Filipe Rodrigues Pereira
Iha fenomena ida nebe'e interesante teb-tebes iha sosiadade Timor-Leste nia let depois de tinan 1 (ida) governo AMP ka'er ukun. Antes no depois de ka'er ukun iha nasaun ida ne'e, governo AMP hakilar makas no fo'o sai ba'a publiku katak governo AMP sei halo investigasaun ba'a pratika KKN (Korupsaun, Kolusaun no Nepotismu) nebe'e mak governo anterior halo no husik hela iha arkivu governamental Timor-Leste. Planu no aksaun husi governo AMP atu kombate 'arkivos KKN' nebe'e governo anterior husik sidauk konsege halo, iha tinan ida depois de governo AMP ukun, partidu opozisaun sira, li-liu Fretilin mak hakilar makas fila-fali hodi husu atu presiza halo investigasaun ida mais rapidu hodi kombate pratika korupsaun nebe'e a'as no buras iha governo AMP nia laran. Interesante tamba governo anterior no governo aktual fila hakilar malu ho object nebe'e hanesan iha povu nebe'e mak sira ukun nia oin no iha rai nebe'e mak sira hamrik-ba nia leten. Interesante tamba mos governo aktual la aprende husi pasadu, maibe konsege repete fila-fali sala nebe'e mak governo anterior halo.
Kona ba'a KKN ne'e, partidu opozisaun, Fretilin du'un makas katak pratika korupsaun iha tinan ida nia laran governo AMP ukun a'at no a'as liu do que iha tinan 4 nia laran Fretilin ukun. Partidos opozisaun, NGO no comunidade sira hetok hakilar sai makas liu tan, wainhira Transparency International kondena katak iha Timor-Leste prezente ranking korupsaun iha governo aktual ne'e sai a'as liu do que governo anterior ukun, governo Fretilin.
Tamba sa mak pratika korupsaun sai buras iha governo aktual ne'e nia laran? Hakerek'nain hare katak pratika KKN sa'e a'as no buras iha governasaun aktual ne'e alem de faktor individu (individu nebe'e ka'er pastas nudar Ministros no Sekretario Estados no sel-seluk tan), politikamente tamba mos governo ne'e hamrik no existe liu husi aliansa politika. Konsekwensia governo aliansa maka halo lideransa governo aktual la'iha korajem politika ida mais siknifikadu atu dudu-sai membros do governo nebe'e mak halo pratika KKN ka ma-administrasaun. Se karik lideransa governo aktual ne'e iha hanoin atu dudu-sai membros do governo balun nebe'e komete iha aksaun nebe'e temi iha leten, maka dalaruma partidus nebe'e enkaixa a'an iha AMP nia laran bele dada-sai mos suportasaun politika husi governo AMP. Mosu aksaun politika hodi dada suportasaun politika maka governo AMP monu. Tetu buat ne'e hotu maka dalaruma Xanana nudar lideransa governo AMP nian sinti todan wainhira iha hanoin hakarak dudu-sai ninia membros governo balun nebe'e mbalelo.
Tuir ita hotu hatene, konsekuensia governo nebe'e existe liu husi aliansa partidu barak sempre buka atu kria reprezentasaun nebe'e proporsional entres partidus nebe'e enkaixa a'an iha aliansa nia laran, atu nune'e bele kria forsa-politika ida siknifikadu hodi bele fo'o garante suportasaun politika ba'a existensia do governo nebe'e mak aliansa buka atu harii. Konsekwensia aliansa dos partidos atu forma governo sempre tau konsiderasaun politika a'as liu duke konsiderasaun ba'a ema ida nia kualidade no professionalismu. Tamba la'iha konsiderasaun ida tasak ba'a aspeitu kualidade no profesionalismu maka dalaruma individu nebe'e simu pastas nudar membros do governo hamosu konfuzaun iha governo nia laran.
