Filomena Almeida nia fanatismo “TANE” patraun Mari Alkatiri

Hussi: Vicente Maubocy (Dirigente F-Mudansa)

Introdusaun

Dr.Mari Alkatiri usa estrategia no tactica foun atu defende aan, hussi disparates no crimes nebe nia komete durante nia governasaun. Desta vez haruka nia “bilambe” Filomena de Almeida atu halo intervensaun iha rubrika Jornal Nacional Diario iha loron 09 de Marsu 2009 hodi defende nia patraun bot Mari Alkatiri.

Defesa Sra.Filomena nian dehan katak “Tane nafatin patraun MA hanesan SG”.

Iha kualker kultura organizasaun, membros sira defende, maka principios no valores organizasaun nian. Se defende ema, ker dizer Sra.Filomena la komprende ou la iha minimo conhecimento da teoria da organizasaoun ou conhecimentos de organizations behaviuors .

Lo los hau la precisa halo ona intervensaun hodi klarifika assuntos balu ke Sra.Filomena deturpa tanba kompanheiro Raul Casanova hato mensagem ida klaru no komprehensiva Sra.Filomena nia infatilismo no imaturidade politica.

Hau comprende Sra. Filomena de Almeida nia frustrusaun imaginavel nebe fo solidariedade makas ba nia “boss” Dr.Mari Alkatiri, tanba sira hotu hamutuk lakon ona “honras, regalias, poderes, privilegios” nebe sira goza durante tinan 5 nia laran.

Conteudo artigo da Sra. Filomena de Almeida foka ba matéria tolu hodi defende nia patraun bot Mari Alkatiri hanesan:

1. Dr.Abilio Araújo nia informasaun dehan katak Dr.Mari Alkatiri iha 1974 suspeito elemento da APODETI infiltra iha fileira FRETILIN;
2. Kestaun fahe kilat; i
3. FRETILIN lakon eleisaun 2007.

Analise & Comentario

Examina ka interpreta titulo do artigo, kualker kuadro da FRETILIN hussi “Base de Apoio” konklui kedas katak , Sra.Filomena de Almeida kompletamente ignorante da linha politica ka doutrina da FRETILIN. Conhecimento politico da Sra. Filomena em relasaun ba FRETILIN fraku hela. Como Sra.

Filomena hela iha Maputo tinan lubuk ida, entaun hakarak assimila FRETILIN nia pensamento ho assaun politica ho FRELIMO dos anos 70.

Na realidade pensamento no assaun politica da FRETILIN difere bastante. FRETILIN koalia democrasia i practika enkuanto FRELIMO nia lideransa, koncepsaun democracia practicamente la aplika so regista deit iha surat tahan. Se aplika democrasia lo los lideransa do partido lakon sira nia posisaun. Tan ne’e maka FRELIMO aplika sistema partido unico. Hussi 1975 to 2009 FRELIMO kaer nafatin poder de governasaun.

Como Dr.Mari Alkatiri ho Sra.Filomena de Almeida no sira nia belum sst hussi Maputo, hetan posisoens chaves iha Partido no Governo, para sira nia conveniencias, sistema FRELIMO mais perfeito ba sira, tanba fo beneficios absolutos.

Sra.FA + Dr. MA : Lia fuan tane nafatin la iha “dicionario “ politico da FRETILIN. Só regista iha kultura politica, predominantemente “feudalista, monarkika ka kolonealista”.

Hau la komprende, tane oin sa los: “ tane hussi futar oin ka futar kidun ou sst?”.

Imi Maputo tane malu, muito bem. Ami la iha buat ida no la interfere. Assunto Ida ne’e business imi nian.

Saída maka existe iha practica politica da FRETILIN iha Base de Apoio no periodu da Resistencia tomak maka pilares de “principios justos no metodos corectos”.

Kualker pensamento no assaun iha tereno centraliza no enkuadra i artikula iha matrix de “principios justos no metodos corectos”.

Iha convivencia diaria, atu asseguran coesaun, unidade no solidariedade entre kuadros no militantes lideransa FRETILIN da Resistencia fabrika “lubrificantes” rua importantes atu assegura disciplina partidaria no prevene abusos de poderes hussi lideransa superior, medio ka inferior ou ba militantes sira hotu.

