XANANA TOLAN TOMAK MARI ALKATIRI HO NIA KRONIS

Husi* Vicente Mau-bocy (Analista Politika)

Dili - Politica tuir matenek nain sira dehan “ arte do possivel” . Kuando refere ba arte signifika implika habilidade, inteligencia, keda, hakas-an hodi hetan lia fuan “posivel” . Atu konkretiza ideia ka planu hodi resultado (s) buat ida laos fasil mas tambem la signifika difisil tebe-tebes. Tuir jornal Scientific American, March 2009 kona ba how learning preservs new brain cells dehan : “ the task that rescue the most neurons are the ones that are hardest to learn”.

STracey J.Shores dehan nune’e: “Fresh neurons arise in the adult brain every day. New research suggest that the cells ultimately help with learning complex task- and the more they challenged, the more they flourish. Within a couple of weeks, most of those newborn neurons will die, unless challenged to learn something new. “

Baseia ba konseitu ida ne’e, hakerek nain halo estudo komparativu ida ba kapasidade inteletual Dr.Mari Alkatiri ho Chuck Noris Kay Rala Xanana.

Mari Alkatiri, um dos elementos fundador da ASDT mais tarde FRETILIN, ba diaspora em missaun de servisu ba diplomasia FRETILIN nian ho Ramos Horta no Rogerio Lobato prinsipios de Dezembro de 1975. Konsidera Mosambikeke hanesan 2^a Patria, tuir Alkatiri nia deklarasaun iha okasiaun ida. Alkatiri konsegue sucesso ida, hodi esforsa hetan formasaun akademika hanesan Jurista.

Alkatiri nia naran iha Frente Diplomatika la dun sobresai, por razoens, nia deit maka bele explika. Permanese 24 anos iha Maputo ho nia familia.

Depois do Referendum fila mai Timor Leste, kontinua lider da FRETILIN, iha 1^o Congresso da FRETILIN eleito Secretario Geral. Resultado da eleisaun ba Assembleia Constituinte FRETILIN manang ho maioria kualifikada, ho 55 deputados dos 88 asentos Parlamentares.

Assembleia Constituinte passa automaticamente ba Parlamento Nasional. Loron 20 de Maio de 2002 UNTAET transfere poderes de administrasaun oficialmente ba Timor oan. Mari Alkatiri unilateralmente eleito Primeiro Ministro de Timor Leste do I Governu Constitusional sem preveia konsulta CCF, orgaun desisorio do Partidu.

Iha 2002-2006, Mari Alkatiri sofre abalos politicos iha nia kareira hanesan demonstrantes suno nia residensia iha 4 de Dezembro de 2002 no Abril de 2005 Hirarkia Igreja halo demonstrasaun massal durante loron 19 kona ba politika controversial do ensino fakultativo da Religiaun Katolika.

Acontesimento mais tragiku ba Dr.Mari Alkatiri iha nia vida, maka dia 26 de Junho de 2006, por konsekuensias da crise de “distribuisaun de armas” ba elementus sivil, nebe kausa desloskados internus iha arredores cidade Dili, kolapsu da Instituisaun da PNTL, adisiona ho insendios, kaos no anarkia total, demonstrasoens mosu hodi exige resignasaun do Dr.Alkatiri husi Primeiro Ministro etc.

Presidente da Republica altura neba, sente katak Dr.Alkatiri nia kapacidade esgota tiha ona atu restaura fali lei no ordem. Hodi nune’e, Xanana fo opsaun: Mari Alkatiri maka resigna ou Xanana maka resigna. Pedidu ne’e Xanana ható ba Dr. Mari ho boas maneiras, ho etiketa diplomatika. Mari Alkatiri sente fraku, tauk situasaun bele piora at liu tan, humildemente meio dia de 26 de Junho fo sai ba orgaun media eletronika no visual nia resignasaun ofisial.

