VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20100801

Sosialiazasaun Plano Estrategiku Desenvolvimento Nasional (PEDN) halo Dr.Alkatiri –Nakadoko makas

----------------------------------------------------------------------
Husi )* Vicente Maubocy (Observador politico)
----------------------------------------------------------------------

SUMARIO

Primeiro Ministro Xanana halao namanas desiminasaun + konsulta popular ba 64 sub-Distritos iha territorio nacional kona ba PEDN 2011-30 hahu Distritos 3 husi Leste, depois ba centro Norte, Norte Oest no remata iha Sul Oeste.

Oras ne dadaun, PM Xanana halo visita iha Distrito Ermera, depois Maliana, Suai, Likisa, Oekusi no remata iha Dili.

Transmisaun husi TVTL hatudo animosidade no kontentamento bot husi populasaun, autoriedades lokais, Administradores sub-Distritos no Distritos tanba plano estrategico fo resposta ba:
  • 1. Polpolusaun sira nia nesesidades hanesan estradas, be mos, eletrisidade, eskolas, postos de klinikas, ekipamento ba agricultura atu fasilita povo atu hetan moris ida ho standard diak. Iha fatin balu populasaun hatoo mos keizas ba distribuisaun foz, projetos Pakote Referendu nebe halo ladiak etc.

    2. Ba autoridades –chefes dos Sukos + administrores sub-Distritos + Distritos PM Xanana delega poderes de administrasaun no fiskalizasaun ba projectos ho valores husi $ 250 000 mai kraik.
ANALISE

Ho sosializasaun de PEDN, halo Dr.Alkatiri no nia lakaios sira nia expetativa ka mehi ba 2012 hetan votos barak atu aumenta kadeiras iha Parlamento ho objetivo atu manang eleisaun 2012, parese nama-lele deit hanesan mehi, no difisil atu sai realidade.

Esperansa transforma ba dezespero ka frustrasaun tanba - povo tomak sente kontenti ho plano nebe Xanana ho power point aprezenta diretamente atu povo hare kedas ho matan rasik no konsciente katak plano nebe Xanana hakarak implementa liu duni dalan ida nebe iha logika no obedece duni mekanismos realisticos.

Xanana ho sosializasaun PEDN, iha oportunidade atu hare rasik ho matan, no sente impresaun direta – resultado de desenvolvimento fisiku iha areas de edukasaun, saude, infraestruturas, no obras husi ministerios seluk-seluk tan, buka hatene mos makina de administrasaun publika funsiona – diak, ka, la –diak.

Ho interiorizasaun, defisiensias no frakezas nebe akontese iha terreno, PM buka atu komprende substacias problemas, hodi nune, buka medidas, ka estrategias atu halo koresaun no buka solusaun ida definitiva ba tinan –tinan oin-mai.

Ho deslokasaun ida ne ba baze, PM Xanana buka atu hatene ka sukat governasaun 3 tolu AMP nian nebe nia rasik dirigi, povo hetan ona benefisios balu husi governasaun atual ka lae, nivel pobreza reduz balu ona ka, ou aumenta bot liu tan.

PM Xanana mos buka atu rona komentarios + keixas kona ba ezekusaun programas de servisus husi linhas ministeriais oi-oin lao diak ka lae. Buka mos hatene ministerios nebe servisu diak, ida nebe la dun diak no hirak nebe at liu. Ho via kontacto directu ho resipientes programas no projetus governo nian , PM, bele halo balansu nia governasaun iha areas oi-oin durante tinan 3 nia laran.

PM nia sosializasaun iha tripuloobjetivu
  • 1. Fo explikasaun detalhado plano estrategico tuir prioridades atu populasaun hatene no familiariza saida maka governo pretende atu transforma moris povo nia iha aspetu: ekonomiko, politico e social ba prosperiedade povo nian too 2030.

    2. Segundo PM halo mos exercicio de “ cross check “ ou evaluasaun “ outputs governasaun tinan tolu nian, ba areas oi-oin, alem de buka kolesaun de dados ba projectos nebe vitais atu halo alokasaun orsamental ba anos fiscais 2011 no 2012.

    Exersisio de evaluasaun ne, PM Xanana aprofunda diak liu tan nia konhesimento ba nesesidades vitais de cada sub-Distritos hodi nune buka estrategias de solusaun.