Komitmentu politika hodi tau konsiderasaun nebe'e Hakerek'nain temi iha leten hanesan buat ida importante atu tetu no halao, atu nune'e bele kria hanoin hodi halo buat nebe'e diak ba'a povu no nasaun. Komitmentu hanesan temi iha leten presiza hahu uluk iha partidu id-idak nia laran, tamba se la hahu husi partidu nia laran maka dalaruma partidu ne'e rasik bele mos nakfera fahe ba faksoins oi-oin wainhira mosu konflitus de intereses ruma iha governo aliansa nia laran. Fenomena ne'e ita bele hare iha PSD nia laran fulan hirak liu ba'a depois mosu aksaun atentadu husi matebian Alfredo Reinado ba'a PR no PM. Tempu neba'a mosu konflitus internal nebe'e hakarak troka sira nia prezidente PSD. Por exemplu ho kazu 'Lucia Lobato nia sms', nai-ulun PSD sira iha korajem atu dada-sai Lucia Lobato husi membro do governo?! Hare ba'a kazu ida ne'e, Xanana nudar lideransa do governo tama iha dilemma politika nia laran, hakarak kria governo ida diak no mo'os maibe Xanana buka tau ninia a'an ho kuidadu atu prosesu bele la'o ho neneik, atu nune'e AMP bele realiza governo ida que diak-mo'os no iha ao mesmu tempu AMP mos la naksobu.
Koalia kona ba'a dilemma nebe'e lideransa governo aktual infrenta ita mos bele hare ba'a kazu no pessoal Gil Alves nebe'e mak sai mos membros do governo iha governo aktual ne'e. Hakerek-nain hare katak PM Xanana Gusmao sinti todan atu dudu-sai Gil Alves husi membros do governo, tamba se kazu dudu-sai Gil Alves husi membros do governo maka Gil Alves sei fila-fali ba'a membros parlamento. Iha parlamento Gil sei fo'o influensia ba'a deputados ASDT seluk atu sai opozisaun ba'a AMP. Wainhira Gil konsege influensia membros ASDT seluk iha parlamentu maka automatikamente governo AMP monu. Xanana hatene klaru saida mak Gil Alves halo durante ka'er kargu nudar ministro ida iha governo AMP nia laran, Gil jere liu problema fo'os do que jere asuntu turistika. Gil Alves halo vizita ba'a estrangeiro, gosta liu mak sa'e kareta impresario entrageiro sira nian nebe'e baa hasoru nia (Gil) iha aeroporto do que sa'e embaixada Timor-Leste nia kareta nebe'e protukolmente embaixador sira ba'a hein tiha ona nia iha aeroporto.
Dilema nebe'e Xanana Gusmao hasoru nudar PM ba'a governo ida nebe'e existe liu husi aliansa partidus barak la'os buat ida fasil atu halo, iha parte ida Xanana buka atu kombate korupsaun no mal-praktek seluk iha governo aktual ne'e nia laran maibe iha parte seluk Xanana mos buka atu hametin nafatin existensia governo AMP nian atu nune'e governo aktual ne'e la monu iha dalan klaran. Se governo aktual monu iha dalan klaran maka Marii Alkatiri nia hipoteza nebe'e mak durante ne'e dehan Xanana la'iha kapasidade atu lidera no governa dalaruma bele los.
Hare ba'a dilemma nebe'e Xanana enfrenta hanesan temi iha leten maka Hakerek'nain apresia Xanana Gusmao nia hanoin atu foti no koloka Mario Carrascalao sai nudar Vice-Primeiro Ministro hodi hare ba'a asuntos administrasaun no finansas. Hakerek-nain espera katak entre Xanana no Mario Carrascalao iha ona komitmentu politika ida klaru atu nune'e bele kria governu ida diak-mo'os iha tinan 3 resin nia laran nebe'e sei mai. Komitmentu politika buat ida importante entre Xanana no Carrascalao, atu nune'e ita bele hare no senti katak Mario Carrascalao sei sai nudar solusaun, la'os 'problema' ba'a existensia governu AMP. Hakerek'nain mos espera katak hamutuk ho Carrascalao, Xanana bele hetan injeksaun politika ida forte atu nune'e bele dudu-sai mos membros do governo nebe'e mak la kondis ona ho publiku nia hakarak, li-liu membros do governo husi PSD.
Planu atu koloka Mario Carrascalao nudar Vice-PM hatudu katak nudar humanu Xanana hatene katak nia la perfeitu. Xanana rekonhese ninia frakeza. Lideransa nebe'e diak maka lideransa nebe'e hatene no hakarak rekonhese ninia frakeza, no iha mos hanoin atu buka taka ou hadia ninia a'an. Dalaruma Marii uluk forte iha aspeitu barak, maibe Marii fraku iha aspeitu politika tamba ne'e mak Marii monu. Xanana la kohi monu, tamba ne'e nia buka atu aprende no taka ninia frakeza nebe'e mak nia iha.
