GOVERNO AMP LA PRESIZA MARI ALKATIRI NIAN AJUDA IHA PROJETO GREATER SUN RISE-SEA DEEP PIPELINE
Victor Tavares*
Mari Alkatiri oferese-an ba Governo AMP atu sai koordenador iha projeto Greater Sun Rise nebee inklui mos Dada Kadoras (deep sea pipeline) ba gas iha tasi laran ba territorio Timor-Leste, ho razaun Intereses Nasionais.
Lia hahusu mak nee:
Intereses nasionais ka Mari Alkatiri nian intereses pessoais mak dudu nia ba projeto nee?
Koalia kona ba intereses nasionais, ita hotu hatene katak intereses nasionais nee iha nian interpretasaun nebee luan. Iha intereses nasionais iha area ekonomia, iha area sosio-politika, iha area politika governativa, iha area politiko-partidaria, iha area defeza no seguransa, kooperasaun ho rain seluk, iha area kombate kiak, kombate moras no kombate oi-oin nee mesa interesses nasionais.
Molok atu koalia intereses nasionais, ema politiku ida presiza hanoin katak lia-fuan intereses nasionais nee mak oin sa hodi nunee ema seluk mos la interpreta sala sa mak ema politiku ida koalia bainhira temi intereses nasionais. Nunee mos ema politiku ida molok atu identifika nian an ba intereses nasionais iha nian diskursu tenke hatene haketak intereses partikular ka grupu nian husi intereses nasionais. Basaa, ema politiku aktivu ida nunka bele ses nian an hosi nian grupu hodi bele servisu hamutuk ho grupu nebe ninia adversario iha politika.
Dr. Mari Alkatiri la’os deit militante partido FRETILIN, nia hanesan ulun boot nudar Sekretario Jeral partido nebee mos la’os fulan ida ka tinan ida mak kaer knaar nudar SJ partido FRETILIN. Partido FRETILIN nian loron oin iha sekretario jeral nian liman laran, atu FRETILIN la’o ba oin ka ba kotuk, atu partido historiku nee sai boot rohan laek ka sai ki’ik oan, atu hetan susesu ka partido falhadu, nee depende estratejia nebee Mari Alkatiri iha ba partidu.
To’o ohin loron partido FRETILIN ho nian diresaun sei dauk fo sai ba publiku kona ba SJ nian intensaun atu sai koordenador iha projeto dada kanu iha tasi ba Rain Timor. Katak ema hotu seidauk hatene loloos partido FRETILIN nian pozisaun kona ba kazu ida nee. No partido nee seidauk esplika katak partido FRETILIN la hatan atu nian sekretario jeral servisu ba Governo AMP. Maibe, Mari Alkatiri pronto ona atu lidera projeto Greater Sun Rise, nebee apenas kabe ba ezekutivu AMP mak iha nian kompetensia atu hakotu hodi eskolha ema atu diriji projeto nee.
Iha ema barak ho kapasidades teknikas no akademikas bele dirije ka koordena projeto Greater Sun Rise - Sea Deep Pipeline. Maibe hanesan babain akontese ona, PR Ramos Horta dala ruma badinas hola inisiativas nebee kontraditorias nunee ba projeto dada kadoras mos buka impoin orgaun ezekutivu ho ninian hanoin nebee dala ruma komprometedoras.
Presidente Horta kala sei trauma ho situasaun trajika nebee monu ba nia leten iha loron 11 Fevereiro tinan kotuk, nee normal tebes. Nunee lakohi tan atu iha ema ruma nebee hanoin radikal hodi evita ema nee hamosu violensia.
Konkretamente, karik PR sinti-an la seguru ka sinti rai laran la seguru bainhira partido FRETILIN la pasifika, atu iha diskursu ka iha aktu politiku. Nunee Dr. José Ramos Horta, nebee hetan medalha Nobel Dame nian hakarak hatudu ba mundu katak nia simu Nobel da Paz iha 1996 nee la saugati no justifika katak Nobel da Paz nian efeito iha rai-laran liu-liu iha pasifikasaun politika entre FRETILIN ho partidos nebee kaer ukun ohin loron fo rezultadu.
Karik atu pasifika Dr. Mari Alkatiri iha politika konfrontativa ho dalan fo projeto ba nia mak bele evita violensia no krize, ka iha motivu seluk nebee iha Presidente Ramos Horta nian hanoin, so nia mesak mak bele hatene.
Maibe buat ida la normal mak Dr. Mari Alkatiri konsidera esforsu nebee Presidente halo, esforsu nebee bazeia ba apenas sentimentu pessoal PR, nem tuir prosedimento normal no legal sai hanesan desizaun final hosi Governo AMP nebee iha liu kompetensia.
