Natalino dos Santos, CNRT vs Ana Pessoa pinto,PJR (parte2)

Natalino dos Santos, CNRT vs Ana Pessoa pinto, PJR (parte2)

Jornais sira iha tersa-feira (19/10/2010),liliu jornais Timor Post, STL no JND, kontinua fo destake ba noticias ho baze ba fontes deklarasaun politika Partidu CNRT, liu husi Deputadu Natalino dos Santos,kontinua denuncia konaba pratika korupsaun,ma-administrasaun no halo riku an la tuir dalan los (inrequecimento ilicitio), ne’ebe envolve aktual Prokuradora Jeral Republika (PJR), Dra. Ana Pessoa Pinto.

Timor Post (TP), uniku jornal ne’ebe maka ohin tau iha destake ho titulu bot konaba deklarasaun politika husi bankada Partidu CNRT, liu husi Natalino dos Santos, hakerek TP,” CNRT deskonfia governo anterior subar faktus…”. Hakerek tan TP,” Fulan ida ne’e Timor-leste, marka istoria foun, no naroman atu fo konfiansa ba povo rai ida ne’e, atu responde fenomena social, nebe halo trauma povo, lia fuan ou hahalok korupsaun, que durante ne’e subar hela iha ukun nain sira nia let, no justisa só ba ema kiik deit ( justica sem equilibrio)”.

Hakerek tan TP katak, “Maibe ho Kaso Dr. Jose Luis no Dr. Zakarias nian loke dalan foun ba justisa, hodi garante povo nia konfiansa, (maibe ita kaer nafatin Azas Praduga tak bersalah ka perjunccao de inocencia)”.

TP mos foti dadus ne’ebe maka CNRT ninia denuncia konaba kasu korupsaun ne’ebe envolve governu anterior,” Ho nune hau hakarak fo lembra fila fali ba Makaer Justisa sira hodi tetu no hare fila fali kaso anterior iha Ministerio Estatal no Ministerio Planeamentu no Finansas nian nebe’e que usa osan la tuir regras normal kontra Lei (abuso ba poder)”.

“Proceso Sosa Geradour 52 unidade iha tinan 2006, iha Ministerio Estatal no Ministerio Planeamentu no Financas Governor anterior nia tempo, nebe’e usa osan povo nian la tuir procedemento legal aprovisionamento centralisado”.

Hakeret tan TP, “Iha procesu ne Ministerio Estatal ho Ministerio Planeamentu no Financas la halo tuir procedemento legal, tuir lei apovisionamento nebe mak estabelece, maibe Ministra estatal ho Ministerio Planeamentu no Finansas, la halo Tender maibe halo single Source/Indika deit Companhia DIGITAL PRINTER maka hetan projekto ne’e”.

“Aat Liu tan Kompania nebe’e maka hetan Single Source, no iha proceso ne’e iha espekulasaun ba preco ka folin/manipulasaun preco per unidade lolos ho folin $. 800, maibe sira hasae preso ka foli to’o $ 3.200/ Unidade”.

Jornal STL, fo destake iha pajina oin konaba asuntu hanesan maibe ho titulu,”PJR koncentra procesa kazu korupsaun…”. STL cita ba Deputadu Natalino dos Santos, CNRT,”Deputadu ne’e husu ba PJR atu servisuho inparcialidade no independente hodi la bele defende deit interese grupu ka partidu ruma. Tamba, iha ona kazu balun ne’ebe PDHJ rekomenda ba PJR, maibe to’o ohin loron la iha kontinuasaun”. Kontinua hakerek STL,”labele halo justisa ne’e ba ema seluk deit ka rival politiku deit”.

Jornal nacional Diario (JND), hakerek ho titulu iha pajina klaran,” Kazu José Luis Guterres no Zacarias Albano da Costa, Garante konfiansa povu ba Justisa”. Hakerek JND,” Maibe ho Kaso Dr. Jose Luis no Dr. Zakarias ne’ebe tama ona iha Tribunal ne’e, nian loke dalan foun ba justisa, hodi garante povo nia konfiansa”.

Kazu José Luis Guterres no Zacarias Albano da Costa, kontinua sai hanesan destake ba publikasaun Forum Haksesuk iha ninia edisaun online (19/10/2010), ho titulu,” Sosa Jerador, Iha Indikasaun Korupsaun, Administrasaun Ladiak no Halo Riku-an Iha Ministeriu Estatal, Ana Pessoa Nia Ukun “.

FH Dili!