VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

I N D E P E N D E N S I A
28 Novembru 1975 - Declaração Unilateral da Independência de Timor-Leste, proclamada pela FRETILIN em 28 de Novembro de 1975
TIMOR-LESTE


Interview with
Fernando Lasama de Araujo: On the road to democracy, where the streets have no name

 
 
   

quarta-feira, 6 de maio de 2009

DILEMA CARRASCALÃO

Filipe Rodriguês Pereira

Antes governu AMP iha hanoin atu koloka Ir. Mário Viegas Carrascalão sai nudar II VPM, publiku tau teb-tebes esperansa ba’a Ir. Carrascalão katak depois de sa’e ba’a tu’ur iha kadeira manas ne’e Ir. Carrascalão sei uza ninia esperitu no esperiensia atu buka kombate korupsaun nebe’e maka ema barak kondena moris-buras tebes iha governu AMP nia laran. Publiku ninia esperansa ba’a Ir. Carrascalão la’os esperansa ida ke let deit maibe publiku hatene katak Ir. Carrascalão ninia track record diak wainhira sai nudar governador aktual iha tempu okupasaun Indonesia nian. Publiku la’sala kona ba’a Ir. Carrascalão nia track record, maibe kelewatan wainhira publiku tau fiar tomak ba’a VPM Carrascalão mak atu sai kombator ba’a korupsaun iha nasaun ne’e.

Defisil ba’a Ir. Mario Carrascalão atu kombate praktikas korupsaun nebe’e ho ninia modus operandi oi-oin. Presiza atu hetene mos katak Ir. Carrascalão mos hola parte iha governasaun ne’e. Buat nebe’e mak dalaruma VPM Carrascalao bele halo iha tempu badak mak hanesan hala’o inspeksaun ba’a kada ministeriu hodi buka hatene modus operandi korupsaun nebe’e mak tubun-buras iha governasaun ne’e nia laran. Hare ba’a praktika korupsaun nebe’e buras iha governasaun ne’e nia lran ita hein katak VPM Carrascalao bele esforsu atu kria planu estrategiku anti-korupsaun nebe’e mak ninia pasu importante ida mak buka hadia no harí sistema nebe’e sufisiente atu ajuda governu hodi taka dalan ba’a embo’ot sira halo korupsaun. Hakerek’nain hakarak hateten, VPM Carrascalao ninia servisu buka kria sistema atu prevene korupsaun iha tempu agora no ba’a iha futuru. Korupsaun nebe’e mak mosu ona iha pasadu entrega ba’a instituisaun judisiariu atu prosesa.

Koalia kona ba’a korupsaun iha nasaun ne’e, mais ou menus iha dilemma tolu nebe’e mak AMP infrenta atu kombate korupsaun iha ninia governasaun.
.
Primeiru, problema good will, ou seriedade governu nian atu kombate korupsaun. To’o oras ne’e ita sidauk hare indikasaun naton husi governu atu funu hasoru korupsaun. Iha mos kesan katak governu buka ‘defende’ autor korupsaun nebe’e iha basis/baze politika. Iha AMP nian tempu dadaun publiku le’e mos ‘mensagem’ katak lideransa governu AMP buka atu ‘haseguru’ liu pozisaun politika governasaun nian duke fo’o sanksaun ba’a ninia membros do governu. Siknifika, lideransa governu buka haksumik autor korupsaun nian ho hanoin (perhitungan) halo politika akomodativu. Lideransa governu prefere ‘tolera korupsaun limitadu’ duke governu AMP monu. Perigozu teb-tebes se wainhira lideransa no membros do governu nebe’e harí governu liu husi koaligasaun uza kazu korupsaun hodi halo bargaining politika. Bele mos iha siknifikasaun sobre kolokasaun Ir. Carrascalao ba’a iha II-VPM, dalaruma lideransa governu AMP hakarak dudu atu Ir. Carrascalao mak buka kombate rasik ninia membros partidus nebe’e tu’ur iha governu duke Xanana mak atu hola desizaun tamba Xanana reseiu ho eksistensia no estabilizasaun AMP nian.

Segundu, dilemma implementasaun law enforcement (penegakan hukum). Hanesan sai ona segredu publiku katak law enforcement iha nasaun ne’e sidauk la’o ho diak. Alem de menus ketegasan husi governu, instituisan no autoridades legal nebe’e mak ka’er k’nar atu implementa lei no ordem mos sei halo sira nia funsaun ho laran bal-baluk (setengah hati). Sira la’halo sira nia obrigasaun tuir k’bit legal nebe’e mak lei haruka. Por kontrariu, dalaruma sira rasik involve a’an iha krimi nia laran, ezemplu kazu Longinhos no Akuilong nebe’e mak iha tempu liu ba’a publika iha media, iha indikasaun individu (oknum) funcionariu Alfandega nebe’e hatama sasan illegal husi fronteira no sel-seluk tan. Atu harí-hametin justisa presiza konsistensia liu husi hahalok no lalaok profesionalismu autoridades legal nian.