    3. Iha aspetu politico liu-liu iha Distritu tolu Leste nebe CNRT hetan votos menos iha 2007, Xanana buka sukat nia reputasaun no aceitasaun husi populasaun katak tinan 3 de governasaun Xanana konsegue duni halo buat barak liu do ke Mari iha tinan 5 nia laran ka lae.
INDIKADORES

Partisipasaun maxima iha kada su-Distrito ba resepsaun PM Xanana, populasaun sira ho boa vontade no pasiencia rona explikasaun no klarifikasain em detalhes PEDN durante horas 4 iha sesaun visual no horas 3 komentarios husi chefe sukus sira, hatudo katak Xanana kapta simpatia no konfiansa povo nian bot liu tan, no relasaun povo ho Xanana alicerce de konfiansaa politica Xanana atu liberta povo husi kiak no mukit hetan “ abut metin no klean”

Iha kada sub-Distrito Xanana husik hela “memorias “ ba Povo katak nia iha duni preokupasaun no komitimento forte atu “liberta” Povo husi pobreza too 2030. Iha lian fuan badak ita hotu bele halo konklusaun katak Xanana husi 1981 -1999 hanesan “ kondutor “ resistensia armada ba libertasaun da Patria .

Husi era post Independencia 2007 mai oin Xanana nudar PM ho nia Plano Estrategiko Desenvolvimento Nasional 2011-2030 Xanana sai hanesan “libertador da pobreza” Povo Maubere husi kiak no mukit.

Conteudo liberta pobreza husi PEDN

La iha duvida, sucesso desenvolvimento, depende liu-liu ba kualidade de rekurssos humanos. Nune substancia PEDN focus ba aspectos chaves hat:

1) Kapasita Timor oan husi aldeias to cidade liu husi sistema edukasaun ida ho kualidade husi nivel basiko to superior, formasaun vokasional ho nivel internasional atu technikos Timorenses bele kompete iha merkado internasional no akompanha ho treinamento atu bele fo kbit, skill no konhesimento apropriado atu responde nesesidades internas nasaun nian, atu labele importa mão de obra kualifikada husi liur.

Ho kualifikasaun nivel techniko ida professional Timor oan bele servisu iha nebe deit presiza, ho salario standard internasional.

2) PDEN husi aspeto desenvolvimento hare liu ba areas vitais infra-estruturas basikas atu sai lokomotiva atu atrai investimento no aselera desenvolvimento ekonomiko liu husi inter-ligasasaun ida integrada husi: estradas, eletricidadade, be mos, sewerage treatment, telekomunikasaun nivel territorio tomak.

3) PEDN mos hare issue emprgo ba Timor oan. Kestaun dezemprezo, oras ne da-daun, iha nivel ida as tebe-tebes. Maibe ho instrumentos moacro-economic policy hanesan investimento publiko + insentivos ba setor privado atu investe + hari banko Desenvolvimento Nasional, + Setor Privado nasional ida robusto ho parseria governo, iha tempo badak bele resolve ona problema de dezemprego iha railaran.

Timor Leste iha potensia bot husi Oil & Gas, Turismo, Argro-industry atu bele loke kampus de emprego barak ba Timor oan. Desafios ke koloka formasaun technika professional kompetente atu responde merkado nia nesessidade.

4) PDEN hare mos ba instituisaun estado nian nebe sei fragil hela, nebe presiza kapasitasaun ida urgent atu governo dispoen de servisus adekuados ba publiko no hetan konfiansa ba investors sira husi liur atu garante sira nia investimento ba tempo naruk.

Reasaun feroz Alkatiri no lakaios

PDEN – halo Dr.Alkatiri ho nia lakaios sira frustrado, dezesperado, irritado tanba base de apoio husi sector Leste nakafera totalmente. Embora Dr. Alkatiri halo planos no estrategias oi-oin, hodi haruka mano ain sira, ba ho antesendensia sub-Distritos, nebe Xanana halo visita ho instrusoens bando militantes sira atu mai simu Xanana, militantes sira la importa, mai nafatin atu rona Xanana nia explikasaun kona ba PDEN nebe iha relasaun direta ho povo sira nia moris.

Alkatiri ho nia komitiva mos prepara ka fabrika perguntas kroat balu ho objectivu - atu hatun Xanana nia reputasaun iha - publiko. Maibe Xanana ho kalma, prudensia no inteligencia, responde asertadamente duvidas nebe husu hodi hetan respostas konvensivas.

Perguntas nebe team arkitetos sira elabora husi Dili, la iha impacto direto ba benefisios Dr.Alkatiri ho nia akolitos sira husi Dili. Sira nebe hetan mandatu atu husu mos sente triste no deskontentamento bot, tanba substansia la iha, no karater perguntas sira halai sai husi kontexto interesse nasional.

