MARI ALKATIRI MAKA GRANDE TRAIDOR DA FRETILIN

Hussi : Vicente Mau Bocy (Presidente F-Mudansa)

Definisaun

Lia fuan traidor nia definisaun refere especificamente aksaun ida kontra nasaun ka interesses gerais Povo nian. Traisau normalmente usa ba aspectos militar durante funo, kundo soldado (s) official (s) balu deserta ba inimigo hodi kausa derrota ba nia maluk. Bele aplika mos ba iha politica, kuando grupo ka faksaun ida sai hussi nia partido hodi kausa derrota politica ba nia partido rasik . Definisaun geral nia sentido maka ida ne’e.

Mari Alkatiri kaer ba definisaun geral maka hodi bolu ami Grupo Mudansa lia fuan Traidor.

Mai-be analisa di-diak context espeicifico, causas no konsekuencias Grupo F-Mudansa nia asaun kontra Mari Alkatiri,F- Mudansa nia politica nia fundamneto no objective hassoru Mari Alkatiri, la os kontra FRETILIN. Razaun fundamental maka hatun ditadura no facismo nebe Mari Alkatiri tenta a todo custo atu implementa iha Timor Leste.

Asaun F- Mudansa desenvolde desde tinan 2003 (Fevereiro) to 2007, militantens da FRETILIN, hanoin no konklui katak, iha razaun no akareta objectivo diak ba Timor oan hotu, maka iha eleisaun 2001 FRETILIN hetan total votos 270 000, influencia F-Mudansa nia politica iha eleisaun 2007, Mari Alkatiri lori FRETILIN nia atributos hotu, hetan deit 120 000, ekivalente 29% nebe coresponde 21 assentos parlamentares.

Resultado ida ne’e, la preenche rekesitos da lei eleitoral no Constitucional atu Dr. Mari Alkatiri lori FRETILIN nia naran manang eleisaun hodi kontinua kaer nafatin kargo executivo do Governo tuir nia ambisaun ka nia mehi nebe nia kuda hela iha nia ulun atu domina Timor Leste ba tinan naruk hodi kontrola riko soi Timor Leste nian iha Timor gap ga, recurssos minerais iha rai leten ka rai okos.

Tanba Mari Alkatiri nia ignorancia iha politica Timor Leste, akompanha ho arrogancia extrema la matenek hakoak FRETILIN oan sira hotu maka Mari Alkatiri lakon votos no total de 150 000 nebe representa 56% (120 000 /270 000).

Hare ba resultados da eleisaun legislative 30 de Julho de 2007, militantes da FRETILIN no total de 150 000 la fo votos ba FRETILIN tamba MA halo traisaun bot hasoru tradisaun democratica da FRETILIN no bosok militantes da FRETILIN hodi FRETILIN nia naran MA ho nia familiares no amigos sira maka goza tinan 5 governasaun da FRETILIN enkuanto militantes no kuadros sira moris iha situasaun susar no terus nia laran. Mari Alkatiri nem seker cumpre, kompromisso eleitoral 1% .

Lori demagozia politica defende ka luta atu FRETILIN oan sira hetan beneficios, ka moris diak, no fundo maiores recipients dos beneficios da vitoria eleitoral da FRETILIN monu ba Mari Alkatiri nia maun alin sira, klike Maputo no belum mau-koseses no mau-lambes sira ke la halo servisso ba FRETILIN iha period da Restruturasaun durante tinan ida no durante kampanha eleitoral.

Hau la hare Jose Teixeira, Arsenio Bano, Madalena Boavida, Gregorio Sousa (kondutor MA nian) Ana Pessoa, Bianco no seluk-seluk tan oras ne’e iha Parlamento ka iha CCF fo kontribuisaun em termos de disposisaun de tempo, esforsos, energias, no finansas rasik ba Vitoria da FRETILIN de 30/08/01.

