Dili ho nia problema environmental

Timor Leste nebe foin hetan ukun-an enfrenta buat bar-barak. Hahu husi parte edukasaun, seguransa, ekonomia e no mos saude publico.

Atu habadak, hakerek-nain (red: penulis) sei focus iha sidade Dili. Enviromento sidade Dili depois krisi (1999 ) paling aat los iha Asia nia laran. Tuir dadus husi W.H.O (World Healt Organization) depois de krisi 1999, 52% ema Timor laiha akses ba we’e mos e 62% ema Timor mak la usa sintina e sanitasaun mos para soe foer. Dadus nee fo sai iha Tinan 2002 e hau, hakerek-nain, fiar katak numero dadus aumenta maka'as depois de krise politika 2006.

Situasaun Enviromento Dili laran

Dili, nudar kapital nasaun Timor Leste mas iha Dili laran laiha Sintina ou Haris-fatin publiku. Kolam sira iha Dili laran nakonu ho foer hanesan plastik, kaleng no sst. Buat hirak nee halo atrapalha bee nia halai e kuando udan boot mosu bee sira nee halo Dili laran “banjir”. E kadavez bee foer nee “campur” hamutuk ho bee Sanyo no PAM e bele kria moras hanesan kabun moras, malaria, kolera no sst.

Iha parte Bemori no Bidau Santa-Ana, populasaun barak mak soe foer e soe sintina iha mota laran entaun bee lori ba tasi e foer sira nee bele estraga animal no ikan sira iha tasi laran.

Iha Timor, tratamento ba foer kimika sei usa sistema tuan nebe foer tenke sunu. Klinik no Apotik barak iha Dili laran sei usa sistema nee mas sistema nee ladiak tamba ahi suar husi sunu sasan kimika nee bele halo ema moras hanesan Asthma, Dada iss susar no sst.

Iha Dili, Kanu ka pipa atu soe foer laiha e la existe. Jadi kada uma kain soe sira nia foer diretamento ba Kolam ou Selokan nebe besik sira nia uma. Foer sira nee bee lori ba fatin seluk e iha fatin seluk ema barak usa fali bee nee para halo toos hanesan iha parte KaiKoli nebe ema barak usa bee foer nee hodi hakiak Kangkung para consume. Buat hirak nee risko teb-tebes tamba iha micro-biologia nebe bele estraga ita ema nia saude.

Iha Tibar (fatin ikus soe foer), foer iha neba lor-loron aumenta tan deit tamba laiha “follow up” husi departamento nebe toma konta e kuando foer aumenta tan bele lori moras ba populasaun nebe hela besik iha fatin nee. Iha Dili laran, tempat sampah atu soe foer oituan deit e ita bele konta ho liman deit.

Buat hotu nebe hakerek iha leten hanesan realidade problema nebe akontese duni e akontese dadaun iha ita nia sidade Dili, se ita labook-an atu hahu hamos ita nia sidade ita sei hetan konsekuensa nebe makaas hanesan kabun moras, malaria, TBC no sst.

Konklusaun

Foer sempre mosu e nunka lakon husi ita ema nia vida, bainhira ema sei iha foer mos sei mosu. Iha tempo uluk, natureza ou “alam” iha nia kapsidade atu halakon mesak foer nee, mas ohin loron natureza susar atu halakon foer ho nia-an mesak. Tan nee ita ida-idak tenke hakaas-an atu kuidadu ita nia enviromento.

Husu ba Governo liliu ba departamento nebe toma konta ba enviromento atu hahu haree problema sira nee e buka solusaun para ita nia sidade Dili bele sai mo’os no populsaun Dili bele akses ba enviromento nebe freso. Proposta mos ba Ministerio Saude no Informasaun atu hahu halo kampanye liu husi media massa para eduka Povo Timor oan kona ba importansia enviromento e sanitasaun mo’os iha vida lor-loron.

Ikus liu: NASAUN MO’OS, SIDADAUN FORTE!

Husi: Gaspar da Costa Ximenes

A civil engineering student in University Technology Petronas, Malaysia
HP: +60174220760 Email: akasha_karik@yahoo.com.br