Ho estrategia perguntas “titipan” ba iha sub-Distritos nebe la hetan minimo resultado, porta voz Dr. Mari nian Eng.Estanislau da Silva husi jornal STL no Timor Post dia 26 de Maio, husu ba Xanana atu para ona halo sosializasaun PDEN. Tanba sira konsiente katak povo tomak la rona no fiar ona Mari Alkatiri ho nia lakaios sira.

Base nebe fundamenta povo lakon ona simpatia no konfiansa ba Dr.Alkatiri ho nian “gang tomak” tanba durante tinan 5 de governasaun militantes sira la hetan minimo benefisios husi votos nebe sira fo ba Dr. Alkatiri liu husi FRETILIN.

Alkatiri links ho Sunrise Pipeline

Dados nebe iha husi 1928 (American marine chart, ho Dutch 1914 ) hatudo mo mos katak posu Sunrise monu iha Timor Leste nia territorio.

1978, 15 Dezembro, Andrew Peacock, Ministro Negocios Estrangeiro Australia anuncia ofisialmente, reconhecimento de jure, anekxasaun Timor Leste ho Indonesia nebe iha ligasaun directa atu hahu negosiasaun ba Timor Gap.

1979, 14 Fevereiro, Australia ho Indonesia hahu negosiasaun kona ba Timor Gap. Husi Indonesia la simu Australia nia proposta. Indonesia exige atu fronteiras baseia ba median line . 1989, 27 Outubro, liu tiha tinan10, Australia ho Indonesia assina akordu ba Timor Gap, nebe deklara 61 000 km2 iha Zona Koperasaun A, reseitas fahe hanesan. 50% ba kada nasaun.

Komo Australia suporta okupasaun Indonesia iha Timor Leste, em -troka , iha 1989, Outubro 27, assina akordo ida iha aviaun laran entre Ali Alatas ho Gareth Evans linhas fronteiras maritimas Sunrise nebe 80% tama ba aguas territorias Australianas tanba nakuno ka abundante ho Oil & Gas.

Timor Leste hetan tiha Independensia 20 de Maio de 2002, Dr. Alkatiri nudar Primeiro Ministro ho ansia bot ho Ramos Horta, em vez de kansela akordo illegal nebe halo iha tempo okupasaun, nakadedar no katen osan, ulun bot rua kontinua reconhese nafatin tratado illegal ne valido nafatin hodi fo vantage nafatin ba Australia. (a mosca muda mas a merda não varia. Lalar maka troka mas buat foer ka porkaria nafatin hela deit).

Mais rediculo no vergonhoso la iha modifikasaun ida husi Timor Leste kona ba akordo nebe Indonesia ho Austraia assina iha Outubro 1989. Hau la komprende no la imagina tan sa maka Alkatiri ho Horta fo nafatin valor ba tratado illegal 1989.

Indonesia hetan benefisio atu Australia reconhece Integrasaun Timor Leste + simu grant fund $ 1 billion + Indonesia hetan lisensa iha Christmas Island hodi loke Kasino ba tinan 5, nebe Soeharto nia oan sira maka explora.

La hatene Alkatiri + Horta hetan saida los husi Australia hodi kontinua reconhece tratato ida ke konsidera illegal tuir tratado internasional.

Diabo ho Maromak deit, maka hatene “kompromissu” nebe Alkatiri + Horta halo ho Australia kona “extensaun “ Tratado illegal Outubro 27-1989.

Relasaun ho akordo foun nebe Dr.Alkatiri nudar PM altura neba asina hodi governu Timor Leste nia naran, tuir ema peritos barak nia hanoin fo desvantagem bot ba estado Timor Leste. La iha razaun atu fo validazaun ba akordo illegal ne, iha biban neba. Tanba Timor Leste hetan fontes de reseitas husi Bayu Udang miloens de dollars fula-fulan. A não ser iha kompromissus balu entre Woodside ho ulun bot Timor Leste atu aselera akordo iha tempo badak nia laran.

Woodside nebe hetan operator license, ba possu Sunrise, iha konfiansa bot ba Dr.Alkatiri ho Ramos Horta. Tan ne, evidensias hatudo katak, kada vez CEO Woodside mai visita Timor Leste, kostuma halo visita ofisial ba Dr.Alkatiri nia uma no encontro ho Ramos Horta nudar Presidente da Republika.