Atan oan hau responsavel iha Baucau ho saudoso Bere konssegue hetan alto record de 85%. Hau la simo duit metan ida hussi MA ka Lu-Olo hodi halo despesa durante tinan ida ate Vitoria final de 30/08/01. Cumulo da vergonha Mari Alkatiri nem seker iha sensibilidade de agradecimeto hodi konvida ami sira kuadros reponsaveis dos Distritos ba almosu ka jantar ida hodi agradece ami nia esforsos no sacrificios. Facto ida ne’e hatudo klaramente Mari Alkatiri + Lu Olo hetan trade mark de Mau Pagador ou persona non grata.

Dedikasaun ami kuadros sira ba eleisaun de 30 Agosto de 2001, memorias ke Mari Alkatiri no Lu Olo, la haluha, sira consciente papel dos lideres da F-Mudansa hanesan : Victor da Costa iha Lospalos, Mau Bocy iha Baucau, Inacio Pires iha Suai, Jorge Teme iha Oecusse, irmãos Cepeda iha Same, Abel Larisina Cordenador Geral da Restruturasaun oras ne’e membro Consultivo da F-Mudansa, Reis Kaladak iha Dili, oras ne’e UNDERTIM, Afonso Rangel iha Vikeke (UNDERTIM) .

Mari Alkatiri, se matenek hakoak kuadros politicos hotu-hotu, FRETILIN la nakafera. Tan ba nia arrogancia no estupidez em abundancia maka halo FRETILIN nakafera no lakon iha eleisaun legislativa de 2007.

Hau hussu ba Professor Doutor Mari Alkatiri nia conscinencia: “ Se maka maior kulpado da derrota da FRETILIN” iha eleisaun de 2007? “ Se la os Vossa Excelencia, se los“?

Entaun o grande e maior Traidor é Dr. Mari Alkatiri

1^a. Conclusaun

1. Evidencias no factos hatudo mo mos, Mari Alkatiri - grande Traidor da FRETILIN.Tan ne’e maka 150 000 votantes da FRETILIN retira sira nia votos, hodi FRETILIN lakon iha eleisaun legislativa de 2007.

2. Mari Alkatiri matenek halibur no hakoak kuadros no militilantes sira, oras ne’e FRETILIN kaer ukun nafatin, crise de 2006 la mossu. Como MA beik ten luar biasa hodi kria deit konfltos oi-oin internal no external, votantes da FRETILIN fo kastigo bot ba MA hodi retira votos de confiansa iha eleisaun de 2007

Evidencias sa maka hatudo MA grande traidor?

Evidencias barak mai be sira nebe relevantes maka hanesan:

1. Mari Alkatiri viola tradisaun democratica da FRETILIN hodi la pratica principios de diresaun kolectiva no decisaun participativa;

2. Mari Alkatiri la preokupa ba encontros periodicos do CCF atu discute no debate assuntos relevantes ba estruturas sira iha Distritos no sub-Distritos;

3. Mari Alkatiri la gosta simu critica hussi membros do CCF ka militantes Atitude ida ne’e, viola principios democraticos basicos da FRETILIN atu hadia komportamentos negativos dos lideres;

4. Depois da Vitoria da FRETILIN, la iha comunikasaun entre Partido – Governo vice versa no Partido –Parlamento – vice-verssa.

5. Depois da Vitoria da FRETILIN- Mari Alkatiri maka FRETILIN I FRETILIN maka Mari Alkatiri. Personalisa FRETILIN hanesan nia asset pribadi. Instituisaun partidaria desaparece, Mari Alkatiri nia figura pessoal maka domina totalmente;

6. Mari Alkatiri hetan cargo Primeiro Menistro la konsulta CCF ho mos nomesaun membros do governo.

7. Mari Alkatiri difama no insulta kuadros da Resistencia Armada no Clandestina ho lia fuan “ fahi krekas no fuk la-fasse;

8. Mari Alkatiri hakarak hatun influencia Igreja katolika iha Timor Leste hodi loke kampos de batalha hanesan ensino de religiaun katolika facultative;

9. Mari Alkatiri usa meios no facilidades do governo ba nian an no familias ho mega projectos do Governo de millions de dollars ba familiars;

10. Mari Alkatiri konsidera rikeza Timor gap heransa ida mai hussi Yemen do Sul hussi nia aman. Timor Leste lakon pipe line hussi Bayu Udan, ba Darwin, Timor Leste hetan Sunrise apenas 20%; embora royalty 50%; Timor Leste lakon Bufalo Laminaria, no Caroline 100%. Mari Alkatiri assina contrato de fronteira maritime ba 50 anos ho Australia nebe fo desvantagem bot ba Timor Leste.

