Oin sa Timor Leste eskolha energia alternativa ba desenvolvimento sustentavel?

Husi: Vicente Maubocy (observador asuntos economicos politicos i sociais)

Abstratu

Energia, sai hanesan xave vital ba desenvolvimento ekonomiko ba kualker país iha mundo. Hanesan ema moris presisa hahan no be atu suporta moris, ou loron no udan atu ai-horis sira moris no buras, desenvolvimento nia abut ka nia vida maka fontes de energia atu suporta desenvolvimento lao ba oin. Energia hanesan motor ba desenvolvimento ekonomico.

Energia maka halo fabrika no industria sira moris, energia maka halo makinas sira funsiona, hodi loke estradas, energia maka fo naroman iha edifisios bot ka kiki, no fatin sira nakukun, energia maka tein hahan iha hoteis ka restaurant bot sira, energias maka halao ro lao iha tasi laran, ka aviaiun sira semu etc. Ho lia fuan badak energia ohin loron, komponente vital ba ser humano nia moris iha países sira desenvovido ka em vias de desenvolvimento. Paiíses sira desenvolvido konsumo de energia per capita as liu do ke países sira em vias de desenvolvimento.

Timor Leste país ida riko ho gas. Ker iha tasi okos (off-shore) no rai okos (on-shore). Momento ida ne, iha ona explorasaun de gas husi Bay Udang nebe fo ona reseitas ida formidavel ba ekonomia de Timor Leste.

Iha tan mos 13 blokos em vias de explorasaun. Hakerek nain halo ilustrasaun konsumo energia a nivel global, regional no espesifiku ba Timor Leste.

Konsumo de energia iha mundo

Tau ses tiha fontes de energia primaria hanesan ai-maran suno, energia solar, energia anin, konsidera deit fontes energetikas hanesan : oil, natural gas, coal (karvaun) nuclear, energia hydro-electric, konsumo de energia per capita iha mundo per kilograms per day oil equivalent maka hanesan tuir mai ne:
Energy source kg/day/ capita
Oil 1.60
Natural gas 1.07
Coal 1.29
Nuclear 0.25
Hydro-electric 0.28

Total all sources 4.51

Hare ba tabela, konsumo bot liu maka fontes de energia husi oil. Segundo lugar maka Coal (karvaun) terseiro maka natural gas. Coal okupa Segundo lugar, tanba nasoens ho populasaun bararak hanesan China, America, fonte principal maka karvaun, tanba sira iha reservas abundantes de biloens de toneladas no sira nia stock bele dura ba tinan barak. Nasoens sira kiik tuir economy of scale la rekomenda usa karvaun tanba presisa investimento bot no abastece ba ema 20 milloens ba leten.

Ba kontestu Timor Leste, abundante ba reservas de gas iha tasi okos (off-shore) iha rai okos (on-shore) entaun, oin sa buka meios neste kasu prepara technologia no capital de investimento atu bele usa gas hanesan fonte de energia principal atu suporta desenvolvimento a longo prazu.
Ba ita hotu nia konhesimento ona, iha area konjunta de explorasaun JPDA (Joint Petroleum Development Area ) iha reservas barak. Kompanhias operadoras maka: Oil X, bloko ida; Petronas Bloko ida; Minza Oil, bloko ida; Woodside bloko rua; Conoco Philips bloko 2; ENI bloko ida.

Total iha JPDA iha bloko 8. Husi bloko 8 ida maka iha ona faze de produsaun – Bay Udang nebe fo ona reseitas bot ba Timor Leste ho montante de deposito iha banku America + de $ 5 billions. Fula-fulan reseitas husi Bayu Udang oscila entre $ 90 – 100 million dolar depende ba flutuasaun presu iha merkado. Sunrise mos ho reserve de 7 billions de baris iha faze de negosiasaun hela entre governu Australia ho Timor Leste.

Iha mos JPDA bloko ida ho reserve bot. Kalp Deep nebe ho estimativa de 13 billions baris.
Iha area soberania Timor Leste ou area exkluziva momento ida ne iha faze de survey atu ba explorasaun bloko 5, kompanhia ENI maka operador no mos Relianse okupa bloko ida. Blokos sira iha tasi laran (off-shore) gas natural ho condensate maka ho kuantidade bo'ot. Blokos 13 maka tama hotu iha produsaun, entaun osan barak maka sei tama ba kofre governu Timor Leste.

