Vizita SE Dr. João Câncio Freitas, Ministro Edukasaun RDTL iha Coimbra
Coimbra, FORUM HAKSESUK – Realiza iha loron 19 fulan Junho sorumtu entre SE Ministro Edukasaun, Dr. João Câncio Freitas, ho estudante timoroan sira iha Coimbra. Enkontru ne´e hala’o iha Reitoria Universidade Coimbra, husi tuku 14h to’o 15h lokraik. Iha biban ne’e Ministro apresenta projecto Governo nian iha area edukasaun maibe tempo dialogo ho estudante sira wit-oan teb-tebes.
Prioridade no Sistema Edukativu
Prioridade Governo AMP ba edukasaun la’os kuantidade maibe kualidade. Atu hakat to’o iha neba, governo halo avaliasaun no akreditasaun ba Universidade hotu-hotu iha Dili. Nune’e, Universidade nebe laiha kualidade sei taka. Tuir mai, Governo entrega ona ba Parlamento proposta Lei ida kona ba Sistema Edukativu Nasional, hahu husi Eskolaridade Obrigatoria ba Tinan Sia (wajib belajar sembilan tahun), Eskola Sekundaria Geral ho Profisional. Eskola Sekundaria Geral katak investe ba linguas, ciencias ho matematika. Eskola Profisional katak aluno sira hili tuir ida-idak nia vokasaun ka ninia area.
Atu kria ensino ida nebe kualidade, liu mos husi kriasaun programa Bolsa de Estudo Internasional (BEI) ba timor-oan hot-hotu, liu-liu foin-sae sira nebe iha notas diak. Estudante sira nebe atu kandidata-an bele mai husi rai-laran no mos husi rai liur, hanesan Portugal, Indonesia ho Australia. Durante AMP nia ukun, tinan-tinan Governo sei fo bolsa ba ema atus-ida atu ba eskola iha liur. Governo hare katak País ou Rai sira nebe atu simu estudante mak hanesan, Portugal, Brasil, Cabo-Verde ho Macau. Prazu ba dala uluk atu halo kandidatura hahu iha loron 1 to'o loron 31 fulan Julho tinan 2008. Estudante hirak nebe iha liur bele halo sira nia kandidatura liu husi Embaixada iha Lisboa, Cambera no Jakarta. Tuir kriteriu, se ma'ak hakarak kandidata-an presija aprezenta diploma ho Indice Comulativo (IC) ka media 14 valores tuir sistema português (nilai rata-rata = 7 menurut sistem pendidikan Indonesia). Entrega mos dokumentus seluk hanesan Passaporte Timor (PT). Hirak nebe selesionado sei tuir teste geral ida iha Dili. Bolsa sei fo deit ba estudante atus ida nebe atu halo Maestrado, Pos-gradução, Doutoramento ka Pos-doutoramento. Se mak atu responsabiliza processo ne'e, mak Instituto Camôes.
Sistema edukativa foun nebe atu aplika mak 9º Ano de Escolaridade Obrigatoria, Ensino Secundario Geral (Linguas, Ciencias no Matematicas), Ensino Tecnico Profissional diversificada (ida-idak hili tuir nia área). Iha projecto lei ne’e koalia mos processo Bolonha hodi aplika iha universidade sira nebe foin hetan acreditação husi Estado Timor nian.
Objectivo
Objetivo nebe mak Governo AMP hakarak to'o ho projecto ne´e mak aposta iha kualidade la’os kuantidade. Atu produz doutores timor-oan sira iha area hotu-hotu e promove mos docentes timor-oan iha universidade lokal no mos iha rai seluk (Uniku Professor Catedratico timor-oan mak Padre João Inocêncio, Docente de Epistemologia iha Universidade Gregoriana, Roma, Italia). Objectivo seluk husi proposta Ministerio Edukasaun mak atu hanorin ema moris mesak (pessoas autonomas/hidup mandiri) hodi halakon kultura dependensia no hamenus fasilidade moris ho subsidios, esmola ka belas kasihan (expresaun Ministro Câncio nian).
