DILI - Presidente Republika (PR) Jose Ramos Horta, Tersa (17/6) horseik, fo homenajen ba organizasaun Resistensia Nasional Estudantes Timor Leste (RENETIL) no ofisialmente loke kongresu dala V no aniversario ba dala XX RENETIL nian iha Salaun SKB, Vila Verde.
PR Horta hatete, diplomasia Timor Leste nian uluk iha liur sei lalao, kuandu la iha organizasaun hanesan RENETIL ho grupu sel-seluk tan.
“Hau rasik uluk kontaktu liu iha luta diplomatika mak RENETIL, tanba sira nia asaun impaktu boot ba ita nia kampanha diplomasia nian,” Horta afirma.
Sai Dinamo Nafatin Iha Dezenvolvimentu
Liu husi kongresu nasional RENETIL nian nee, Brigadeiru Jeneral Taur Matan Ruak hamrik husu nafatin kontribuisaun RENETIL nian atu sai hanesan motor dinamo hodi hamanas nafatin prosesu dezenvolvimentu iha nasaun nee.
“Hau akompanha RENETIL iha prosesu luta, hanesan dinamo iha estudante nia let hodi halo manifestasoins oin-oin ba ukun rasik-an. Iha era agora, hau husu RENETIL sai nafatin dinamo ba prosesu dezenvolvimentu nasaun nee,” dehan Taur Matan Ruak iha nia palestra ba kongresu RENETIL.
Taur hatutan, RENETIL tenki hare ba futuru, maibe iha tempu agora tenki iha investe nebe diak ba iha area hotu-hotu. Iha fatin hanesan Brigjen Taur fo parabeins ba Ministru Agrikultura no Peskas Mariano Assanami Sabino tanba iha nia politika diak ba investe agrikultura.
Taur haktuir, povu TL 80% moris iha vida agrikultura, nee duni ho politika nebee iha no lao dadaun, sei hamoris ekonomia nasaun nee nian.
Dala ida tan Taur husu nafatin ba RENETIL sai dinamo transformasaun. Luta ba independensia hanesan mehi ida nebee viza avo sira halulik hela mai too jerasaun ohin loron.
Tuir Taur luta iha tempu avo sira ladun organizadu, maibe fahe malu maka barak. Iha faze gerelia, klandestina no diplomasia organizadu duni no iha dalan atu lao ba oin, tanba hotu -hotu hamrik hamutuk hakarak ukun rasik-an.
Iha fatin hanesan Grigorio Saldanha hatete, RENETIL sai organizasaun ida nebee halo kompleta ba organizasaun sira hotu nebee hari hodi hametin liu tan ba prosesu iha libertasaun. Kuandu RENETIL moris iha rai Jawa, nee signifika katak estudante sira ba eskola laos ba buka gelar deit maibe mos luta nafatin ba ukun rasik aan.
Nia husu RENETIL nafatin hamrik ho joven sira, atu nuee ema hotu senti katak valor ukun aan nee maka dalan diak liu ba povu tomak.
“Hau espera saida maka ita buka iha tempu naruk sei fo diak ba buka nain sira iha futuru,” Grigorio dehan. bre
Fonte: STL - Edition: 18 June 2008
PR Horta hatete, diplomasia Timor Leste nian uluk iha liur sei lalao, kuandu la iha organizasaun hanesan RENETIL ho grupu sel-seluk tan.
“Hau rasik uluk kontaktu liu iha luta diplomatika mak RENETIL, tanba sira nia asaun impaktu boot ba ita nia kampanha diplomasia nian,” Horta afirma.
Sai Dinamo Nafatin Iha Dezenvolvimentu
Liu husi kongresu nasional RENETIL nian nee, Brigadeiru Jeneral Taur Matan Ruak hamrik husu nafatin kontribuisaun RENETIL nian atu sai hanesan motor dinamo hodi hamanas nafatin prosesu dezenvolvimentu iha nasaun nee.
“Hau akompanha RENETIL iha prosesu luta, hanesan dinamo iha estudante nia let hodi halo manifestasoins oin-oin ba ukun rasik-an. Iha era agora, hau husu RENETIL sai nafatin dinamo ba prosesu dezenvolvimentu nasaun nee,” dehan Taur Matan Ruak iha nia palestra ba kongresu RENETIL.
Taur hatutan, RENETIL tenki hare ba futuru, maibe iha tempu agora tenki iha investe nebe diak ba iha area hotu-hotu. Iha fatin hanesan Brigjen Taur fo parabeins ba Ministru Agrikultura no Peskas Mariano Assanami Sabino tanba iha nia politika diak ba investe agrikultura.
Taur haktuir, povu TL 80% moris iha vida agrikultura, nee duni ho politika nebee iha no lao dadaun, sei hamoris ekonomia nasaun nee nian.
Dala ida tan Taur husu nafatin ba RENETIL sai dinamo transformasaun. Luta ba independensia hanesan mehi ida nebee viza avo sira halulik hela mai too jerasaun ohin loron.
Tuir Taur luta iha tempu avo sira ladun organizadu, maibe fahe malu maka barak. Iha faze gerelia, klandestina no diplomasia organizadu duni no iha dalan atu lao ba oin, tanba hotu -hotu hamrik hamutuk hakarak ukun rasik-an.
Iha fatin hanesan Grigorio Saldanha hatete, RENETIL sai organizasaun ida nebee halo kompleta ba organizasaun sira hotu nebee hari hodi hametin liu tan ba prosesu iha libertasaun. Kuandu RENETIL moris iha rai Jawa, nee signifika katak estudante sira ba eskola laos ba buka gelar deit maibe mos luta nafatin ba ukun rasik aan.
Nia husu RENETIL nafatin hamrik ho joven sira, atu nuee ema hotu senti katak valor ukun aan nee maka dalan diak liu ba povu tomak.
“Hau espera saida maka ita buka iha tempu naruk sei fo diak ba buka nain sira iha futuru,” Grigorio dehan. bre
Fonte: STL - Edition: 18 June 2008
Sem comentários:
Enviar um comentário
Nota: só um membro deste blogue pode publicar um comentário.