Iha mos dilemma bo’ot ida seluk mak autoridades legal sei infrenta iha loron ikus mai kona ba’a Lei Anti-Korupsaun nian nebe’e mak vigora iha nasaun ne’e. Baseia ba’a artigu 165 Konstituisaun RDTL nian maka Timor-Leste bele aplika lei tuan anti-korupsaun nebe’e Indonesia husik hela iha Timor-Leste. Iha parte ida, Lei-Anti Korupsaun Indonesia nian iha frakeza barak nebe’e mak sei ‘husik-let’ suspeitu sira. Iha parte seluk, wainhira Timor-Leste aplika Lei Anti-Korupsaun nebe’e governu AMP proposta ona maka sei hamosu mos konsekwensia legal balun iha area atu kombate korupsaun nebe’e mak mosu iha pasadu. Lei Anti-Korupsaun foun sei labele aplika ba’a aksaun krimi nebe’e mak mosu iha pasadu tamba bazeia ba’a konstituisaun RDTL artigu 31 (5) maka lei labele aplika retroaktivamente. Siknifika katak, wainhira Timor-Leste vigora Lei Anti-Korupsaun foun nebe’e mak governu AMP proposta ona maka sei mosu mos ninia konsekwensia legal, kazus korupsuan nebe’e mak mosu iha governu anterior no kazus korupsaun nebe’e mak mosu liu ba’a iha governasaun AMP nia laran sei la bele prosesa, lei sei la permite.

Terceiru, fenomenu moral embo’ot sira nian sai mos dilemma atu kombate korupsaun. Embo’ot sira fasil atu monu-namdoras a’an ba’a aksaun korupsaun no abuza de poder. Embo’ot sira tau’ses tiha valores moral wainhira sira hetan poder. Sira fo’o liu atensaun ba’a interese privadu no grupu duke interese komum nasaun nian. Iha memento ida nune’e maka ita nia konsiensia haruka atu presiza hadia duni no harí-hametin moralidade-mentalidade embo’ot sira nian.

Hare husi diskripsaun badak iha leten bele dehan katak atu kombate korupsaun presiza iha hakarak no k’bit (kemauan dan kemampuan). Se iha hakarak maibe la’iha k’bit maka susar atu kombate korupsaun iha nasaun ne’e. Hakarak tenki liu husi good will governu nian. Robert Klitgarrd (1998) haktuir katak tekni prenche kondisaun minimal tolu wainhira iha hanoin atu kombate korupsaun: (1) Lideransa nasaun nian tenki iha hakarak nebe’e forte no luan atu kombate korupsaun; (2) Kombate korupsaun tenki hahu dala uluk ba’a buat nebe’e mak fasil atu halo; (3) Kombate korupsaun tenki halo ho sistimatiku. Se Timor-Leste sidauk prenche kondisaun minima tolu nebe’e Klitgarrd haktuir maka iha leten maka governu no estadu lalika koalia no iha hanoin atu kombate korupsaun.

Koalia kona ba’a k’bit, siknifika katak tenki iha k’bit legal, human resource, finanseirus, ekipamentos no sel-seluk tan atu dudu instituisaun nebe’e mak ka’er no hala’o lei no ordem bele hala’o servisu kombate korupsaun ho maksimu. Koalia k’bit inklui mos k’bit husi autoridades legal sira atu la monu-namdoras a’an iha praktika suap. Harí-hametin k’bit nebe’e refere presiza halo liu husi esforsu hodi empower instituisaun jusdisiariu iha konstestu law enforcement nian.

Hases-a’an husi dilema politika, legal no moral nebe’e hato’o iha leten, klaru katak sosiadade ijiji no hein teb-tebes aksaun governu nian atu kombate korupsaun. Hola medias husi governu hodi husu PGR halo investigasaun ida lais no klean ba’a kazus hirak nebe’e mak publiku diskonfia mosu iha Ministerio da Justica, Ministerio Finansas, Ministerio Ekonomica no Turismu, MNEC ho ninia kazu ticketes deslokasoins embo’ot sira ba’a entrangeirusm, bele uza sai nudar momentum no test case ida diak atu publiku bele sukat seriedade governu AMP nian atu kombate korupsaun. Proposta lei anti-korupsaun husi governu AMP nebe’e halo iha tempu liu ba’a no kolokasaun Ir. Carrascalão sai nudar II-VPM sidauk sufisiente atu uza sai nudar indikador diak katak governu iha good will atu kombate korupsaun.

Bazeia ba’a preokupasoins sosiadade nian nebe’e bo’ot teb-tebes sobre korupsaun iha nasaun ne’e, no hare mos katak politikamente la’os fasil atu kombate korupsaun liu husi governu nebe’e harí no hatu’ur iha aliansa partidus barak nia leten, ita hein atu VPM Ir. Carrascalão bele infrenta dilema politika-legal-moral nebe’e iha governasaun ne’e nia laran hodi buka unifika politika governu nian sobre anti-korupsaun, formaliza sistema nebe’e diak no forte iha nivel inter-ministerial no inter-institusaun estadu nian, prepara human resource, halo esforsu atu proposta Lei Anti-Korupsaun nebe’e governu haruka ona ba’a PN bele hetan promulgasaun mais rapidu no harí Komisaun Anti-Korupsaun no sel-seluk tan iha VPM Carrascalão nia planu de trabalho.

Ir. Carrascalão iha k’bit atu hala’o kruz todan ne’e?! Hein katak lideransa AMP mesak ema k’bit-nain no k’bit-wain, atu nune’e sosiadade Timor-Leste bele iha esperansa hodi bele asiste nasaun Timor-Leste nia diak iha futuru, Timor-Leste ida nebe’e mak sei hetan marcha ba’a oin, la’os atu marcha fali ba’a kotuk iha tempu oin mai.

**END***

(Artigu ne'e publika mos ona iha Timor Post, Edisaun Segunda, 4/5/2009).

Sem comentários:

Enviar um comentário

Nota: só um membro deste blogue pode publicar um comentário.