Dr.Alkatiri, komo politiku, sente katak lakon tiha ona batalha ida, kontudo sei konta ba vitoria rua tuir mai, hanesan eleisaun presidensial no legislativa ba tinan 2007. Embora Dr.Alkatiri la kaer ona pasta do Primeiro Ministro, maibe sei iha influensia bot ba desisoens politicas tanba Secretario Geral da FRETILIN nebe sei komanda nafatin iha Governu no Parlamentu. Dr Mari kaer nafatin trunfo rua Parlamentu no Partido hodi komanda nafatin kualker desisaun do governo.

Vingansa politica do Mari Alkatiri.

Atu deskarga vingansa da demisaun do cargo do Primeiro Ministru, Mari Alkatiri aposta ba eleisaun geral de 2007, nebe Dr.Alkatiri konfia manang nafatin ho esmagadora maioria ho alicerse do fenomeno historico da FRETILIN durante 24 da resistensia. Para Mari Alkatiri, nia iha consciencia katak, votantes sira sei fo nafatin prioriedade ba naran “lulik FRETILIN”, nune’e Alkatiri sae kareta FRETILIN votantes sira sei vota nafatin. Alem de assegura imagem da FRETILIN hanesan “tabua da salvasaun”, Alkatiri mos konfia ho toda makina do governu husi leten to kraik, membrus barak husi PNTL destakadus iha sub Distritus, akompanhado ho programas de fundo alimentar, desenvolvimentu rural ho orsamentu bot.

Okasioens durante kampanha Presidensial, Alkatiri dehan em publiko iha Baucau katak FRETILIN “sei borong tomak” vitoria eleisaun Presidensial no Legislativa.

Hora H tó, kontagem de votos no anunsio resultados dos votos, kandidatu FRETILIN Sr. Lu Olo hetan apenas 28% e Ramos Horta 22% Fernando Lasama 20%. Tuir Lei eleitoral kandidatu nebe la hetan 51% dois mais votados tenki halai ba 2 ^a volta. Nune’e kandidatu rua ilegivel ba 2^a volta maka Lu Olo ho nia rival Ramos Horta.

Dia 09 de Maio hahu eleisaun 2^a. volta. Resultados fo sai, Ramos Horta manang ho margem bot de 65%. Rival Lu Olo hetan 35 %.

Ho indikasaun husi resultado eleisaun Presidensial fo surpresa bot ba Dr.Alkatiri ho nia komitiva tomak sinal la diak katak mesmo usa atributos da FRETILIN: bandeira, simbolo hino la fo ona garantia atu votantes sira fo nafatin konfiansa ba lideransa FRETILIN atu ukun segundo mandatu. Referensias husi eleisaun presidensial hatudo mo mos ona povo barak deskontente ho I Governo lideradu husi Dr.Alkatiri.

Eleisaun Legislativa hahu 30 de Junho de 2007. Resultadu da contagem de votos FRETILIN hetan 29,02% ekivale ba 21 asentus parlamentares, CNRT hetan 24,10% koresponde 18 asentus parlamentares. Diferensa de assentus entre FRETILIN ho CNRT kadeiras 3. Ho percentage nebe FRETILIN hetan labele forma governu a não ser forma aliansa Parlamentar ho partidos politicos seluk, hodi hetan maioria absoluta de 33 deputados. Para tal Dr. Alkatiri presisa tan 12 deputados atu prenche rekesitus Constitusionais hodi forma governu.

Tuir Constituisaun, artigu 106: (1)- O Primeiro Ministro é indigitado pelo partido mais votado ou pela aliança de partidus com maioria parlamentar e nomeado pelo Presidente da Republica, ouvidos os partidos politicos representados no Parlamento Nacional.

Imposibilidade ka inkapasidade Dr.Alkatiri ho nia ekipa, kapta simpatia mais de 12 kadeiras atu forma governu, katuas Xanana ho nia figura karismatika kapta simpatia hodi forma aliansa maioria parlamentar (AMP) ho pratidos : ASD/PSD, PD ho total de 37 kadeiras hodi forma IV governu Constitucional hahu 08-08-07 tó 2012.

