Husi António Ramos Naikoli*
Wainhira sei kaer ukun no halao knar nudar Primeiru-Ministru iha Governu Konstitucional ba dala uluk, hatudu katak ukun nain ne´ebe iha sentidu ba estadu, hare husi ninia diskursun ne´ebe tau hamutuk hodi publika iha livru ho judul: ”Timor-Leste, o camindo do desenvolvimento, edisaun Lidle, Lisboa, 2006”. Hatudu katak iha mudansa bot husi diskursu Mari Alkatiri, husi pragmatismu ba diskursu ne´ebe ideologika no destinu ba konsumu politiku internu.
Mari Alkatiri foin dadaun ne´e halo tinan 60, iha loron 26.12.2009 no nia rasik hasoru desfius bot balun. Husi sorin ida, tama ba iha clube terceira idade, ne´e procesu natural hodi ba to´o ida ne´e. Hare husi parte ekonomia nian, Mari Alkatiri alem nia simu beneficiu husi Pensaun Vitaliciu (PV) nudar eis-titular no mos bele ba rejistu iha Ministeriu Solidariedade Sosial (MSS) hanesan beneficiariu ba pensaun katuas/ferik. Husi sorin seluk, desafiu politiku ne´ebe Mari Alkatiri hasoru maka oinsa maka hatutan knar ka poder iha partidu Fretilin ba jerasaun foinsae nian (klosan sira). Laos facil, teste ba dala uluk iha konferencia Fretilin,disritu Dili iha loron 7/8 fulan Novembru tina ida ne´e, Arsenio Bano nudar kandidatu favoritu no hetan tulun husi Mari Alkatiri lakon iha eleisaun ho Gregorio Saldanha. Leitura politika ne´ebe bele sai hanesan sasukat hanesan korelasaun direkta, diskursu no estrategia ne´ebe adopta husi lideransa Fretilin la hetan aceitasaun iha Fretilin laran. Cidade Dili, bele sai hanesan baromete ida ba halo analisa no sukat ba forsa partidu politika ida ninia implementasaun.
Hatan ba situasaun sira ne´e, Mari Alkatiri, hakarak marka ajenda nasional liu husi hakerek artigu ho titul «”IV Governo Constitucional ka Sociedade Unipessoal, Lda”», kritika makas kontra medidas saida deit maka IV Governo Constitucional foti. Mos hakarak fó hikas fali moral ba militantes sira liu husi konferencia ne´ebe halao loron rua, 5-6 Dezembru tinan 2009.
Iha artigo ne´e, hakerek nain hakarak hatan ba argumentus balun husi Mari Alkatiri ninia artigu, ne´ebe inspira ba qualquer leitor hodi halo exercicios akademika.
Krescimentu Ekonomika
Ba Mari Alkatiri, eis-PM no eternu Sekretariu Jeral partidu Fretilin, kestiona ba resultadu ne´ebe Governu ida ne´e konsegue iha kampu ekonomia, ne´e lidera husi PM Kay Rala Xanana Gusmão.
Argumentu central husi Mari Alkatiri, reflecte politiku ne´ebe hakerek artigu hodi destinu ho ninia objektivu ba konsumu politiku.
Mari Alkatiri utiliza indikadores sociais hodi hodi kontra resultadu konaba krescimentu ekonomika ne´ebe Governu ida ne´e alkansa. Buka mos kompreende Mari Alkatiri laos ekonomista iha ninia formasaun akademika, maske iha ninia perkursu politiku nudar PM iha I Governo Constitucional no kaer mos pasta nudar Ministro Economia no Desenvolvimento.
Hare husi ninia korelasaun ba kausalidade, husi krescimentu ekonomika no ninia impaktu ba hatun kiak. Tuir previsaun katak se mantem ritmu ba krescimentu ekonomika ho minimu ba 8% ba tinan ida no sei jera impaktu ba hatun emar kiak ba metade iha tinan sanulu nia laran.
Reforma ne´ebe maka governu ida ne´e halao dadaun, liliu, reforma iha jestaun financeira ne´ebe kontribui makas hodi ses husi aisatan bot maka jestaun financeira ne´e kleur ne´ebe heransa ne´e Governo Constitucional ida ba dala uluk rai hela iha Mari Alkatiri ninia ukun.
Investimentu iha sektor produtivu no incentivu ba sektor ekonomika ne´ebe laos mina rai sei kontribui ba krescimentu no ninia sequencia lojika maka kontribuisaunba krescimentu ekonomika. Orçamento Estado 2010 (OGE2010), koresponde ba estrategia desenvolvimentu ekonomika husi IV Governo Constitucional, ne´ebe aposta iha Sektor desenvolvimentu umanus no social, husi sorin ida. Husi sorin seluk, aposta iha sektor desenvolvimentu ekonomika.
Edukasaun, Saude no solidariedade social, sektores sira ne´ebe governu ida ne´e asumi hanesan komprimisu ne´ebe hakerek iha Programa IV Governo Constictuional nian. Desenvolvimentu ekonomika ne´ebe ho ninia meta atu atinji ba 8% ba tinan ida ne´e.
Governasaun ho Dekretu
Tuir Konstituisaun RDTLm iha artigu 2º konaba (Soberania no Constitucionalidade) iha ninia numeru 2): “Estado subordina ba Konstituisaun no Leis”. No iha numeru 3): “Lei no aktus estadu no poder lokal validus se konforme tuir Konstituisaun”.
Iha modesta interpretasaun, PM bele halao ninia knar, wainhira la kontra Lei no Konstituisaun Republika. No validus, aktus governativus, ne´ebe tuir Leis no Konstituisaun RDTL.
Funsaun Publika
Periuridade reforma maka IV Governo Constitucional maka Reforma iha Administrasaun. Atu halao diak reforma, governu estabelce Komisaun ba Funsaun Publika (KFP), ne´ebe ninia principal objektivu lori ba oin reforma iha sektor funsaun publika. PM Kay Rala Xanana Gusmão, iha biban tomada pose ba komisariuadus Funsaun Publika, ”ho estabelecimentu KFP sei halo forsa kbiit Instituisaun Administrasaun Publika, hodi defende interesse ba estado no halo diak liu tan servisu publiku, ne´e lao hamutuk ho desenvolvimentu mekanismu ba governasaun ne´ebe diak ne´e implementa, konfirma duni ba vontade governu ida ne´e hodi kumpri saida maka promete ona (hare Diskursu PM,15/08/2009)”.
