Dili, 30/10/2008
Governo Timor Leste sei celebra loron nasional feto nian iha 3 Novembro 2008 nudar hakerek nanis ona iha lei inan Timor nian artigu 17 reforça tan ho lei nebe Parlamento Nasional aprova iha 2005 nebe hili loron 3 fulan Novembro sai hanesan "loron Nasional ba Feto Timor Leste Nian" no tema de reflesaun ba tinan ida ne´e governu hili: Partisipasun no kontribuisaun Feto nian iha aspektus desenvolvimentu ekonomiku no social iha sosiedade nebe globalizada. Tuir mai, FH haktuir VPM Dr. José Luís Guterres ninia diskursu kona ba loron bo´ot ida ne´e iha Dili horseik (30/10).
Forum Haksesuk (FH) - Maluk Timor oan sira, liu-liu Inan Feton sira hotu nebe’e namkari iha Nasaun Timor-Leste tomak. Loron tolu, fulan Novembru, ita hotu hein ho laran ksolok tamba ita selebra dala ida tan Loron Nasional Feto Timor-Leste nian.
Hanesan ita hotu hatene, Parlamentu Nasional iha Lejislativa ida uluk iha tinan 2005 aprova tiha loron 3 fulan Novembru, sai hanesan loron Nasional ba Feto. Nune’e, hanesan mos tinan uluk-uluk liu ba, tinan ida ne’e mos, hau hodi ita nia Governu nia naran hakarak hato’o saudasoes no Parabens ba Feto Timor-Leste tomak.
Maibe uluk nanain hau hakarak hakruk no respeitu ba ita nia matebian feto sira hotu nebe’e husik hela sira nia vida atu defende nasaun doben ida ne’e hodi ohin loron ita hetan duni ita nia independensia total, ita nia Estado Demokratiku ida ne’e. Na krut ita nia feton ho inan tomak nebe fo contribuisaun bo´ot ba ita nia Independencia no Liberdade.
Tema ba tinan ida ne’e maka : Partisipasun no kontribuisaun Feto nian iha aspektus desenvolvimentu ekonomika no social iha sosiedade nebe globalizada. Nebe sei lori ninia impaktu positivu no mos negativu, nebe sei afekta li-liu sira nebe maka vulneravel, feto sira, kiak sira, nebe sei marjinalizadu be-beik.
Ita nia kultura nebe maka konyecidu hanesan baseia ba sistema patriarkar, sai hanesan desafiu ida ba ita hotu, feto no mane, atu buka ultrapassa hodi nune’e bele promove feto sira iha area hotu-hotu.
Hau hatene katak laos fasil muda ita nia mentalidade, hau lakohi atu ita muda ita nia kultura, maibe hau fiar katak neneik-neneik, ita hotu sei iha konsiensia liu tan atu hare oinsa impaktu kultura Patriarkal nebe lori ninia efeitu negativu ba desenvolvimentu Nasaun.
Timor-Leste nia Lei inan rasik define tiha ona iha artigu 17 konaba Igualdade entre Feto no Mane. Timor-Leste mos ratifika tiha ona Konvensaun ba halakon Forma Diskriminsaun hotu hasouru Feto, ka konyecidu ho sigla Ingles katak “CEDAW”. Ne’ e hotu hatudu Estadu Timor-Leste ninia komprimisu atu promove nafatin ‘Igualdade de Jeneru no hakbi´it feto iha area hotu-hotu atu bele hamrik ho aten barani, ho fiar-an, iha Mane sira nia sorin hodi halao dezenvolvimentu Nasaun nian. Hau hatene katak ohin loron ita nia feto sira barak ona maka envolve iha kuaze sector hotu-hotu maibe’e hau mos hatene katak seidauk to’o. Ita labele kontenti, tur hakmatek, hakoak liman hodi hateten katak ita nia feto sira mos realizada 100% ona. Lae, buat barak liu maka ita presiza atu halo tan.
Nune’e loron ohin, oportunidade diak ida atu hau hodi IV Governu Konstitusional nia Naran, hodi Sekretaria Estado Promosaun Igualdade nia naran no mos hau nia naran rasik hakarak bolu, apela ba feto ho mane sira hotu iha Timor-Leste ne’e, atu fo liman ba malu hodi promove igualdade de Jeneru no partisipasaun total feto nian iha prosesu dezenvolvimentu nasaun Timor-Leste nian.