Xanana nia estrategica politica husi Agosto 2007 mai ba oin

Solusaun ba estabilidade no seguransa sai primeiras prioridades ba kasus de deslokadus, petisionarios, veteranus, repoen fali PNTL nia imagem atu sai kredivel sai preokupasaun bot ba katuas Xanana atu prova ba Timor oan sira no mundo internasional Xanana nia kapasidade de lideransa post guerilla.

Ema hotu-hotu la iha duvidas ona katak estabilidade no seguransa dura ona fulan 21 ida ona, sinais de paz no trankilidade populasaun no ema estrangeiru sente visivel iha sira nia moris loro-loron. Seguransa alimentar mos governu assegura ho diak, iha teritorio tomak ho alokasaun de orsamentu bot atu povo la terus ba hamalaha.

Desafios politicus Xanana hasoru to ohin loron

Lider historiku Dr.Alkatiri ho nia retorika da Marcha da Paz , eleisaun antesipada, abandonu do Parlamentu sai demagozia politica ba organizadores sira nia konsumo rasik. Konvidadus ba Marcha Paz la konsegue habilur ema barak atu halo Marcha. Nune’e duni Marcha da Paz sai ona Marcha para Tras (ba kotuk).

Aposta seluk ke katuas Xanana hasoru, postura politica Dr.Ramos Horta tendencioso atu akomada Dr.Alkatiri ho nia belun sira husi Maputo iha governu AMP. Fatin nebe Dr.Alkatiri ambisiona maka pasta dos Recursos Naturais. Pasta dos Recursos Naturais nebe relasiona ho gas no petroleo, embora Dr.Ramos Horta tantu exige, Xanana la satisfaz tanba bele nakfilak fali ba ameasa bot ba Xanana nia estabilidade governativa.

Xanana mos hasoru difikuldade atu Presidente da Republika assina Orsamentu Geral do Estado 2009-2010. Hanesan “moeda de troka” Dr.Ramos Horta exige fatin Procurador da Republica ba nia ex-exposa Dra. Ana Pessoa no governu tenki konkorda postos de embaixadores ba belun Ramos Horta nian. Entre embaixadores sira Dr.Mari nia esposa mos halo parte ba embaixadora iha Mosambikeke.

Fulan kotuk Governu konkorka pedidu Dr.Ramos Horta atu Dr.Alkatiri ba Guine Bissau representa estado de Timor Leste. Kusto de viagem governo aloka montante de $ 83 000.00 fo Dr.Alkatiri selu viagem, akomodasaun, hahan no sst. Hau sente montante ida ne’e Xanana koloka atu koko Mari Alkatiri nia honestidade ba materia de despesas. Mari Alkatiri simu no-nok deit, signifika kanten duni osan.

Ho sedensias tatikas nebe Xanana propositadamente halo, atu desafia Mari Alkatiri sira nia prinsipios no konsistensia politica firme ka lae. Alkatiri hakilar iha fatin hotu-hotu nia ba, governu AMP illegal, inkonstitusional, de faktu etc, mas kuando refere hetan kargus no simu osan, atan oan sira simu ho liman rua no laran luak, haluhan tiha sira nia kritikas dehan at ka isulta governu AMP.

“Que grande!... cabritos, cabras e cabrões sem personalidade politica com estes actos rediculos e vergonhas?

Ho manifestasoens de carateristikas de ambisoens de cargos, no osan hatudo mo mos lakon ona kredibilidade eleitorado sira nian konfiansa.

Iha teoria seluk mos dehan, esperansa ba Alkatiri ho nia grupo ba 2012 atu rekupera fali poder la hetan ona. Diak liu usa Ramos Horta hanesan ponte hodi konkista fatin balu, do ke la hetan buat ida. Parese teoria ne’e mos iha validade, tan ne’e, maka seita do grupo Maputo la tau em kestaun prinsipios de honestidade politica.

