Nomeasaun Dra.Ana Pessoa ba Procuradora da Republica nia significado no sentido

Hussi :Vicente Maubocy (political analyst)

1. Analise do ponto da situasaun:

Nomeasaun Dra. Ana Pessoa ba cargo do Procurador da Republica, kausa surpresa ho mos sai hanesan assunto ida komplikado hanesan: (puzzle , enigma, dilema, misterio, problema) ba ema barak: politicos, leigos, no sociedade timorense tomak.

Nomeasaun ne’e torna-se “puzzle” tanba, mossu iha situasaun politica ida controversial nebe Dra. Ana Pessoa nia legendario politico historico Mari Alkatiri hakilar “istericamente ba kuatro ventos” alto e bom som, AMP “illegal, inconstitucional, “ halo Marcha da Paz etc. atu hatun governo AMP.

Author buka atu komprende “sintese” da komplexidade da nomeasaun Dra.Ana Pessoa ba Prokuradora da Republica liu hussi method “inferencial “ atu hatene probabilidades intensionais de jogadas politicas hussi autores ka proponents Dra.Ana Pessoa ba Procuradora da Republica.

La iha duvidas, katak hanoin koloka Dra.Ana Pessoa ba Prokudadoria da Republica obedece plano ida integrado, ba interresses ema grupo ida, ka partidos politicos a curto prazo no a medio prazo ba eleisaun de 2012. Politicos sira nia preokupasaun principal, maka akisisaun de poderes, lori sa meios deit. (Meios justifica os fins). Usa meios ida la acerta, usa meios seluk, assim sucessiva no contiunuamente to atinge meta final – konkista de poderes do executivo.

Timor Leste país ida rico “oil & gas". Valor do deposito iha American Treasury Fun $ +/- 5 billion. Montante ida ne’e, somente hussi Bayu Udan deit. Se aumenta tan hussi Sunrise 7 tcf + Kalp Deep 13 tcf ho seluk-seluk em vias de explorasaun bele toó 40-50 tcf ekivalente ho 50 bilioens de baris. Cada baril nia royalty $ 10.00 deit receitas ba kofre Governo de Timor Leste $ 500 billion o minimo.

Nune’e duni, elite politica da gerasaun de 1975, chamados “lideres historicos” ema lubun ida deit, mas + destakados maka Mari Alkatiri ho Ramos Horta ho sira nain 2 ga 3 tan. Senhores sira lideres historicos konsidera katak asset de Timor Gap, parte integrante, sira nia ambisaun politica particular, atu pinta mapa politico Timor Leste tuir sira nia gosto no prazer. Portanto, kualker decisaun sobre explorasaun de recursos gas & oil, Sr.Alkatiri no Sr.Ramos Horta tenki envolve.

Figura politica dual (Horta + Alkatiri), kualker governo tenki toma em konsiderasaun ba negociasaun no decisaun issue de Timor Sea. Indikasaun ida ne’e, hatudo hussi plano Dr.Ramos Horta nian atu hari “komissaun de Eminentes Historicos” ba decisoens estrategicas fulan hirak liu ba.

Reasaun kontra makas hussi CNRT iha Parlamento Nacional, kona ba intervensaun Ramos Horta demasiada iha governo nia assuntos atu promove Alkatiri ba negociasaun de Sunrise pipeline, ne viola lei da competencia do Presidente da Republica. Tanba Parlamento hakilar ka protesta makas, Ramos Horta rekua finalmente.

Hare ba komplexidade de impactos nomeasaun da Dra.Ana Pessoa, author halo investigasaun ida profunda ka halo diagnostic alargado, lori instrumentos de “research problem and research question” atu buka komprende, heterogenidade de implikasoens, nia objectivos primarios no secundarios estende toó iha nebe, acompanhado ho time frame cada etapa da batalha politica.

Research problem no research question, instrumentos usa atu penetra interpretasaun, hodi buka kausa no efeito, objectivos da nomeasaun Dr.Ana Pessoa ba Pocuradora da Republica.

