VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
POVU NIA LIAN
Bazeia Polemika Iha Publiku, Deputadu sira Kansela Leilaun Prado
Estraga Karreta 12, MUTL Husu PNTL Investiga
Membru PNTL Asalta UNTL
Lejislatura Da-haat Mak Sei Ezekuta Kareta Prado

 
 
   

sexta-feira, 14 de novembro de 2008

Governu hala'o aksaun ho baze iha lei no Tribunal Rekursu deside ona katak ninia hahalok sira legal

REPÚBLIKA DEMOKRÁTIKA TIMOR-LESTE
IV GOVERNU KONSTITUSIONÁL

KOMUNIKADU BA IMPRENSA Dili-Novembru 14, 2008

Deklarasaun hosi Porta-voz IV Governu Konstitusionál nian
Sekretáriu Estadu Konsellu Ministrus

Governu sempre hala’o aksaun ho baze iha lei no Tribunal Rekursu deside ona katak ninia hahalok sira legál

Bainhira desizaun seidauk publika iha Jornal da República, mak Governu la iha koñesimentu ofisiál konabá akordaun ne’ebé Tribunal Rekursu hasai relasiona ho aksaun ne’ebé mak deputadu FRETILIN nian sira hato’o ba iha Parlamentu Nasionál konabá alokasaun verba nian hirak hosi Fundu Petrolíferu ba iha Orsamentu Jeral Estadu ba Tinan Fiskal 2008. Maski nune’e, no tanbá Fretilin fo-sai tiha ida ne’e ba públiku, liu hosi Komunikadu Imprensa, hodi halo interpretasaun ida abuziva no malisioza konabá desizaun judisial, mak ida ne’e obriga ita atu, oras ne’e kedas, halo rektifikasaun hirak nesesáriu.

Iha dokumentu ne’ebé Fretilin fo-sai ita bele lé katak desizaun TR ne’e, juíz tolu mak hola ho unanimidade; maski nune’e ita tenki hanoin lai, katak TR ne’e kompostu hosi juís na’in lima.

Fretilin afirma katak TR konsidera inkonstitusional no ilegal iha harí Fundu Estabilizasaun Ekonómika, ne’e la lós: Tribunal Rekursu deside tiha ona, iha prosesu ida uluk nian, katak Fundu Estabilizasaun Ekonómika ne’e la’o tuir duni Konstituisaun Repúblika Timor-Leste nian no mós kona duni ba lei.

Iha dokumentu ne’ebe Fretilin fo-sai ne’e, numeru no verba hirak ne’ebé sei sai nu’udar kestaun ne’e sira manipula tiha, bainhira partidu ne’e dehan, no ami hakarak temi, katak “Desizaun hosi Tribunal Rekursu iha loron ohin signifika katak Orsamentu governu nian ba tinan 2008 ne’e hamutuk tokon US$360, ka bele dehan, ki’ik liu tokon US$390 hosi osan hamutuk US$773.4 ne’ebé uluk asumi hanesan disponível”. Desizaun Tribunal Rekursu nian ne’e klaru no dala ida tan desmente Fretilin, bainhira nia deklara katak ilegalidade hetan deit iha transferênsia hirak hosi Fundu Petrolíferu boot liu tokon US$390.

Buat iha seluk iha komunikadu ne’ebé mak fo-sai ohin, Fretilin “haluha tiha” atu lé alínea e) hosi akórdaun TR nian, ne’ebé nia limita “inkonstitusionalidade” no “ilegalidade” ba iha períodu hafoi halao publikasaun iha Jornal da República ne’e duni. Tanba ne’e mak ida signifika katak atu oinsá mós verba ida hasai ona hosi Fundu Petrolíferu ne’e to’o oras ne’e, nunka bele sai inkonstitusional, no labele liu sai ilegal.

Fretilin alega katak “Governu oras ne’e iha deit osan atu selu servisu komunitariu balun no ninia funsionariu balun to’o Orsamentu Estadu Tinan 2009 nian hetan aprovasaun”. Dala ida tan katak buat hirak ne’e hotu falsu, tanbá aktividade normal governu nian tomak la’o diak hela.

Komunikadu Fretilin nian ne’e mos dehan katak desizaun judisiál “bandu” Governu atu hasai osan hosi Fundu Petrolíferu hodi bele selu obra balun ne’ebé mak importante ba ita nia Rain, hanesan kazu sentral eléktrika ne’ebé atu harí iha loron oin mai, ne’ebé mak sei asegura atu enerjia sei la falla tan, ka ro-ahi rua atu patrulla iha ita nia wé territorial no atu satan netik ema labele hala’o peska ilegál hodi hamohu tiha ikan hirak oras ne’e moris iha ita nia tasi laran. Maibé la iha referensia ruma konabá hahalok hirak ne’e iha desizaun Tribunal Rekursu nian. “Ida ne’e hanesan forma ida atu Fretilin tenta instrumentaliza Tribunal Rekursu, hanesan atentadu ida atu transforma Tribunal Rekursu sai instrumentu polítiku partidu ne’e nian atu viabiliza ninia opsaun hirak konabá politika nian”, koalia konabá ida ne’e, Agio Pereira, Sekretáriu Estadu Konsellu Ministru no Porta-Voz IV Governu Konstitusonal Repúblika Demokrátika Timor-Leste.

Lia fuan ikus, Agio Pereira subliña katak “Governu sempre halao servisu hodi bazeia ba lei, no Tribunal Rekursu deside ona katak hahalok hirak hotu ne’ebé Governu hala’o to’o oras ne’e sai nafatin legál”. FIM

Kontaktu: Agio Pereira +670 723 0011; E-mail: agiopereira@cdm.gov.tl

Sem comentários:

Enviar um comentário

Nota: só um membro deste blogue pode publicar um comentário.