Perguntas ke Koloka
  • 1. Tan sa maka CEO Woodside buka bei-beik hasoru Dr.Alkatiri ho Ramos Horta?
    2. Figura rua ne, la iha poder decizorio sobre Sunrise. Tan sa maka Woodside fo importansia bot ba sira nain rua ?
    3. Tan sa maka 2007, 23 Fevereiro, Alkatiri tun tiha ona husi PM, Parlamento maioria domina husi FRETILIN, ansi aprova lalais (CMATS Certain Maritime Arrangements in Timor Sea) ho IUA (International Unittisation Agreement) ?
    4. Se maka fo pressaun ba Jose Lobato hodi assina acordo ho Woodside 2007, Setembro 26 – atu halao estudos de desenvolvimento, ba Sunrise -sem previamente halo estudo de Comersializasaun uluk?
    5. 2010, 20 Abril- Vice Presidente of Sunrise LNG development, (Jhon Ozturgute )tur iha Presidente Horta nia sorin iha VIP class Silk Air husi Dili ba Singapura. Planos saída maka sira nain rua trassa durante horas 4 nian laran kona ba Sunrise?
Woodside nia alidados maka se-se?

La iha duvidas Alkatiri ho Horta maka aliados fortes Woodside nian atu garante atu Woodside nia plano atu realiza kona ba Greater Sunrise ho FLNG.

Atu komprova, dados kronologicos balu hatudo mai ita, katak, Alkatiri ho Horta fo nafatin validasaun tratado illegal nebe Indonesia ho Australia assina iha 27 de Outubro de 1989 nebe dehan iha Zona de Koperasaun A reseitas fahe 50% ba nasaun ida-ida. (refere ba possu Sunrise)

2003, 6 de Março Alkatiri assina International Unitisation Agreement (IUA);

2004, 20 de Setembro Ministro Negocios Estrageiro Downer hasosru malu ho Ramos Horta hodi diskute disputa kona ba diferensas;

2004, 27 Outubro Negosiasaun break down tanba Timor Leste rekuza Australia nia oferta USA $ 3 billion dolloar;

2005, Janeiro Alkatiri halo proposta ba Howard atu nasaun rua tur hamutuk fali atu diskuti. Ramos Horta hasoru malu ho Howard iha Jakarta;

2005, 7-11 Março Conversasaun produtiva halao iha Cambera. Hamosu Frame work ida atu resolve disputa. Negosiasaun tuir mai sei halao iha fulan Abril no Maio;

2005, Julho Presidente Xanana halo visita official ba Australia. Iha tinan kotuk Xanana kritika Australia, atu halo Timor Leste hanesan nasaun ida “ pengemis” “ tane linam” permanente. Xanana halo komparasaun Australia ho Indonesia hanesan deit. Indonesia okupa rai, Australia okupa riko soi iha tasi laran;

2006, 12 Janeiro Iha Sydney Ministro Negocio Estrangeiro Australia no Timor Leste assina Acordo foun, Treaty on Certain Maritime Agreement in Timor Sea (CMATS) Nebe fahe reseitas Sunrise 50% ba nasaun ida-ida, no husik hela definisaun Fronteiras maritimas ba tinan 50 mai oin;

2006, 26 Junho Legendario Primeiro Ministro Historico de Timor Leste DR.Mari Alkatiri resigna voluntariamente;

2007, 23 Fevereiro Acordo CMATS tama iha vigor tanba Parlamento Nasional Timor Leste aprova Iha 20 de Fevereiro Tratado foun no 2003 IUA.
(Sources: Australia’s grab forTimor Oil; Paul Clearly – author)

2007, 26 Setembro Diretor TSDA Jose Lobato assina acordo ida nebe fo vantage bot ba Woodside halo estudos de desenvolvimento sem –previamente halo estudo de Comersializasaun iha primeira instancia;

2010, 20 Abril Vice Presidente Woodside nian ba Sunrise LNG development–Jhon Ozturgute tur iha Presidente Horta nia sorin iha VIP class Silk Air husi Dili ba Singapora.;
Produto encontro iha aviaun horas 4 nia laran, maka Woodside halo pedido Iha 29 de Abril atu halo encontro ho PM +PPN +Sc Recursos Naturais + ANP ba iha 06 de Maio, atu governo TL simu Woodside nia opsaun ba Foating LNG.