Observasaun
Tuir análise nebe FH halo no hetan husi estudante sira kona ba encontro ne´e hatudu katak Ministério Edukasaun iha projecto diak, ambisioso no projecta duni interesse nacional. Ministro Edukasaun nia intervensaun diak, hodi hato´o informasaun foun ba estudante sira. Iha intervensaun ne’e buat barak klaru, balun kria duvidas, polemikas no seluk loke dalan ba interpretasaun oi-oin. Projecto ne´e adequadu liu ba estudante sira iha rai-laran maibe Governo presija afina tan buat balu para la bele kontroversi ho estudante sira iha rai seluk, liu-liu iha Portugal. Kritério balun rigoroso teb-tebes hanesan apresenta passaporte Timor maski lei fó dalan atu timor-oan sira iha dupla nasionalidade. Kandidatura tenki halo iha Timor no média aas teb-tebes, 14 valores. Pergunta mak ne'e: projecto ne'e sei hetan sucesso ka lae? Tamba projecto ida atu hetan resultadu diak tenki koresponde ho realidade, la'os haksoit liu tiha husi realidade ohin loron nia leten. Kirtério hirak ne´e laos resultado husi levantamento ruma hodi haré média iha rai-liur ne´e hanesan ho rai laran ka lae?
Nune´e, konklusaun balun nebe FH hetan mak, ambisaun Ministério Edukasaun nian hanesan Piramida ida ho ulun tun fali ba kraik. Ne'e atu hateten katak Estado fó liu prioridade ba licenciatura, pos-graduasaun, maestrado no pos-doutoramento haluha tiha ida nebe essensial no pratiku liu; hanesan kombate analfabetismo, formasaun profisional, quadros de base (karpinteirus, sapateirus, pedreirus, espaço verde, industria ki'ik, no sst.), nebe bele fo solusaun teknika imediata ba necessidades básicas populasaun klase ki'ik - classe baixa (ai-leba) no formação contínua ba professores hodi halekar lian português, la'os deit iha nivel nacional ho distrital maibe iha fatin hotu-hotu, atu nune'e bele hamenus desigualdade no lori ema hotu ba koalia lian portugues tuir lei – inan haruka.
Iha sorumutu ne’e, estudante balun hato’o proposta sira hanesan: kria centro investigasaun ciencia da terra iha Dili; harii residencia universitaria ba estudante sira nebe ki’ak no do’ok husi familia tan polítika centralizada – universidade hot-hotu harí iha kapital no obriga jovem sira mai konsentra hotu iha Dili laran. Tuir Fernando, representante estudante timoroan husi Universidade Beira Interior (UBI) katak foin-sae sira iha direito atu hela iha residensia ho kondisaun, nune’e bele estuda diak ba nia formasaun no hetan kualidade diak hanesan Estado hakarak. Nune’e mos estudante sira bele hetan protesaun no la bele sai vítima wainhira mosu krizi hanesan iha tinan 2006.
Hare ba longo prazu, proposta Governo iha area edukasaun ne'e ambisioso teb-tebes, maibe hare ba situasaun aktual proposta ne’e rigorosa demais no injustu tuir Eduardo da Costa Guterres (Licenciado iha Faculdade Letras Universidade Coimbra) nia hare: “media 14 la kondiz ho realidade timor-oan sira nebe mai hasai kursu iha Portugal”. Husi parte seluk, presija aposta mos iha base, atu evita konflito sosial. Iha ne’e ita hare katak, Governo halo projecto baseia ba konkluzaun rasik no la halo levantamento ruma nebe bele fo dalan oinsa, hatan ba nesesidade hot-hotu (formasaun ba ai-leba sira uluk hafoin mak doutorado sira tuir).
Sorumutu la produtivo
Estudante sira desiludido ho Ministro Edukasaun, Dr. João Câncio, nia vizita ba Coimbra. Primeiro, enkontru ne'e nia tempo oras ida deit. Habadak liu tan ho diskursu Ministro nebe han minutu 30, e hela minutu 30 hodi estudante sira koloka questaun no mos hodi hetan resposta ba perguntas estudante nain hitu husi total estudante 58 nebe estuda iha Universidade Coimbra, liu-liu sira nain 35 nebe maski iha epoka exame, mai hola parte iha sorumutu ne'e.
