VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

domingo, 4 de julho de 2010

Jovens TL apoio Lasama sai PR 2012

Juventude Timor-Leste (TL) iha sub-idistritu Cailako, Distritu Bobonaro apoio aktual Presidente Parlamentu Nasional (PN) Fernando Lasama de Araujo atu sai Presidente Republika iha tinan 2012 mai, tamba ne’e juventude CNRT mos apoio votus. Tuir juventude Almeida, deklara ba Presidente Lasama iha sub-distritu Cailaco, distritu Bobonaro, Sabado (03/07) katak, sira hanesan joventude fo apoio makas ba Lasama atu kandidatu an fila fali ba Presidente Republika tinan 2012/2017. Haktuir tan Almeida katak, sira fo apoio maximu ba Lasama atu sai Presidente Republika hodi tur iha Palacio, Aitarak Laran, Dili.

Husi sorin seluk, Domingos representante joventude CNRT iha Maliana deklara katak, sira fo votus apoio ba Lasama atu kandidatu an ba Presidente Republika 2012/2017.

Hanesan ema ida ne’ebe uluk sai aktivista iha funu ba ukun rasik an, maske agora hau husi partidu CNRT, maibe ami fo apoio ba Fernando Lasama de Araujo atu sai Presidente Republika, nudar ema numeru um (1) iha Timor-Leste”, deklara Domingos.

Hatan ba exijencia joventude sira nian, actual Presidente Parlamento Nasional, Fernando Lasama de Araujo hateten, nia pronto kandidata an ba Presidente Republika. ”Hau prontu kandidata an ab Presidente Republika hodi repete fila fali kandidatura ba ema numeru um (1) iha Timor-Leste”, katak presidente Partidu Demokratiku (PD), Fernando Lasama de Araujo, ba joventude sira iha Distritu Bobonaro (j-2)!

Fontes: Jornal Nacional Diario (JND, 05/07/2010, paj. 14)!

Sem comentários:

Enviar um comentário

Nota: só um membro deste blogue pode publicar um comentário.