Ho estrategias no tatikas do guerilheiro, Xanana dudu ona ba kantu ida especial Alkatiri ho nia kronis husi Maputo. Dra.Ana hetan ona fatin iha governu de faktu, Mari nia kaben Dra.Guilhermina mos hanesan, Mari usa ona osan governu de faktu nian, Gregorio hetan ona fatin iha Ramos Horta nia office, la kleur Estanislaun no Madalena tan, entaun seita de Mosambikeke totalmente konsumado.

1a konklusaun:

Xanana nia politika akomoda Alkatiri nia seita halo parte governu AMP tuir lia katuas sira iha foho “ Xanana tolan tomak tiha ona nia adversaries politikus ” Mari Pty ltd.

Deklarasaun Politica Dr.Alkatiri 13 Maio 2009

Konteudo deklarasaun, Dr.Alkatiri ható ba publiku nia auto-defesa, kona ba boa gestaun iha nia governasaun, argumenta mos defesa kona ba carry over orsamental, foti mos kestaun kona ba assesores internasional iha Ministerio das Finansas hamutuk 60-80 halo mos referensias ba istoria.

Iha ultimo paragrafu Dr.Alkatiri sarkastikamente temi moras ida ho naran “vacas loucas” (karau inan bulak). Tuir Alkatiri nia persepsaun forma atu ses husi moras ne’e maka “consensus” buka dialogo entende malu ba sassan hotu ba Povo nia moris.

Breve komentario:

Auto-defesa ba boa gestaun durante administrasaun publika Dr.Mari nia lideransa, hau sente “controversial”. Se boa administrasaun maka akontese, halo Timor oan hotu kontente, crise la mossu, kilat la fahe, oras ne’e, Dr.Mari Alkatiri la sente “desesperu” lakon poderes. Eleisaun Presidensial no Legislativa de de 2007. Dr.Alkatiri borong hotu, la monu tun husi poder do Primeiro Ministro iha 26 de Junho de 2006.

Dr.Alkatiri tun husi poder do exekutivo, lori atributos da FRETILIN, lakon ba eleisaun 2, hatudo katak boa gestaun ba nenefisios publikus totalmente ausente. Alegasaun de boa gestaun la iha kabimentu.

Issue carry over –orsamentu anual, demonstra inkapasidade de exekusaun do orsamentu. Frakasus bele mai husi planning design ba projetus fisikus, atrazadus, la fo kompetensia ba Ministrus sira atu toma desisaun, burokrasia ida inefisiente iha sistema nia laran, rekursus limitadu etc.

Issue carry over se acontese tinan ida deit, bele justifika, maibe durante tinan lima nia laran tomak signifika katak Primeiru Ministru la konsegue hetan meios ida efikaz, ka instruments apropriadu atu buka solusaun.

Kestaun de asesores internasional, bele koloka ba Prokuradoria da Republika hodi halo investigasaun, atu buka evidensias. Se viola lei, iha Tribunal atu fo sansaun.

Issue da istoria- Hau la hatene saída maka Dr. Mari hakarak refere ba Historia. Será ke Dr.Mari pontu central da Historia da libertasaun da Patria? Parece lae. Istoria do Dr.Mari Timor oan hotu hatene. Referensias, maka : konfrontasoes internais, iha Partidu laran externais ho sociedade sivil no Hirarkia da Igreja, durante nia governasaun, fahe kilat, deslokadus no total de 150 000 pessoas, insulta veteranos sira, resigna aan iha 26 de Junho de 2006 husi kargu do Primeiru Ministru voluntariamente, lakon eleisaun 2 iha 2007, planu halo Marcha da Paz hodi hatun governu AMP nunka mais halo, dehan governu AMP de faktu mas kanten simu osan no kargu.

Soma referensias sira ne’e hamutuk hotu, -saldu istoria do Dr.Mari Alkatiri – negativu tanba halo Povo sofre, terus mate iha nia governasaun.