11. Mari Alkatiri iha nia governasaun hakarak pipeline Sunrise tenki ba Australia tanba Timor Leste la iha kondisoens legais no technicas atu pipeline mai Timor Leste;

12. Mari Alkatiri maka fabrika crise de Abril de 2006, hodi Timor oan barak lakon vidas ho sasan no kausa refugiados de 150 000 pessoas;

13. Mari Alkateri nia negligencia maka kasu Peticionario, torna-se assunto komplexo, nebe kausa mortes balu no ema barak sai vitimas;

14. Mari Alkatiri maka viola Constituisaun RDTL, hodi fo ordem ba FDTL atu halo intervensaun ba demonstrantes sira iha Taci Tolu;

15. Mari Alkatiri nia ordem maka Rogerio Lobato fahe kilat ba grupo Rai Los, Lima-lima no Labadai;

16. Mari Alkatiri parece motor principal duplo atentado de 11 de Fevereiro, tanba iha loron rua antes, dia 09-02-09 iha Press Conference lorokraik iha CCF nia deklara eleisaun antecipada besik ona ho maxima confiansa;

17. Mari Alkatiri nia ambisaun pessoal atu ukun Timor Leste, tinan 50, halo Timor oan barak sofre pela segunda vez depois da Independencia mate iha crise nia laran, lakon sasan oi-oin, uma suno bens movies barak destruidos.

Mari Alkatiri dehan F-Mudansa tabele ba Xanana

Lia fuan tabele, aplika ba ema nebe oportunistas, nebe aproveita ema seluk nia esforsos ka kosar ben, hodi hetan beneficios de cargos politicos sem minimo esforsos ou hetan projectos bot a custa dos outros.

Ora analisa di-diak factos sira em detalhes, Doutor Alkatiri maka tabele ba esforsos hirak nebe kuadros politicos, militares no membros da Resistencia Armada no Clandestina sira nia esforsos. Liu-liu aproveita Xanana no quadros militares no dirigentes seluk-seluk sira nian, nebe lori sacrificios, no terus oi-oin lori konduz Resistencia Armada to fase Referendum hodi Timor Leste hetan Independencia iha 20 de Maio de 2002.

Durante periodo da Resistencia hussi 1975 - 1999 Mari Alkatiri nia naran desconhece totalmente iha media. Nem seker rona is. Ramos Horta altura ida dehan nem iha Africa Mari Alkatiri desloka ba halo campanha. Lideransa FRETILIN nia naran nebe sobressai maka Ramos Horta, Abilio de Araujo no Jose Luis Guterres.

Em relasaun ho lideransa da F-Mudansa, ami kopera ho Xanana no ho parceiros Partidos Politicos sira, atu hadau por vias democraticas atraves da eleisaun geral, poder politico nebe Mari Alkatiri usa no abusa ba nia beneficio pessoal.

Lideransa F-Mudansa nia assaun politica hassoru Mari Alkatiri hahu desde Fevereiro de 2003 no sei kulmina bainhira tebe sai tiha Mari Alkatiri hussi cargo do Secretario Geral da FRETILIN.

Doutor Mari, lia fuan tabele - aplika ba ita bot ho ita nia seita Maputo nebe aproveita ami kuadros da Restruturasaun Nacional nia esforsos hodi ita bot sai Secretario Geral no Primeiro Menistro no tabele sira Maputo hetan Menistros (as) sem minimo esforsos.