Imagina husi deit Saunrise 7 billions baris + Kalp Deep 13 billion baris. Receitas kiik liu maka $ 10 dollar kada baril x 20 billions de baris, koresponde $ 200 billions de dollares.
Hau preokupa tebe-tebes osan nebe ho volume inkalkulavel ba país ida kiik hanesan Timor Leste, aban bairua bainhira mosu lideransa ida nebe ganansioso, autoritario, usa rikezas da nasaun ba governante nia intereses, entaun desastre bot hanesan nasaun sira iha Afrika sei mosu inevitavelmente.

Haiti nasaun ida ho nia povo brani, lutador, kossegue derrota exercito Napaleaun iha seculo 18 dala rua Primeira derrota exercito Napalieaun sofre iha 1814. Napaleaun la kontente lansa segunda invasaun iha 1815. Mas ke iha segunda invasaun Napaleaun aument nia exercito ho numero bot , assuwain Hati sira resiste makas ho aten brani, fo derota bot ba exercito Napaleaun Nafatin. Nune Fransa reconhece Independencia Hati iha 1825. Ikus mai Amerika mos fo rekonhesimento official iha 1863.

Hakerek nain foti exemplo Haiti, atu fo hanoin maluk leitores sira katak, embora tinan atus rua resin Haiti independensia ona, povo sei moris kiak no susar nia laran, tanba governantes sira nia ha-halok halo terus povo ba politicus sira nia ambisoens.

Exemplu seluk mos Guine Bissaun nebe hetan Independencia iha 1975, to oras ne, instabilidade politica maka mossu bei-beik tanba lideres sira hak-seluk malu poder hodi ukun, usa meios de violensias oi-oin atu konfiska poderes.

Ba Timor Leste, governante ida ho visaun de desenvolvimento estrategico nebe preokupa ba povo nia moris diak, ho $ 10 billions, bele kria ona, infra-estruturas basikas ba 100 anos hanesan, komesa loke estradas luan, portos, aeroportos, be mos, sewerage, drenagem, servisus publikos, edukasaun, saude, kapasitasuan rekursus humanos, master plan husi cidade too aldeias, zonas de produsaun, zonas de habitasau, zonas de pastazem, zonas rekreativos domesticos no internasional, towm planning ba zonas de komersio no industria, no infra-estruturas seluk nebe nesesarios.

Governante ho hanoin diak atu Timor oan hotu moris diak, sei usa racionamelte fundos de petroleo ho prudensia, atu kombate instabilidade atu mossu, hari aliserses democrasia atu buras, fortifika crescimento ekonomico no kria kondisoens propicias ba prosperiedade ba familia ida-idak.

Region energy consumption

Country kg/day/ capita fraction of world average
Indonesia 1.37 30%
Malaysia 5.60 124%
Thailand 3.70 82%
Philippines 0.74 16%
Australia 15,37 341%

World average 4.51 100%

Interpreta husi indikadores nebe deskreve iha leten, nasaun sira nebe consume energia as liu, nivel de vida ka prosperiedade diak liu do ke nasaun sira nebe consume energia ho kuantidade menus. Australia consume energia per capita as ho 15.37. Nune income per capita mos as. Tuir maka Malaysia nebe consume 1/3 husi Australia. Nivel de prosperiedade iha Malaysia per capita diak liu, kompara ho Indonesia, Philippines no Thailand. Ita hotu klaru katak energia joga papel ida vital ba desenvolvimento economic nebe iha relasaun direta ho prosperiedade social.

Oin sa energia afeta TL ? ( a reasonable goal for TL)
Timor Leste 2012 2.00 44%
Timor Leste 2017 3.50 111%

Iha possibilidade Timor Leste atinge?

Sim iha possibilidade bot. Kestaun governo iha vontade no komitimento atu halo no hahu halo buat ruma ona tanba Timor Leste iha reservas de gas bot iha tasi laran no mos iha rai okos. Kestaun nebe enfrenta, usa meios saída maka possibilita atu lori gas no prosesa gas atu usa ba energia eletrica, tein, no ba viaturas sira.

Reservas de gas iha rai okos (on-shore).

Survey ida husi UNDP 2001 dehan katak reservas de gas iha raikos espalhados iha Timor Leste + ke sufisiente atu fornese energia eletrika ba uma kain ida-ida ho kapasidade de 300 Megawats.