Issue de buka consensus- Tuir Andrew Heywood pag 10 (what is politics?) nia konseito dehan nune’e: “The terms consensus means agreement, but it usually refers agreement to a particular kind. It implies first, a broad agreement, the terms of which are accepted by a wide range of individuals or groups. Secondly it imply an agreement about fundamental or underlying principles, as opposed to a precise or exact agreement”

Funsaun lia consenus focus ba akordo de interesse nacional, nebe reflete ba ema barak nia intereses, ou baseia ba prinsipios fundamentais, nebe bele tau em risku ema barak ka sosiedade nia estabilidade ka seguransa.

Ora consensus nebe Dr.Alkatiri pretende, nia impaktu limitadu tebe-tebes tanba atu akomoda deit Dr.Alkatiri nia ambisaun ba pasta de mina rai. Por outro lado Dr.Alkatiri nia figura la represnta ameasa bot ba estabilidade politica. Mesmo ke lori mascara FRETILIN, apoiantes FRETILIN mos ses aan dok husi Dr. Alkatiri ona.Tan ne’e maka Marcha da Paz ficou Marcha para Tras.

Impacto Consensus nebe Dr.Alkatiri + Horta advoga, meramente de interesse pessoal, nune’e maka governu AMP ignora totalmente, la tau minima preokupasaun.

Xanana konsegue ultrapassa problemas komplexus no difisil

Xanana prova tiha ona nacional no internasionalmente ho faktus nebe hetan resultadus positivus nia kapasidade inteletual hodi konduz prosesu de luta da resistensia armada husi 1981 to 1999, nebe kulmina to faze Konsulta Popular to Independencia Nasional iha 20 de Maio de 2002.

Periodu post Independencia, Xanana compete ba eleisaun legislativa lori CNRT, (30 -06-07) embora la manang eleisaun, maibe konsegue forma AMP hodi lidera governu IV Governu Constitusional 2007-2012.

Sukat no tetu sucesos husi komplexidade de problemas nebe XG hasoru, ker dizer Xanana usa duni nia kakutak, hodi hanoin klean: buka opsoens, trasa estrategias, lori tatikas inteligentes oi-oin, sukat planu tuir tempu, la desanima ho insucesus, buka aliados atu reforsa nia fileiras, iha pasiensia hodi hein resultadus, determinasaun no koragem atu avansa nenei no bei-beik atu alkansa objetivu desejadu atu liberta Povo husi pobreza.

Relasiona ho teoria saving new brain cells katak “neurons foun moris iha ema nia kakutak loro-loron. Cels neuron reten (hela) iha Hippocampus (structure involved in learning and memory) kuando aktualiza hodi resolve problemas komplexus nebe hasoru. Se la usa atu aprende buat foun ruma ka resolve buat ruma difisil Neuron sira mate ka lakon husi kakutak “

Tuir norma de retensaun neurons barak iha kakutak, kuando ser humanu usa atu aprende buat ruma foun difisil ou utiliza atu resolve sasan nebe komplesus. Liu husi dalan ida ne’e, maka neurons iha kakutak sobrevive. Se lae neurons, milhares nebe loro-loron repruduz mate no informasoens iha kakutak mamuk hela .

Nune’e ser humanu nia kapasidade no kompetensia, sukat husi buat barak foun nebe aprende no iha utilidade, por outro lado relasiona mos problemas komplexus barak nebe ser humanu esforsa atu buka solusaun. Ema momoris aprende buat barak foun no possui memorias extraordinarias em funsaun de aktualizasaun no retensaun de kuantidade de cells de neurons iha kakutak.

Konklusaun de kakutak mamuk ka nakunu ba kualker lider politiku sukat husi kapasidade de konjunto de ideias nebe transforma ba assoens, nebe resulta, resultados positivus ka negativus ba ema barak nia moris. Out puts performance nebe reflete sucessos versus insucessus, vitorias versus derrotas projeta retratu, karater lider politiku nian, lider kompetente ka inkopetente ou lider ida excelente ka mediocre

Ho base ba ilustrasoens de referensias nebe temi iha kotuk author halo analise komporativa ida, neurons Alkatiri versus Xanana . Lider rua ne’e tama iha kategoria kakutak mamuk –mediocre ka kakutak nakuno – excelente.