Lubrificantes ka ingredients, rua ne’e nia papel no funsaun, hanesan “ cimento” atu hametin unidade de pensamento i assaun de forma, performance da FRETILIN difere ho okupantes sira nian.

Hau bele dehan murak ka ossan mean FRETILIN nian, nebe ema hotu konkorda ka simu,

Kritica no autocritica

so facistas no ditadores sira hanesan Dr.Mari Alkatiri no Sra Filomena maka diskorda la simu tanba alergico ba kriticas.

Kritica no auto-critica bele dehan “ duas faces” da mesma moeda inseparaveis. Hanesan ema moris nia costume face oin loro-loron ka haris mos, hodi prevene moras. Critica no auto-critica nia papel no funsaun iha actividades kuotidianas politica, atu disciplina comportamento de todos sem excepsaun. Ker dizer se Dr.Mari Alkatiri komete erros como responsavel do Partido, nia (MA) mos sujeita ba criticas no auto-criticas kuando necessario em kulker momemto.

Sra.Filomena de Almeida no Dr.Mari Alkatiri: erro + grave ke ita bot sira komete iha FRETILIN, maka “alergico “ ba criticas. Dr.Mari Alkatiri ho Sra.Filomena de Almeida hanoin katak, Secretario Geral hetan “imunidades “ de criticas. Hanoin katak Dr.Alkatiri okupa kargos de Secretario Geral no Primeiro Menistro “isento ka impecavel” de erros politicos. Ser Secretario Geral não ker dizer “patrão de tudo”. Tuir Samora Machel “ liderar é servir o Povo ou os governados” Tuir Dr.Mari Alkatiri nia versão “ liderar é ser servido e oprimir os subordinados”.

Hau sei lembra lia fuan hussi maluk ida hussi Maputo nebe integra delegasaun Dr.Mari Alkatiri iha Conferencia de Sydney. Nia dehan ba hau, saudoso Hodo ho Júlio Alfaro enkuanto ami hemu café nun’e , em relasaun ho Dr.MA: “ o pequenito quanto tem poderes é mais feroz que uma ferra” significa katak “mau tuk Mari Altatiri, kuando hetan poderes, nia (MA) pior liu do ke animal sira han ema hanesan leaun ka tigre”.

Hau responde nune”e: “consciencia politica Timorense la permite ona kualker forma de ditadura ka facismo. Se nune”e Mari Alkatiri sei hetan resitencia makas hussi FRETILIN rasik no veteranos tomak”.

Kestaun informasaun Dr.Abilio Araujo

Sra.Filomena de Almeida ho nia patraun com certeza hetan surpresa bot kona ba deklarasaun Dr.Abilio Araujo nian kona ba Dr.Alkatiri iha 1974 suspeito como elemento da APODETI infiltrado iha FRETILIN. Bem hau mos hakfodak bainhira hau rona noticia ida ne’e. Contudo hare fali ba conceitos de organizasoens politicas nia la-laok, hau la hakfodak. Iha kualker organizasaun kualker pessoa, livre atu eskolha em kualker momento atu tama ba Partido A, B,C, D etc.

Se Dr.Abilio maka la bolu fali Dr.Alkatiri ba sede iha Santa Cruz, ita la hatene Dr.Alkatiri nia paradeiro politico ohin loron. Bele nafatin ho FRETILIN ou bele haksoit ba Partido seluk.

Eskolha na altura iha Dr.Alkatiri nia liman.Na altura como experiencia politica sei dauk forte, iha sociedade Timorensa nia let, deskonfiansa maka domina makas.Koalia deit ho maluk sira UDT ka APODETI deskonfia ona. Nun’e duni deskonfiansa mossu hussi membros balu hussi FRETILIN ba Dr.Alkatiri, buat ida normal. Sra.Filomena altura neba iha Portugal completamente afastada no desconhece completamente ambiente politico iha Timor Leste iha 1974.

Se Dr.Mari sente ofendido ka lori ba lia, ker dizer los duni. Para ke lori ba lia? Se assunto ida nebe liu ona + de 30 anos?

Iha proverbio nebe dehan:” revolucionario ou herois de hoje, traidores de amanhã, e traidores de hoje, herois de amanhã” . Politica ne’e kabuar orsida iha leten aban iha kraik, depois ba sorin karuk ka los.

Se lider ida buka kuda simpatia sei halo colheita simpatias barak, ema hotu fo suporte. Ao contrario hetan inimigos maka barak, choke tun choke sae, hetan deit frakassos no derrotas.