2. Research Problem:

· Controversia Ana Pessoa, la reconhece AMP mas simu cargo PR;
· Beneficiarios posisaun Ana pessoa nian;
· Ameasas ba AMP no estabilidade em geral; i
· Xanana nia estrategia, hasoru Ramos Horta ho nia aliados, simu Ana Pessoa ba PR.

3..Research Question:

· Ana Pessoa nia misaun especifica saída?
· Cargo do Procurador trio (Mari, Horta +Ana) nia agenda politica ba 2012?
· Nomeasaun AP hanesan trade off ba Ramos Horta atu asina Orsamento Geral 2009-010 ?

2.1.Dra.Ana la reconhece AMP mas simu cargo:

Ema barak surpreendido kona ba noticia Dra.Ana Pessoa simu cargo do Procurador da Republica. Surpresa ne’e, nia fundamento Dra.Ana membro do CCF no Bankada Parlamentar da FRETILIN publicamente deklara governo AMP illegal, inconstitucional, incompetente no imcapacidade etc. mas kuando oferece fatin diak ida iha governo AMP, taka oin ho karau kulit hodi simu cargo nonok ho kontente.

Mensagem nebe transmite ba publico :

1. Dra.Ana pessoa, la iha cosistencia politica;
2. Publico nia konklusaun ba Dra.Ana Pessoa personalidade politica “fragil de barro” ou hanesan kameleaun “muda de cores”.
3. Credibilidade politica Dr.Ana Pessoa degrada. Troka posisaun ho principios.

2.2. Beneficiarios posisaun Ana pessoa nian;

i. 1 a pessoa nebe kontente ho promosaun Dra. Ana Pessoa maka Dr.Ramos Horta tanba nia hetan sucesso ho nia lobby politico ho Xanana. Talvez bele hanoin ho ar de gozo Ramos Horta konssegue “selok” Xanana hodi simu nia (RH) nia proposta. Além disso Ramos Horta mos hanoin selu credito ba nia ex-esposa hodi facilita durante nia mandatu, hatudo gesto de agradecimento, tempo dificil uluk sira atravessa iha Maputo, i ultimamente Ramos Horta, hospedado iha Hospital de Darwin, Dra.Ana maka hamaluk RH todo tempo iha Hospital Darwin hodi rekupera fali saude. Esforso RH ba posisaun Ana, balu dehan “gesto de gratidaun “ atu kompensa companhia Ana Pessoa ba RH iha hospital Darwin.

Hanesan ema balu dehan "amor verdadeiro prova-se no hospital ou na prisão”.

ii. Beneficiarios seluk maka Mari Alkatiri. Ho posisaun Ana Pessoa, facilita barak, kongelasaun ka iliminasaun de evidencias foun akusasoens hassoru Mari Alkatiri atu ses hussi processo judicial criminal. Kasu Salsinha sei dauk processa. Personagens politicos balu nebe talvez involve, bele mos tama em jogo ho nomeasaun Ana Pessoa ba PR.

iii. Vantagem seluk, queixas hussi FRETILIN hassoru AMP, processa lalais ba Tribunais ka Tribunal de Recurso hodi kondena governa AMP ho finalidade atu desacredita gradualmente ba eleisaun de 2012.

iv. Facilita processo de kondenasaun da lideransa F-Mudansa iha Tribunal atu satisfaz Mari Alkatiri nia caprichos politicos.

2. 3. Ameasas ba AMP no estabilidade em geral;

Dra.Ana Pessoa hanesan Procuradora da Republika tenke “hasai roupa” Partido FRETILIN no kumpre nia knar ho imparcialidade entaun, espekulasoens negativas hasoru Dra.Ana, sei lakon totalmente. Credit points ba Dra.Ana nia professionalismo aumenta. Laos Timor oan deit maka aplaude Ana Pessoa ninia integridade, nia impacto ba mundo internacional hotu. Ba futuro Ana Pessoa sai “heroi” iha area justisa, Timor oan hotu hakoak no hadomi, nune’e, Dr.Ana Pessoa iha oportunidade atu kapta simpatia alargada.