Dr.Alkatiri, iha nia historia da vida, husi tempu portugues, 24 anos iha Mosambikeke, no 4 anos de governasaun la konsegue halo buat ruma nebe kausa admirasaun positiva ba ema barak nasional no internasional nia impresaun;

- Conhecidu por arrogante, inflexivel, autoritario. Inkapasidade de solusaun de kontradisoens internais iha partidu.;

- Laiha boa lideransa iha partido historiko nebe resulta duas derrotas eleitorais: Presidensial no Legislativa de 2007.

Akumulasoens de frakasus no derrotas sofridas, komprova nitidamente Dr.Alkatiri la aproveita o maximo milhares de neurons nebe diariamente gera husi Dr.Alkatiri nia kakutak. Krimi bot politiku nain sira komete ba sira nia kareira ba nia partidu politiku, kuando konkore ba eleisaun hetan derrota ( lakon)

Sintoma ida ne’e hatudo katak Dr.Alkatiri nia kakutak mamuk tanba, milhares de neurons moris loro-loron Dr.Alkatiri la usa didiak atu aprende buat found diak, no Dr.Alkatiri inkapaz lori nia fakuldades mentais hodi ultrapasa problemas nebe nia hasoru iha partidu no governu.

Uso de forsa ka violensia atu resolve problemas karateristika dos lideres “mediocres ka cerebro de galinhas”.

Xa- Xanana, hanesan kualker ser humano normal la ses husi hahalok diak no at. Kontudo durante tempu portugues, Xanana sobre sai ho nia poesias, no artigos iha jornal “A voz de Timor 74-75 ”. Ema ida badinas buka aprende buat foun, tan ne’e maka neurons nebe moris loro-loron iha nia kakutak reten no multiplika tanba lori kapasidade mental atu ultrapasa komplexidade de problemas iha ailaran hodi sobrevive. Tuir prinsipio “ the tasks that rescue the most neurons are the ones that are hardest to learn”, Xanana usa duni nia fakuldade mental tomak hodi adapta situasaun foun iha ailaran hodi resiste ho nia elementus sira. Buka hetan duni solusaun ba problemas mais difisil atu desenvolve resistensia armada ida prolongada hodi hetan sucesso tó Timor Leste hetan Independensia Nasional. Privasoens oi-oin hira maka hasoru, terus no susar hira maka la enfrenta. Komo neurons barak maka sobrevive iha Xanana nia kakutak, possibilita nia hodi ultrapassa desafios hotu-hotu.

Post independensia Junho de 2007 XG funda fali CNRT hodi compete ba eleisaun geral. Xanana mais outra vez hetan konfiasa husi Povo + dirigentes partidos politikus, hodi forma AMP hodi ukun besik tinan rua ona.

Balansu dos resultados da governasaun, saldu positivu duni, maka estabilidade normaliza no Timor oan hotu-hutu haksolok fo sira nia kontribuisaun ba paz no estabilidade atu governu halo nia programa de desenvolvimento, atu loron aban Povo tomak hetan moris diak liu iha paz, lei no orden no justisa nia laran.

Povo maka sai “juiz” (hakim) ba XG nia governasaun ba eleisaun de 2012. Fo premio se povo sente , XG nia politica hadia ka sadia Povo nia moris –ba diak.

Fo kastigu se XG la halo buat ruma signifikante atu hadia Povo nia moris. Nune’e sansaun nebe Povo aplika ba Dr.Alkatiri iha eleisaun de 2007, sei aplika ba Xanana ba eleisaun de 2012.

Ba eleisaun 2012, Xanana nia figura sei relevante atu kapta nafatin simpatia eleitorado ka lae?

Ita hotu hein, hodi akompanha, no assiste votantes sira nia desisaun politica ba eleisaun de 2012 iha urnas de votos. Historia sei transmite ba Timor hotu no sei resgista.

Artigo enviado em exclusivo ao Forum Haksesuk, 19/5/09