Barack Obama, ema hotu iha mundo, particularmente iha America la espera, katak, nia loron ida bele sai Presidente da America.Dificil atu hetan simpatia ka konfiansa hussi diferentes raças iha America atu vota ba nia iha esfera politica Partido Democratica no bele hetan sucesso iha eleisaun Presidencial iha America Novembro de 2008. Contudo Barack Obama konssegue duni “the impossible mission “. Los duni Sr,Bismark nia lia fuan: politica “art of possible”.

Obama nia talentos no capacidade extraordinaria atu concilia entre diferentes vertentes atu buka constroe consensus, eleitorado barak maka deposita confiansa ba Sr.Barack Obama hodi manang eleisaun Presidencial.

Dr.Mari Alkatiri la hatene katak iha politica, sorin ida koperasaun no sorin balu konflito(s).Se Dr.Alkatiri matenek buka dalan ou meios atu resolve conflitos internais ka externais, oras ne’e, feliz, ho Sra.Filomena de Almeida kaer nafati ukun to tinan 50.

Kestaun fahe kilat.

Iha factores barak nebe influencia Dr.Mari Alkatiri nia decisaun atu fahe kilat, kopia tuir experiencia iha Africa. Factores mais importante maka rua:

1. Oposisaun internal nebe representa hussi F-Mudansa.
2. Oposisaun external, hussi Igreja, sociedade sivil, Presidente Xanana, partidos da oposisaun.

Oposisaun internal

Oposisaun internal, desenvove hussi Grupo Renovador mais tarde F-Mudansa. Composisaun F-Mudansa, antigos kuadros medios da Base de Apoio no kuadros Distritais da Restruturasaun da FRETILIN de 2000. Hanesan Sra. Filomena hatene ami hahu diskorda ho Dr.Mari Alkatiri nia politica desde Fevereiro de 2003. Ami identifica problemas no erros nebe acontece no propoen alternativas de solosoens iha documento ho naran Tema de Reflesaun ba Dr.Mari Alkatiri no Sr.Presidente Lu Olo ho lian portugues.

Dr.Mari Alkatiri nia resposta dehan katak “ami frustrados” tanba la hetan fatin iha governo. Dr.Mari em vez de buka solusaun, alarga conflitos iha governasaun aberta hodi difama membros do Grupo Renovador funa-funan no renda-renda. Conflito ida ne’e, desenrola durante Conferencias Distritais nebe Grupo Renovador sempre acompanha hodi desacredita lideransa Mari Alkatiri.

Impacto Grupo Renovador nian taun positivo maka iha Conferencia Distrital iha Baucau, eleisaun dos delegados mai Congresso, ema confiansa Mari ho Lu Olo, eliminado atu mai II Congresso. Hanesan ne’e mos Conferencia Distrital Dili, mobilizasaun F-Mudansa forte, Cordenadora Distrital Dili mos, iliminada atu participa iha II Congresso.

Dr.Mari Alkatiri consciente katak influencia F-Mudansa nian makas ba II Congresso, nebe 100% Dr.Mari hetan derrota, entaun mossu plano fahe kilat ba grupos civis ho objectivo halo tauk Congressistas sira hodi vota ba Dr.Mari atu assegura nafatin cargo do Secretario Geral.

Por razaun de tauk derrota maka loron 10 antes do Congresso Dr.Mari forma plano ho Sr.Rogerio Lobato hodi forma “eskuadraun de morte” no lori kilat ba Congresso laran. Ainda por razaun de tauk lakon maka inventa “eleisaun foti liman” nebe viola tradisaun democrativa FRETILIN nian.

Ho manipulasaun no imtimidasaun ba II Congresso Maio de 2006, Dr.Mari Alkatiri assegura metin nafatin cargo do Secretario Geral + mandato ida tan toó 2011. Contudo Dr.Mari Alkatiri hetan desafios bot ba eleisaun geral de 2007 atu assegura cargo do Primeiro Menistro. Entaun segunda missaun “eskuadraun de morte” maka cria agitasaun, instabilidade politica atu garante segundo mandato iha governo.

Buat ida ke Dr.Mari Alkatiri nunca imagina iha nia vida, distribuisaun de kilat em vez de garante nia cargo de Primeiro Menistro+ tinan 5, acelera nia resignasaun um mês depois do II Congresso através da denuncia ema hirak nebe simu kilat.