Tenik tan PM iha ninia diskursu, ”objektivu KFP, ne´ebe hatoó nudar proposta husi no aprovadu Parlamentu Nasional, ne´ebe asegura- funsaun publika ne´ebe baseadu iha meritu no iha padraun itegridade ne´ebe ás no profisionalismu; funsaun publika ne´ebe oferece servisu ne´ebe qualidade ba estado no ba povo Timor-Leste; jestaun eficiente, efektivu no ekonomika desempeno funsaun publika; tratamentu justo no razoavel trabaladores Funsaun Publika no desenvolvimentu lideransa no inovasaun iha funsaun publika tomak (idem)”.
Monta FP ne´ebe la obedece ba kriterius politika partidaria no aposta iha kompetencia teknika no profisional. Faktus sira reflekte ba ida ne´e duni, funcionarius publiku ka sira ne´ebe hetan acessu ba FP iha biban I Governo Constitucional obedece ba kriterius partidarias ne´e iha ligasuan iha partido iha poder. Wainhira IV Governo Constitucional, asumi komprimisu ba reforma, reforma iha FP.
Kontas no resultadu
Resultadu ne´ebe alkansa, konsegue iha tinan rua, sucessu barak husi IV Governo Constitucional, iha areas sira hanesan: reforma iha sektor Seguransa/defesa; politika social; reforma iha sektor ba jestaun financeira; kompromisu ba ukun diak liu husi harii: Komisaun Anti Korupsaun (KAK) no Komisaun Funsaun Publika (KFP). Krescimentu ekonomika no kompromisu hodi hatun kiak, hanesan problemas estrutruais, governu ida ne´e iha ninia meta hodi atinjidu iha tinan 10 ba oin. Ninia sequencia lojika husi krescimentu ekonomika no hatun ba kiak.
Interfencia iha Sektor Justisa
Iha rai ne´ebe demokratiku, ne´ebe prevaleje estado direitu, separasaun ba poderes, husi instituisaun estado nian ne´e hanesan regra basika ba principiu demorkatiku. Iha ka la iha estadu direitu-demokratiku, no respeitu ba independencia sistema judicial?
Ne´e kestaun ne´ebe mai husi lider politiku, antigo PM no lider Maioria Oposisaun. Waihira kaer ukun nudar PM, adopta diskursu ne´ebe pragmatiku. Maibe lian litik ne´ebe maka hatou maka ne´e, se los maka saltu ba ba sistem judicial? Wainhira sei PM, se maka tenta kontrola sistema judicial? Laos iha biban ne´ebe Mari Alkatiri kaer ukun iha I Governo Constitucional?
Mai ita hare no analise faktus
Laos iha biban governasuan Mari Alkatiri nian, aktus no faktus hatudu katak sistema judicial buka politizadu, kasus barak ne´ebe arquivu tiha, tamba deit suspeitus ne´ebe envolve elementus husi governu ka sira ne´ebe besik ba governu? Mos notoriu, iha ukun Mari Alkatiri, existe tentativa hodi manipula no domina sistema judicial, harii sistema ne´ebe hodi defende ba interesse poder ekonomika no politika.
Sektor Privadu
Governu ida ne´e iha ninia kompromisu ba desenvolvimentu integradu. Iha kampu desenvolvimentu ekonomika, sektor privadu, sai hanesan parceiru estadu ba desenvolvimentu ekonomika. Ne´e laos probaganda pedagocica maibe respeitu ba pratika Governu ne´e lidera husi PM Kay Rala Xanana Gusmão.
Aposta IV Governo Constitucional iha sektor privado hanesan parceiru desenvolvimentu ekonomika nacional, haktuir Vice Primeiro Ministro (VPM) José Luis Guterres waihira ba loke Semanario ho tema: ”Papel Sektor privadu ba desenvolvimentu ekonomika Timor-Leste”, halao iha loron 28 fulan Março tinan 2009, iha Salaun Delta Nova, Comoro, Dili. Haktuir tan VPM ba asuntu Sociais husi IV Governo Constitucional, “realsa importante sektor privadu ba dinamizasaun ekonomika nacional: maske hatene katak iha limitasaun ba ita nia empresarius nacionais, tamba falta rekursus ne´ebe iha, liliu rekursus financeiru no umanus. Maibe IV Governo Constitucional, iha ninia kompromisu hodi tulun ba sektor privadu hodi hasae sira nia kbiit. Aposta ida husi governu maka oinsa maka harii Banku Desenvolvimentu Nasional, atu nune bele fó tulun ba ita nia sktor privadu”.
Tuir komunikadu imprensa, husi porta voz IV Governo Constitucional, Agio Pereira, sublinya ba importancia sektor privadu ba desenvolvimentu nacional, “obstakulus bot ba Governu prende governu ho difikuldade hodi fomenta kondisaun ba krescimentu sektor privadu”. Realsa Secretario Estado do Conselho Ministro, “politika governu nian iha objektivus principais rua: despolitizar no implementa eskema equilibriu iha sektores ne´ebe ninia eskala bot ne´ebe inklusaun ba timor oan sira, ne´ebe mobiliza sektor privadu no autonomo, foti individu no kooperativa sira liu husi promosaun ba empresas kiik ona" (Hare Komunikadu ba Imprensa, 26/11/2009).
Traduz ba pratika, rejista indikadores krescimentu ne´ebe signifikativu ba sektor privadu iha Timor-Leste iha tinan rua nia laran, 2008/2009:
» Rejistu Hoteis 6 iha tinan 2007 no 66 iha tinan 2008, fó servisu ba emar hamutuk 600;
» Rejistu restaurantes (inkluindo pausadas rurais) indikou 2 iha tinan 2007 no 143 iha tinan 2008, fó servisu ba emar hamutuk 1500;
» Rejistu empresas indika 1212 iha tinan 2007, 3271 iha tinan 2008 no 1961 iha tinan 2009;
» Ne´e fó servisus ba cidadauns nasionais hamutuk 343 no cidadauns husi rai liur 32 iha tinan 2007, 387 nasionais no 61 husi rai liur iha tinan 2008 no 6392 nasionais no 596 husi rai liur iha tinan 2009;
» Numeru turistas iha Timor-Leste aumenta, liliu 11. 787 iha tinan 2006, 12. 980 iha tinan 2007 no 18.905 iha tinan 2008;
» Receitas mai husi imposto domestika sae makas ba 2, 787 miloes Dolares iha 3º trimestre tinan 2009, kompara ho ho 2, 67 miloes iha trimester hanesan iha tinan 2008. Receitas aduaneiras sae makas 4, 55 miloes dolares ba 4, 98 miloes iha trimestre rua,2008/2009. Aumenta ne´e sae iha biban ne´ebe halao dadaun reforma ba fiskal hodi hatun taxa, hatudu katak halo diak sistema ba sektor privado iha ita nia rain;
Pakote Referendum
Medidas politika ne´ebe IV Governo Constitucional foti maka Pakote Referendum (PR). Objektivu husi harii PR, husi sorin ida, hasae kbiit ita ninia grupo empresarial nasional. Husi sorin seluk, descentralizasaun ba sistema aprovisionamentu central. Ita mos sublina katak PR la deskrimina se se deit, la fahe projektus ba fihir ba kor politika no kroni sira seluk, maibe igualdade no oportunidade ba Timor aon hotu.
