VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

7 Dezembru 1975
Invazaun Militar Indonesia nian ba Timor-Leste
TIMOR-LESTE


Interview with
Fernando Lasama de Araujo: On the road to democracy, where the streets have no name

 
 
   

segunda-feira, 6 de abril de 2009

PRESIDENTE REPUBLIKA MAKA KRIA PROBLEMA IHA SISTEMA JUSTISA TIMOR-LESTE

Alberto Reis Maklear*

Tuir report husi The International Crisis Groups (ICG) katak “Presidente Republika (PR) Jose Ramos Horta (JRH) maka kria problema iha sistema judicial Timor-Leste (Report ICR, Fevereiru 2009)”. Report ne´e hare husi decisaun PR nian nebe kria hela precedente ladiak nebe maka PR JRH lori ninia knar no kbit be iha hodi ke hela kuak iha sistema judicial Timor-Leste nian. Report ne´e haknauk ba Indultu nebe maka PR fó ba eis-Ministru Interior Rogério Tiago Lobato (RTL). Tuir ninia definisaun Indulto fó ba dadur sira nebe maka kumpri ona 1/3 sira nia pena no waihira iha sela sira hatudu komportamentu diak. PR fó indultu hodi hatun sira nia tinan kastigu nian. Ba kasu RTL, PR JRH komete duplo erros:

Erro ba dala uluk, Dr. José Ramos Horta nudar Presidente Republika, fó indulto ba RTL, enquanto RTL seidauk kumpri ninia kastigu 1/3, nia hafoin kumpri deit fulan hitu husi tinan hitu ho resin.

Erro ba dala rua, Dr.José Ramos Horta nudar Presidente Republika, konfundi sala saída maka Indulto no saída maka Amnestia. Indulto ne´e hatun kastigu, se RTL hetan kastigu tinan hitu ho balun, hatun ba tinan lima ho balun. Maibe intensaun Dr.Jose Ramos Horta nudar Presidente Republika hakarak fó Amnestia maibe uja maka termo «Indulto».

Maibe Indulto Presidencial ne´e koresponde ba loby nebe maka grupo balun joga sira ninia interesse ho Dr. José Ramos Horta. Oinsa maka halakon tiha ain fatin aktores balun nebe envolve iha krise Politika no Militar iha tinan 2006. Loby nebe mai husi Mari Alkatiri nudar ex-PM nebe envolve nudar autor moral no material iha krise politika no Militar, liu husi fahe kilat ba civil sira.

Buat hotu tuda ba RTL maka lori todan, tamba Mari Alkatiri promete ba RTL katak "Fretilin sei borong hotu ka manan hotu eleisaun Presidencial no Legislativa iha 2007”. Tamba ne´e esforsu Mari Alkatiri ho Fretilin oinsa maka manan eleisaun Presidencial no Legislativas, ho meios hotu-hotu hanesan estrutura estadu hodi suporta ba makina kampanye Fretilin nian. Hanesan uja meios ekonomika, kasu terkenal ho naran “Empresário 5%”, iha fulan Abril ba to´o fulan Junho grupo empresário 5% hetan benefeciu husi tender nebe sira hetan husi aprovisionamentu no kompensasi fó 5% ba kampanye Fretilin. Uja estrutura represivas hanesan estrutura seguransa, Polisia tiru mate Afonso Kudalai, militante CNRT iha Viqueque.

Mari Alkatiri La konsegue harii Governu no prepara lori RTL ba Malaysia:

Tamba deit Mari Alkatiri ho Fretilin, maske manan maibe la konsegue forma Governo tamba la konsegue asegura maioria absoluta iha Parlamento Nasional. Sistema eleisaun iha Timor-Leste ne´e tuir método proporcionalidade Laos maioria. Tamba tuir método proporcionalidade nebe maka RDTL adopta ba eleisaun Legislativa maka CNRT hamutuk ho partidu hat (4) harii AMP (Aliança para Maioria Parlamentar). Mari Alkatiri sira, saída maka halo hodi fó ba RTL se Fretilin la forma Governo?Inventa relatório medika dehan katak “Moras RTL nian ne´e labele kura iha Timor-Leste, tenke ba kura iha Malaysia”. Hola decisaun molok PR bolu AMP ba harii IV Governo Constitucional.

Tansa no oinsa maka klan ou grupos elites oan ida nebe hakarak dumina iha sistema politika, ekonomika no judicial iha Nasaun Timor-Leste. Atu alkansa sira ninia objektiva maka sira buka oinsa maka tau sira nia emar iha poder judicial,jogo iha poder politika no kontrola ekonomia rai doben Timor-Leste nian. Tau Ana Pessoa Pinto ba kaer knar nudar Prokurador Jeral Republika (PJR), Paulo Remédio ba adjunto PJR, iha sira bele kontrola krimi sira nebe maka envolve direkta ou indirektamente aktores iha krise Politika no militar iha tinan 2006. Tamba buat sala hotu tuda ba Rogério Tiago Lobato maka lori todan. Se grupo oan ne´e ninia ema maka kaer PJR neduni envolvimentu aktor hanesan Mari Alkatiri iha krise Politika no militar 2006 bele arquiva ou no mos procesu bele lakon deit.Hamos ai fatin, sira nebe maka envolve, ne´e jogo máfia hakarak manipula sistema judicial hodi kontrola poder ekonomika no politika.