Uma vez knar Procudora da Republica, lao iha “karis da lei”, Ana Pessoa nia papel kontribui makas ba estabilidade politica no prosperiedade povo Mau Bere.

Por azar Dra. Ana Pessoa camufladamente usa posisaun, atu halo trabalhos politicos ba Mari Alkatiri nia interesses politicos, hau la kalkula, danos, prezuijos, conflitos saída maka sei mossu.

Ita hein hodi hare, Dra Ana nia politica sadere ba nebe los?!....

2..4. Cedencias Xanana hodi simu Ramos Horta nia pedidos

Xanana la iha formasaun academica formal hanesan Dr.Alkatiri, Dr.Ramos Horta, Dr.Jose Manuel Fernandes no sst. Mai be iha akumulsaun de experiencias practicas de lideransa politica + de 30 anos moris iha “the world of real politics”. Xanana estratega ida ho calculus seguros. Nia contagem hare liu ba contexto geral da estabilidade no seguransa ba longo prazo.

Ba Xanana, fo pedasu de bolu nebe ekivale apenas 0.001% atu kontenta Ramos Horta ka adversarios politicos laos ameasa bot ba nia lideransa. Dra.Ana Pessoa ema ida, iha systema AMP nia laran. Nia (Ana) tenki tetu no sukat ho kuidado nia intervensoens. Halo buat los, tuir lei, ema hotu “bassa liman”. Halo sala, viola lei AMP tomak “hakilar no reage” i Dra.Ana maka sai vitima ema seluk nia projectos politicos.

Dra.Ana nia prestasaun positiva, projecta mos reputasaun positiva + (mais) Xanana, - (menos) ba Alkatiri. Xanana nia politica buka akomoda mesmo nia rivals da Oposisaun. Enkuanto Alkatiri nia politica tinan 5 liu ba preokupa ameasas no expulsoens.

Ba Xanana, Dra. Ana mesmo ke iha misaun especial , nia kusto la dun bot. Consekuencias bele akareta ba lideransa FRETILIN nia imagem ba publico. Dra. Ana nia projecto atu liu, tenki liu hussi Tribunal de Recursso no Procuradores sira. Ekipa Dra.Ana nian mos sei dauk monta i precisa lori tempu. Mal ke hakfodak eleisaun 2012 toó ona odamatan.

Akomodasaun da Dra.Ana bele possibilita neutraliza Mari Alkatiri nia irritasaun no reduz tensoens ou bele mos provoka + fasaun ida tan iha FRETILIN laran hodi hasoru Mari ho objectivo atu halakon nia radikalismo.

Tempo sei dehan ba ita iha futuro besik nomeasaun Dra.Ana, Xanana, maka extrai liu beneficios ka Alkatiri? Ka hotu-hotu manang?

Xanana provavelmente adapta politica husi famoso Presidente USA Abraham Lincoln iha 1860 nebe atu reduz tensaun politica integra iha gabinete rivais politicos, ker hussi Republicano no Democrata ho famosa politica the “Team of rivals”. Barack Obama mos banati tuir Lincoln nia ain-fatin hodi integra iha nia familia de administrasaun membros potencial balu hussi Partido Republicano.

Iha entrevista, jornalista sira husu ba Barack Obama, antecessores Presidente USA ida nebe maka ita bot admira atu sai modelo ba ita nia administrasaun? “Obama instataneamente responde “Team of rivals”. (New York Times November 2008)

Ba Xanana iha “bargaining power", ba kasu Ana Pessoa, o + importante estabilidade politica toó 2012 atu implementa programas no projectos de desenvolvimento atu hetan votantes barak liu, vota ba CNRT iha eleisaun de 2012.

Xanana mos fo cedencias barak ba Presidente Ramos Horta, kona ba postos de Embaixadores, nebe Ramos Horta koloka nia amigos no amigas, ho pretextu do slogan “consensus nacional" tuir nia versaun. Ba Xanana estabilidade interna, maka prioridade bo´ot, rekesito imperativu ba desenvolvimento ekonomico, kriasaun de empregos. Estabilidade motor principal nebe kondisiona prosperiedade social povo de Timor Leste.

