VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

I N T E R F E T
15 Setembro 1999
O Conselho de Segurança da ONU aprova a Resolução n° 1264,
que autoriza a criação de uma força internacional para Timor-Leste (INTERFET)
TIMOR-LESTE



Interview with Fernando Lasama de Araujo: On the road to democracy, where the streets have no name
GOVERNANSA FRETILIN HO PD LEGAL
SKILLS BA MEMBROS VII GOVERNO SAIDA?
Membru Governu Foun ida-idak nia Profil badak
Impossivel hakerek diskursu ofisial sira iha dalen Tetun?
Nusa mak sasan ki'ik no bo'ot imi tenki dun ba katuas Xanana deit?
QUEM TUDO QUER TUDO PERDE
Disse-me que depois de ter ouvido de tanta gente tantas histórias...
Já temos Governo. Parabéns pela disponibilidade em servir!
Hakarak sai opozisaun diak bele aprende hosi Socrates.
Dekretu Prezidenti Republika!, So iha RDTL deit.

 
 
   

quarta-feira, 28 de maio de 2008

Kombate Korupsaun Liu Husi Modernizasaun Sistema Servisu Publiku ho Privadu no Dezenvolvimentu Demokrasia ba Dezenvolvimento Nasional

Husi : Victor Tavares

Lia hahu


Korrupsaun akontese iha rain hotu-hotu, desde nasaun ki’ik to’o nasaun boot, desde nasaun hirak nebee bolu terseiru mundo, nasaun sub-dezenvolvido, nasaun vias ba dezenvolvimento no mos nasoins dezenvolvidos. Korupasaun hanesan moras aat ida nebee afeta estado rain ida hodi fo konsekuensia nebee mos todan tebes ba povo rain nee nian moris no dezenvolvimento fiziko nasaun ida tomak.

Maibe korupsaun sai hanesan moras kankru (buisole) nebee la hetan kura bainhira nasaun ida la iha demokrasia, la iha control social, la iha liberdade espresaun, iha sistema rejime ditatorial, la iha instrumento atu kontrola governo, autoridades sira mesa aparatus «boot no luxo», no administrasaun ho burokrasia nebee rebo-rebo.

Bainhira la iha demokrasia, sistema ditador, autoridades aparatozus, administrasaun domina ho burokrasia (birokrasi) no prosedimentu desnesesarius, mak estado sai hanesan terreno nebee fertil tebes (lahan subur) ba ukun na’in sira atu absorve (xupa) hotu sasan estado nian ba sira nian an rasik «livre pratika korupsaun». Xefe governo «despota» ida monta ninian ema nebee nian konfiansa «aparatus luxo» sira hodi dirije departamentus ka ministerius «pratika nepotismo» no implementa burokrasia nebee (zigzag) iha adminsitrasaun.

Ho sistema governasaun ho prosedimentu burokratiku, hierarkia aparatozu, la iha mekanismo ida nebe bele kontrola no fiskaliza governo, relasaun entre xefi do governo ho ninian ministrus sira to’o ba departamentos inferiores, tuir linha orientasaun komando nebee vertikal. Relasionamento nebee harmonioza «conluio» entre xefe do governo ho nian membros do governo, xefes departamentus ho nian superiores hanesan xave prinsipal atu taka metin kastelo (benteng) nian odan-matan hodi nunee povo ki’ik la bele hatene sa mak ejiste iha kastelo nian laran, tanba sistema ne’e rasik fo protesaun makaas ba ukun na’in sira.

Pratikas korupsaun iha rain hirak nebee seidauk dezenvolvido la hanesan ho korupsaun nebe akontese iha nasaun dezenvolvido ka avansadu. Dimensaun korupsaun, nivel gravidade punisaun ba krime korupsaun no konsekuensia nebee povo hasoru tanba korupsaun iha rai hotu-hotu la hanesan. Iha rain nebee sei atrazadu, liu-liu mentalidade kritika ema ka povo iha sosiedade ida seidauk sai hanesan «denominador komum» nebee karateriza povo rain nee, mak fasil tebes atu ukun na’in sira halo korupsaun tuir sira nian hakarak.

Iha rain hirak nebee dezenvolvidu ona, nebee nian povo iha mentalidade kritika no atentu ba ukun na’in sira nian hahalok, iha sosial control nebee forte liu-liu liberdade espresaun nebe la iha “limite” tanba demokrasia, iha instrumentos ka meius tekonolojikus nebee adekuadu nudar meius ba kontrolu sosial, situasaun politika nasional nebee mos estavel, governo ho nian governasaun nebee mos ka transparente tanba nian comitment ho kombate korupsaun, opozisaun nebe forte, uza metudu no teknikas nebe sofistikadus, maibe korupsaun sempre akontese.