Koalia kona ba intereses nasionais nebee Mari Alkatiri evoka ka karik motivu intereses nasionais mak PR hola inisiativa hodi hatudu Mari atu diriji projeto nee, iha materia ida nee (projeto esplorasaun minarain no gas iha Tasi Timor (TT), ita konfronta ho realidade iha biban liu ba mak, ohin loron interesses nasionais riku soin iha Tasi Timor nee rasik la iha garantia katak riku soin nee iha Timor-Leste nian direito soberano nian liman laran. Mari Alkatiri hipoteka tiha ona intereses nasionais ba rai Australia ho akordu nebee nia assina mesak ho governo Australia sem konsulta ba Povo Timor iha 2001/2002.
Oin sa ohin bele koalia intereses nasionais, enkuantu soberania RDTL iha Tasi Timor Mari Alkatiri hipoteka ho akordu nebee unilateralmente nia ho nian governo assina ho governo Australia atu la marka fronteira nebee vigora durante tinan 50?
Ne’eduni Mari Alkatiri la iha kondisoins politikas nem morais atu partisipa iha projeto Greather Sun Rise tanba:
Primeiru, Mari Alkatiri hateten ona katak ba nia dada kanu ba territoriu Timor-Leste nee impossivel, hanesan FH sita Mari Alkatiri nian deklarasaun iha artigo iha loron 09/01/09 (haree FH) katak:
”Timor-Leste la iha kapacidade argumentu legal, tekniku no ekonomiku nebe'e bele konvense parseirus explorasaun Greater Sunrise nian atu dada kanu no hari estasaun prosesamentu gaz nian iha Timor-Leste nia rai laran, maske opsaun ida ne'e mak diak liu ba dezenvolve kampu ne'e, Eis-Primeiru-Ministru Mari Alkatiri dehan ohin (Hare komunikadu Imprensa husi Gab. Media Fretilin, 23/10)”.
Segundu, Mari Alkatiri ho FRETILIN to’o ohin loron la rekonhese Governo AMP nian lejitimidade no buka atu hamonu Xanana ho nia governo liu hosi Marcha da Paz. Ba objetivu atu hamonu Governo AMP Mari Alkatiri pronto atu mobiliza 200.000 massa militantes partido FRETILIN nebee bele akontese iha kualker momentu. Ne’eduni la iha razaun evoka intereses nasionais mak dudu Mari Alkatiri atu partisipa iha projeto Greater Sun Rise.
Terseiru, Mari Alkatiri mos la’os uniku konhesedor kazus kona ba mina-rai iha Tasi Timor nem iha konhesimentu iha area kona ba sura vantajem no desvantajem komparativa iha explorasaun gas entre dada kanu ba Timor no ba Australia. Ne’eduni la iha mos razaun atu tau Mari iha projeto ho razaun esperiensia ka konhesedor iha area, nee la lojika. Mari Alkatiri bele hipoteka hotu riku soin iha Tasi Timor no soberania tomak mak iha.
So bele evoka intereses nasionais, hodi Mari Alkatiri oferese an ba Governo AMP atu kolabora iha projeto Greater Sun Rise, se partido FRETILIN muda ninia pozisaun politika hodi rekonhese Governo AMP nia lejitimidade, apoia AMP nia politika ba dezenvolvimentu no la buka hamonu governo, karik nunee mak se se deit mak iha opozisaun iha kapasidades no hakarak servisu ba intereses nasionais, governo AMP mos la iha razaun atu rejeita ema nee.
Hosi sorin ida Mari Alkatiri ho dirijentes diresaun partido nian la rekonhese governo AMP, konsidera ilejitimu, inkonstitusional, halo esforsu boot atu hamonu governo, hato’o dun ka akusasaun oi-oin ba PM Xanana Gusmão, buka halo fo’er (difama) PM nian naran, maibe husi serin seluk Mari Alkatiri iha vontade diak atu dirije projeto hodi hakarak submete ba Xanana Gusmão nia ordem ?
Konfronta ho lia-husu nee, karik iha buat ruma mak bele sai esklaresedor: Intereses politiku-partidariu VS intereses ekonomikus
Karik Mari Alkatiri nebee iha realidade iha diverjensias politikas ho Xanana Gusmão nebee makaas tebes, maibe se hetan projeto boot husi Xanana ho nia governo mak bele sai “a política do partido FRETILIN que se lixe”! Signifika katak politica é política mas dinheiro a parte... se mak hatene.
