Deklarasaun Presidente Jose Ramos Horta, hatan ba Dr. Rui Araujo

Alberto Reis Maklear alias Makikit Lemorai*

Cita Dr. Rui Araujo, in FB: ”Enrikesimentu ilisitu no abuzu poder, ka kazu ''umanitáriu''? Benvindu ba Estadu de Direitu ida naran RDTL, ne'ebé iha Prezidente ida Umanista tebes.”.

1. Sr. Dr. kala defende estado-demokratiku, ne´ebe maka kontra rasik principius fundamentais ida naran… ”Praduga tak bersalah”. Dala ruma demokrasia ne´ebe maka Sr. Dr. hakarak karik no kamaradas sira ninia mehi wainhira fila ba kaer ukun iha 2012.

2. Sr. Dr. Konvencidu, karik fiar an los katak sira ne´ebe procesu husi PGR ba Tribunal ne´e final ona karik. Hatene ona bocoran ruma husi Kamarada sira iha Tribunal Distrital Dili, tamba procesu to´o sira nia liman, sentenca ka tuntutan tinan hira ne´e Dr. ho kamaradas sira hatene hotu ona tamba emvez tribunal maka decide sentenca tinan hira maibe sentenca decide ona iha Farol ne´eba (residencia camarada Mari Alkatiri) nian.

3. Sr. Dr. mos ninia fiar an hatudu katak sentensa ka tuntutan ne´e hatene ona, sira atu hetan kadeia tinan hira. Sr. Dr. rasik katak akusasaun ne´ebe maka arguidus sira hetan la iha bantahan ka defesa nian konaba akusasaun rasik. Sr. Dr. mos tuir lolos uluk nudar VPM iha II i III Governo Konstitucional, buka kestiona tamba sa maka: PM iha II Governo Konstitucional ne´e koalia nune? Keta nia mos konsciente ka hatene procesu hahu husi ne´ebe karik? Sr. Dr. mos hatene katak PM III no MNE Adalzija Magno mos konsciente ka hatene kasu ne´e karik?

4. Sr. Dr. mos kala defende sistema ida ne´ebe PGR nudar Ministeriu Publiku bele halao fali knar Tribunal nian,tamba notifikasaun ba akusadus bele mos mai husi PGR ka? Ka PGR nudar MP bele halo duplo knar, investiga no avalia procesu karik… dala ruma mehi ba Republika demokratiku no estado demokratiku ne´ebe maka «trasa husi grupu retiru Maubisse» ba futuru Timor-Leste póst-lideransa katuas sira karik….

5. Sr. Dr. rasik fiar katak kodikus ne´ebe maka MP uja hodi kondena, Kodiku Procesu Penal (KPP)Timor-Leste nian ka uja Lei subsidiaria maka nudar fundamenta akusasaun. Dr. mos bele husu tok ba kamarada Ana Pessoa tamba sa maka nia adianta husu ba PM atu suspende imediata ninia membrus governus sira ne´ebe maka procesu ba tribunal ne´e karik. Dra.Ana Pessoa ema ne´ebe maka hatene Lei ka fundamenta Lei, tuir lolos lalika husu ba PM konaba suspensaun imidiatu ba membrus governus sira,ita nia camarada Ana Pessoa ne´e hatene katak ninia aktus ne´e kometes erros ka finji la hatene, hakarak tau hela kadeira roda3 ba PM…. PM hatene bé haruka kedan karta ba PN, husu aprecisaun husi PM baseia ba artigu 113º Konstituisaun RDTL…..

Molok hau taka hau nia lian hatan ba ita, hakarak koloka lian litik ruma tuir mai ne´e:

1. Sr. Dr., tamba sa maka PM iha II Governo Konstitucional la tama iha lista akusadus, minimu ba ható depoimentu, tamba sa?

2. Sr. Dr., mos hau husu tamba sa, maka sra. Adalzija Magno, nudar Vice MNE, ne´ebe hatun despacho konaba kontratu sra. Ana Valeri nian, la tama iha lista akusadus, tamba sa?

3. Sr. Dr., mos hau husu ba, tamba sa maka Sra. Ana Pessoa,nudar membro ativu CCF hamutuk ho Kamarada Mari Alkatiri, hetan acesu ba dokumentus husi Adalzija Magno no Estanislau da Silva, elabora hamutuk testu hodi kesar PDHJ. Dokumentus sira bé haruka ba ne´e, haruka kompletus ka haruka maka balun deit, exemplo: kontratu ne´ebe maka Adalzija Magno asina la inklui iha dokumentus sira ne´ebe maka hato ba PDHJ.

4. Sr. Dr., hau mos husu, se Sra. Ana Pessoa maka aktor ba queisa ba PDHJ. Se Sra. Ana Pessoa maka kaer PGR, iha ka lae konflitus interesse?

5. Sr. Dr., hau mos, husu, PM iha III, kamarada Estanislau da Silva, wainhira kaer knar nudar PM, hasae José Luis Guterres nudar MNE, Kamarada Adalzija Magno maka troka. Tamba sa maka: hasai José Luis Guterres husi nia kargu maibe husik hela kasu neia fen, tamba procesu kontinua atu nune bele aproveita iha futuru karik?

6. Sr. Dr., hatene iha biban ne´eba planu atu aproveita kasu Sra. Ana Valeri nian, iha Governo ne´ebe maka Sr. hola parte. Sr. Dr. hatene maibe nonok, se maka nonok konsciente, mos sala ka lae?

Hein resposta…..

*Nudar Aileba!