Exemplos konkretus-quase koordenadores PR husi distritus hotu-hotu, mesak empresarius ne´ebe iha ligasaun ba partidu Fretilin. Mos iha familiares balun husi familia eis-PM Mari Alkatiri mos hetan beneficiu husi PR.
PR ne´e mdeida ida pragmatika ne´ebe prevista iha Lei OGE2009, aprova husi Parlamento Nacional, promulga husi Presidente Republika no hatun iha Jornal da Republika. Ho razaun katak “halo transferencia publika husi Capital Desenvolvimento (CD) husi Ministerio Infra-estruturas. Tuir porta voz IV Governo Constitucional nian,” Governo de Xanana Gusmão esklarece plano ho valor 70 milhões dólares , hodi halao buat barak, harii uma ka rehabilita estradas no pontes, saneamento no escolas, halo diak liu tan instalasoens ba saúde no abastecimento ba Bé mos, no hatan ba necessidae especiais mos infra-estruturas hodi kontrola ba inundasaun, liu husi projektus diversor iha distritus sanulu resin tolu iha Timor-Leste laran (Hare Komunicado, 28/09/2009)”.
Objektivu husi PR
Ba dala uluk; hasae kbiit ita nia empresarius nacionais sira.
Kompromisu husi IV Governo Constitucional, lidera husi PM Kay Rala Xanana Gusmão, aposta makas iha sektor privadu hanesan parceiro ba desenvolvimentu ekonomka nasional.
Ba dala rua; descentralizasaun ba sistem aprovisionamentu central.
Tamba hare tuir fakta be´e iha, sistema ne´ebe centralizadu difikulta ba nivel procesu iha jestaun administrasaun no neneik i kleur. Ne´ebe bele prejudika ba projektus sira.
Ba dala tolu; descentralizasaun ba desenvolvimentu nasional.
Ho PR, desenvolvimentu bele hadait to´o ba distritus. Wainhira koncentra sistema jere maka impaktu ba desenvolvimentu ne´ebe assimetria, centrus urbanos ne´ebe iha ligasaun ho lideres ka sira be kaer sistema, hare ninia desenvolvimentu lao liu,maibe zonas rurais, ne´ebe menus ba acesu ba pode central no menus ligasaun ka loby ba central, prejudika ho atrasu ba desenvolvimentu. Hanesan defende Porta voz Governo nian, Agio Pereira, “ planu ho uniku medida ne´ebe estabelecidu ona hodi inklusaun ba sektor privadu timor oan nian; iniciativa especial hodi fó autonomia ba empresas lokais iha distritus no sub-distritus (idem)”.
Ikus liu, la iha deskriminasaun ba empresarius nasionais sira.
PR laos deskriminatroiu ba empresarius nasionais. Projketu PR beneficiaram hamutuk 700 Companhias timor oan, husi sorin ida. Husi sorin seluk, incentiva hodi dinamiza ekonomia nasional.
Governasaun ho Emerjencia
Saida maka dehan Mari Alkatiri iha ninia artigu konaba governasaun emerjencia? Iha hau nia hare no hatene, referencia ba aktus konkretus ba estado/Governo Timor-Leste. Ne´ebe?Situasuan ba emerjencia, hodi resolve problemas IDP´s (deslakadu internus), kasu peticionarius (produtos ne´ebe mai husi governasaun Mari Alkatiri nian). Ho situasaun emerjencia, oinsa maka resolve problemas post 11.02.2008, ne´ebe atakes kontra Presidente Republika no PM rasik. Iha situasuan ne´ebe emerjencia impoen estadio sitio. Ordem ba operasaun konjunta husi F-FDTL/PNTL, ho objektivu halo operasaun presusasuan ba rebeldes sira. Governasaun emerjencia ho objektivu oinsa maka dignifika Konstituisaun RDTL. Iha situasaun hanesan obriga estado hola medida hodi mantem ordem no Lei. Natural iha governasaun emerjencia.
Agrikultura no fahe trator
Modenizasaun ba ita nia agrikultura, ho objektivu oinsa maka maximiza ita ninia produto agricola. Ho fahe tratores buka oinsa maka hasae produsaun agricola. Husi sorin ida, minimiza ita ninia dependencia ba necessidade basika, hanesan fos no seluk tan. Husi sorin seluk, oinsa maka bele hamenus ka hatun kiak no desenvolvimentu iha sektor ne´ebe ninia kontribuisaun ba krescimentu ekonomika.
Analisa ba faktus, tuir dados husi Ministeriu Agricultura no Peskas (MAP). Ita hare iha tendensia ba hasae produsaun ai-han, liliu fos. Hare iha tinan 2007, produz besik 60,420 toneladas fos no koa rai/natar besik ba 31,000 hektares; iha tinan 2009, produs besik ba 105,000 toneladas fos no total koa rai/natar besik ba 45,000 hektares (hare Bulitom OGE2010). Tendencia ba hasae produsaun agricola ne´e laos teki-teki mosu deit maibe koresponde ba politika estrategika governu ida ne´e nian, oinsa maka buka moderniza sektor agricultura, liu husi fahe tratores, koa rai/natar no kuda rai gratuita.