*Editor Forum-Haksesuk
e-mail: fhaksesuk@gmail.com
Victor Tavares*
Mari Alkatiri oferese-an ba Governo AMP atu sai koordenador iha projeto Greater Sun Rise nebee inklui mos Dada Kadoras (deep sea pipeline) ba gas iha tasi laran ba territorio Timor-Leste, ho razaun Intereses Nasionais.
Lia hahusu mak nee:
Intereses nasionais ka Mari Alkatiri nian intereses pessoais mak dudu nia ba projeto nee?
Koalia kona ba intereses nasionais, ita hotu hatene katak intereses nasionais nee iha nian interpretasaun nebee luan. Iha intereses nasionais iha area ekonomia, iha area sosio-politika, iha area politika governativa, iha area politiko-partidaria, iha area defeza no seguransa, kooperasaun ho rain seluk, iha area kombate kiak, kombate moras no kombate oi-oin nee mesa interesses nasionais.
Molok atu koalia intereses nasionais, ema politiku ida presiza hanoin katak lia-fuan intereses nasionais nee mak oin sa hodi nunee ema seluk mos la interpreta sala sa mak ema politiku ida koalia bainhira temi intereses nasionais. Nunee mos ema politiku ida molok atu identifika nian an ba intereses nasionais iha nian diskursu tenke hatene haketak intereses partikular ka grupu nian husi intereses nasionais. Basaa, ema politiku aktivu ida nunka bele ses nian an hosi nian grupu hodi bele servisu hamutuk ho grupu nebe ninia adversario iha politika.
Dr. Mari Alkatiri la’os deit militante partido FRETILIN, nia hanesan ulun boot nudar Sekretario Jeral partido nebee mos la’os fulan ida ka tinan ida mak kaer knaar nudar SJ partido FRETILIN. Partido FRETILIN nian loron oin iha sekretario jeral nian liman laran, atu FRETILIN la’o ba oin ka ba kotuk, atu partido historiku nee sai boot rohan laek ka sai ki’ik oan, atu hetan susesu ka partido falhadu, nee depende estratejia nebee Mari Alkatiri iha ba partidu.
To’o ohin loron partido FRETILIN ho nian diresaun sei dauk fo sai ba publiku kona ba SJ nian intensaun atu sai koordenador iha projeto dada kanu iha tasi ba Rain Timor. Katak ema hotu seidauk hatene loloos partido FRETILIN nian pozisaun kona ba kazu ida nee. No partido nee seidauk esplika katak partido FRETILIN la hatan atu nian sekretario jeral servisu ba Governo AMP. Maibe, Mari Alkatiri pronto ona atu lidera projeto Greater Sun Rise, nebee apenas kabe ba ezekutivu AMP mak iha nian kompetensia atu hakotu hodi eskolha ema atu diriji projeto nee.
Iha ema barak ho kapasidades teknikas no akademikas bele dirije ka koordena projeto Greater Sun Rise - Sea Deep Pipeline. Maibe hanesan babain akontese ona, PR Ramos Horta dala ruma badinas hola inisiativas nebee kontraditorias nunee ba projeto dada kadoras mos buka impoin orgaun ezekutivu ho ninian hanoin nebee dala ruma komprometedoras.
Presidente Horta kala sei trauma ho situasaun trajika nebee monu ba nia leten iha loron 11 Fevereiro tinan kotuk, nee normal tebes. Nunee lakohi tan atu iha ema ruma nebee hanoin radikal hodi evita ema nee hamosu violensia.
Konkretamente, karik PR sinti-an la seguru ka sinti rai laran la seguru bainhira partido FRETILIN la pasifika, atu iha diskursu ka iha aktu politiku. Nunee Dr. José Ramos Horta, nebee hetan medalha Nobel Dame nian hakarak hatudu ba mundu katak nia simu Nobel da Paz iha 1996 nee la saugati no justifika katak Nobel da Paz nian efeito iha rai-laran liu-liu iha pasifikasaun politika entre FRETILIN ho partidos nebee kaer ukun ohin loron fo rezultadu.
Karik atu pasifika Dr. Mari Alkatiri iha politika konfrontativa ho dalan fo projeto ba nia mak bele evita violensia no krize, ka iha motivu seluk nebee iha Presidente Ramos Horta nian hanoin, so nia mesak mak bele hatene.
Maibe buat ida la normal mak Dr. Mari Alkatiri konsidera esforsu nebee Presidente halo, esforsu nebee bazeia ba apenas sentimentu pessoal PR, nem tuir prosedimento normal no legal sai hanesan desizaun final hosi Governo AMP nebee iha liu kompetensia.