Oposisaun external:

Dr.Mari Alkatiri consciente katak factor internal, liu hussi manipulasaun oi-oin, garante nia estabilidade do Secretario Geral + period ida tan. Contudo ida + dificil maka hetan votos suficiente ba eleisaun geral de 2007 atu Dr.Mari Alkatiri continua tinan 5 tan hodi komanda no decide explorasaun recurssos minerais Timor Gap, kompetencia exclusiva do Dr.Mari Alkatiri.

Nun’e kompletada i sucedida 1^a batalha, mais dificil maka 2 ^a batalha, manang eleisaun ho maioria absoluta hodi konduz Dr.Mari ho nia komitiva ba segundo mandato 2007- 2012.

Infelizmente Dr.Mari Alkatiri hetan azar tun hussi cargo do Primeiro Menistro iha 26 de Junho de 2006, no hetan derrotas sucesivas rua. Ida ba eleisaun presidencial no ida seluk ba legislativa hodi nune’e hetan frustrasaun bot ho nia funcionaria Filomena de Almeida.

Factor external, mos fo kontribuisaun forte hodi 87 939 nebe iha 2001 vota ba FRETILIN iha eleisaun de 2007 votantes sira la vota ba FRETILIN hodi manang maioria absoluta, no trava Dr.Mari Alkatiri hetan segundo mandato.

Relaciona ho julgamento Sr.Rogerio Lobato, iha 1^a sesaun, de inkerito Sr.Rogerio temi duni Mari Alakatiri iha conhecimento total buat hotu nebe nia halo em relasaun ho distribuisaun de kilat. Iha 2^a sesaun, maka Sr.Rogerio nega katak lae.

Tuir common sense, oin sa Mari Alkatiri hanesan Primeiro Menistro desconhece projecto fahe kilat? Enkuanto F-Mudansa halo encontro iha nebe deit nia hatene de cor e salteado. Railos, Leandro ho Rakat portadores de armas, ke Sr,Rogerio Lobato lori ba Mari nia uma iha dia 07 de Maio Dr.MA dehan ba sira “orsida Camarada Rogerio fo buat ruma ba imi”. Sira hanoin katak simu ossan ruma, mas afinal simu kilat iha cemiterio de Likisa kalan bot.

Sra.Filomena, ita bot nia patraun labele confia katak livre total ona hussi processo criminal. Indulto nebe Presidente Ramos Horta fo apressadamente, + para salva Mari Alkatiri do ke Rogerio Lobato. Loron ruma halo fali revisaun depois de cronies MA afastado totalmente dos orgauns da justisa. 2012 ba oin talvez oportunidade diak atu loke fila file de 2006. Ita sei lembra ka lae, Presidente 3 hussi Korea do Sul depois de tinan barak tama hotu iha kadeia.

Sr.Rogerio dehan ba maluk barak, nune’e:” Mari Alkatiri garante katak FRETILIN sei manang hotu eleisaun, tan ne’e maka hau nonok hela deit. Resultados finais FRETILIN lakon, diak liu imi buka dalan para hau livre. Se lae ita metin hotu iha Comarka”.

Ho ameasas ne’e, maka MA companhia limitada buka jeito para Rogerio ba Malasya halo tratamento da saude. Ikus tan MA sira halo lobby makas ho Ramos Horta atu fo indulto lalais.

Caso MA nia envolvimento fahe kilat, pendent hela. Hetan tan evindencias foun, MA arumado ona. Evidencias foun de momento para outro bele mossu.

Kestaun FRETILIN lakon eleisaun

Sra.Filomea, nia conhecimento ba formula do jogo eleitoral fraku duni. Devia hussi ba nia patraun Dr.Alkatiri ou nia belum doben (E,S) atu explika criterios basikos oin sa partido (s) politicos sira atu hetan ka kossegue votos ho base legal no Constitucional atu ukun. Devia le mos artigo belum (Carlos da Silva, Saky) iha forum Haksesuk ka STL hussi dia 06- de Marsu mai oin, nebe halo analise komparativa ida (Kadima ho FRETILIN) Partidos +votados sai oposisaun atu aprofunda tan ita bot nia conhecimento.

