Mari Alkatiri kontra dada kanu Greater Sunrise Mai Timor-Leste

Dili - Mari Alkatiri waihira halo negocisaun Timor-Gap nia la defende atu kanu hodi dada Great Sunrise bele lori ba Timor-Leste. Iha biban neba Mari Alkatiri dehan nune “se nia maka empresario ka pengusaha karik diak liu dada kanu GSR ba deit Australia”. Tuir Mari Alkatiri ninia hanoin fo sai liu husi Komunikadu ba Imprensa iha loron 23 fulan Outubro nian katak “Timor-Leste la iha kapacidade argumentu legal, tekniku no ekonomiku nebe'e bele konvense parseirus esplorasaun Greater Sunrise nian atu dada kanu no hari estasaun prosesamentu gaz nian iha Timor-Leste nia rai laran, maske opsaun ida ne'e mak diak liu ba dezenvolve kampu ne'e, Eis-Primeiru-Ministru Mari Alkatiri dehan ohin (Hare komuniaku Imprensa husi Gab. Media Fretilin, 23/10)”.

Tuir fonte nebe besik ba Mari Alkatiri wainhira akompanya hala'o negosiasaun Timor-Gap dehan nune'e, “Mari Alkatiri nunka defende dada kanu Greater Sunrise ne’e mai Timor-Leste, waihira nia assina akordu ho Australia nia la defende konaba ida ne’e i nem mensiona (temin) konaba kanu Greater Sunrise dada mai Timor-Leste. Tenik tan Mari Alkatiri defende maka argumentus nebe oras ne’e Woodside uja hodi dada kanu Greater Sunrise ba Darwin, Australia”. Iha ne’e kestiona, “Mari Alkatiri defende interesse se nian, Australia ka Timor-Leste nian”, haktuir nia fonte.

Marcha da Paz Faila Mari Alkatiri piska ba Greater Sunrise

Wainhira Mari Alkatiri tebe-rai makas los, atu hala'o Marcha da Paz hodi fila ba poder lalais. Faila projektu Marcha da Paz, oras ne’e fila fali ba atu hola parte no lidera prosesu negociasaun hodi dada kanu Greater Sunrise mai Timor-Leste. Ambisaun Mari Alkatiri nian hetan tulun husi Presidente Ramos Horta, nebe halo surumutuk iha loron 21 Novembro tinan 2008. Hasoru malu nebe dehan informal maibe Prezidente Republika Ramos Horta transforma tiha ba Komunikadu formal husi Gabinete PR rasik.

Deklarasaun politika CNRT rejeita PR nia hakarak

Hatan ba Presidente Ramos Horta ninian komunikadu Imprensa, husi Bankada CNRT halo sira ninia deklarasaun Politika hodi rejeita ba envolvimentu Presidente atu decide Mari Alkatiri tuir tur iha negocisaun Timor-Gap nian. Tuir deklarasaun bankada CNRT maka ne’e:

- Nomeasaun do Dr. Alkatiri ba projecto de Sunrise relaciona ho assuntos ekonomicos ke la compete ba Presidente da Republica atu decide. Kna'ar ida ne’e Governo nian, konforme leis nebe hakerek iha Constitusaun;

- Mediasaun PR ba interresse nacional, simplesmente atu promove nia amigo Dr. Alkatiri atu okupa fatin estrategico de maior receita financeira ba Estado;

- Absurdo nomeia Dr. Alkatiri, lider da oposisaun ke la reconhece governo AMP;

- CNRT mos apela ba orgauns de soberania hotu, atu ida-idak halo nia servissu tuir competencia nebe hakerek iha Constituisaun. Keta lohi malu ho kamuflagem da teoria de “interresse nacional" (hare deklarasaun Bankada CNRT, 01/12).

PR ameasa PM

Pozisaun Bankada CNRT nian obriga Presidente Ramos Horta halo deklarasaun ba imprensa iha loron kinta (04/12) dehan katak: “Presidente Ramos Horta hakarak ses-an husi prosesu ne’e (Telejornal TVTL, edisaun 04/12)”. Tuir nota nebe maka husi gabinete Presidente Republika hasai hodi haruka ba PM katak: “CNRT - hodi rezeita koumikadu PR Jose Ramos Horta 1 Desembro 2008”. Iha nota husi Gabinete PR nian hateten nune:

”Nudar Presidente Republika hafoin hatene konaba lian tatoli no intervensaun politika husi Deputados CNRT. Nune duni husu ba ita ninia klarifikasaun”. Hatutan, ”Ita nia hatan sei determina hau nia relasaun iha aban bai rua ho Governo nebe ita bot rasik maka nudar ulun bot" (Forum Haksesuk, 02/12). FHDILI