Ho tempo limitado halo estudantes sira insatifeito ho enkontru ne'e, basa tuir tradisaun sorumutu ho nai-ulun sira iha Coimbra oras ida deit la to’o. De faktu iha problema balun nebe presija esklaresimentu, presija hetan solusaun ho resposta lais husi Ministro Edukasaun maibe como Ministro laiha tempo, pasiensia hela ba loron seluk. Exemplo, estudante sira nebe laiha bolsa de estudo presija resolve sira nia situasaun. Seluk nebe hotu ona kurso maibe la foti diploma tan propina seidauk selu hotu. Proposta balun hanesan mai husi Direcção Geral associação Académicos Timorenses de Coimbra kona ba Estadu kria «fundu de risku» ida para resolve problema sira hanesan temi iha leten. No mos harii «konselhu komunidade ka konsuladu ida» hodi regulariza timor-oan sira nia situasaun hanesan Bilhete Identidade ka Passaporte Timor hodi bele konkorre mos ba Bolsa de Estudo Internacional nebe IV Governo Constitucional promove dau-daun. Tan tempu badak liu, proposta hirak ne´e Presidente ATC no estudante sira halo’ot fali iha luhu no lori fila ba uma.
Iha enkontru relampago ne’e konta ho prezensa Vice-reitora Universidade Coimbra, Dra Cristina Cordeiro Robalo no Directora DRIIC - Divisão de Relações Internacionais, Imagem e Comunicação, Dra. Filomena Marquês. Halo parte mos iha reuniaun ne’e comunidade timorense, amigos ho Presidente Direcção Geral ATC (Associação dos Académcos Timorenses de Coimbra), Felix de Jesus, nebe aproveita biban ne’e hodi desafia governantes sira nebe reklama fila-fila katak «timor laiha quadros qualificados» maibe laiha ema ida hanoin halo politica de acolhimento ba ema hirak nebe formado ona iha Coimbra. Hafoin Felix entrega lista ida ho estudante hotu-hotu nia naran no kursu hodi fasilita servisu Ministerio Edukasaun nian se karik rekursus humanos sai hanesan necessidade ida ba Estado Timor. FORUM HAKSESUK
Prioridade no Sistema Edukativu
Prioridade Governo AMP ba edukasaun la’os kuantidade maibe kualidade. Atu hakat to’o iha neba, governo halo avaliasaun no akreditasaun ba Universidade hotu-hotu iha Dili. Nune’e, Universidade nebe laiha kualidade sei taka. Tuir mai, Governo entrega ona ba Parlamento proposta Lei ida kona ba Sistema Edukativu Nasional, hahu husi Eskolaridade Obrigatoria ba Tinan Sia (wajib belajar sembilan tahun), Eskola Sekundaria Geral ho Profisional. Eskola Sekundaria Geral katak investe ba linguas, ciencias ho matematika. Eskola Profisional katak aluno sira hili tuir ida-idak nia vokasaun ka ninia area.
Atu kria ensino ida nebe kualidade, liu mos husi kriasaun programa Bolsa de Estudo Internasional (BEI) ba timor-oan hot-hotu, liu-liu foin-sae sira nebe iha notas diak. Estudante sira nebe atu kandidata-an bele mai husi rai-laran no mos husi rai liur, hanesan Portugal, Indonesia ho Australia. Durante AMP nia ukun, tinan-tinan Governo sei fo bolsa ba ema atus-ida atu ba eskola iha liur. Governo hare katak País ou Rai sira nebe atu simu estudante mak hanesan, Portugal, Brasil, Cabo-Verde ho Macau. Prazu ba dala uluk atu halo kandidatura hahu iha loron 1 to'o loron 31 fulan Julho tinan 2008. Estudante hirak nebe iha liur bele halo sira nia kandidatura liu husi Embaixada iha Lisboa, Cambera no Jakarta. Tuir kriteriu, se ma'ak hakarak kandidata-an presija aprezenta diploma ho Indice Comulativo (IC) ka media 14 valores tuir sistema português (nilai rata-rata = 7 menurut sistem pendidikan Indonesia). Entrega mos dokumentus seluk hanesan Passaporte Timor (PT). Hirak nebe selesionado sei tuir teste geral ida iha Dili. Bolsa sei fo deit ba estudante atus ida nebe atu halo Maestrado, Pos-gradução, Doutoramento ka Pos-doutoramento. Se mak atu responsabiliza processo ne'e, mak Instituto Camôes.