Infelizmente resultados hirak nebe Woodside ho nia aliados sira prepara ho maximo esforsos, hetan insucesso bot. Cosortiun Woodside bainhira tun iha aeroporto Dili hasoru demonstrasaun, Primeiro Ministro +Presidente Parlamento no membros governo nem ida -hasoru ho Woodside nia delegasaun.

Evidensias balu nebe hatudo no koalia

Ita rekonstroe evidensias nebe mossu husi 2003 mai oin, iha terreno hatudo mo-mos factus nebe koresponde Woodside nia aproximasaun de maxima konfiansa ho Mari Alkatiri ho Ramos Horta.

1. Primeira semana fulan Agosto AMP instala tiha IV governu CEO Woodside halo visita ofisial ida ba Presidente da Republika; + Alkatiri. Rumores balu nebe circula dehan katak figura rua ne, - fo garantia katak governo AMP fulan tolu 3 monu ona, nune CEO Woodside hodi hetan esperansa hodi konta metin ho parseiros strategicos nain rua nia apoio politico;

2. Agitasaun terrivel husi Mari liu husi FRETILIN kona ba governo de facto, illegal inconstitusional iha media internasional hodi dezakredita governo AMP, hodi nune,- Woodside fiar katak Mari Alkatiri nia forsa sei makas hela;

3. Propaganda de “Marcha da Paz” abandono do Parlamento “eleisaunsaun antesipada” hodi nune – Woodside laran metin ba Mari nia “power politics “; iha Timor Leste;

4. Atentado de 11 de Fevereiro hasoru Horta + Xanana. Alvo principal maka Xanana atu hatun governo AMP lalais. Mari iha biban neba konfia metin ba atentado nia sucesso hodi fila lalais ba poder hanesan PM;

5. Ramos Horta hanesan Presidente da Republika, 2009 28 Novembro uza nia poder anunsia ba publiko katak Xanana aseita ona Mari Alkatiri atu chefia Saunrise Task Force; Infelizmente presaun husi CNRT no AMP esforsu Ramos Horta la hetan sucessu.Alkatiri nia ambisaun atu chefia Sunrise Task Force hela hanesan “ mehii” sonho” la konsegue konkretiza.

6. Komo Mari kompanhia limitada hetan insucesso bot ba sira nia planos, Mari, muda estrategias, buka meios hotu-hotu atu hetan “ bensaun “ atu kaer pasta mina rai. Nune nia buka meios hotu-hotu atu halo alisiamento ba Xanana hodi gaba Xanana durante fulan 6 nia laran. Lansa proganda FRETILIN koligasaun ho CNRT, FRETILIN maka bele salva Xanana etc.

7. Xanana komo hatene nanis, Mari nia “laran metan no foer” la fo importansia ba “ rayuan gombal” hirak ne, hodi kontinua servisu atu desenkadeia derrota bot liu tan ba Alkatiri iha festa democrasia eleisaun geral 2012.

8. Manobras tentativa ultima ka penultima iha 06 de Maio Woodside ho nia partners Shell, Conoco Philips no Osaka gas mai TL atu halo encontro ho Conselho do Estado nebe alem do Presidente da Republika, Primeiro Ministro no Presidente do Parlamento partisipa iha evento solene ida ne, atu nune Woodside halo propaganda ba mundo tomak katak estado TL fo apoio tomak ba sira nia opsaun – Floating LNG embora karacter encontro ne la os desizaun final. Se karik maka Primeiro Ministro ho Presidente do Parlamento partisipa – Vitoria bot ida ba plano etrategico Ramos Horta + Mari Alkatiri ba Woodside nia objectivu.

Analiza detalhadamente, deskrisaun iha kotuk

a. Evidensias prova momos, “estrategia konjunta” Ramos Horta + Alkatiri la defende interesses estado TL kona ba rekursos naturais ho valor de billions dolar . “Hipocriamente” no “demagogicamente “ hatudo aan hanesan “lideres historicos “ mai be iha practica sira nia konsentrasaun maka “ possus de oleo ho gas “ iha Timor Gap.

b. Billions dollar iha Timor Gap halo Mari + Horta “haluhan “ kompletamente bem estar pobre Maubere. Sira preokupa fortemente rekonkista poder politico exekutivo atu komanda no determina rekursos naturais ba sira nia intereses.

c. Cedensia Bayu Udang pipeline ba Darwin no reconhesimento “tratado illegal” fronteiras maritimas ba Greater Sunrise konstitue factos – incotestavel katak personalidade politica Ramos Horta + Mari Alkatiri iha era post- independensia “ sadere liu ba osan “ ba sira nia moris iha luxo nia laran, hodi husik hela Povo Maubere moris “kiak rabat rai “.