Planu atu foti no hili Mario Carrascalao ba'a kargu Vice-PM la'os sei la hamosu kritikas. Kritikas sei mosu maibe kritika razoavel sei halai liu ba'a disefesiensia governamental. Kritik sei relasiona liu ba'a proporsionalidade estrutura governo iha nasaun ida geografikamente ki'ik no populasaun oituan. Ema sei fo'o komentarius katak rai ida ki'ik no povo oituan maibe PM iha kedas ninia Vice-PM rua. Hakerek'nain hare ida ne'e la'os problema ba'a tempu ida agora, ida ne'e nudar konsekwensia governo nebe'e hamrik liu husi aliansa partidus barak, no mais importante maka foti no hili Mario Carrascalao atu sai nudar solusaun. Maibe Hakerek'nain hakarak fo'o sujestaun atu ba'a tempu oin nebe'e sei mai, lideransa partidus sira tenki buka atu konsidera katak rai ki'ik no populasaun oituan ita presiza kria governo ida mais proporsional atu nune'e bele servi maksimal liu tan ba'a povu rai ne'e ninia interese iha futuru.
Relasiona ho dilemma nebe'e mak Xanana enfrenta nudar lideransa do governo AMP, no esforsu politika nebe'e mak Xanana halo hodi buka kore-a'an husi dilemma politika nebe'e bobar hela ninia a'an, maka nudar membros do governo, liman-ain governo nian presiza fo'o suportasaun no kontribuisaun politika ida a'as. Hare ba'a esforsu husi lideransa do governo no lideransa dos partidos politikus AMP, maka nudar liman-ain governo nian, membros do governo sira presiza hatene tau sira nia a'an. Liman-ain governo nian nebe'e sinti katak iha kanek nakonu iha liman-ain laran, kanek nebe'e halo moras to'o ninia ulun (lideransa) presiza ho laran luak husu suspende ou resigna sira nia a'an husi kargu nebe'e mak sira ka'er dadaun. Hakerek'nain hare katak liu husi aksaun husik kargu nudar membros do governo (ba'a sira nebe'e mak liman-ain kanek) bele fo'o kontribuisaun bo'ot ba'a lideransa governo AMP hodi hetan lalais solusaun no halakon dilemma politika nebe'e lideransa governu ne'e infrenta, ho nune'e bele mos lori governo aktual ne'e sai mais forte iha loron oin mai. -End- (Artigo ne'e mos hatu'un iha Timor Post iha edisaun: 24/10/08).
Iha fenomena ida nebe'e interesante teb-tebes iha sosiadade Timor-Leste nia let depois de tinan 1 (ida) governo AMP ka'er ukun. Antes no depois de ka'er ukun iha nasaun ida ne'e, governo AMP hakilar makas no fo'o sai ba'a publiku katak governo AMP sei halo investigasaun ba'a pratika KKN (Korupsaun, Kolusaun no Nepotismu) nebe'e mak governo anterior halo no husik hela iha arkivu governamental Timor-Leste. Planu no aksaun husi governo AMP atu kombate 'arkivos KKN' nebe'e governo anterior husik sidauk konsege halo, iha tinan ida depois de governo AMP ukun, partidu opozisaun sira, li-liu Fretilin mak hakilar makas fila-fali hodi husu atu presiza halo investigasaun ida mais rapidu hodi kombate pratika korupsaun nebe'e a'as no buras iha governo AMP nia laran. Interesante tamba governo anterior no governo aktual fila hakilar malu ho object nebe'e hanesan iha povu nebe'e mak sira ukun nia oin no iha rai nebe'e mak sira hamrik-ba nia leten. Interesante tamba mos governo aktual la aprende husi pasadu, maibe konsege repete fila-fali sala nebe'e mak governo anterior halo.
Kona ba'a KKN ne'e, partidu opozisaun, Fretilin du'un makas katak pratika korupsaun iha tinan ida nia laran governo AMP ukun a'at no a'as liu do que iha tinan 4 nia laran Fretilin ukun. Partidos opozisaun, NGO no comunidade sira hetok hakilar sai makas liu tan, wainhira Transparency International kondena katak iha Timor-Leste prezente ranking korupsaun iha governo aktual ne'e sai a'as liu do que governo anterior ukun, governo Fretilin.