Vitoria nebe ami alkansa ho Xanana hodi dudu monu Mari Alkatiri kargo do Primeiro Menistro produto de grande esforsos no sacrificios no ami nia vida mos corre em riscos hodi luta kontra ita bot (Mari Alkatiri). Hau simplemente hakarak atu klarifika ba leitores sira, significado lia fuan tabele. Realmente Mari Alkatiri hetan honra bot tabele ba ema seluk nia esforsos hodi hetan kargo do Primeiro Menistro ho minimo esforso.

Tabele refere ba Jose Teixeira Ana Pessoa Madalena Boavida, Arsenio Bano, Bianco no sst ba Mari Alkatiri, faz sentido no iha cabimento.

Ora lideransa da F-Mudansa sira enfrenta situasaun ida dificil ho meios limitados hasoru Mari Alkatiri nebe kaer poder ho facilidades oi-oin atu derrota, la os facil. So ema nebe iha coragem, determinasaun forte comitemento atu hassoru desafios oi-oin, maka bele dispoen nia vida em riscos hodi hetan sucessos. Sucesso nebe ami hetan ho Xanana produto de kosar ben no sacrificios bot barak.

Se resultados alkansados hodi destrossa Mari hussi cargo executive sem minimo esforsos no riskos hau simu liman rua lia fuan tabele + traidor. Como luta ami nian, liu hussi processo ida naruk no liu dalan susar tebe-tebes atu hetan mudansa ka transformasaun politica iha Timor Leste, ami lideransa, ho orgulho ami konsidera aan hanesan herois ba transformasaun politica hodi hatun ditador MA hussi governo.

2^a.Conclusaun

Lideransa F-Mudansa la tabele ba Xanana. Mai be Kopera ho Xanana atu liberta Povo no Nasaun hussi garas do facista no ditador Mari Alkatiri nebe oprime no oho Povo Mau Bere nia oan sira.

Komparasaun traisaun F-Mudansa versus Mari Alkatiri

Hussi F-Mudansa

a. De facto F-Mudansa trai ka kontra duni Mari Alkatiri, tamba Mari Alkatiri nia arrogancia, prepotencia no character assino politico ba oposisaun iha Partido nia laran. F-Mudansa nia traisaun dirige pura I simplesmente ba pessoa Mari Alkatiri ho nia lakaios no lakaias, nebe lori FRETILIN nia naran hodi oprime fali FRETILIN oan sira. Impacto ka konsekuencia maka trava Mari Alkati no nia cronies sira lakon oportunidade atu ukun period ida tan. Tamba lakon poder de governasun pela 2^a maka halo Mari Alkatiri ho nia cronies sira hetan frustrasaun, deseperos no amargura de um passado lindo ke jamais volta .

b. Traisaun F-Mudansa halo ba Mari Alkatiri ho nia komitiva hetan resposta positiva hussi eleitorado da FRETILIN no total de 150 000 votos, nebe hasai votos hussi FRETILIN no fo ba CNRT 100 000 no partidos politicos seluk 50 000 votos;

c. Traisaun F-Mudansa halo ba Mari Alkatiri, racional, legitimo no halao iha contexto democratico nia regras, o mais agradavel de tudo la kausa desastre ka katastrofe nebe kausa perdas de vidas no destruisaun de bens no propriedades ba Timor oan sira nian.

d. Vitimas hussi asaun F-Mudansa, maka Mari Alkatiri lakon poder de governasaun ho nia komitiva kargos dos membros do governo ba segundo termo. Mari Alkatiri hetan frustrasaun bot tanba lakon pepetuamente poder de decisaun no negociasaun rikezas Timor Gap nebe ho valores de billioens de dollars.