Ana Pessoa Pinto (APP) ba PJR, la kumpri kriteiru mínima atu exerge funsaun nudar PJR. Ne´e hanesan nomeasaun politika Presidente Republika (PR) José Ramos Horta nian.Tamba razaun barak maka PR José Ramos Horta hili APP sai nuda PJR:

1) Loby husi grupo Mari Alkatiri makas, oinsa maka tau sira nia ema ida ba kaer PJR ne´e kompleta ona tamba, sira iha ema iha Tribunal Rekursus (TR), nebe decisaun sira ne´e dala barak maka favor ba interesse partidu. Dala barak redasaun ba texto nebe maka Fretilin halo hodi hatou ba TR konaba inkonstitucionalidade, team redaktores maka Ana Pessoa Pinto, Mari Alkatiri no Ivo Rosa (Juiz Portugues nebe hotu ona ninia kontratu iha TR). Iha Juízes seluk hanesan Maria Natarcia, Jacinta no Antonino Gonçalves, juízes suplentes nebe maka sira ninia orientasaun politika partidária besik liu ba Fretilin. Tau tan APP ba PJR ne´e bele kontrola diak liu tan Sistema Judicial iha Timor-Leste. Krimini ekonomika, trafiku ba influencia nebe maka envolve grupos kiik oan nebe maka hakarak konstroe dinastya iha Timor-Leste, nebe domina sektor ekonomika,politika i judicial.

2) PR José Ramos Horta uja ninia knar nebe Konstituisaun RDTL fó iha ninia artigo 86º linya k; konaba (kompetensia PR nian). Hili ema nebe maka tuir ninia hakarak no favorece ba ninia grupo nebe maka tuir PR José Ramos Horta nia hakarak no i interesse grupo nian. APP bele garante ba jogos ida ne´e.

3) PR José Ramos Horta,uja ninia knar nudar Presidente Republika nebe tuir Konstituisaun RDTL hakerek,hodi hili ninia ferik oan ka kaben ba kaer orgaun soberania nian ida. Iha hatudu katak José Ramos Horta hakarak rekonsilia ho ninia kaben tamba sira nain rua soe malu kleur ona, oras ne´e dadaun oinsa maka bele rekonsilia liu husi fó netik hadiah ka presente ida maka, hili ninia kaben ba kaer Presidente PJR. Hein deit presente saída maka nia atu fó ba ninia oan mane? Se nia maka PM karik, kala hili ba sai nudar Ministru ba Defesa ho Seguransa, ne´e kompletu liu, presente nebe maka José Ramos Horta nudar lain no aman fó ba família. Hare deit ninia familian balun mai, Presidente Ramos Horta buka kedan servisu nudar assessores (advisers) ho manan osan bot.

4) José Ramos Horta nudar Presidente labele «diskrimina» fali povo Timor nebe maka fó suporta makas ba nia hodi hiit nia ba sai Presidente Republika. Presidente Repúblika iha ninia Office 2, ida iha Kaikoli maka Palácio AHu Kedasan no seluk maka residência uluk Mário Carrascalao nian iha Farol. Tuir observasaun hakerek nain nian iha fatin 2 ne´e. Iha Kaikoli, Office ne´eba deit povu Aileba sira maka servisu iha neba. Iha residência Mário Carrascalao nian, Farol, hetan maka malae mutin maka nakonu Malae muitin, amigos no Presidente José Ramos Horta ninia belun sira deit, hanesan: Paulo Remédio, família Carrascalao, seluk tan. Iha ne´e hatudu momos katak Presidente José Ramos Horta pratika diskriminasaun ba ninia povu rasik.

Iha edisaun journal STL (10/02), hakerek konaba “Carlos Boavida maka troka nudar PJR”. Tamba Carlos Boavida Timor oan nebe maka iha experiencia Prokuradoria tamba kleur ona maka kaer knar besik ba tinan rua nulu nudar Prokurador Jeral Republika iha Portugal. Tuir STL katak” Naran nebe maka iha hipótese atu sai Prokurador Jeral Republika (PJR) hodi troka Longinhos Monteiro maka Carlos Boavida, nebe oras ne´e dadaun halao hela knar nudar PJR iha Portugal, haktuir ba STL iha PJR, Segunda (09/02). Carlos Boavida nia hetan formasaun nudar juristas iha Fakulade Direitu (FD) iha Universidade Lisboa, nia halao ninia knar nudar PJR iha Portalegre, Évora, Portugal besik tinan rua nulu (20). Carlos Boavida, moris iha Suku Tirilolo, Distrito Baucau, nia ba estuda iha Portugal iha tinan 1973 hamutuk ho estudantes sira seluk”.