Sistema edukativa foun nebe atu aplika mak 9º Ano de Escolaridade Obrigatoria, Ensino Secundario Geral (Linguas, Ciencias no Matematicas), Ensino Tecnico Profissional diversificada (ida-idak hili tuir nia área). Iha projecto lei ne’e koalia mos processo Bolonha hodi aplika iha universidade sira nebe foin hetan acreditação husi Estado Timor nian.
Objectivo
Objetivo nebe mak Governo AMP hakarak to'o ho projecto ne´e mak aposta iha kualidade la’os kuantidade. Atu produz doutores timor-oan sira iha area hotu-hotu e promove mos docentes timor-oan iha universidade lokal no mos iha rai seluk (Uniku Professor Catedratico timor-oan mak Padre João Inocêncio, Docente de Epistemologia iha Universidade Gregoriana, Roma, Italia). Objectivo seluk husi proposta Ministerio Edukasaun mak atu hanorin ema moris mesak (pessoas autonomas/hidup mandiri) hodi halakon kultura dependensia no hamenus fasilidade moris ho subsidios, esmola ka belas kasihan (expresaun Ministro Câncio nian).
Observasaun
Tuir análise nebe FH halo no hetan husi estudante sira kona ba encontro ne´e hatudu katak Ministério Edukasaun iha projecto diak, ambisioso no projecta duni interesse nacional. Ministro Edukasaun nia intervensaun diak, hodi hato´o informasaun foun ba estudante sira. Iha intervensaun ne’e buat barak klaru, balun kria duvidas, polemikas no seluk loke dalan ba interpretasaun oi-oin. Projecto ne´e adequadu liu ba estudante sira iha rai-laran maibe Governo presija afina tan buat balu para la bele kontroversi ho estudante sira iha rai seluk, liu-liu iha Portugal. Kritério balun rigoroso teb-tebes hanesan apresenta passaporte Timor maski lei fó dalan atu timor-oan sira iha dupla nasionalidade. Kandidatura tenki halo iha Timor no média aas teb-tebes, 14 valores. Pergunta mak ne'e: projecto ne'e sei hetan sucesso ka lae? Tamba projecto ida atu hetan resultadu diak tenki koresponde ho realidade, la'os haksoit liu tiha husi realidade ohin loron nia leten. Kirtério hirak ne´e laos resultado husi levantamento ruma hodi haré média iha rai-liur ne´e hanesan ho rai laran ka lae?
Nune´e, konklusaun balun nebe FH hetan mak, ambisaun Ministério Edukasaun nian hanesan Piramida ida ho ulun tun fali ba kraik. Ne'e atu hateten katak Estado fó liu prioridade ba licenciatura, pos-graduasaun, maestrado no pos-doutoramento haluha tiha ida nebe essensial no pratiku liu; hanesan kombate analfabetismo, formasaun profisional, quadros de base (karpinteirus, sapateirus, pedreirus, espaço verde, industria ki'ik, no sst.), nebe bele fo solusaun teknika imediata ba necessidades básicas populasaun klase ki'ik - classe baixa (ai-leba) no formação contínua ba professores hodi halekar lian português, la'os deit iha nivel nacional ho distrital maibe iha fatin hotu-hotu, atu nune'e bele hamenus desigualdade no lori ema hotu ba koalia lian portugues tuir lei – inan haruka.