Estudo piloto recente 2006 / 2007 finansia husi Internationatl Development Association (IDA) identifika 23 gas seeps iha fatin 30.
Husi Ditrito Bobonaro identifa gas seeps iha local 11; husi Distrito Kovalima idenfika fatin 5 iha sub-Distrito Jumalai nia area; oil seeps mos iha aredores de Suai fatin 5.
Distrito Manuhi, identifika fatin ida iha Dotik (Alas); Distrito Manatuto identifica oil iha Pualaka (Laclubar) gas iha –Aimaulin suko Orlala (Laclubar). Distrito Baucau gas identifika iha Gariwai, Afaloikai (Baguia).

Husi Distrito Vikeke gas seeps hetan iha: Atalete, Aliambata, Baidubo / Tara diga, Irabin kraik; Watodere, Uaniuma.

Klasifikasaun.
1. Gas seep nebe iha Aimaulin suko Orlala sub-Distrito Laclubar maka iha reservas bot. Hakerek nain mos too iha neba hodi hare no test flow rate no foti samples ba testing iha laboratorio iha Australia. Pressaun gas nebe sai em forma ai-lakan husi rai okos atinge as too 2 metros. Resultado husi laboratorio komposisaun gas pure methane ou natural gas nebe usa atu fornese energia eletrika. Flow rate ka volume gas nia nebe sai, bele too 5 Mgws o minimo. Se prepara fatin didiak atu kaptura mos gas husi rai okos, forsa gas nian bele too 10 Mgws. Ho 10 Mgws, bele fornece eletresidade ba Manatuto too Same.

2. Volume gas bot tuir mai aka iha Distrito Vikeke nebe bele fornese ba Distrito Lospalos no Baukau.

3. Iha terseiro lugar maka husi Aisaleu (Zumalai) nian nebe bele fornese ba populasaun sira iha Bobonaro no Nokar nian nebe bele fornese ba iha Ainaro;

Suai nia oil seeps mos bele transforma ba kombustiveis hodi usa ba viaturas ka energies electrika. Estudos balu indika katak 2-3 mil baris por dia bele hetan no dura too tinan10 o minimo. Technologia usa atu prosesa, simples hela. Se quantidade de light oil nebe iha Suai Loro, Matai, no Tafara atinge 3000 baris x 164 liter x 30 dias = 14 760 000 liters. Ho kuantidade ida ne Timor Leste hetan ona solusaun ba energia eletrica ho presu ida baixo no kombustivel sufisiente ba viaturas tomak iha Timor Leste. Se por akasu la too, entaun reforsa ho gas natural ba energia eletrica no abastese ba viaturas sira.

4. Husi Bobonaro gas iha fatin 5 nebe bele abastese to'o fatin balu iha Distrito Ermera.

Gas iha Distrito Same (Dotik) no Baukau (Gariwai no Baguia) reservas ho volume kiik, bele fornese ba numero de konsumidores reduzido.

Energia disponivel ba TL. (Available energies for TL)
Tau tiha ba sorin energia solar no aning nebe natureza fo gratis hela, Timor Leste presisa capital bot per power unit. Opsoens de energias nebe TL bele usa maka liquid fuel, coal ou natural gas. Kustos varia konforme folin iha merkado loro-loron.
Fuel $ per MBTU cent per KWh (electric equivalent)
Fuel oil 11.77 13.41
Natural gas 3.24 3.69
Coal 2.45 2.79
Kustos nebe deskreve baseia ba kustos iha merkado mundial, la inklui kustos de transporte too TL, la inklui mos kustos de investimentos. Research ida hakerek nain halo ba investimento diferente fontes de energies:
Solar Sun win coal gas

Investment: $ 150.00 6,000.00 3,000.00 500.00 200.00 per Kwh
Variable $0.125 0 0 0.03 0.04 per kwh
Depreciation $ 15 600 300 5.00 20.00
Eskolha de energia ba TL (energy choices for TL). Kusto de energia deriva husi liquid fuels (gasoleo no gasoline) nia presu as dala 4 liu do ke kusto de energia husi gas no dala 5 husi coal (karvaun).

Coal (karvaun)

Embora kustos 25% bararu liu gas, TL iha populasaun kiik no valor de investimento ba coal ba nasaun sira nebe nia populasaun > 10milloens ba leten maka kompesa valor de investimento. Por outro lado TL la iha reserve de karvaun, presisa importa husi liur. Ne duni usa karvaun ba energia la rekomenda ba TL.