Koalia kona ba intereses nasionais nebee Mari Alkatiri evoka ka karik motivu intereses nasionais mak PR hola inisiativa hodi hatudu Mari atu diriji projeto nee, iha materia ida nee (projeto esplorasaun minarain no gas iha Tasi Timor (TT), ita konfronta ho realidade iha biban liu ba mak, ohin loron interesses nasionais riku soin iha Tasi Timor nee rasik la iha garantia katak riku soin nee iha Timor-Leste nian direito soberano nian liman laran. Mari Alkatiri hipoteka tiha ona intereses nasionais ba rai Australia ho akordu nebee nia assina mesak ho governo Australia sem konsulta ba Povo Timor iha 2001/2002.
Oin sa ohin bele koalia intereses nasionais, enkuantu soberania RDTL iha Tasi Timor Mari Alkatiri hipoteka ho akordu nebee unilateralmente nia ho nian governo assina ho governo Australia atu la marka fronteira nebee vigora durante tinan 50?
Ne’eduni Mari Alkatiri la iha kondisoins politikas nem morais atu partisipa iha projeto Greather Sun Rise tanba:
Primeiru, Mari Alkatiri hateten ona katak ba nia dada kanu ba territoriu Timor-Leste nee impossivel, hanesan FH sita Mari Alkatiri nian deklarasaun iha artigo iha loron 09/01/09 (haree FH) katak:
”Timor-Leste la iha kapacidade argumentu legal, tekniku no ekonomiku nebe'e bele konvense parseirus explorasaun Greater Sunrise nian atu dada kanu no hari estasaun prosesamentu gaz nian iha Timor-Leste nia rai laran, maske opsaun ida ne'e mak diak liu ba dezenvolve kampu ne'e, Eis-Primeiru-Ministru Mari Alkatiri dehan ohin (Hare komunikadu Imprensa husi Gab. Media Fretilin, 23/10)”.
Segundu, Mari Alkatiri ho FRETILIN to’o ohin loron la rekonhese Governo AMP nian lejitimidade no buka atu hamonu Xanana ho nia governo liu hosi Marcha da Paz. Ba objetivu atu hamonu Governo AMP Mari Alkatiri pronto atu mobiliza 200.000 massa militantes partido FRETILIN nebee bele akontese iha kualker momentu. Ne’eduni la iha razaun evoka intereses nasionais mak dudu Mari Alkatiri atu partisipa iha projeto Greater Sun Rise.
Terseiru, Mari Alkatiri mos la’os uniku konhesedor kazus kona ba mina-rai iha Tasi Timor nem iha konhesimentu iha area kona ba sura vantajem no desvantajem komparativa iha explorasaun gas entre dada kanu ba Timor no ba Australia. Ne’eduni la iha mos razaun atu tau Mari iha projeto ho razaun esperiensia ka konhesedor iha area, nee la lojika. Mari Alkatiri bele hipoteka hotu riku soin iha Tasi Timor no soberania tomak mak iha.
So bele evoka intereses nasionais, hodi Mari Alkatiri oferese an ba Governo AMP atu kolabora iha projeto Greater Sun Rise, se partido FRETILIN muda ninia pozisaun politika hodi rekonhese Governo AMP nia lejitimidade, apoia AMP nia politika ba dezenvolvimentu no la buka hamonu governo, karik nunee mak se se deit mak iha opozisaun iha kapasidades no hakarak servisu ba intereses nasionais, governo AMP mos la iha razaun atu rejeita ema nee.
Hosi sorin ida Mari Alkatiri ho dirijentes diresaun partido nian la rekonhese governo AMP, konsidera ilejitimu, inkonstitusional, halo esforsu boot atu hamonu governo, hato’o dun ka akusasaun oi-oin ba PM Xanana Gusmão, buka halo fo’er (difama) PM nian naran, maibe husi serin seluk Mari Alkatiri iha vontade diak atu dirije projeto hodi hakarak submete ba Xanana Gusmão nia ordem ?
Konfronta ho lia-husu nee, karik iha buat ruma mak bele sai esklaresedor: Intereses politiku-partidariu VS intereses ekonomikus
Karik Mari Alkatiri nebee iha realidade iha diverjensias politikas ho Xanana Gusmão nebee makaas tebes, maibe se hetan projeto boot husi Xanana ho nia governo mak bele sai “a política do partido FRETILIN que se lixe”! Signifika katak politica é política mas dinheiro a parte... se mak hatene.
*Editor Forum-Haksesuk
e-mail: fhaksesuk@gmail.com
Sem comentários:
Enviar um comentário
Nota: só um membro deste blogue pode publicar um comentário.