d. Postura plitica Alkatiri + Ramos Horta kona ba Sunrise no recurssos naturais iha Taci Timor, sira nia “hanoin” ho “assoens “ konkretas la “refleta defende interesse estado Timor Leste”. Sira hare liu ba sira nia interesses pessoal atu akumula rikezas atu konkista poder hodi taka dalan ba” democrasia” hodi kria “ditadura “ ida hodi assegura sira nia interesses politicos. Exemplos semelhantes, historia regista ona ba lideres sira ho character sistema dictatorial hanesan Seoeharto, Marcos, Pol Pot, Sadan Husein no sst. Alkatiri tipicamente pertense ba “club “ de ditadores, hare husi nia governasaun tinan 4 nia laran ho caracteristicas de “arrogansia “ politica, no “author” da crise de 2006 nebe halo Timor oan barak “sofre+terus+ mate” tanba Alkatiri nia ambisaun politica atu kontinua segundo mandatu.

e. Ilustrasaun de factos Mari Alkatir nia concentrasaun forte usa forsa da FRETILIN hanesan “mascara” hodi sai Primeiro Ministro fali, atu domina no deside Timor Gap nia rekurssos konforme nia gosto pessoal; komo sente fraku liu, sadere ba Ramos Horta nia posisaun hanesan Presidente atu reforsa.

f. Factos balu hatudo, ulun bot nain rua, konsidera riko soi nasaun Timor Leste hanesan sasan iha sira nian,“kintal privadu ” halo konforme sira nain rua nia prazer;

g. figura rua ne, nia preokupasaun maka buka konkista “poder politico no ossan” ba sira rua nia komfortabilidade pessoal em nome do Povo de TL.

Demonstrasaun hasoru Woodside

Iha 06 de Maio atan oan ho militantes PST halo demonstrasaun hasoru delegasaun Woodside nian komitiva (Shell, Conoco Philips no Osaka Gas) iha aeroporto Dili. Ami husu no konvida atu Woodside bele ajuda dada pipeline mai TL hodi fo servisu no dudu ekonomia TL ba oin. TL presisa liu do ke Australia. Floatin LNG la fo benefisios ba povo nia moris. Don Voelte CEO Woodside nian dehan “ we take into account your concerns”.

Jose Teixeira, lakaio ka morador Mari Alkatiri nian halo komunikado imprensa dehan katak, demonstrantes sira iha aeroporto insignificante no illegal. Halo leitura ba oportunista no parazita Jose Teixeira nia estatement iha media Australa revela mo mos katak nia ho nia boss Mari Alkatiri apoio klaramente ba Woodside.

FRETILIN Mudansa iha diferensas no kontradisaun ho Mari Alkatiri ho nia lakaios fanaticos balu. Maibe kontinua militantes da FRETILIN ho lideransa seluk. Jose Teixeira iha nia vida nunka foi militante da FRETILIN. 2001 mai buka moris servissu iha Dili, maka hatene FRETILIN.

Antes atu sai chefe ba diresaun de Investimento iha UNTAET nia administrasaun Mari Alkatiri hanesan Ministro da Ekonomia hussu ba hau “ Jose Teixeira FRETILIN ga lae”? Hau responde “ Teixeira kuadro technico ida ita presisa. Nia tio Alariko kuadro ita nian”.
Iha kampanha 2001, Teixeira nia dehan ba hau atu labele activu demais. “ Se FRETILIN manang barak la diak ba democrasia “ pior liu tan kesar hau ba superior UNTAET nian hau nia envolvimento politico hanesan staff UN nian”.

Ho estamente Jose Teixeira kontra demonstrantes nebe defende riko soi Timor Leste, hasoru Woodside, revela Teixeira nia nasionalismo “vazio ka mamuk”. Se nasionalista forte tenki hatudo iha pratika ho assaun konkreta iha terreno.

Sr. Teixeira diferensas politicas existe entre ami ho Dr.Alkatiri. Ita bot “maulambe + maukosse + tabele”. Hau lahatene se eleisaun tuir mai maka ita bot la sai deputado, FRETILIN iha assento Parlamentar 5 deit, ita bot nia paradeiro hau lahatene los meu amigo. Mentalidade politica “namalele” hanesan Jose Teixeira, kuando anin husi parte Mari Alkatiri frako politicamnete hasoru Xanana ho nia aliados, Jose Teixeira nia militansia ba FRETILIN sei lakon totalmente, la iha duvidas halai ba fatin seluk hodi buka moris foun.