Natural gas

Ita hotu hatene, TL iha reservas bot natural gas iha tasi okos no mos iha rai okos. Kustos de produsaun energia usa gas baratu liu do ke kombustiveis. Koresponde ¼ presu de gasoleo.

Vantages ka neneficios usa gas:

1. Bele usa ba electrical plant kiik ka bot depende nesesidade;
2. Bele usa pipe line ba linhas de distribuisoens;
3. Usa diretamente ba fogaun de gas atu suno;
4. Gas produto ida fossil fuel mos liu (cleanest burning fossil fuel)
5. Timor Leste possesa largos depositos de gas natural; i
6. Presu gas nia varia ho flutuasaun iha merkado mas kusto de produsaun manten cosntante.

Hanesan refere tiha ona iha kotuk katak reservas de gas iha tasi laran bot tebe-tebes iha Zonas de explorasaun konjunta ka iha zonas exklusivas Timor Leste nian.

Desafio ke hasoru, meios de transporte atu utiliza gas, atu produz energia ba eletrisidade ho mos energia ba uso domesticu iha uma kain sira iha territorio tomak atu evita ka prevene populasaun sira tesi ai hodi suno.

Iha opsaun rua atu transporta gas mai Timor Leste husi tasi mai too rai maran. Pipeline ou CNG (Compressed Natural Gas) carriers. Komo tasi klean serka de 3 400 metros entaun pipeline presisa tempo narauk no investimento bot. Opsaun a kurto prazu lori gas ho kuantidade ida atu responde crise de energia ba TL maka opsaun usa ro ka CNG . Investimento ba CNG carriers nia montante kiik liu do ke pipe lines.

Kalkulos nebe hakerek nain ho peritos sira halo 2 tcf ka 2 billions baris bele suporta ona energia ba 30 anos ho kusto ida konstante. Mesmo ke iha flutuasaun presu iha merkado la efeta o minimo ba Timor Leste tanba usa nia reservas rasik.

Technical scope

1. Natural gas extrata husi posus iha tasi laran submete ba prosesu de tratamentu ida atu remove carbon dioxide no be (water);

2. Gas ne compress too 150 bars karega (loaded) ba barcus CNG carriers;

3. CNG carriers atravessa distansia ida de 200 mile atu deskarega iha Costa Sul atu prosesa;

4. Kuantidade nebe exporta armazena antes exporta ba liur, usa LNG carriers. Se exporta ba Korea do Sul espasu de 20 dias;

5. Atu abastese ba Distritos, sub-Distritos, Sukos ka Aldeias bele via pipeline ou usa kamionetas hodi halo distribuisaun ba pontos sira geradores instala;

6. gas mos bele usa ba viaturas sira ho presu baratu.

Issue desenvolvimento sustentavel

Desenvolvimento sustentavel sai hanesan” buzz word “ lia fuan ida ema hotu koalia iha fatin hotu-hotu, no repete bei-beik kuando refere ba desenvolvimento. La iha duvidas Timor oan hotu mos hakarak aplika konseito desenvolvimento sustentavel ba ita nia rain doben. Timor oan mos iha orgulho atu transforma Timor Leste fatin matak, cidade ordenada, no mos, jardins no parkes, kria beleza ho nia paisagem natural nebe atrai visitors barak husi liur.
Saida maka matenek nain sira refere ba konseito sustentavel?

Definisaun generika tuir Brundtlan Report (1) relaiona ho “ meio ambiente, economia no bem estar social ba oin loron no aban bai rua “ ( environmental, economic and social well-being for today and tomorrow) mais detalhadamente lia fuan desenvolvimento sustentavel focus ba “ desenvovlimento ida nebe responde ka satisfaz nesesidades gerasaun iha presente, no labele kompromete abilidade gerasaun futuru nian atu satisfaz sira nian nesesidades” (sustainable development is development that meets the needs of the present without compromising the ability of future generation to meet their own needs). Desenvolvimento ida ne'e envolve ka abrange konseitos xaves (key) rua :

1. Konseito kona ba necesesidade (needs) particularmente necessidade liu liu ba ema kiak sira iha mundo, nebe tenki hetan prioridade maxima; i

2. Konseito kona ba limitasoens (limitations) relasiona ho technologias, no oraganizasoens sociais nebe liga ho meio-ambiente, abilidade atu hasoru (meet) presente no future.
Definisaun hotu-hotu kona ba desenvolvimento sustentavel, ita presisa hare mundo (world) hanesan systema ida nebe iha ligasaun ho espasu (space) i systema ne iha mos ligasaun direta ho tempu (time).