Ho estabilidade até 2012, situasaun ekonomica-politica-social nia retratu kona ba povo nia moris, oin seluk ona, nebe garante vitoria eleitoral facilmente ho maioria absoluta. Xanana nia projesaun ba 2012 hodi sacrifica, buat balu ba nia adversarios politicos sira.

Ba eleisaun de 2012, parece figuras politicas rivais ohin loron nian, hanesan figuras historicas: Mari Alkatiri, Ramos Horta, bele kompletamente isolado ka marginalizado iha xadres politico foun de Timor Leste uma vez lakon ona konfiansa husi Povo liu husi eleisaun geral.

Ita hotu assiste iha momento ida ne, konvergencias de interesses dos legendarios politicos de 1974, nebe usa tacticas no estrategias oi-oin, atu assegura sira nia sobrevivencia politica ba kargo do Primeiro Ministro ba 2012. Maibe ho sira nia arrogancia, attitudes de kolonealista, la kapta simpatia ba Povo Maubere.

Iha aspeto ida ne’e, Xanana ho nia experiencias unikas tinan barak, sofre no terus ho Povo iha ailaran, rivais politicos atu hadau kargo do Primeiro Ministro husi Xanana bele dehan “misaun ida imposivel” ba eleisaun geral de 2012.

DR.Alkatiri + Horta bele iha oportunidade planeia ba eleisaun de 2017 ba sira nian ou ba proxis sira hodi hetan kargo do Primeiro Ministro. Mesmu nune’e, sei hasoru desafios bo´ot husi aliados Xanana nian.


3.Research Question:

· Ana Pessoa nia misaun especifica saída?
· Promosaun Dra. Ana, projecto Ramos Horta nian mesak ka esforsos konsertados?
· Nomeasaun AP hanesan trade off ba Ramos Horta atu assina Orsamento Geral 2009-2010 ?
· Beneficios no kustus saida ba AMP versus FRETILIN?
· Nomeasaun Ana Pessoa hatun MA nia iritasaun ba derrotas?

3.1.Ana Pessoa nia misaun especifica saída?

Prematuro ka cedo demais atu detecta ho solida explikasaun, atu hetan konklusaun ida ho presisaun credivel. So factos ka evidencias depois de algum tempo de exercicio de poderes de kompetencias, maka fornece dados solidos no krediveis atu facilita ita, dedusaun ka indusaun ba konklusaun .

O ke certo promosaun ba cargo do PR produto ema lubuk ida nia esforsos. O ke resta saber, pensamentos ema hirak nebe suporta Ana, iha conviksaun ba bem estar geral, ka ba interesses pesoais, hodi dudu Ana hanesan sira nian “scape goat” kuando resultados kontrarios ba sira nian expectativas.

Iha politica la iha ‘free lunch”. Buat hotu iha nia konteudo de interesses de menor ka maior eskala atu konkista ka apodera esfera de influencia iha sociedade nia let.

Ana tenki halo esforsos makas hodi halo renuncias ba kores do Partido hanesan:
· Deputada da Bankada FRETILIN,
· Membro do CCF
· Membro da Comisaun Politica Nacional,
· Militante da FRETILIN,
· Apoiante ferranha do Mari Alkatiri.