Projektu Single Source
Saida maka hakarak dehan ho ida ne´e, Mari Alkatiri uja termu ne´ebe cita, Single Source? Iha biban nia kaer ukun, bele dehan katak iha situasaun ida governasaun emerjencia, iha projektus barak ne´ebe fó deit ba ninia kroni ka cirkulus ne´ebe haleu Mari Alkatiri , lius husi famosu lia fuan, “Single Source”. Bele foti faktus balun, iha situasaun emerjencia politika, no laos governasaun emerjencia, iha projektus hamutuk 53 iha aprovisionamentu central maka fahe deit, la liu husi procesu tenderizasaun maibe fahe deit ba empresarius sira ne´ebe maka iha ligasaun ho Partido Mari Alkatiri nian. Maibe hanesan ema dehan, la iha almoço ida maka gratis, «Fó-Simu», iha kontratu entre empresarius sira ho Partido Fretilin, kada empresarius hatama 5% ba kofre partidu nian, hodi financia kampana 2007.
Durante governasaun Mari Alkatiri, liu husi “single source“, maka Companhia Cavalo Bravo,lda, hetan direitu exklusivu ba sosa armas no kartus ba PNTL, no ikus mai, iha krise politika-militar 2006, kilat/muniçoes barak maka fahe ba Milicia Civil pro-Fretilin, ka, ho famoso naran «Esquadrão da Morte de Alkatiri».
Liberdade ba imprensa
Mari Alkatiri iha ninia hakerek mos kestiona konaba «Liberdade ba impresa» iha Timor-Leste, tamba koloka problema maka Governu ne´ebe lidera husi PM Kay Rala Xanana Gusmão. Tuir Mari Alkatiri, “Governu Xanana buka kontrola media. Kontrola totalmente TVTL (hare artigo Mari Alkatiri nian, Timor Post, 16/11/2009)”. Se memoria la faila, se maka halo presaun kontra, wainhira media kritika medidas balun governu nian no politika governu nian? Se maka telefon e ba lideres media sira hodi ameaça no halo chantagem? STL, iha biban Mari Alkatiri kaer ukun, sai vitima ba preseguisaun politika, liu husi, hasai ka duni sai STL husi ninia knua ne´ebe okupa iha Kolmera. Se maka liu husi meius no kustu hotu hodi kontrola media, liu husi dalan oi-oin, liliu introdus ka hatama iha Codigo Proceso Penal (CPP), figura ida naran «Kriminalizasaun ba media ka journalista sira», wainhira journalista ka media hatun artigus ka nuticias ne´ebe maka kritika Governo ka entidades Governu nian, ameasa hodi ba hela iha Hotel Fitun Lima, LP Bekora? Mari Alkatiri utiliza instrumentu estadu hodi halao preseguisaun politika.
Sorte, eis-Presidente Republika, Kay Rala Xanana Gusmão veto tiha CPP. Se maka, foin dadaun, dere arame liman ba eitor balun tamba deit jornais hatun nuticias ka berita konaba posisaun kritika Mari Alkatiri konaba Pakote Referendum maibe maun alin balun mos hetan Pakote Referendum? No ameasa atu lori ba Tribunal. Saida maka akontece, se Mari Alkatiri maka kaer ka lidera IV Governo Constitucional? Nia se halo no halao politika ba preseguisaun ba media, tamba nia alergia ba kritikas. Dehan editor Jornal ida katak, ”PM Kay Rala Xanana Gusmãom nunka telefone mai ami ka presiona ami,tamba deit hakerek ka hatun nuticias ne´ebe kritika ba nia”.
Governu ida ne´e, lidera husi PM Kay Rala Xanana Gusmão, iha mos kompromisu, hodi fó tulun ba desenvolve media ka pers nasional. Akordo ne´ebe estabelece ona husi Timor-Leste Press Club (TLPC) ho Governo, buka oinsa maka ajuda media sai hanesan parceiru ba desenvolvimentu no haklaken informasaun ba to´o base. Governu iha kompromisu atu lori ba oin procesu desenvolvimentu, media sai haensan parceiru importante ida.
Lian litik ne´ebe maka Mari Alkatiri foti maka ne´e, dehan Governu kontrola media maibe media sira barak maka kritika ba politika balun Governu ida ne´e nian. Hanesan Tempo Semanal (TS), hola parte ba membrus TLPC, sempre kritika ba buat balun la los husi governu.
Labele partidariza eleisaun ba Lideres Komunitarius
Tuir especialista balun iha ciencia politika katak “faktu la envolve partidu politiku iha eleisaun ba lideres komunitarius, ne´e avansu bot ida no sai hanesan paradigma foun ida maka implementa iha rai ida ne´e. Lei ka ukun fuan konaba ida ne´e klaru los, partidus politikus labele envolve iha eleisauns ba lideres komunitarius, oinsa maka lider partidu ida bele mai reklama katak nia maka manan ka borong?"
Buat ida maka ne´e, leitura konaba resultadu eleisaun lideres komunitarius ne´e diversifikadu. Posisaun Mari Alkatiri nian, reklma katak ninia partidu maka manan hotu, no traduz ba pratika, votu protestu ba IV Governo Constitucional ne´ebe lidera husi PM Kay Rala Xanana Gusmão. Neduni husu ba Presidente Republika, konvoka eleisaun antecipada.
Husi sorin AMP, vitoria iha eleisaun ba lideransa komunitaria ne´e ba povo, ho argumentus rua (2), ida; tuir lei, labele envolve partidu politiku iha eleisaun ne´e. Rua; eleisaun klaru no dehan lolos kedan ba lideransa komunitaria.
Iha perspektiva ida ne´e, imajen lider nian importante, ninia kapacidade hodi halao knar no ninia servisu lor-loron, sai hanesan lalenok ba povo hodi fihir no hili. Iha kasu barak, sira cefe sukus antigos barak uluk husi Fretilin maka re-eleitu fali, iha faktu povu vota ba nia, laos signifika katak vota ba partidu ne´ebe nia hola parte ka pertence ba. Se kandidatu cefes sukus maka ba ho bandeira partidu A ka B, dala ruma povo sei la vota tan karik, tamba povo vota ho konsciencia, vota ba paz no estabilidade, laos ona vota ba sira ne´ebe maka ninia lideransa buka maka sobu, buka maka soran, buka maka vinga/odio. Hanesan haktuir Secretario de Estado da Politica Energetica (SEPE) iha ninia deklarasaun wainhira haksesuk malu konaba OGE2010 iha especialidade hodi hatan ba Oposisaun katak: ”Povo la pertence ba partido politiku maibe pertence ba ninia konsciencia(Hare TVTL, 25/1172009)”.
*Editor Forum Haksesuk!
Versaun Tetun, hatun iha STL edisaun (9 i 10/12, paj. 14) no versaun Portugues hatun iha Jornal Nacional Diario (JND) edisaun (9/12, pajs. 4 i5)!
