VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

terça-feira, 28 de setembro de 2010

Komentari ba Mahein nia Investigasi

1) Media Mahein nia ne Timor nia ga Indonesia nian? Tanba hakerek ho Bahasa Indonesia, laos lian ofisial Timor-Leste nian.


2) Dehan bispu Belo halo probaganda liu hosi media hodi hatun Indonesia? Ida ne defende interesi Timor nian ka defende interesi Indonesia nian? Ida ne la'os insultu ba veteranus deit, maibe insultu ba povu Timor tomak no Igreja Timor, tanba dehan bispu Belo halo probaganda. Tanba propaganda bele mos identik ho bosok. Ne'e signifika bispu Belo ho Resistensia tomak uluk bosok. Mahein hakarak dehan Indonesia uluk la halo genocid hasoru Timor oan sira. Mahein hakarak dehan Indonesia uluk halo diak ba Timor oan sira. Buat sira bispu Belo ho rezistensia fo sai ba mundu mesak bosok hotu.


3) Investigas Mahein nian ne hanesan fali probaganda ida. Nusa maka nia lakoalia mos konaba media seluk, maibe hasoru los deit STL? Maibe Mahein haluha katak media sira seluk mos barak halo konfuse hanesan maibe sira la investigasi ida. At liu tan bolu jornalista hosi jornal seluk hodi ba ataka jornal seluk ne mos laos education nebe diak.


4) Mahein ninia kuinesimentu konaba ba monopolio mos la loos. Monopolio ne hanesan Timor Telkom halo ne tanba regula ho lei ka akordus. Atu kompania ida mosu tan tenki iha autorizasaun hosi Governu no Timor Telkom. Governu la hasai lei ruma atu fo ba STL hodi halo monopoli hanesan fo ba Timor Telkom. Se Timor Post, Diario Semanal, Tempo Semanal ho selukseluk tan hakarak kompete ho STL sira mosbele hari TV ho radio. Ema ruma la bandu. La iha lei ruma maka bandu ida ne'e.


5) Mahein dehan sira mak defende estabilidadi, maibe ho sira nia publikasi ne hodi kria tan deit instabilidade. Tanba ahi nebe mate ona, Mahein ba rega tan gazolina ba leten.


6) Los STL dala barak halo publikasaun la ho kuidadu, maibe ne laos STL mesak, media sira seluk mos hanesan. Atu hakarak hadia media iha Timor nia servisu, tenki koalia konaba media hotuhotu, la'os hili ida.


7) Akuzasaun Ramos Horta nia ba STL dehan hetan finansimentu hosi KOPASUS ho seluseluk mos la hatudu evidensia ruma. Mahein dehan media sira seluk la iha jornalista investigatidor. Se Mahein iha ona, Mahein investiga ona no hetan duni STL hetan finansimentu hosi KOPASUS? Se la iha evidensia, signifika Mahein rasik mos bosok povu liu hosi afirmasaun falsu.

*) Abrao Sakunar

Sem comentários:

Enviar um comentário

Nota: só um membro deste blogue pode publicar um comentário.