Tamba sa mak pratika korupsaun sai buras iha governo aktual ne'e nia laran? Hakerek'nain hare katak pratika KKN sa'e a'as no buras iha governasaun aktual ne'e alem de faktor individu (individu nebe'e ka'er pastas nudar Ministros no Sekretario Estados no sel-seluk tan), politikamente tamba mos governo ne'e hamrik no existe liu husi aliansa politika. Konsekwensia governo aliansa maka halo lideransa governo aktual la'iha korajem politika ida mais siknifikadu atu dudu-sai membros do governo nebe'e mak halo pratika KKN ka ma-administrasaun. Se karik lideransa governo aktual ne'e iha hanoin atu dudu-sai membros do governo balun nebe'e komete iha aksaun nebe'e temi iha leten, maka dalaruma partidus nebe'e enkaixa a'an iha AMP nia laran bele dada-sai mos suportasaun politika husi governo AMP. Mosu aksaun politika hodi dada suportasaun politika maka governo AMP monu. Tetu buat ne'e hotu maka dalaruma Xanana nudar lideransa governo AMP nian sinti todan wainhira iha hanoin hakarak dudu-sai ninia membros governo balun nebe'e mbalelo.
Tuir ita hotu hatene, konsekuensia governo nebe'e existe liu husi aliansa partidu barak sempre buka atu kria reprezentasaun nebe'e proporsional entres partidus nebe'e enkaixa a'an iha aliansa nia laran, atu nune'e bele kria forsa-politika ida siknifikadu hodi bele fo'o garante suportasaun politika ba'a existensia do governo nebe'e mak aliansa buka atu harii. Konsekwensia aliansa dos partidos atu forma governo sempre tau konsiderasaun politika a'as liu duke konsiderasaun ba'a ema ida nia kualidade no professionalismu. Tamba la'iha konsiderasaun ida tasak ba'a aspeitu kualidade no profesionalismu maka dalaruma individu nebe'e simu pastas nudar membros do governo hamosu konfuzaun iha governo nia laran.
Komitmentu politika hodi tau konsiderasaun nebe'e Hakerek'nain temi iha leten hanesan buat ida importante atu tetu no halao, atu nune'e bele kria hanoin hodi halo buat nebe'e diak ba'a povu no nasaun. Komitmentu hanesan temi iha leten presiza hahu uluk iha partidu id-idak nia laran, tamba se la hahu husi partidu nia laran maka dalaruma partidu ne'e rasik bele mos nakfera fahe ba faksoins oi-oin wainhira mosu konflitus de intereses ruma iha governo aliansa nia laran. Fenomena ne'e ita bele hare iha PSD nia laran fulan hirak liu ba'a depois mosu aksaun atentadu husi matebian Alfredo Reinado ba'a PR no PM. Tempu neba'a mosu konflitus internal nebe'e hakarak troka sira nia prezidente PSD. Por exemplu ho kazu 'Lucia Lobato nia sms', nai-ulun PSD sira iha korajem atu dada-sai Lucia Lobato husi membro do governo?! Hare ba'a kazu ida ne'e, Xanana nudar lideransa do governo tama iha dilemma politika nia laran, hakarak kria governo ida diak no mo'os maibe Xanana buka tau ninia a'an ho kuidadu atu prosesu bele la'o ho neneik, atu nune'e AMP bele realiza governo ida que diak-mo'os no iha ao mesmu tempu AMP mos la naksobu.
Koalia kona ba'a dilemma nebe'e lideransa governo aktual infrenta ita mos bele hare ba'a kazu no pessoal Gil Alves nebe'e mak sai mos membros do governo iha governo aktual ne'e. Hakerek-nain hare katak PM Xanana Gusmao sinti todan atu dudu-sai Gil Alves husi membros do governo, tamba se kazu dudu-sai Gil Alves husi membros do governo maka Gil Alves sei fila-fali ba'a membros parlamento. Iha parlamento Gil sei fo'o influensia ba'a deputados ASDT seluk atu sai opozisaun ba'a AMP. Wainhira Gil konsege influensia membros ASDT seluk iha parlamentu maka automatikamente governo AMP monu. Xanana hatene klaru saida mak Gil Alves halo durante ka'er kargu nudar ministro ida iha governo AMP nia laran, Gil jere liu problema fo'os do que jere asuntu turistika. Gil Alves halo vizita ba'a estrangeiro, gosta liu mak sa'e kareta impresario entrageiro sira nian nebe'e baa hasoru nia (Gil) iha aeroporto do que sa'e embaixada Timor-Leste nia kareta nebe'e protukolmente embaixador sira ba'a hein tiha ona nia iha aeroporto.
Dilema nebe'e Xanana Gusmao hasoru nudar PM ba'a governo ida nebe'e existe liu husi aliansa partidus barak la'os buat ida fasil atu halo, iha parte ida Xanana buka atu kombate korupsaun no mal-praktek seluk iha governo aktual ne'e nia laran maibe iha parte seluk Xanana mos buka atu hametin nafatin existensia governo AMP nian atu nune'e governo aktual ne'e la monu iha dalan klaran. Se governo aktual monu iha dalan klaran maka Marii Alkatiri nia hipoteza nebe'e mak durante ne'e dehan Xanana la'iha kapasidade atu lidera no governa dalaruma bele los.