Sr.Presidente Ramos Horta ho ninia knar nebe iha UUD ka Constituisaun RDTL nian hodi hili tuir kriteriu kompetencia no Profissionalismo, maka ema nebe preence duni kriteria maka Dr. Carlos Boavida. Tamba tuir UUD RDTL Presidente RDTL maka iha liu kompetensia hodi hili PJR. Fakta maka ne´e nia laos ona hili ema nebe iha kompetensia no profissional iha ninia kampu servisu, maibe hili tuir kriteria politika no família. Ho ninia finalidade koresponde no benefecia ba interesse grupo nian.

Paulo Remédio ba adjunto PJR hodi troka Ivo Valente

Estratégia oinsa maka domina sistema judicial, hatudu momos waihira cirkula iha Parlamentu Nasional, karta oficial ida prepara husi Gabinete Presidente Republika (GPR) hodi nomeia Juize Paulo Remédio, ema rai liur ida atu ba kaer knar nudar Prokurador Jeral Adjunto. Iha loron ne´e duni, Lian nain sira iha Parlamentu Nasional liliu husi bankada CNRT foti konaba asuntu ne´e. Iha kombinasaun tatika, buka oinsa maka dada sai Ivo Valente husi Adjuntu PJR. Mário Carrascalao dada Ivo Valente ba Adviser VPM nian ba Direitu Administrativu.

Iha ne´e hakerek nain ninia hare maka ne´e, iha ligasaun lojika husi Paulo Remédio ba kaer knar nudar adjuntu PJR no hili Ivo Valente ba adviser ba VPM Mário Carrascalao. Tamba, se Ir.Mario Carrascalao dada Ivo Valente ba kaer knar nudar ninia adviser, loke dalan ba Presidente Republika ho ninia knar no kbit nebe iha tuir UUD RDTL hodi hili Adjuntu PJR maka Paulo Remedio.

Tansa maka to´o oras ne´e Presidente Republika seidauk hili Paulo Remédio ba kaer knar nudar Adjuntu PJR? Tamba sa mos Ir. Mário Carrascalao seidauk bolu Ivo Valente ba sai nudar ninia adviser ba direitu administrativu? Tamba dala ruma tamba Lia nain sira iha Parlamentu Nasional kasu ona lia ne´e iha Uma Fukun? Tuir karta nebe maka cirkula iha Parlamentu Nasional no hakerek nain iha acesu maka: “ Presidente Republika tuir ninia knar no kbit nebe maka UUD RDTL iha ninia artigu 86, linha k) (kompetensia) no tuir ba Lei MP, konsulta ba Konseilu Superiur Ministeriu Publiku (KSMP), Presidente Republika hili Juize Paulo Remédio ba kaer knar nudar adjuntu PJR, karta ne´e mos seidauk asina, hasai iha fulan marsu, lori logótipo GPR nian”.

Hakerek nain nudar aileba ida ninia interpretasaun ba karta maka ne´e: Sorin ida, Presidente Republika, hili Paulo Remédio, waihira rona uluk KSMP, nebe ninia Presidente maka Ana Pessoa Pinto nudar PJR. Sorin seluk, Karta ne´e hakerek ho logotipu Gabinete Presidente Republika nian, maibe la iha data ka tanggal, hakerek, Díli..., Fulan Marsu tinan 2009. Iha interpretasaun rua ne´e, lisaun husi karta maka ne´e, eskema ba monopoliu sistema judicial Timor-Leste funciona duni. Konverge ba interesse komum hodi domina Poder Politika, Judicial no Ekonomia lao duni nebe envolve autoridade sira hanesan Presidente Republika.

Iha mosu tan lian litik ida, tansa maka GPR la desmente ba karta ne´e? Se nonok deit, hatudu katak eskema ne´e los duni, tuir interpretasaun hakerek nain nian, iha duni jogo interesse ba domina sistema judicial iha Timor-Leste. Nonok deit, mos bele hatudu katak husik liu tiha ba, to´o malirin tiha hafoin loke fila fali. Kombinasaun estrategika maka husik lai Ivo Valente tahan lai nudar Adjuntu ba PJR, liu husi Mario Carrascalao la bele bolu lai Ivo Valente ba sai nudar ninia adviser ba Direitu Administrativu.

Se hanesan ne´e, fó duni razaun ba report husi The International Crises Groups nebe dehan : PR maka kria problema iha Sistema Justisa TL!

* Hakerek Nain, Servisu nudar Aileba iha Merkadu Taibesi!

Sem comentários:

Enviar um comentário

Nota: só um membro deste blogue pode publicar um comentário.