Wainhira sei kaer ukun no halao knar nudar Primeiru-Ministru iha Governu Konstitucional ba dala uluk, hatudu katak ukun nain ne´ebe iha sentidu ba estadu, hare husi ninia diskursun ne´ebe tau hamutuk hodi publika iha livru ho judul: ”Timor-Leste, o camindo do desenvolvimento, edisaun Lidle, Lisboa, 2006”. Hatudu katak iha mudansa bot husi diskursu Mari Alkatiri, husi pragmatismu ba diskursu ne´ebe ideologika no destinu ba konsumu politiku internu.
Mari Alkatiri foin dadaun ne´e halo tinan 60, iha loron 26.12.2009 no nia rasik hasoru desfius bot balun. Husi sorin ida, tama ba iha clube terceira idade, ne´e procesu natural hodi ba to´o ida ne´e. Hare husi parte ekonomia nian, Mari Alkatiri alem nia simu beneficiu husi Pensaun Vitaliciu (PV) nudar eis-titular no mos bele ba rejistu iha Ministeriu Solidariedade Sosial (MSS) hanesan beneficiariu ba pensaun katuas/ferik. Husi sorin seluk, desafiu politiku ne´ebe Mari Alkatiri hasoru maka oinsa maka hatutan knar ka poder iha partidu Fretilin ba jerasaun foinsae nian (klosan sira). Laos facil, teste ba dala uluk iha konferencia Fretilin,disritu Dili iha loron 7/8 fulan Novembru tina ida ne´e, Arsenio Bano nudar kandidatu favoritu no hetan tulun husi Mari Alkatiri lakon iha eleisaun ho Gregorio Saldanha. Leitura politika ne´ebe bele sai hanesan sasukat hanesan korelasaun direkta, diskursu no estrategia ne´ebe adopta husi lideransa Fretilin la hetan aceitasaun iha Fretilin laran. Cidade Dili, bele sai hanesan baromete ida ba halo analisa no sukat ba forsa partidu politika ida ninia implementasaun.
Hatan ba situasaun sira ne´e, Mari Alkatiri, hakarak marka ajenda nasional liu husi hakerek artigu ho titul «”IV Governo Constitucional ka Sociedade Unipessoal, Lda”», kritika makas kontra medidas saida deit maka IV Governo Constitucional foti. Mos hakarak fó hikas fali moral ba militantes sira liu husi konferencia ne´ebe halao loron rua, 5-6 Dezembru tinan 2009.
Iha artigo ne´e, hakerek nain hakarak hatan ba argumentus balun husi Mari Alkatiri ninia artigu, ne´ebe inspira ba qualquer leitor hodi halo exercicios akademika.
Krescimentu Ekonomika
Ba Mari Alkatiri, eis-PM no eternu Sekretariu Jeral partidu Fretilin, kestiona ba resultadu ne´ebe Governu ida ne´e konsegue iha kampu ekonomia, ne´e lidera husi PM Kay Rala Xanana Gusmão.
Argumentu central husi Mari Alkatiri, reflecte politiku ne´ebe hakerek artigu hodi destinu ho ninia objektivu ba konsumu politiku.
Mari Alkatiri utiliza indikadores sociais hodi hodi kontra resultadu konaba krescimentu ekonomika ne´ebe Governu ida ne´e alkansa. Buka mos kompreende Mari Alkatiri laos ekonomista iha ninia formasaun akademika, maske iha ninia perkursu politiku nudar PM iha I Governo Constitucional no kaer mos pasta nudar Ministro Economia no Desenvolvimento.
Hare husi ninia korelasaun ba kausalidade, husi krescimentu ekonomika no ninia impaktu ba hatun kiak. Tuir previsaun katak se mantem ritmu ba krescimentu ekonomika ho minimu ba 8% ba tinan ida no sei jera impaktu ba hatun emar kiak ba metade iha tinan sanulu nia laran.
Reforma ne´ebe maka governu ida ne´e halao dadaun, liliu, reforma iha jestaun financeira ne´ebe kontribui makas hodi ses husi aisatan bot maka jestaun financeira ne´e kleur ne´ebe heransa ne´e Governo Constitucional ida ba dala uluk rai hela iha Mari Alkatiri ninia ukun.
Investimentu iha sektor produtivu no incentivu ba sektor ekonomika ne´ebe laos mina rai sei kontribui ba krescimentu no ninia sequencia lojika maka kontribuisaunba krescimentu ekonomika. Orçamento Estado 2010 (OGE2010), koresponde ba estrategia desenvolvimentu ekonomika husi IV Governo Constitucional, ne´ebe aposta iha Sektor desenvolvimentu umanus no social, husi sorin ida. Husi sorin seluk, aposta iha sektor desenvolvimentu ekonomika.
Edukasaun, Saude no solidariedade social, sektores sira ne´ebe governu ida ne´e asumi hanesan komprimisu ne´ebe hakerek iha Programa IV Governo Constictuional nian. Desenvolvimentu ekonomika ne´ebe ho ninia meta atu atinji ba 8% ba tinan ida ne´e.
Governasaun ho Dekretu
Tuir Konstituisaun RDTLm iha artigu 2º konaba (Soberania no Constitucionalidade) iha ninia numeru 2): “Estado subordina ba Konstituisaun no Leis”. No iha numeru 3): “Lei no aktus estadu no poder lokal validus se konforme tuir Konstituisaun”.
Iha modesta interpretasaun, PM bele halao ninia knar, wainhira la kontra Lei no Konstituisaun Republika. No validus, aktus governativus, ne´ebe tuir Leis no Konstituisaun RDTL.
Funsaun Publika
Periuridade reforma maka IV Governo Constitucional maka Reforma iha Administrasaun. Atu halao diak reforma, governu estabelce Komisaun ba Funsaun Publika (KFP), ne´ebe ninia principal objektivu lori ba oin reforma iha sektor funsaun publika. PM Kay Rala Xanana Gusmão, iha biban tomada pose ba komisariuadus Funsaun Publika, ”ho estabelecimentu KFP sei halo forsa kbiit Instituisaun Administrasaun Publika, hodi defende interesse ba estado no halo diak liu tan servisu publiku, ne´e lao hamutuk ho desenvolvimentu mekanismu ba governasaun ne´ebe diak ne´e implementa, konfirma duni ba vontade governu ida ne´e hodi kumpri saida maka promete ona (hare Diskursu PM,15/08/2009)”.