Diferensas politica buat ida normal iha democrasia. Mai be kuando refere ba kestaun de “interesse nacional “ita tenki “hamutuk”. Ho sintomas hirak ne, ita hatene mo mos katak, ba Timor oan nebe la iha totalmente experiencia moris iha “terus no” sofrimento” iha era okupasaun Indonesio, tinan 24, liu-liu sira iha diaspora tinan 24 inklui “legendarios” lideres politicos la sente iha sira nia “kulit + “fuan”+ laran” independencia Timor Leste nia “folin” karo ka baratu.

Sira nebe hare ka rona, la hanesan sira nebe iha experiencia direta. Sosa ho tremendous “sacrifisios” sofimentos” ran” isin” no “mate” milhares de vidas.

Iha dirigentes ka lideres politicos nebe kaer governo, se “hadomi “povo, tenki buka meios oin atu hetan dalan atu povo moris diak. Nune pensamento no asoens traduz ba resultados nebe povo nia vida hetan modifikasaun gradualmente ba diak. Exemplos de subsidios da terseira idade, veteranos, bolsas da mãe, bolsas estudos ba orfãos no veteranos sira nia oan, hadia estradas, hari klinikas de saude, hari eskolas no servisus seluk vitais ba povo nia nesesidade ita bele dehan, governo ne servisu duni ba povo.

Konfiansa povo nian, konverte ba situasaun ida “hakmatek” nebe la iha demonstrasaun constante atu povo revindika nia direito nebe la hetan tratamento ida “justo” husi governo.
Governo AMP tinan tolu ona, nakuno ho estabilidade politica nebe cidadaun hotu goza loro-loron iha sira nia moris. Iha duni “rungu-rangan” iha bairos balu, mas aparelho de seguransa estado nian, iha kapasidade atu ultrapassa hodi restaura “lei no ordem” publika lalais.

Alkatiri bele sai hanesan Taksin?

Fenomena Taksin iha Tailandia semelhante hanesan Alkatiri iha Timor Leste. Modus operandi totalmente hanesan, sacrifica povo nia vida, atu rekonkista poder. Tun tiha ona husi kargo PM, mai be, halo nafatin tentativas brutais no violentas atu rekupera fali poder executivo. Taksin husi kotuk dudu militantes sira halo demonstrasaun, hodi paraliza totalmente ekonomia nasional.
Hanesan mos Alkatiri iha Timor Leste “fahe kilat” kria konflitos hodi destabiliza situasaun. Alkatiri tuir experiencia iha Afrika, uza violensia hanesan “meios “ ida mais efikaz atu assegura nia poder iha governo. Tun tiha iha governo mos halo nafatin tentativas atu “fila fali “ ba governo.

Diferensa, Taksin –halai ba exterior; Alkatiri sei - hela iha Timor Leste. Mai-be , 2012 maka Alkatiri hetan derrota eleitoral bot liu, la iha duvida Alkatiri tuir “ainfatin” Taksin halai ba liur tanba chance la iha ona iha Timor Leste.

Alkatiri + Horta bele doko Xanana?

Alkatiri nia forsa kompletamente mamuk. PM tinan 4 em vez, buka kuda simpatia iha FRETILIN laran no publiko, hodi fo assistensia, mai-be ao contrario- kria konfrontsoens no konflitos oi-oin, iha FRETILIN nia laran, ho Igreja Catolika hodi nune kontribui ba nia – “self-distrution “ hodi – tun husi Primeiro Ministro no lakon eleisaun geral 2007.

Alkatiri nia arrogansia extrema, -kontribui esmagadora maioria Timorense anti-patico ba nia figura. Alkatiri nia naran conhecido hodi FRETILIN nia atributos, hahu 2002-2006. Tanba komportamento politico – anti-democratico, maka halo Timor oan barak deskontente no afastado husi Alkatiri no lakon konfiansa, mesmo lori FRETILIN.

Alkatiri nia forsa, lori FRETILIN nia imagem no atributos. Komo la hatene uza, kuadros no militantes FRETILIN barak maka –fo kastigo hodi retira konfiansa politica ba lideransa Alkatiri.

Momento ida ne, Alkatiri “vazio suporte,” estrategias,” planos,” simpatias” Saída maka nakuno iha sira nia kakutak , “nostalgia de poder” frustrasaun “no desespero total” ba poder nebe “mehi” hela.