Kuando ita hanoin mundo ne, hanesan systema ida liga ho espasu, ita tenki hatene katak poluisaun de ar (air) iha Norte da America afeta mos kualidade de ar (air) iha Asia i pestisidas nebe rega iha Argentina iha mos efeito negativa ba ikan sira iha costa Australia nian.

Kuando ita hanoin mundo ne hanesan systema liga ho tempu, modelo agrikultura nebe bei alas sira usa iha sira nia tempu, gerasaun agora mos sei usa hela; I politica economika nebe governantes sira halo ohin loron sei fo impacto directu positive ka negative ba oan no bei oan sira nia moris diak ka susar aban bairua iha cidade ka iha interior do país.

Ita hotu-hotu mos hatene, katak kualidade da vida (quality life) mos hanesan systema ida. Buat diak ida ba ita ema moris, hotu-hotu hakarak saudavel. Saida maka akontese se ita moris kiak, la iha acesu ba edukasaun?

Ema hotu-hotu hakarak hetan servisu hodi hetan salario ida bot. Saida maka akontese, fatin nebe servisu poluisain de ar (air pollution) makas, prejudika systema respiratorio?
Liberdade de religion ka expresaun de pensamento, buat ida ke diak ba sociedade. Mai be, saida maka akontese, moris iha situasaun ida nebe cidadaun sira la iha posibilidade atu sustenta sira nia familia?

Nune konseito de desenvolvimento sustentavel nia abut baseia ba system thinking. Ajuda ida atu komprende ita nia an rasik no mundo nebe ita moris. Problema nebe ita enfrenta komplexu tebe-tebes no serious duni. Mai be ita tenki esforsa makas hodi resolve.

Issue meio ambiente iha Timor Leste

Meio ambiente Timor Leste iha faze ida alarmante tebe-tebes por seguinte razoens : 1) Durante okupasaun militar Indonesia, floresta tuan sira iha fatin barak sobu hotu atu halo uma ba transmigrantes sira iha Suai, Same, Malina, Vikeke etc. Aihoris sira nebe iha aredores mos ta hotu hodi usa atu sunu ba tein hahan; 2) durante 24 anos de okupasaun ai bot barak populasau sira hatun hodi fan, transforma ba material de construsaun; no ta miloens de toneladas ai atu sunu; 3) tempo ukun an populasaun sira kontinua hatun ka ta ai barak hodi fan; balu ba material de construsaun balu ba ai maran hodi suno; 4) populasaun sira iha foho kontinua hatun ai, hodi prepara halo toos. Tanba iha rai lalon sira, dut la dun barak hanesan rai fehan, tempo hodi hamos batar dut lais liu iha foho lolon do ke iha rai tetuk.

Tanba razaun de sobrevivencia, meio ambiente tenke sofre atu responde nesesidades urgentes populasaun sira nian atu moris.

Ai-horis nebe natureza fo ba Povo Timor, iha utilidade barak hanesan : serve ba material de konstrusoens tradisionais ka modernas, halo lutu ba tos, uma hela fatin, ai-horis balu iha alto valor komersial hanesan : ai-kameli, ai-teka, ai-na atu halo mobiliario ho folin bot iha merkadu, ikus liu utilidade ai nian usa hodi suno tei hahan.

Populasaun sira iha interior hela iha rai tetuk, kostuma tesi ai hodi halo tos ba kuda batar, kuda ai-farina, fehuk ka kuda nu; sira nebe la hela iha rai fehan, usa fatin sira mamuk iha rai lolon hodi hamos hodi kuda fehuk-ropa, kontas, talas, koto, ai-farina, lis, modotahan, no ai-han seluk nebe populsaun sira nesesita ba sira nia moris.

De uma maneira geral, populasaun sira tesi ai, ho objectivu atu satisfaz sira nia necessidade atu moris (sobrevivencia). Konsekuensia meio de sobrevivencia, ai-laran tuan sira iha Timor Leste atu lakon mos hotu.
Durante okupasaun Indonesia, ai-laran tuan iha Salele, Beko, Jumalai, Maliana, Natarbora, Besusu, Alas, Fatuberliu, hatun mos hotu, hodi halo uma ba transmigrantes sira mai husi liur. Durante sira nia permanencia, ai-horis sira iha aredores mos tesi mos hotu, hodi usa atu suno tein ha-han.