Mesmo ke Ana iha misaun especifica ida atu halao ba intereses do Partido ka Mari Alkatiri, nia hasoru dilemas barak, sira nebe importante maka:
1. Se Ana nia profile diak iha nia kareira, afecta mos impacto positivo ba Ramos Horta (ex-esposo) nia figura politica iha kontexto Nacional; para tal nia tenke matenek, buka estrategias, de koperasaun harmoniosa ho instansias relevantes atu halo asaun konsertada ba intereses Nacional;

2. Se porventura, Ana hanoin nia promosaun hanesan oportunidade atu deskarega vingansas hasoru AMP, de forma buka dalan ba eleisaun antesipada atu favorese FRETILIN kaer fali poder, entaun, nia (Ana) destroi nia aan rasik de vez, lalika mehi hela tan iha Timor Leste. Impacto negativo mos hadait ba Ramos Horta, ho Mari Alkatiri iha arena politica de Timor Leste;

3. Mesmo ke Ana hanoin ho nia kronis sira, hanoin katak posisaun Ana liu husi prosesu judicial, bele prejudika AMP nia politca, neste kasu, Ana mesak deit labele halo buat ida. Implementasaun atu kaer, halo investigasaun maka PNTL. Se Longuinhos la kopera diak ho Ana hodi prosesa kasus ho Tribunal Distrital, Prokuradores dos Distritos, Ana ho nia kronis sira nia ambisaun ka mehi nunka realiza;

4. Para Ana “bem com a FRETILIN mal com AMP e vice-verssa”. Buat diak liu ba Ana labele toka ba asuntos sensitivos da politica. Ker ba AMP ou FRETILIN. Se lae “suno nia-an rasik”. Buat diak maka hare asuntos de violencias domesticas, ema baku malu etc.

3.2. Promosaun Dra.Ana projecto Ramos Horta ka esforsos koncertados?

Halo leitura politica ida atenciosamente, nota tendencias Ramos Horta, buka dalan ho apoio sst, oin sa, celebridade Ramos Horta mantein high profile em kualker konjuntura. Ramos Horta consciente katak nia profile hasoru Xanana la ekilibra, tanba Xanana nia karisma bot liu. Posisaun do Xanana hanesan Primeiro Menistro iha facilidade barak no bot liu atu delivery services, hodi responde necessidades basicas no imediatas povo terus nain sira. Projecto de subsidio da 3ª idade, bolsas das mães, atensaun ba veteranos sira, koloka ka hametin Xanana iha posisaun ida, ke realmente Povo satisfeito no fiar metin Xanana do ke kualker outro lider.

Por outro lado receitas de Bayu udang iha Timor Sea, adicionados ho Sunrise no sst iha tempo badak, fo vantagens extramente facil ba Xanana atu halo mega projectos de billion dollar ba prosperiedade povo hanesan hari infraestrutura basicas: estradas, portos, aeroportos, telekomunikasoes, electricidade, be mos, servisus publicos atu assiste povo nia edukasaun, saude, habitasaun atu povo bele moris diak liu.

Ho premisas katak, politicos hotu-hotu iha ambisaun ba poder atu ukun, ambisaun ba kargos da chefia + alta ho poder decisaun em ultima instancia, pretensaun Ramos Horta iha opsaun rua:
a. Se hetan karik oportunidade, atu sai Primeiro Ministro, nia kontente bo´ot. Tan ne, maka nia buka forma aliados oras ne’e, makas; koloka fatin hirak nebe nia kompetencia, ema sira nia konfiansa, ka simpatiza ba nia.

b. Se por azar, aliados sira fraku, 2011, buka kose fali Xanana, atu garante nia re-eleisaun ba Presidente da Republika ba segundo mandatu.

Nune’e bele tece konklusaun katak, aliansa de interesses comuns entre individuos , grupos ka partidos politicos atu compete ba posisoens de chefia do governo, oras ne’e dau-daun komesa hahu ona alicerces fortes atu hetan sucessos iha eleisaun de 2012.

3.3. Beneficios versus custos entre AMP ho FRETILIN saída los?

Kona ba assunto ida ne’e, ker AMP ou FRETILIN, buka explora no aproveita seja kual for oportunidade nebe iha, atu extrai o maximo proveito. La iha ida hakarak lakon no akareta kustos ka prejuizos. Lideres sira raramente terus no sofre. Militantes partido nian maka sofre no terus, tuir experiencias prova tiha ona.

