VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

segunda-feira, 31 de maio de 2010

PM kansela Projektu dalan Com ba Mota Ain ho valor US $600 M tamba Korupsaun, Kompania sira nia perfil la real ka virtual deit

Dili (Moprokaknews, 31/5/10) PM kansela Projektu dalan Com ba Mota Ain ho valor US $600 M tamba iha indikasaun ba korupsaun.

Aileu (14/05). PM Kay Rala Xanana Gusmao kansela projektus ne’ebe Governu anterior asina ho Kuwait, ho valor montante US $600 M, haktuir lia hirak ne’ e wainhira halo konsultasaun Planu Estrajiku ba Desenvolvimentu Nasional iha Sub-distritu Remexio, Quarta-feira (12/05) semana kotuk.

Argumenta tan PM Kay Rala Xanana Gusmao katak "tuir estudos espesifikus ba projektus ne’e rasik, hatudu katak se projektu ne’e maka lao duni sei lakon osan besik ba US$400 M, tamba projektu ne’e ninia folin por volta deit ba US $200M”, dehan PM Kay Rala Xanana Gusmao.

Tamba ne’e maka iha kampane CNRT iha tinan 2007, dehan PM, ”hau iha kampane hau la fó perioridade ba dalan husi Com ba Mota ain tamba laos perioridade, laos lakohi halo dalan maibe, tamba indikasaun ba iha korupsaun”, defende PM kay Rala Xanana Gusmao.

Iha ninia intervensaun PM kay Rala Xanana Gusmao, mos koalia konaba kompania Indiano, Reliance, ne’ebe Governu anterior fó autorizasaun ba buka bloku mina iha tasi Timor no halo konsorcium ho kompania mina Timor Leste nian rua (2) East Timor one and East Timor Two.

Haktuir tan PM, "ami husu perfil kompania Reliance nian maibe sira seidauk fornece”. Haktuir mos katak, "to’o oras ne’e la hatene perfil kompania East Timor 1 and East Timor 2 ninia perfil, regista iha Timor ka iha rai seluk, ka kompanias virtual deit karik”, dehan PM.

Sumber: Jornal Nacional Diario (JND, 19/05, hal.1 i 15)!
Posted by Movimento pro KAK at 5:11 PM

Sem comentários:

Enviar um comentário

Nota: só um membro deste blogue pode publicar um comentário.