensia, komprensaun (pemahaman), avaliasaun (penilaian) no desijaun. Dala ruma difikulta ita atu hanoin no halo avaliasaun. Foti desijaun no rona seluk nia lian. Ita la bele rona idea seluk, tanba ita ida-idak taka metin husi Pontus fragilidade. Pontus fragilidade ne’e dala ruma halo ita sai ema ne’ebe livre no hatene a’an. Diresaun konsellu (counseling) ajuda tebes hodi habelar ka expander (memperluas) ita nia area konsiensia no haklot ka estreitas (mempersempit) area inkonsiente nune’e ita iha kbi’it no livre hodi hili moris ne’ebe diak. Signifika moris verdade nian.

Ita ema nakonu ho paixaun no mehi. Maibe, paixaun no mehi ne’e kahur malu deit iha ita nia isin lolon ne’ebe nakonu ho buat falsu no verdadeiru. Peregrines (peziarah) entre false self no true self persija sakrifisiu no sofrimentu. Atu sai ema fragil no ema beik (fool) iha evanjelu Jesus katak “ Ema ruma hakarak tuir Hau karik, nia sei hewai (menyangkal diri) nia a’an rasik, sei lori nia krus hodi tuir Hau. Tan ema ne’ebe hakarak soi nia moris, sei lakon moris ne’e; maibe ema ne’ebe lakon nia moris tanba Hau, nia sei hetan fali” (Mat, 16:24-25).

Ita dala barak hadok aán husi assuntu neé tanba tauk, moe no lakon dignidade. Ita hili hodi sai ema neébe iha kbiít, diak, bonitu-bonita. Maibe, iha tendensia hirak neé nia kotuk, iha ema ne’ebe acorrentado (terbelenggu) husi nessesidade tirania ba ema seluk nia hakarak. No imajen/sombra (bayangan) ne’ebe laos saudavel.

Tuir perspektiva hakerek nain katak poder Jesus Nian maka nudar kapasidade ne’ebe atu sai fragil no beik. Jesus la taka Ninia beik no fragilidade. Ida ne’e maka Jesus Nia poder hodi simu no sai belun diak ho fragilidade. Diskusaun kona ba fragilidade sempre lori moris nomos oferese kbi’it ba ema seluk hodi koko tan (try again). Signifika, sira kontinua halo esforsu hodi hetan rezultadu ne’ebe diak. Iha indakasaun lobuk ida hodi determina lideransa ida ne’ebe ho kapasidade professional. Atu sai lideransa ne’ebe professional, laos bazeia ba level edukasaun, matenek, koñesidu, maibe oinsa nia bele simu ninia pontu fraku iha nia moris loron-loron. Ita prefere liu koalia makas kona ba ita nia sussesu do que ita nia pontu fraku. Ita hotu halo kompetisaun hodi sai ema ne’ebe diak, famous no inteligente, maibe ita fraku tebes atu simu ita nia nomos sai amizade ho ita nia pontu fraku.

Pontu Fraku Lideransa Ohin Loron

Pontu fraku lideransa mundu ohin loron maka haluha a’an, sente bo’ot liu ema hotu, la kohi simu ema seluk nia idea nomos fraku tebes atu simu ka rekoñese ninia pontu fraku. Lideransa ho antusiasmu sekularizmu no sekularizasaun (semangat sekularisme dan sekularisasi), kuaze la koñese aspetu ida, katak ninia lideransa kontroladu husi lideransan ida ne’ebe a’as liu nia. Lideransa a’as liu maka Maromak rasik. Papel ita nian iha tempu ohin loron determina husi se? Los duni iha moris loron-loron nian, kuaze la hetan eh la hare se maka lidera se? The invisible hand husi kapitalizmu no sosializmu? Merkadu livre? Ita sente dala ruma la iha kapasidade ka forsa atu hare oinsa misaun Maromak iha istoria. Sorte bo’ot ba ema fiar nain sira, katak iha evangelu Maromak nian maka fo ita moris nomos dalan atu oinsa bele moris iha mundu ne’e. Ita nia lideransa maka evangelu ne’ebe maka ita halo reflesaun ho analitiku nomos bele husik ita husi mitos-mitos religius ne’ebe maka demais liu. Frakeza leaderansa mundu sekular ne’e, sira sente, katak sira maka troka Maromak. Depois sira kontinua halo valor moris ne’e sai hotu falsu iha mundu agora. Frakeza seluk husi lideransa ohin loron maka fiar ba nia a’an rasik katak nia maka bo’ot liu ema hotu.

Koñese A’an Nudar Ponte ba Lideransa Profissional

“koñese o nia a’an”. Koñese o nia a’an nudar konselu ne’ebe diak. Komprende ka koñese ita nia a’an laos analiza a’an. Extensionista ida la bele sobu no monta makina kareta wainhira seidauk identifika ninia kondisaun. Ás vezes ita hakarak koñese ita nia a’an rasik hanesan makina kareta ne’ebe bele sobu no monta fali tuir ita nia hakarak. Iha tempu ne’ebe ita enfrenta situasaun kriji, bele ajuda ita, kuandu ita hakarak investiga didiak kauza husi situasaun ne’ebe lori ita ba kriji. Maibe, ida ne’e sei la sai realidade wainhira ita hanoin katak ita iha kapasidade hodi koñese a’an tomak nomos esplika ita nia valor moris ba ema seluk.

Silensium, orasaun nudar dalan diak ba ita hodi koñese ita nia a’an rasik.Silensium no orasaun maka dalan uniku hodi koñese a’an. Silensium no orasaun maka bele lori ita ba Maromak Nia fatin, ita nia fuan santu. Liu husi silensium no orasaun maka bele analiza ita nia a’an tomak katak “Hau Ne’e Se?”, “Who Am I?”, Quem Sou Eu”?.

Antes hakotu hanoin badak ne’e, hakerek nain hakarak hatete katak atu sai lideransa professional maka lideransa ne’ebe rekoñese ninia pontu fraku, ignoransia no koñese nia a’an tomak. Nia honestu ba nia a’an rasik, nia koñese nia a’an tomak iha moris loron-loron nian tantu ho ema seluk no Maromak rasik. Lideransa professional maka lideransa ida ne’ebe hakarak fahe nia riku soin nomos fahe ninia pontu fraku hodi halo kontente ema seluk atu nune’e bele moris iha paz, domin no fraternidade nia laran.

) *Hakerek nain eis jornalista STL

Oki98@ymail.com, roqui@lusa.pt, mundussabenoki@gmail.com, ID Face Book, oki mundus oki