Como pratika komun iha kualker jogo ka desporto, iha fase final iha parte ida maka manang, parte seluk lakon. Derrota bele ki´ik ou bele bo´ot. Se jogo empata to´o oras nebe marka tiha ona, forsa ba tiros de penaltes caso (foot ball) atu determina ida nebe maka manang.

Iha desporto politico, estrategias nebe acompanha ho programas no projectos atu halo kobertura necessidades do Povo em geral maka determina vencedor. Neste caso AMP oras ne’e kaer governo hetan posisaun ida mais vantajosa do ke FRETILIN. Programas sociais do governo de AMP, povo oras ne’e, ¼ kontente ona, moris diak liu do ke governasaun da FRETILIN. Toó 2012 maka AMP kossegue tan satisfaz ¼ da populasaun entaun bele dehan vitoria konta metin ona.

Resultados eleitoral de 2007, hatudo FRETILIN hetan 29,02% ekivalente 120 592, votos fahe ba 21 kadeiras CNRT ho 24,10% ekeivale 100 175 fahe ba 18 kadeiras parlamentares.(dados STAE &CNE 2007). Diferensa de 4,92% nebe refleta 20 417 votos.

Iha cenario politico tolu koloca FRETILIN: 1)mantem percentage 2) percentage bele sae, 3) percentage bele tun. Estatisticas hussi 2001 mai 2007 demonstra votantes 87 939 votantes (STAE 2001) vota fali ba partidos seluk iha eleisaun de 2007. Arrogancia da lideransa Mari Alkatiri no konsekuencia da crise de 2006 maka provoka fuga de votantes. Nune’e duni probabilidades atu percentage de votos aumenta ba FRETILIN ba 2012 bele dehan muito dificil ka imposivel. Tendencias fortes percentage tun makas maka sei acontece.

FRETILIN, so Distritos rua deit maka hetan percentage de votos + de 50%. Baucau 62,44% 31 551 votantes, Vikeke 59,84% 19,144 (CNN 2007). Kamada de veteranos no Klandestinas, numero bo´ot liu maka iha Distritos rua ne’e. Governo AMP maka fo kobertura de subsidiu ba Klandestinas sira no kria kampus de trabalhos, projectos sociais atu responde povo sira nia necessidades, logicamente ba eleisaun de 2012, votantes sira hussi Distritos rua neba, automatikamente vota ba Partidos do AMP ho simples razaun: Atende, responde, no satisfaz povo sira nia terus no susar.

La iha vantage ona vota nafatin ba FRETILIN, tanba durante tinan 5 de governasaun, sira la interesse atende no satisfaz povo sira nia terus no susar. Usa povo sira nia votos ba sira nia beneficios rasik.

Experiencia prova tiha ona.

Ba CNRT tendencias de votos sei aumenta tanba governo nebe Xanana chefia halo ona programa barak nebe responde ona assuntos criticos sociais hanesan: peticionarios, deslokados, veteranos, 3ª idade, etc.

Lideransa FRETILIN se matenek, buka estrategias hirak nebe, pelos menos, taka frakezas vitais hanesan attitudes de konfrontasoens, buka soran povo, buka kria deit conflitos permanentes etc.

Hau iha certeza forte katak ho nomeasaun Ana Pessoa ba PR kausa polemicas barak iha FRETILIN nia laran rasik, tanba “inkonsistencia” ker dizer, ibun koalia AMP “at”, mas hahalok husu “esmola” fatin ba AMP nia governasaun.

3.4. Nomesaun Ana Pessoa hanesan Moeda de Troka para Ramos Horta assina Orsamento Geral?

Iha indikasoens dehan katak, lori loron lubuk ida atu Ramos Horta, asina Orsamento Geral. Xanana preokupa makas, kona ba organika funcionamento da makina do governo. Orsamento Geral hanesan bé atu rega tos ka natar. Bé ne’e maka maran, ai-han sira mate hotu. Orsamento Geral maka la asina lalais funcionarios sira la simu osan, gasoleo ba geradores electricos sira la funciona, ahi mate etc. impactos negativus barak liu. Ramos Horta matenek, hodi exige Xanana, atu konkorda ka simu kargu do Procurador da Republica ba Ana Pessoa, ho argumentu katak Ramos Horta la iha konfiansa politica ba Longuinhos Monteiro.