La iha buat ida hau simplesmente fo hanoin ba hau nia belum Sra Filomena. Socrates dehan “ninguem de tudo ou de nada sabe”

Iha modalidades 3 iha sistema de votasaun proporcional hodi partido (s) atu manang eleisaun hodi governa.

1. Vitoria eleitoral ho maioria kualificada nebe ekivale 60%
2. Vitoria ho maioria absoluta: 50% + 1%
3. Vitoria maioria simples : < (menos) de 50%

Alem disso sistema eleitoral de Timor Leste tuir sistema proporcional la os maioritario.

Sra Filomena, tanba ita nia des-conhecimento total ba matéria eleitoral ho nia procedimento legal, hau buka referencias hussi STAE no CNE kuase loron 4, dados hussi 2001 ho 2007 de modo atu habelar ita nia conhecimento.

Ilustrasaun dos dados:

1. Total votos validos da eleisaun 30/08/2001: 384 248 ( fontes:STAE)
2. Total votos validos da eleisaun 30/06/2007: 415 604 (fontes: STAE&CNE)

Procedimento legal eleisaun de 2001 nia objectivo atu hili deputados barak atu halo feitura no debate Constituisaun. Nune’e maka partidos politicos nebe hetan votos kiik iha possibilidade atu hetan assentos iha Assembleia Constituinte. Eleisaun de 2001 FRETILIN hetan 208 531 ekivalente 57,37% (STAE :national election) nebe koresponde 55 kadeiras iha Parlamento Nacional .

Distritos nebe hetan percentage bot > de 50% maka tuir mai ne’e: (STAE:District electoral cordinator’s record of the count 2001 ):

Records :2001 Records: 2007

1. Baucau 81.98%) 36 551 31 551 62,44%
2. Vikeke 74.95% 21 144 19 144 59,84%
3. Likisa 72.44%) 15 071 2 883 12,00%
4. Dili 66.05% 44 128 4 768 22,38%
5. Lautem 62.76% 14 589 12 145 45,53%
6. Kovalima 61.42% 13 173 6 764 28,58%
7. Bobonaro 57.42% 17 751 5 917 16,09%
8. Manufahi 54.56% 9 177 4 768 25,43%

• Percentagem media da eleisaun de 2001 (1+2+3+4+5+6+7+8) = 469,82% / 8 = 58,73%
• Percentagem media da eleisaun de 2007 (1+2+3+4+5+6+7+8) = 272,29% /8 = 34,04%

Sra. Filomena kompara resultados elesisoens rua, 2001 ho 2007, percentage tun ka sae?

Oinsa ita justifica katak FRETILIN la lakon? Se bem dados emperikus hatudo mo mos hela.Diferensa de 58,73% (01) - 34,04% (07) = 24,69%, diferensas ida ke bot tebe-tebes.Se ita bot ho nia patraun la reconhece hanesan derrota, talvez ita bot sira precisa ba hospital halo tratamento psikiku.

Eleisaun 2007

Tuir artigo 93. # 2. Da Constituisaun da Republika ( eleisaun e composisaun PN)Parlamento Nacional contituido por um minimo de 52 e um maximo de 65 deputados.

Lei eleitoral artigo 13. numero 06/2006 estabelece barreira eleitoral de 3% do total de votos validos. Nune’e, total votos validos eleisaun de 30/06/07 415, 604 x 3% = 12 468 kalkulasaun barreira maka sai sasukat ba partidu /koligasaun partidaria atu hetan votos ba kadeiras parlamentares. Tuir regra ne’e partido sira nebe nia votos ultrapassa / liu, barreira eleitoral maka: UNDERTIM, CNRT,PD, KOLIGASAUN ASDT- PSD, AD.KOTA-PPT FRETILIN, PUN.(fontes CNE)

Distribuisaun de mandatos por listaL( Fontes: CNE 2007)

FRETILIN	21 Kadeiras	29,02%	120 592
CNRT	18 Kadeiras	24,10%	100 175
ASDT-PSD(koligasaun)	11 Kadeiras	15,73%	65 358
PD	8 Kadeiras	11,30%	46 946
PUN	3 Kadeiras	4,55%	18 896
AD KOTA-PTT	2 Kadeiras	3,20%	13 294
UNDERTIM	2 Kadeiras	3,19%	13 247
Total mandatos	65 Kadeiras

Sr.Filomena + Dr.Akatiri + sst: Favor ida responde atan oan nia perguntas :

1. Tan sa maka votantes de 2001 la vota nafatin ba FRETILIN iha eleisaun 2007?
2. Dr.Mari Alkatiri halo asneira bot saída maka eleitores sira vota fali ba partidos seluk?
3. Tan sa maka partidos barak la-kohi forma aliansa parlamentar ho FRETILIN hodi forma governo?
4. Se maka responsavel ba derrota eleitoral iha eleisaun de 2007? Se la os ita bot nia patraun MA entaun se los?