Ita hotu tenke rekonyece katak feto sira maka terus liu durante situsaun konflitu/funu no sira nia kontribuisaun ba rezolusaun konflitu no paz sustentável. Sira nia papel importante tebe-tebes.
Nune’e ba ikus hau sei fo parabens ba feto no mane sira hotu atu kontinua hakat ba oin nafatin. Labele para. Buka nafatin imi nia direitu ba igualdade no oportunidade.
Palasio Governu, Loron 30, Fulan Outubro no tinan 2008
Hanesan ita hotu hatene, Parlamentu Nasional iha Lejislativa ida uluk iha tinan 2005 aprova tiha loron 3 fulan Novembru, sai hanesan loron Nasional ba Feto. Nune’e, hanesan mos tinan uluk-uluk liu ba, tinan ida ne’e mos, hau hodi ita nia Governu nia naran hakarak hato’o saudasoes no Parabens ba Feto Timor-Leste tomak.
Maibe uluk nanain hau hakarak hakruk no respeitu ba ita nia matebian feto sira hotu nebe’e husik hela sira nia vida atu defende nasaun doben ida ne’e hodi ohin loron ita hetan duni ita nia independensia total, ita nia Estado Demokratiku ida ne’e. Na krut ita nia feton ho inan tomak nebe fo contribuisaun bo´ot ba ita nia Independencia no Liberdade.
Tema ba tinan ida ne’e maka : Partisipasun no kontribuisaun Feto nian iha aspektus desenvolvimentu ekonomika no social iha sosiedade nebe globalizada. Nebe sei lori ninia impaktu positivu no mos negativu, nebe sei afekta li-liu sira nebe maka vulneravel, feto sira, kiak sira, nebe sei marjinalizadu be-beik.
Ita nia kultura nebe maka konyecidu hanesan baseia ba sistema patriarkar, sai hanesan desafiu ida ba ita hotu, feto no mane, atu buka ultrapassa hodi nune’e bele promove feto sira iha area hotu-hotu.
Hau hatene katak laos fasil muda ita nia mentalidade, hau lakohi atu ita muda ita nia kultura, maibe hau fiar katak neneik-neneik, ita hotu sei iha konsiensia liu tan atu hare oinsa impaktu kultura Patriarkal nebe lori ninia efeitu negativu ba desenvolvimentu Nasaun.
Timor-Leste nia Lei inan rasik define tiha ona iha artigu 17 konaba Igualdade entre Feto no Mane. Timor-Leste mos ratifika tiha ona Konvensaun ba halakon Forma Diskriminsaun hotu hasouru Feto, ka konyecidu ho sigla Ingles katak “CEDAW”. Ne’ e hotu hatudu Estadu Timor-Leste ninia komprimisu atu promove nafatin ‘Igualdade de Jeneru no hakbi´it feto iha area hotu-hotu atu bele hamrik ho aten barani, ho fiar-an, iha Mane sira nia sorin hodi halao dezenvolvimentu Nasaun nian. Hau hatene katak ohin loron ita nia feto sira barak ona maka envolve iha kuaze sector hotu-hotu maibe’e hau mos hatene katak seidauk to’o. Ita labele kontenti, tur hakmatek, hakoak liman hodi hateten katak ita nia feto sira mos realizada 100% ona. Lae, buat barak liu maka ita presiza atu halo tan.
Nune’e loron ohin, oportunidade diak ida atu hau hodi IV Governu Konstitusional nia Naran, hodi Sekretaria Estado Promosaun Igualdade nia naran no mos hau nia naran rasik hakarak bolu, apela ba feto ho mane sira hotu iha Timor-Leste ne’e, atu fo liman ba malu hodi promove igualdade de Jeneru no partisipasaun total feto nian iha prosesu dezenvolvimentu nasaun Timor-Leste nian.
Ita hotu tenke rekonyece katak feto sira maka terus liu durante situsaun konflitu/funu no sira nia kontribuisaun ba rezolusaun konflitu no paz sustentável. Sira nia papel importante tebe-tebes.
Nune’e ba ikus hau sei fo parabens ba feto no mane sira hotu atu kontinua hakat ba oin nafatin. Labele para. Buka nafatin imi nia direitu ba igualdade no oportunidade.
Palasio Governu, Loron 30, Fulan Outubro no tinan 2008
Dr. Jose Luis Guterres
Vice-PM RDTL
Vice-PM RDTL
Sem comentários:
Enviar um comentário
Nota: só um membro deste blogue pode publicar um comentário.