Tenik tan PM iha ninia diskursu, ”objektivu KFP, ne´ebe hatoó nudar proposta husi no aprovadu Parlamentu Nasional, ne´ebe asegura- funsaun publika ne´ebe baseadu iha meritu no iha padraun itegridade ne´ebe ás no profisionalismu; funsaun publika ne´ebe oferece servisu ne´ebe qualidade ba estado no ba povo Timor-Leste; jestaun eficiente, efektivu no ekonomika desempeno funsaun publika; tratamentu justo no razoavel trabaladores Funsaun Publika no desenvolvimentu lideransa no inovasaun iha funsaun publika tomak (idem)”.
Monta FP ne´ebe la obedece ba kriterius politika partidaria no aposta iha kompetencia teknika no profisional. Faktus sira reflekte ba ida ne´e duni, funcionarius publiku ka sira ne´ebe hetan acessu ba FP iha biban I Governo Constitucional obedece ba kriterius partidarias ne´e iha ligasuan iha partido iha poder. Wainhira IV Governo Constitucional, asumi komprimisu ba reforma, reforma iha FP.
Kontas no resultadu
Resultadu ne´ebe alkansa, konsegue iha tinan rua, sucessu barak husi IV Governo Constitucional, iha areas sira hanesan: reforma iha sektor Seguransa/defesa; politika social; reforma iha sektor ba jestaun financeira; kompromisu ba ukun diak liu husi harii: Komisaun Anti Korupsaun (KAK) no Komisaun Funsaun Publika (KFP). Krescimentu ekonomika no kompromisu hodi hatun kiak, hanesan problemas estrutruais, governu ida ne´e iha ninia meta hodi atinjidu iha tinan 10 ba oin. Ninia sequencia lojika husi krescimentu ekonomika no hatun ba kiak.
Interfencia iha Sektor Justisa
Iha rai ne´ebe demokratiku, ne´ebe prevaleje estado direitu, separasaun ba poderes, husi instituisaun estado nian ne´e hanesan regra basika ba principiu demorkatiku. Iha ka la iha estadu direitu-demokratiku, no respeitu ba independencia sistema judicial?
Ne´e kestaun ne´ebe mai husi lider politiku, antigo PM no lider Maioria Oposisaun. Waihira kaer ukun nudar PM, adopta diskursu ne´ebe pragmatiku. Maibe lian litik ne´ebe maka hatou maka ne´e, se los maka saltu ba ba sistem judicial? Wainhira sei PM, se maka tenta kontrola sistema judicial? Laos iha biban ne´ebe Mari Alkatiri kaer ukun iha I Governo Constitucional?
Mai ita hare no analise faktus
Laos iha biban governasuan Mari Alkatiri nian, aktus no faktus hatudu katak sistema judicial buka politizadu, kasus barak ne´ebe arquivu tiha, tamba deit suspeitus ne´ebe envolve elementus husi governu ka sira ne´ebe besik ba governu? Mos notoriu, iha ukun Mari Alkatiri, existe tentativa hodi manipula no domina sistema judicial, harii sistema ne´ebe hodi defende ba interesse poder ekonomika no politika.
Sektor Privadu
Governu ida ne´e iha ninia kompromisu ba desenvolvimentu integradu. Iha kampu desenvolvimentu ekonomika, sektor privadu, sai hanesan parceiru estadu ba desenvolvimentu ekonomika. Ne´e laos probaganda pedagocica maibe respeitu ba pratika Governu ne´e lidera husi PM Kay Rala Xanana Gusmão.
Aposta IV Governo Constitucional iha sektor privado hanesan parceiru desenvolvimentu ekonomika nacional, haktuir Vice Primeiro Ministro (VPM) José Luis Guterres waihira ba loke Semanario ho tema: ”Papel Sektor privadu ba desenvolvimentu ekonomika Timor-Leste”, halao iha loron 28 fulan Março tinan 2009, iha Salaun Delta Nova, Comoro, Dili. Haktuir tan VPM ba asuntu Sociais husi IV Governo Constitucional, “realsa importante sektor privadu ba dinamizasaun ekonomika nacional: maske hatene katak iha limitasaun ba ita nia empresarius nacionais, tamba falta rekursus ne´ebe iha, liliu rekursus financeiru no umanus. Maibe IV Governo Constitucional, iha ninia kompromisu hodi tulun ba sektor privadu hodi hasae sira nia kbiit. Aposta ida husi governu maka oinsa maka harii Banku Desenvolvimentu Nasional, atu nune bele fó tulun ba ita nia sktor privadu”.
Tuir komunikadu imprensa, husi porta voz IV Governo Constitucional, Agio Pereira, sublinya ba importancia sektor privadu ba desenvolvimentu nacional, “obstakulus bot ba Governu prende governu ho difikuldade hodi fomenta kondisaun ba krescimentu sektor privadu”. Realsa Secretario Estado do Conselho Ministro, “politika governu nian iha objektivus principais rua: despolitizar no implementa eskema equilibriu iha sektores ne´ebe ninia eskala bot ne´ebe inklusaun ba timor oan sira, ne´ebe mobiliza sektor privadu no autonomo, foti individu no kooperativa sira liu husi promosaun ba empresas kiik ona" (Hare Komunikadu ba Imprensa, 26/11/2009).
Traduz ba pratika, rejista indikadores krescimentu ne´ebe signifikativu ba sektor privadu iha Timor-Leste iha tinan rua nia laran, 2008/2009:
» Rejistu Hoteis 6 iha tinan 2007 no 66 iha tinan 2008, fó servisu ba emar hamutuk 600;
» Rejistu restaurantes (inkluindo pausadas rurais) indikou 2 iha tinan 2007 no 143 iha tinan 2008, fó servisu ba emar hamutuk 1500;
» Rejistu empresas indika 1212 iha tinan 2007, 3271 iha tinan 2008 no 1961 iha tinan 2009;
» Ne´e fó servisus ba cidadauns nasionais hamutuk 343 no cidadauns husi rai liur 32 iha tinan 2007, 387 nasionais no 61 husi rai liur iha tinan 2008 no 6392 nasionais no 596 husi rai liur iha tinan 2009;
» Numeru turistas iha Timor-Leste aumenta, liliu 11. 787 iha tinan 2006, 12. 980 iha tinan 2007 no 18.905 iha tinan 2008;
» Receitas mai husi imposto domestika sae makas ba 2, 787 miloes Dolares iha 3º trimestre tinan 2009, kompara ho ho 2, 67 miloes iha trimester hanesan iha tinan 2008. Receitas aduaneiras sae makas 4, 55 miloes dolares ba 4, 98 miloes iha trimestre rua,2008/2009. Aumenta ne´e sae iha biban ne´ebe halao dadaun reforma ba fiskal hodi hatun taxa, hatudu katak halo diak sistema ba sektor privado iha ita nia rain;
Pakote Referendum
Medidas politika ne´ebe IV Governo Constitucional foti maka Pakote Referendum (PR). Objektivu husi harii PR, husi sorin ida, hasae kbiit ita ninia grupo empresarial nasional. Husi sorin seluk, descentralizasaun ba sistema aprovisionamentu central. Ita mos sublina katak PR la deskrimina se se deit, la fahe projektus ba fihir ba kor politika no kroni sira seluk, maibe igualdade no oportunidade ba Timor aon hotu.