Ramos Horta – Austacia iha komunikasaun + relasoens publikas, no protagonista ba FRENTE Diplomatica + premio Nobel da Paz, konstitue ponto forte Horta nian. Horta figura ida mundialmente conhecido.

Politica pratica, nota “inconsistencia” iha Horta. Oin koalia ida, aban koalia seluk. Amizade ba Horta, baseia ba intereses. Haluhan sira nebe fo suporte no sakrifica hodi sai Presidente da Republika. Horta “mainoso” gosta ema gaba deit nia, hanesan Mari Alkatiri.Ba sira nebe kritika, sira odeia no vinga.

Husi 2002 mai oin, to ohin loron, karisma Horta ba Povo –ladun sobresai. Saida maka asiste no repara “amigo bot” Alkatiri. Iha eleisaun presidencial 2007, Alkatiri, adversario bot ba Horta. Heta tiha kargu Presidente da Republika abuza poder hodi fo indulto ba Rogerio Lobato iha tempo badak nia laran; Tenta todo kusto atu Mari Alkatiri chefia Sunrise Task Force atu assegura sira nia interesses.

Estrategicamente, ho manobras oi-oin bukat tentativas hotu-hotu atu suporta Woodside ho nia parseiro Mari Alkatiri.

Horta nia reputasaun politica iha railaran ita bele dehan foin 25%. Enkuanto Mari Alkatiri nia reputasaun politica - 1,5%, soma hamutuk ka multiplika la iha kbit atu doko Xanana iha kualker altura.

Woodside konfia nafatin Horta ho Mari?

Tinan 3 ona maka, garantia nebe Mari fo Woodside atu AMP monu ka naksobu la iha resultados. Marcha da Paz, abondono do Parlamento , Eleisaun Antesipada, promosaun Alkatiri atu komanda Sunrise Task force no ameasas seluk-seluk tan, buka dalan la hetan ona.

Shareholders Woodside parece kestiona ona CEO, tan sa maka realizasaun de plano demora kleur; no tan sa maka Horta ho Mari nia promessas la konssegue realiza?

Talvez la iha ona dalan seluk ba Woodside troka CEO ou abondona ona parceiros estrategicos iha Timor Leste no hahu koopera ho atual governu atu hetan solusaun ba Sunrise.

Alkatiri mos bele bosok ba Woodside hein ba eleisaun 20012 nebe nia mehi atu sai fali PM. Ou nia belum Ramos Horta.

Woodside mos sei halo investigasaun klean kona ba assunto ne

i. Se uluk Mari kaer governo, eleisaun 2007, iha fuga de 140 000 votos, sa tan, Mari Alkatiri la kaer ona poder executivo? Votos aumenta ka, tun makas liu tan?

ii. Povo hahu moris diak iha paz no estabilidade nia laran, iha governo Xanana nia okos hodi hetan benefisios no assiste desenvolvimento ida atu povo moris diak. Será Mari Alkatiri iha argumentos fortes atu convence eleitorado hodi la vota ba Xanana iha eleisaun 2012?

iii. Socializasaun Plano Desenvolvimento Estrategico, povo tomak haksolok no fo konfiansa makas ba Xanana. Estrategias saída maka Alkatiri ho nia aliados sira uza atu desacredita Xanana?

Obviamente Woodside nia lideransa sei too konklusaun katak aliansa ho Alkatiri no nia belum sira, too ona tempo atu –abondona ona. Diak liu buka alternativa seluk mais rapido possivel.Tanba tempo semu lalais oportunidade business bele lakon total.

KONKLUSAUN

i. Plano Desenvolvimento Estrategico nebe Xanana desimina iha sosializasaun ba 64 sub- Distritos, fo impacto makas ba Xanana nia konfiansa ba Povo no vice-verssa, hodi aumenta Xanana nia credit point ba eleisaun Legislativa 2012;

ii. Alkatiri ho nia aliados no lakaios sira sente ameasaudo makas ho Socializasaun de Plano Desenvolvimento Estrategico, tanba base de Apoio votantes ba Alkatiri iha 2007 naksobu totalmente;

iii. Povo tomak fo apoio inkondisional ba Governo hodi suporta pipeline Sunrise mai Timor Leste. Nune espasu ba manobras husi Woodside no nia aliados sira ho tentativa ba Floating LNG, totalmente iliminado.

Sem comentários:

Enviar um comentário

Nota: só um membro deste blogue pode publicar um comentário.