Iha sorumutu ne’e, estudante balun hato’o proposta sira hanesan: kria centro investigasaun ciencia da terra iha Dili; harii residencia universitaria ba estudante sira nebe ki’ak no do’ok husi familia tan polítika centralizada – universidade hot-hotu harí iha kapital no obriga jovem sira mai konsentra hotu iha Dili laran. Tuir Fernando, representante estudante timoroan husi Universidade Beira Interior (UBI) katak foin-sae sira iha direito atu hela iha residensia ho kondisaun, nune’e bele estuda diak ba nia formasaun no hetan kualidade diak hanesan Estado hakarak. Nune’e mos estudante sira bele hetan protesaun no la bele sai vítima wainhira mosu krizi hanesan iha tinan 2006.
Hare ba longo prazu, proposta Governo iha area edukasaun ne'e ambisioso teb-tebes, maibe hare ba situasaun aktual proposta ne’e rigorosa demais no injustu tuir Eduardo da Costa Guterres (Licenciado iha Faculdade Letras Universidade Coimbra) nia hare: “media 14 la kondiz ho realidade timor-oan sira nebe mai hasai kursu iha Portugal”. Husi parte seluk, presija aposta mos iha base, atu evita konflito sosial. Iha ne’e ita hare katak, Governo halo projecto baseia ba konkluzaun rasik no la halo levantamento ruma nebe bele fo dalan oinsa, hatan ba nesesidade hot-hotu (formasaun ba ai-leba sira uluk hafoin mak doutorado sira tuir).
Sorumutu la produtivo
Estudante sira desiludido ho Ministro Edukasaun, Dr. João Câncio, nia vizita ba Coimbra. Primeiro, enkontru ne'e nia tempo oras ida deit. Habadak liu tan ho diskursu Ministro nebe han minutu 30, e hela minutu 30 hodi estudante sira koloka questaun no mos hodi hetan resposta ba perguntas estudante nain hitu husi total estudante 58 nebe estuda iha Universidade Coimbra, liu-liu sira nain 35 nebe maski iha epoka exame, mai hola parte iha sorumutu ne'e.
Ho tempo limitado halo estudantes sira insatifeito ho enkontru ne'e, basa tuir tradisaun sorumutu ho nai-ulun sira iha Coimbra oras ida deit la to’o. De faktu iha problema balun nebe presija esklaresimentu, presija hetan solusaun ho resposta lais husi Ministro Edukasaun maibe como Ministro laiha tempo, pasiensia hela ba loron seluk. Exemplo, estudante sira nebe laiha bolsa de estudo presija resolve sira nia situasaun. Seluk nebe hotu ona kurso maibe la foti diploma tan propina seidauk selu hotu. Proposta balun hanesan mai husi Direcção Geral associação Académicos Timorenses de Coimbra kona ba Estadu kria «fundu de risku» ida para resolve problema sira hanesan temi iha leten. No mos harii «konselhu komunidade ka konsuladu ida» hodi regulariza timor-oan sira nia situasaun hanesan Bilhete Identidade ka Passaporte Timor hodi bele konkorre mos ba Bolsa de Estudo Internacional nebe IV Governo Constitucional promove dau-daun. Tan tempu badak liu, proposta hirak ne´e Presidente ATC no estudante sira halo’ot fali iha luhu no lori fila ba uma.
Iha enkontru relampago ne’e konta ho prezensa Vice-reitora Universidade Coimbra, Dra Cristina Cordeiro Robalo no Directora DRIIC - Divisão de Relações Internacionais, Imagem e Comunicação, Dra. Filomena Marquês. Halo parte mos iha reuniaun ne’e comunidade timorense, amigos ho Presidente Direcção Geral ATC (Associação dos Académcos Timorenses de Coimbra), Felix de Jesus, nebe aproveita biban ne’e hodi desafia governantes sira nebe reklama fila-fila katak «timor laiha quadros qualificados» maibe laiha ema ida hanoin halo politica de acolhimento ba ema hirak nebe formado ona iha Coimbra. Hafoin Felix entrega lista ida ho estudante hotu-hotu nia naran no kursu hodi fasilita servisu Ministerio Edukasaun nian se karik rekursus humanos sai hanesan necessidade ida ba Estado Timor. FORUM HAKSESUK
Sem comentários:
Enviar um comentário
Nota: só um membro deste blogue pode publicar um comentário.