Exemplos konkretus-quase koordenadores PR husi distritus hotu-hotu, mesak empresarius ne´ebe iha ligasaun ba partidu Fretilin. Mos iha familiares balun husi familia eis-PM Mari Alkatiri mos hetan beneficiu husi PR.
PR ne´e mdeida ida pragmatika ne´ebe prevista iha Lei OGE2009, aprova husi Parlamento Nacional, promulga husi Presidente Republika no hatun iha Jornal da Republika. Ho razaun katak “halo transferencia publika husi Capital Desenvolvimento (CD) husi Ministerio Infra-estruturas. Tuir porta voz IV Governo Constitucional nian,” Governo de Xanana Gusmão esklarece plano ho valor 70 milhões dólares , hodi halao buat barak, harii uma ka rehabilita estradas no pontes, saneamento no escolas, halo diak liu tan instalasoens ba saúde no abastecimento ba Bé mos, no hatan ba necessidae especiais mos infra-estruturas hodi kontrola ba inundasaun, liu husi projektus diversor iha distritus sanulu resin tolu iha Timor-Leste laran (Hare Komunicado, 28/09/2009)”.
Objektivu husi PR
Ba dala uluk; hasae kbiit ita nia empresarius nacionais sira.
Kompromisu husi IV Governo Constitucional, lidera husi PM Kay Rala Xanana Gusmão, aposta makas iha sektor privadu hanesan parceiro ba desenvolvimentu ekonomka nasional.
Ba dala rua; descentralizasaun ba sistem aprovisionamentu central.
Tamba hare tuir fakta be´e iha, sistema ne´ebe centralizadu difikulta ba nivel procesu iha jestaun administrasaun no neneik i kleur. Ne´ebe bele prejudika ba projektus sira.
Ba dala tolu; descentralizasaun ba desenvolvimentu nasional.
Ho PR, desenvolvimentu bele hadait to´o ba distritus. Wainhira koncentra sistema jere maka impaktu ba desenvolvimentu ne´ebe assimetria, centrus urbanos ne´ebe iha ligasaun ho lideres ka sira be kaer sistema, hare ninia desenvolvimentu lao liu,maibe zonas rurais, ne´ebe menus ba acesu ba pode central no menus ligasaun ka loby ba central, prejudika ho atrasu ba desenvolvimentu. Hanesan defende Porta voz Governo nian, Agio Pereira, “ planu ho uniku medida ne´ebe estabelecidu ona hodi inklusaun ba sektor privadu timor oan nian; iniciativa especial hodi fó autonomia ba empresas lokais iha distritus no sub-distritus (idem)”.
Ikus liu, la iha deskriminasaun ba empresarius nasionais sira.
PR laos deskriminatroiu ba empresarius nasionais. Projketu PR beneficiaram hamutuk 700 Companhias timor oan, husi sorin ida. Husi sorin seluk, incentiva hodi dinamiza ekonomia nasional.
Governasaun ho Emerjencia
Saida maka dehan Mari Alkatiri iha ninia artigu konaba governasaun emerjencia? Iha hau nia hare no hatene, referencia ba aktus konkretus ba estado/Governo Timor-Leste. Ne´ebe?Situasuan ba emerjencia, hodi resolve problemas IDP´s (deslakadu internus), kasu peticionarius (produtos ne´ebe mai husi governasaun Mari Alkatiri nian). Ho situasaun emerjencia, oinsa maka resolve problemas post 11.02.2008, ne´ebe atakes kontra Presidente Republika no PM rasik. Iha situasuan ne´ebe emerjencia impoen estadio sitio. Ordem ba operasaun konjunta husi F-FDTL/PNTL, ho objektivu halo operasaun presusasuan ba rebeldes sira. Governasaun emerjencia ho objektivu oinsa maka dignifika Konstituisaun RDTL. Iha situasaun hanesan obriga estado hola medida hodi mantem ordem no Lei. Natural iha governasaun emerjencia.
Agrikultura no fahe trator
Modenizasaun ba ita nia agrikultura, ho objektivu oinsa maka maximiza ita ninia produto agricola. Ho fahe tratores buka oinsa maka hasae produsaun agricola. Husi sorin ida, minimiza ita ninia dependencia ba necessidade basika, hanesan fos no seluk tan. Husi sorin seluk, oinsa maka bele hamenus ka hatun kiak no desenvolvimentu iha sektor ne´ebe ninia kontribuisaun ba krescimentu ekonomika.
Analisa ba faktus, tuir dados husi Ministeriu Agricultura no Peskas (MAP). Ita hare iha tendensia ba hasae produsaun ai-han, liliu fos. Hare iha tinan 2007, produz besik 60,420 toneladas fos no koa rai/natar besik ba 31,000 hektares; iha tinan 2009, produs besik ba 105,000 toneladas fos no total koa rai/natar besik ba 45,000 hektares (hare Bulitom OGE2010). Tendencia ba hasae produsaun agricola ne´e laos teki-teki mosu deit maibe koresponde ba politika estrategika governu ida ne´e nian, oinsa maka buka moderniza sektor agricultura, liu husi fahe tratores, koa rai/natar no kuda rai gratuita.
Projektu Single Source
Saida maka hakarak dehan ho ida ne´e, Mari Alkatiri uja termu ne´ebe cita, Single Source? Iha biban nia kaer ukun, bele dehan katak iha situasaun ida governasaun emerjencia, iha projektus barak ne´ebe fó deit ba ninia kroni ka cirkulus ne´ebe haleu Mari Alkatiri , lius husi famosu lia fuan, “Single Source”. Bele foti faktus balun, iha situasaun emerjencia politika, no laos governasaun emerjencia, iha projektus hamutuk 53 iha aprovisionamentu central maka fahe deit, la liu husi procesu tenderizasaun maibe fahe deit ba empresarius sira ne´ebe maka iha ligasaun ho Partido Mari Alkatiri nian. Maibe hanesan ema dehan, la iha almoço ida maka gratis, «Fó-Simu», iha kontratu entre empresarius sira ho Partido Fretilin, kada empresarius hatama 5% ba kofre partidu nian, hodi financia kampana 2007.