Traisaun do Mari Alkatiri

i. Mari Alkatiri trai militantes da FRETILIN hodi kausa desgostos no deskontentamentos generalizado maka votantes da FRETILIN retira sira nia votos de konfiansa ba Mari Alkatiri hodi la vota ba FRETILIN iha eleisaun 2007;

ii. Mari Alkatiri nia ambisaun politica maka kausa Crise de Abril de 2006, hodi fahe kilat ba grupo civis, ema barak mate, sofre, no populasaun sira hetan estragos no destruisaun de bens no propriedades i 150 000 pessoas terus no sofre iha tenda okos durante tinan ida resin;

iii. Mari Alkatiri nia governasaun, Timor Leste lakon pipeline hussi Bayu Udan ba Darwin. Timor Leste mos lakon Bufalo, Laminaria no Caroline 100%

iv. Mari Alkatiri nia governasaun, nia lakohi atu Sunrise nia gas atu dada mai Timor Leste. Mari Alkatiri dehan katak Timor Leste la iha minimas kondisoens.

v. Mari Alkatiri nia governasaun maka halo acordo precipitado kona ba fronteira maritima de 50 anos ho Australia.

vi. Mari Alkatiri kanten atu sai riko lalais, fo ba Australia 80 % de kontrole area de Sunrise i Timor Leste hetan deit 20%, embora product sharing 50%.

Sukat no tetu danos no prejuizos

A. Sukat no tetu danos no prejuizos, Mari Alkatiri nia assoens sira ne’e tama ba kategoria de terrorista no kriminoso nebe hodi kausaTimor oan barak mate, terus no sofre ba Mari Alkatiri nia ambisaun politica. Alem disso riko soi Timor Leste nia iha Timor gap mos lakon;

B. F-Mudansa nia danos no prejuizos apenas rekai deit ba Mari Alkatiri hodi lakon kargo de Primeiro Menistro ba segundo termo.

Conclusaun

i. Imagens de factos no evidencias demonstra ka prova Mari Alkatiri maior traidor da FRETILIN no Povo Timor Leste, nebe kausa ema barak mate, terus no sofre ba, Crise de Abril de 2006;

ii. Lia fuan traidor –aplika diak ka monu perfeitamente ba Mari Alkatiri nia komportamento politico nebe kausa mortes no estragos no destruisaun de bens no propriedades Timor oan sira nian durante Mari Alkatiri nia governasaun;

iii. Mari Alkatiri autentico traidor numero 1. da Nasaun i Povo Timor Leste tamba fahe kilat hodi oho povo, no usa violencia atu garante nia Vitoria ba eleisaun de 2007.

iv. Mari Alkatiri traidor # 1.da FRETILIN tamba lori kilat ba II Congresso hodi ameasa Congressistas sira atu vota ba nia, kumulo mais vergonhoso inventa, metodo eleisaun “foti liman” atu garante nia Vitoria ba kargo do Secretario Geral.

v. Hussi F-Mudansa, la kausa danos, prejuizos, ka perda de vidas ba Mari Alkatiri ho nia grupo. Sira apenas lakon deit oportunidade atu kaer governo pela 2^a. vez.

vi. Practica politica nebe F-Mudansa desenkadeia hassoru Grupo radikal do Mari Alkatiri, assaun politica ida normal em kualker sociedade democratica.

Lian menon ba MA

Professor Doutor Mari Alkatiri: Historia sei prova aban bai rua se maka autentico Traidor “ Mari Alkatiri ka lideransa da F-Mudansa”. Hau totalmente konvencido no publico tomak partilha ho mesma konkulsaun, katak : Traidor ema nebe ditador, facista, lori poder politico hodi oprime, ameasa no oho povo no kria situasaun politica ida de tal forma, povo tauk labele koalia ka halo kritica ba komportamento anti-democratico governates sira, lori meios de violencia atu assegura sira nia poder iha governo, la importa povo terus no sofre

O importante maka governantes sira moris diak lori facilidades no meios do governo hodi goza. Realidade ida ne’e maka imagens reais da governasaun do Mari Alkatiri projecta ba Timor oan hotu nia matan no neon durante nia governasaun tinan 5.

Fotografias dos factos atestam Certificado de Traidor ao Professor Doutor Mari Alkatiri ba Nasaun no Povo de Timor Leste despois da Independencia