VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20090923

AMP prepara Inqueritu ba Foz nebe Governu Mari Alkatiri fahe iha biban sira kaer ukun

Hakerek Jornalista: Agora Arsenio Bano, membro Governo no membro CCF, hetan akuzasaun husi PM Horta fahe fos ba Nuno Korka, lider artes marciais nebee adere tiha ona ba Fretilin (STL, 2/5/2007)!
Dili (23/09/2009) - Alianca Maioria Parlamentar (AMP) prepara ona atu hatou requerimentu ba Meja Parlamento Nasional (PN) hodi halo “Inqueritu ba Foz ne’ebe Governo Mari Alkatiri,liu husi ninia Ministru Arsenio Bano fahe iha biban sira kaer Ukun”. Tuir fontes iha AMP ne’ebe STL hetan acesu katak “Inqueritu Parlamentar ba Mari Alkatiri ho Arsenio Bano sei hato'o ba Meja PN depois konklui Inqueritu Parlamentar ne’ebe PN sei halo ba foz Governu AMP nian”.

Korupsaun no Abuso ba Poder:

Komisaun inqueritu Parlamentar ne’e konaba korupsaun ne’ebe envolve membrus Governu Fretilin hanesan eis-PM Mari Alkatiri rasik no eis-Ministru Arsenio Bano, tamba iha indisus ba korupsaun no abuso ba poder. Korupsaun tamba Foz sosa hodi osan povu nian no abuso ba poder tamba lori sasan estado nian hodi fo beneficiu ba interesses grupos ka partidus.

Komisaun Inqueritu ne’e sei prepara husi Parlamentar AMP, hamutuk atu nune bele halao inqueritu Parlamentar ba kasu ne’e. Kasu ne’e hatudu iha indisus forte Korupsaun no abuso ba poder neduni konklusaun sei rekomenda ba Ministeriu Publiku atu investiga hodi hato'o ba Tribunal.

Arsenio Bano Prontu ba responde inqueritu:

Iha fatin hanesa, eis-Ministru Solidariedade Sosial no atual Deputadu Parlamentu nasional husi bankada Fretilin, Arsenio Bano hateten ho hamanasa katak, nia pronto atu responsabeliza se wainhira lideres ka deputadu AMP balun halo inqueritu iha PN.

Hau prontu atu responsabiliza akuzasaun AMP sira nian tamba, fundus ne’ebe uluk ami uza hodi sosa foz ne’ e mai husi fundus emerzencias husi Ministeriu Solidariedade nian no laos Fretilin nian”, dehan Arsenio ba STL iha PN horiseik (22/09).

Nia dehan, se Membrus AMP balun brani halo inqueritu hasoru Fretilin iha PN tenki hatudu provas no labele gargantaliu deit liu husi media hodi subar aan iha kotuk.
Sai ema politikus ne’e tenki brani,labele informa ba media hakerek naran fonts, ne’ e ema tauk ten deit maka halo nun’e”, Arsenio Kestiona.

Tuir rejimentu PN:
Tuir rejimentu Parlamentu Nasional nian, inqueritu Parlamentar sai hanesan aktus politika hodi fiskaliza aktus politika Governu nian, iha pasadu ka presente ho referensias ba kasu especifika, hanesan: investiga ba foz.

Foin dadaun PN harii ona Komisaun Inqueritu Parlamentar ba foz ne’ebe maka Governu AMP sosa, tamba iha alegasaun oi-oin katak iha indisus ba korupsaun no favorecimentu.

Aktus no asaun hanesan bele mosu husi Parlamentar AMP hodi invetsiga ba kasu “Foz ne’ebe maka Governu Fretilin mos komete hanesan indisius korupsaun no abuso ba poder”.

*Fontes: STL (23/09,paj.15) I Rej.PN!

2 comentários:

  1. Hau mensiona bebeik ona. Uluk fretilin maputo ukun sira naok makas liu. Diferensa fretilin maputo sira matenek, sira naok maibe sira hotu-hotu subar metin. Arsenio bano, momentu krizi militar lori fos toneladas barak ba rai iha kuartel fdtl iha hera no baucau. Fos sira fahe hotu ba apoiantes fretilin nian. Sira hakoi provas barak. Wainhira AMP forma governu, sira naok hotu CPU komputadores iha ministerio barak hodi halo lakon evidensias. Sira haruka apoiantes iha IDP camp kolmera sunu iha alfandega. Persen husi importasaun fos husi Vietnam no indonesia, Arsenio bano hatama ba bolsu no kontribu ba fretilin. Informasaun ne husi duni staf ministerio sosial nebe nia lidera (MTRC), kolega fretilin nebe suporta MA ho nia kroni, businesmen indonesia sira nebe fornese fos. Sira tauk perseguisaun husi suporter fretilin seluk karik sira aprezenta evidensia. Kolega sira, fretilin uluk ne la hanesan tan fretilin uluk. Fretiin agora ne no ba oin sei MESAK NAOK TEN PROFESIONAL DEIT. SIRA LA IHA DIFERENSA ho LUCIA LOBATO.


    Alex

    fontes:renetil@yahoogroups.com

    ResponderEliminar
  2. Ba belun editors Forum Haksesuk nian,
    Hatama hela hau nia komentariu kiik ne’e ba iha artigu konaba “fos ne’ebe Arsenio bano ho Mari fahe ba militante Fretilin sira”.
    Los duni iha biban ne’eba ami mos simu duni fos, tamba iha duni maluk balun sirvisu iha Ministerius Solidariedade social. Ami mos rona katak fos ne’e fo deit ba apoiantes Fretilin sira no mos fob a apoiantes Fretilin sira hanesan artes Marciais,hare akusasaun ne’ebe maka Presidente Ramos Horta halo hasoru Arsenio Bano nudar Ministru iha tempo neba.
    Ba Komisaun inqueritu Foz ne’ebe maka Arsenio sira sosa hodi osan povu nian, iha evidencias barak,iha korupsaun no abuso ba poder. Hare faka balun ne’ebe belun Azae Guterres hatou iha forum renetil,hatudu momos katak iha duni indisus ba Korupsaun no Abuso ba Poder,hare deit:
    -Fos ba tau iha quartel F-FDTL iha Hera ho Baucau hod fahe ba apoiantes Fretilin nian;
    -Nauk CPU komputadores iha Ministeriu Barak,oinsa maka lakon evidensias;
    -IDP kolmera,apoiantes Fretilin sunu Alfandega oinsa maka halakon provas;
    -% importansaun fo husi Vietnam ho Indonesia tama ba bolso se se nian;

    Iha dadus suficiente atu avansa ho inqueritu Parlamentar ba Fos ne’ebe maka Governo Fretilin fahe no liliu ba apoiantes Fretilin nian….

    A.R.Maklear

    Aileba iha Merkado Taibesi

    ResponderEliminar

Nota: só um membro deste blogue pode publicar um comentário.