Xanana nia kontagem, kustos simu Ana Pessoa ba Procudoria da Republika la dun bo´ot hanesan kustos do Orsamento Geral ba Nasaun tomak. Bem entre mal maior ho mal menor, diak liu simu mal menor, hodi kokorda Ramos Horta nia pedido.

Fenomeno ida ke Timor oan hotu hare oras ne’e, assiste no akompanha, ba posisoens sira de kompetencia do Presidente da Republika, Ramos Horta koloka ema sira husi liur (amigos no amigas) ho salarios bo´ot. Ramos Horta prefere ema sira de kores assimilidados ho nia, fluente Portugues ka Ingles.

Hau la hatene, bainhira maka Ramos Horta, hanoin atu kaderiza Timor oan ba longo prazo. Experiencia hatudo, ker Ramos Horta, ker Abilio, ker Mari Alkatiri, durante 24 anos iha diaspora, kaderiza ona Timor oan hira sai kuadros tecnicos ka professional?

Author nia konklusaun, tais lideres historicos, sira nia mentalidade “autenticos colonealistas”, hodi mantein Timor oan sira iha “obscurantismo” da ciencia ho sabedoria, kuando Timor Leste Independente, sira ho sira nia familiares ho amigos maka iha matenek ukun rai ne’e.

3.5. Nomeasaun AP hatun MA nia irritasaun das derrotas?

Analistas balu dehan Ana pessoa nia nomeasau hanesan “moeda da troka”. Balu dehan hanesan aimoruk “kalmante “ atu prevene Mari Alkatiri nia stroke politico . Asneiras nebe Mari Alkatiri halo, elite politica timorense hanoin fali Mari Alkatiri. Diak liu halo ka fo buat ruma atu hatun nia “neurose”.

Balu dehan tan katak promove mana ka tia Ana, bele fo garantia ba Mari atu “chave metin” hela dossier files crise de 2006, atu nune Mari iha esperansa atu labele tama lalais ba prisaun iha tempo badak.

Iha senarios tolu impactos positivos ba MA:

i. Posisaun estrategico Ana bele dudu exigencias da FRETILIN hodi desacredita AMP;
ii. Posisaun Ana bele acelera “malandros” dirigentes F-Mudansa nian ba Tribunal hodi labele lori atributos da FRETILIN revindika sira nia direitos da militancia;
iii. Ana nia possisaun fo garantias ba Mari katak durante tinan 4 nia laran, processo de investigasaun da crise de 2006, hela metin iha “kadeado” de arkivos.

De uma maneira geral, MA kontente barak ho nomeasaun da Dra.Ana. Beneficios maka pontos balu temi tiha ona iha leten.

Tuir author nia analise, impactos da promosaun da Dra.Ana fo desvantangens bo´ot liu ba lideransa da FRETILIN tanba la iha koerencia de pensamento ho asaun. Signifika katak ba kargos iha Governu ka Estado, maka importante liu ba sira grupo Maputo. Imi rai-laran labele simu kargo (casu do David Ximenes) nem carros do Parlamento Nacional. Ba ami Maputo bele simu cargos no carros do Governo de facto. Ba imi segunda linha ka moradores diak liu imi nonok deit. Se lae hetan “premio” de expulsaun.

Votantes FRETILIN sira nia konklusaun:

Afinal nai ulun sira husi Maputo maka hetan privilegios liu ba sira nia bem estar pessoal. Dehan AMP illegal, inconstitucional, kundu simu kargu ruma taka oin ho karau kulit, hodi halo parte iha sistema.

La reconhece governo AMP mas simu posisaun, sinonimo de “hiprocrisia politica”. La iha honestidade politica.

Ho hahalok redikulos hirak ne’e, keta mehi eleitorado sira fiar imi atu vota ba imi 2012…

Exclusivo ba Forum Haksesuk