Durante governasaun Mari Alkatiri, liu husi “single source“, maka Companhia Cavalo Bravo,lda, hetan direitu exklusivu ba sosa armas no kartus ba PNTL, no ikus mai, iha krise politika-militar 2006, kilat/muniçoes barak maka fahe ba Milicia Civil pro-Fretilin, ka, ho famoso naran «Esquadrão da Morte de Alkatiri».
Liberdade ba imprensa
Mari Alkatiri iha ninia hakerek mos kestiona konaba «Liberdade ba impresa» iha Timor-Leste, tamba koloka problema maka Governu ne´ebe lidera husi PM Kay Rala Xanana Gusmão. Tuir Mari Alkatiri, “Governu Xanana buka kontrola media. Kontrola totalmente TVTL (hare artigo Mari Alkatiri nian, Timor Post, 16/11/2009)”. Se memoria la faila, se maka halo presaun kontra, wainhira media kritika medidas balun governu nian no politika governu nian? Se maka telefon e ba lideres media sira hodi ameaça no halo chantagem? STL, iha biban Mari Alkatiri kaer ukun, sai vitima ba preseguisaun politika, liu husi, hasai ka duni sai STL husi ninia knua ne´ebe okupa iha Kolmera. Se maka liu husi meius no kustu hotu hodi kontrola media, liu husi dalan oi-oin, liliu introdus ka hatama iha Codigo Proceso Penal (CPP), figura ida naran «Kriminalizasaun ba media ka journalista sira», wainhira journalista ka media hatun artigus ka nuticias ne´ebe maka kritika Governo ka entidades Governu nian, ameasa hodi ba hela iha Hotel Fitun Lima, LP Bekora? Mari Alkatiri utiliza instrumentu estadu hodi halao preseguisaun politika.
Sorte, eis-Presidente Republika, Kay Rala Xanana Gusmão veto tiha CPP. Se maka, foin dadaun, dere arame liman ba eitor balun tamba deit jornais hatun nuticias ka berita konaba posisaun kritika Mari Alkatiri konaba Pakote Referendum maibe maun alin balun mos hetan Pakote Referendum? No ameasa atu lori ba Tribunal. Saida maka akontece, se Mari Alkatiri maka kaer ka lidera IV Governo Constitucional? Nia se halo no halao politika ba preseguisaun ba media, tamba nia alergia ba kritikas. Dehan editor Jornal ida katak, ”PM Kay Rala Xanana Gusmãom nunka telefone mai ami ka presiona ami,tamba deit hakerek ka hatun nuticias ne´ebe kritika ba nia”.
Governu ida ne´e, lidera husi PM Kay Rala Xanana Gusmão, iha mos kompromisu, hodi fó tulun ba desenvolve media ka pers nasional. Akordo ne´ebe estabelece ona husi Timor-Leste Press Club (TLPC) ho Governo, buka oinsa maka ajuda media sai hanesan parceiru ba desenvolvimentu no haklaken informasaun ba to´o base. Governu iha kompromisu atu lori ba oin procesu desenvolvimentu, media sai haensan parceiru importante ida.
Lian litik ne´ebe maka Mari Alkatiri foti maka ne´e, dehan Governu kontrola media maibe media sira barak maka kritika ba politika balun Governu ida ne´e nian. Hanesan Tempo Semanal (TS), hola parte ba membrus TLPC, sempre kritika ba buat balun la los husi governu.
Labele partidariza eleisaun ba Lideres Komunitarius
Tuir especialista balun iha ciencia politika katak “faktu la envolve partidu politiku iha eleisaun ba lideres komunitarius, ne´e avansu bot ida no sai hanesan paradigma foun ida maka implementa iha rai ida ne´e. Lei ka ukun fuan konaba ida ne´e klaru los, partidus politikus labele envolve iha eleisauns ba lideres komunitarius, oinsa maka lider partidu ida bele mai reklama katak nia maka manan ka borong?"
Buat ida maka ne´e, leitura konaba resultadu eleisaun lideres komunitarius ne´e diversifikadu. Posisaun Mari Alkatiri nian, reklma katak ninia partidu maka manan hotu, no traduz ba pratika, votu protestu ba IV Governo Constitucional ne´ebe lidera husi PM Kay Rala Xanana Gusmão. Neduni husu ba Presidente Republika, konvoka eleisaun antecipada.
Husi sorin AMP, vitoria iha eleisaun ba lideransa komunitaria ne´e ba povo, ho argumentus rua (2), ida; tuir lei, labele envolve partidu politiku iha eleisaun ne´e. Rua; eleisaun klaru no dehan lolos kedan ba lideransa komunitaria.
Iha perspektiva ida ne´e, imajen lider nian importante, ninia kapacidade hodi halao knar no ninia servisu lor-loron, sai hanesan lalenok ba povo hodi fihir no hili. Iha kasu barak, sira cefe sukus antigos barak uluk husi Fretilin maka re-eleitu fali, iha faktu povu vota ba nia, laos signifika katak vota ba partidu ne´ebe nia hola parte ka pertence ba. Se kandidatu cefes sukus maka ba ho bandeira partidu A ka B, dala ruma povo sei la vota tan karik, tamba povo vota ho konsciencia, vota ba paz no estabilidade, laos ona vota ba sira ne´ebe maka ninia lideransa buka maka sobu, buka maka soran, buka maka vinga/odio. Hanesan haktuir Secretario de Estado da Politica Energetica (SEPE) iha ninia deklarasaun wainhira haksesuk malu konaba OGE2010 iha especialidade hodi hatan ba Oposisaun katak: ”Povo la pertence ba partido politiku maibe pertence ba ninia konsciencia(Hare TVTL, 25/1172009)”.
*Editor Forum Haksesuk!
Versaun Tetun, hatun iha STL edisaun (9 i 10/12, paj. 14) no versaun Portugues hatun iha Jornal Nacional Diario (JND) edisaun (9/12, pajs. 4 i5)!
Sem comentários:
Enviar um comentário
Nota: só um membro deste blogue pode publicar um comentário.