Komparasaun dos resultados eleitoral 2001 versus 2007, 8 Distrtiros nebe hetan votos + ke 50% iha 2001, iha 2007 apenas Distritos rua maka hetan + de 50%. Mesmo nune’e % Baucau tun 19,54%, Vikeke % tun 15,11% kompara ho 2001(Fontes: CNE)

( 2001 ) ( 2007)

		2001		2007
1	Baucau	81,98%	36 551	31 302	62,44%
2	Vikeke	74,95%	21 144	19 327	59,84%
3	Likisa	72,44%	15 071	2 883	12,00%
4	Dili	66,05%	44 128	4 768	22,38%
5	Lautem	62,76%	14 589	12 145	45,53%
6	Kovalima	61,42%	13 173	6 764	28,58%
7	Bobonaro	57,42%	17 751	5 917	16,09%
8	Manufahi	54,56%	9 177	4768	25,43%

Observa no examina resultados, hussi tabela nebe iha leten, significa katak:

1. Dr.MA nia governasaun, programas do governo la responde necessidades basicas eleitorado FRETILIN nian.
2. Dr.MA usa facilidades do governo hotu atu beneficia pura i simplemente nia aan ho familiares ho cronies sira tabele ba MA.

Por esta razaun maka mossu deskontentamento bot votantes barak la vota nafatin ba FRETILIN iha eleisaun de 2007.

Sra Filomena, politica hanesan mos business “is a matter of human good relation” .Oin sa kria kondisoens kondusivas atu atrai no kopera ho ema barak. Usa violencia no forssa oras ne’e la os ona tempo Sra.Filomena. Inventories sira Sra.Filomena ho nia patraun bele muda a seu gusto ba nebe deit. Enkuanto ema moris la os facil. Buka oin sa maka hamaus hodi convence.

Nune’e duni maka difinisaun de lider é capacidade de influenciar as pessoas atu atinge objectivo(s).Sra.Mena .So iha fatin rua iha mundo ne’e maka obriga ema: (1) prisaun (2) exercito. De resto usa matenek, meios, cria ambiente propicipio atu kapta ema barak nia simpatia.

Hau repete fali, concerns barak hassoru ita bot nia patraun MA, tanba hau ka ami F-Mudansa halo parte iha FRETILIN desde inicio de 1974. Ami defende principios no valores da FRETILIN la defende ema seja kual for posisaun. MA komo dirigente do Partido, kuando komete erros, sujeito ba criticas sem exepsaun..hanesan mos kualker membro. Principios justos no metodos corectos maka regulariza kuadros no militantes hotu nia komportamentos politicos. Aimoruk /medicamentos atu tahu ema FRETILIN oan sira iha disciplina partidaria maka : criticas no auto-criticas. Sra Mena + MA como la passa iha ai-laran, hanoin katak ami sira antigos kuadros da FRETILIN mesak beik ten hotu, la komprende buat ida no matan delek, la hare erros nebe MA komete. Percepsaun errada ida ne’e, maka halo MA sai arrogante, no abusa poderes da chefia no partido no governo.

Sra.Filomena, FRETILIN maka empresa particular MA nian, ami la interfere.

Mas como la os, interferencias ami nian, atu critica hahalok la diak ka foer nebe degride valores sublimes do Partido, nebe ema barak devota nia vidas, kualker militante iha direito no dever atu hakilar buat hirak nebe kausa konsekuencias negativas ba FRETILIN.

Sra.Filomena, se ita bot tane FRETILIN hahalok ida ke merece louvor.

Ora tane patraun bot MA, disparate bot ida. Kontudo, como negocio particular ita bot sira hussi Maputo, assunto ida pessoal no direito exklusivo imi nian.

Bom trabalho ho boa sorte no bom sucesso Tane patraun bot Mari Alkatiri nafatin…..

Exclusivu ba Forum Haksesuk