VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

terça-feira, 30 de dezembro de 2008

Presidente Republika: Balansu positivo ba Governasaun IV Governu Konstitucional

Díli (Forum Haksesuk) - 'Governu ninia servisu diak no resolve problemas barak nebe, tuir experiencia rai seluk nebe foin Ukun Rasik an ka Independência lori tinan ba tinan. Balansu ba IV Governu Konstitucional iha Tinan 2008 ne´e positivu'. Lian hirak ne´e haktuir husi Presidente Republika (PR) wainhira simu membrus IV Governu Konstiticional hodi hato'o boas festas iha Palácio Presidencial, Farol, iha loron Quinta (18/12) «Timor Post (20/12), STL i Jornal Diario (22/12)». Membrus Governus sira hotu tuir, maka PM, Kay Rala Xanana Gusmão, VPM, José Luís Guterres, Ministros, Secretario de Estados e Vices-Ministros.

Defende PR katak iha tinan ida nia laran IV Governu Konstitucional nebe ninia bo'ot maka PM Kay Rala Xanana Gusmão, iha sucesso bo'ot no barak. Resolve problemas sira nebe maka mosu iha I Governu Konstitucional nian hanesan Problemas Peticionários, Deslokadus Internus (IDP) no grupos armados sira seluk. PR haktuir katak problemas sira nebe maka mosu iha tinan 2006 tamba deit fragilidade instituisaun estado.

Sucesso no positivu iha balansu tamba ita (Timor) iha ema, lideransa ida forte hanesan Kay Rala Xanana Gusmão, nebe ho ninia kapasidade de lideransa konsegue konsolida estrutura estado nian rua (F-FDTL ho PNTL) nebe naksobu no sofre tamba krise 2006. Solusaun ikus hatudu liu husi opesaun konjunta ka Operasaun Halibur (OH) nebe hetan sucesso tamba hare husi pontu estratégia militar la iha ema ida mate iha operasaun militar ne´e no ninia risku mos kiik liu. Tenik tan PR José Ramos Horta katak OH ne´e konsidera hanesan Operasaun Politika do ke Operasaun Militar. "Sucessu bo'ot ne'e (OH) tamba deit lideransa ema ida nian, maka Kay Rala Xanana Gusmão", defende PR Ramos Horta.

Sucesso mos hare ba satisfasaun populasaun iha interior

PR Ramos Horta wainhira halo visita ba iha Distritu no sub-distritu sira, hare populasaun kiik komesa ona hetan satisfasaun, tamba sira rasik sente ona oinsa moris iha klima ida de konfiansa, konfiansa ba estado no konfiansa ba autoridades sira. Hare deit, waihira ita sai kalan iha Díli laran, populasaun bele ona la'o sai paciar ho família sira, ne´e hatudu katak iha ona ambiente konfiansa entre populasaun ho autoridade, nune consequentemente iha konfiansa husi populasaun ba estado. Ne´e hotu la'os milagre ka tur-tur hetan sucesso, maibe tamba sucesso iha programa de reformas nebe maka IV Governu Konstitucional aplika no implementa.

Impaktu husi Politika Governu nian

Iha biban ne´e mos PR dehan, impaktu bo'ot ba politika Governu nian iha áreas hanesan Agrikultura no Politika Social halo populasaun sente feliz ho resultado. Tamba liu husi politika agrikultura, Governu facilita trator hodi halo povu nia to'os, mos kontente. Impaktu seluk, politika social Governu nian, liu husi fo Pensaun ba antigos kombatentes, Pensaun ba katuas ho ferik sira, ba sira be alesados no bolsa ba inan sira. Ida ne'e povo ki'ik sira iha inteiror haksolok tebes.

Iha biban ne´e PR dehan katak estabilidade iha rai laran tamba atu asegura husi instituisaun rua (2) PNTL ho F-FDTL no klosan ka juventude. Ba tinan 2009, PR husu atu halo reforma nebe klean liu tan iha sektores sira seluk, maibe foka sempre ba Justiça, nebe tuir PR hakarak Timorizasaun (fo ba Timor oan maka kaer). Fontes: Timor Post (20/12), STL no Jornal Diario (22/12)!

Sem comentários:

Enviar um comentário

Nota: só um membro deste blogue pode publicar um comentário.