Hare ba'a dilemma nebe'e Xanana enfrenta hanesan temi iha leten maka Hakerek'nain apresia Xanana Gusmao nia hanoin atu foti no koloka Mario Carrascalao sai nudar Vice-Primeiro Ministro hodi hare ba'a asuntos administrasaun no finansas. Hakerek-nain espera katak entre Xanana no Mario Carrascalao iha ona komitmentu politika ida klaru atu nune'e bele kria governu ida diak-mo'os iha tinan 3 resin nia laran nebe'e sei mai. Komitmentu politika buat ida importante entre Xanana no Carrascalao, atu nune'e ita bele hare no senti katak Mario Carrascalao sei sai nudar solusaun, la'os 'problema' ba'a existensia governu AMP. Hakerek'nain mos espera katak hamutuk ho Carrascalao, Xanana bele hetan injeksaun politika ida forte atu nune'e bele dudu-sai mos membros do governo nebe'e mak la kondis ona ho publiku nia hakarak, li-liu membros do governo husi PSD.
Planu atu koloka Mario Carrascalao nudar Vice-PM hatudu katak nudar humanu Xanana hatene katak nia la perfeitu. Xanana rekonhese ninia frakeza. Lideransa nebe'e diak maka lideransa nebe'e hatene no hakarak rekonhese ninia frakeza, no iha mos hanoin atu buka taka ou hadia ninia a'an. Dalaruma Marii uluk forte iha aspeitu barak, maibe Marii fraku iha aspeitu politika tamba ne'e mak Marii monu. Xanana la kohi monu, tamba ne'e nia buka atu aprende no taka ninia frakeza nebe'e mak nia iha.
Planu atu foti no hili Mario Carrascalao ba'a kargu Vice-PM la'os sei la hamosu kritikas. Kritikas sei mosu maibe kritika razoavel sei halai liu ba'a disefesiensia governamental. Kritik sei relasiona liu ba'a proporsionalidade estrutura governo iha nasaun ida geografikamente ki'ik no populasaun oituan. Ema sei fo'o komentarius katak rai ida ki'ik no povo oituan maibe PM iha kedas ninia Vice-PM rua. Hakerek'nain hare ida ne'e la'os problema ba'a tempu ida agora, ida ne'e nudar konsekwensia governo nebe'e hamrik liu husi aliansa partidus barak, no mais importante maka foti no hili Mario Carrascalao atu sai nudar solusaun. Maibe Hakerek'nain hakarak fo'o sujestaun atu ba'a tempu oin nebe'e sei mai, lideransa partidus sira tenki buka atu konsidera katak rai ki'ik no populasaun oituan ita presiza kria governo ida mais proporsional atu nune'e bele servi maksimal liu tan ba'a povu rai ne'e ninia interese iha futuru.
Relasiona ho dilemma nebe'e mak Xanana enfrenta nudar lideransa do governo AMP, no esforsu politika nebe'e mak Xanana halo hodi buka kore-a'an husi dilemma politika nebe'e bobar hela ninia a'an, maka nudar membros do governo, liman-ain governo nian presiza fo'o suportasaun no kontribuisaun politika ida a'as. Hare ba'a esforsu husi lideransa do governo no lideransa dos partidos politikus AMP, maka nudar liman-ain governo nian, membros do governo sira presiza hatene tau sira nia a'an. Liman-ain governo nian nebe'e sinti katak iha kanek nakonu iha liman-ain laran, kanek nebe'e halo moras to'o ninia ulun (lideransa) presiza ho laran luak husu suspende ou resigna sira nia a'an husi kargu nebe'e mak sira ka'er dadaun. Hakerek'nain hare katak liu husi aksaun husik kargu nudar membros do governo (ba'a sira nebe'e mak liman-ain kanek) bele fo'o kontribuisaun bo'ot ba'a lideransa governo AMP hodi hetan lalais solusaun no halakon dilemma politika nebe'e lideransa governu ne'e infrenta, ho nune'e bele mos lori governo aktual ne'e sai mais forte iha loron oin mai. -End- (Artigo ne'e mos hatu'un iha Timor Post iha edisaun: 24/10/08).
Sem comentários:
Enviar um comentário
Nota: só um membro deste blogue pode publicar um comentário.