Durante 24 anos de okupasaun Indonesia, akontese mos konsentrasaun de populasaun iha vilas Sub-Distritos no Distritos no kampos de akampamentos seluk-seluk espalhados iha Timor Leste. Ai-horis iha fatin de konsentrasoens hirak ne, tesi mos hotu. Iha Distrito Ermera mesmo plantasoens de kafe mos militares sira lere mos hotu tanba kestaun de segurasa.

Ita bele konklui katak flora no fauna Timor Leste durante 24 anos de okupasaun, hetan prejuizos bot tanba ita nia ai-laran tuan sira, ai-kameli, desaparese total. Fatin sira uluk antes da invasaun 1975 hakete matak nakuno ho ai-laran tuan, balak fuik mos bele hetan iha estradas, ohin loron molik tomak nen aihun ida ita hare no balada fuik sira mos lakon hotu.

Situasaun atual alarmante tebe-tebes kona ba meio-ambiente : husi sorin ida, prejuizos kauzados husi period de okupasaun estrangeira, husi sorin seluk povo Timor Leste tomak tesi ai hodi halo tos, tesi ai hodi suno. Pratika halokn ai-horis to ohin loron nia kuantidade ka volume inkalkulavel. Atu rekupera lori tinan naruk no investimento bot.

Oin sa address (buka dalan) issues lere tos no ai suno?

Issue lere tos iha rai-lolon – populasaun sira husi kosta Norte hela iha (upper lands) ho altitude + de 500 metros, topografia rai-maluk normalmente iha enkostas (rai-lolon). Inklinasaun varia. Por exemplo iha Maubisse, Letefoho nebe altitude liu + 1000 metros, rai lolon makas liu, iha Aileu ka Bazartete. Tanba nesesidade kuda ai-han ba populasaun sira nia moris lo-loron, hakarak ka lakohi nesessidade obriga para populsaun sira tesi ai, sira iha enkostas, hodi kuda buat ruma atu sustenta sira nia moris. La iha dalan seluk.

Caracteristicas ida ita nota, populasaoens barak maka hela iha upper lands (fatin as). Razaun tanba be matan barak, no susuk la iha. Nune moras ba paludismo iha fatin as la predominante.

Konsekeunsias kultivo de produtos agrikolas iha rai-lolon sira, iha tempu udan bot, rai monu barak no rai halai mos. Tos sira besik estradas, halo estradas sira kotu hotu, rai monu ba estradas laran, no difikulta trafiko de viaturas.

Husi ponto de vista meio-ambiental, practika nebe populasaun sira usa atu buka moris, estraga meio-ambiente, tanba ai-horis sira importante atu protégé meio-ambiente, atu rai labele halai, monu, be labele maran iha bairolon tanba ai-horis sira hanesan fontes importante ba vida bio-diversidade alem de suporta be matan sira moris.


Resumo kona ba tesi ai:

Popolusaun sira nia nesesidade atu moris, sira buka meios hotu-hotu. Tesi ai halo tos, tesi ai hodi fan hetan osan, tese hodi suno.

Desafios koloka ba governo

i. Governo tenki hahu ho seriedade iha tempo badak, buka medidas preventivas atu kombate gradualmente populasaun sira tesi ai, hodi halo tos no tesi ai-suno;

ii. Solusaun disponivel maka kaptasaun de gas no utilizasaun de gas iha rai-leten no rai okos iha fatin sira nebe gas seep lokaliza tiha ona;

iii. Governo investe ka em koperasaun ho setor privado atu explora ona gas iha zona exkluziva gas no condensate atu responde ona necessidade da crise de energia.

Conclusaun:

1. Fontes de energia ba Timor Leste maka utilizasaun de gas tanba Timor Leste possue reservas bot;

2. Explorasaun de gas iha curto prazo, ba uso iha sector eletrifikazaun fo poupansa bot ba orsamento governo, alem de benefisio ba populzasaun evita tesi ai, tanba usa eletrisidade hodi tein ou gas;

3. Timor Leste usa gas, kusto kilowatt per hour sei baratu bele 0.02 cent . Energia baratu, insentiva investimento estrangeiro no denamiza crescimento ekonomiko I ikus mai protégé mos meio ambiente.

Artigo hatun exklusivu Forum Hkasesuk (8/2/10)