Enkuantu rain ka nasaun nebee sei atarazadu, povo sei hela ho mentalidade ta’uk ba ukun na’in sira, la iha espiritu kritiku, falta buat hotu nebe atu fo garantia ba protesaun no seguransa ba patrimonio publiku (kekayaan milik bersama), ema sira nebee kaer ordem ka kaer ukun uza sasan estadu nian ho malorek iha povo nian matan, desvia povo ka estadu nian osan ba interese partikular to’o goza hikas povo, alias halo korupsaun ho metudu nebee grosu (kasar) tebes, ida nunee mos akontese iha rain ka estado nebee la iha liberdade no demokrasia.

Korupsaun mos la’os deit akontese iha governo ida nian laran, la’os iha funsaun publiku deit. Korupsaun akontese iha privadu, iha autoridades sira nian leet rasik, iha empresas publiku ka privadu, iha instituisoins finanseiras hanesan banco hirak mos pratika korupsaun.


Rain ka estado independente no soberano ida iha nian sistema nebee bolu estado de direito no demokratiko, ho rejime reprezentativo, buat liberdade espresaun hanesan klamar demokrasia nian. Estado fo direito, liberadade no garantias ba nian sidadauns sira iha sira nian ezersisiu kona ba direito no obrigasoins iha estado de direito nee rasik.

Demokrasia iha estado de direito hanesan ai-han indispensavel ida atu rain ho nian povo bele moris diak, rain nee bele hakat ba oin no nian ema bele hetan moris diak no haksolok iha nian isin no klamar «felicidade». Demokrasia hanesan meio ida nebee universaliza ambiente sosial nebee heterojenia, hamosu homojeneidade iha interasaun sosial, katak la iha fronteira iha interligasaun no konvivensia entre ema iha sosiedade nian laran. Liberdade no demokrasia mos hanesan janela ida atu hamosu transparensia iha sistema governasaun.

Ne’eduni liberdade no demokrasia, vontade diak husi governantes sira atu deside no implementa politika modernizada iha sistema servisu, nee hanesan faktor indispensavel no determinante tebes atu kombate moras aat korupsaun, konluio no nepotismo (KKN) hodi bele lori nasaun ba oin.

Vizaun Retrospektiva kona ba pratikas korupsaun

Iha tempo okupasaun ita mos konyese sistema rejime ditador Soeharto nian oin sa, sistema pós Soeharto no periodu trazisaun to’o demokratizasaun administrativa Indonesia nian oin sa.
Uluk ita konyese pratika ida nebee karateriza korupsaun iha servisus administrativus, iha servisus publikus ka privadus, iha autoridades polisiais etc. nebee aktivistas ka intelektuais ka akademikus sira fo alkunya ho naran KUHP (Kasih Uang Habis Perkara).
Termos KUHP tuir lian Indonesia nian (termus lei indonesia), no iha livro manual (pedoman) ida, kona ba kodigus hirak iha konstituisaun no artigos husi leis hotu-hotu nebee iha ligasaun ho direito penal. Iha lei português karik mak bolu artigos «códigos do processo penal» ka apenas «código penal». KUHP hanesan temi ho lian badak husi terminolojia (Kitab Undang-undang Hukum Pidana). Maibe iha biban neba tanba korupsaun hanesan pratika ida nebee komum no transparente tebes iha ita ema nian matan (sensu komum) mak termos direito (hukum) sai konotado ka asosiado ho aktus kriminais ida nebee mos sai hanesan pratika komum.

Haree husi autores sira nebee pratika KUHP (kasih uang habis perkara) ilicitamente nee, atu autor ida nebee sai hanesan (sujeito) aktu KUHP ka autor nebee sai (objecto) KUHP, hotu-hotu ho nian objektivu maibe ida-idak ho nian “vantajem” no “desavantajem”. Sujeito husi KUHP bele husi elementus autoridades sira, governante ruma, bele mos husi kapitalistas ka emprezarius sira. Enkuanto ida nebee sai objecto iha aktu KUHP mak ema sidadauns anonimus, kualker ema nebee komete infrasaun, iha nee infratores nee rasik mos bele sai hikas vitimas (lesados), normalmente sidadauns babain sira.

Husi sorin ida ema nebee sai objecto (penderita=vitima) KUHP hetan vantajem bainhira nia halo infrasaun ka komete krime ruma, se nia iha osan bele fo vantajem atu safa husi prosesu penal, liu husi suborno «uang rokok» ba sujeito ka autoridades, hodi nunee infrator kasu ninian sala ho osan, maibe la tuir prosedimentu legal tuir normas no leis. Ba ema nebee sai objectu husi aktu «kasih uang habis perkara» mos alem de hetan vantajem, tanba la tama prizaun, maibe nia mos hetan desvantajem, tanba karik infrasaun ka krime nebee nia halo la proporsiona (sala ki’ik) ho kuantidade osan barak nebee hasai ba suborno «sogok» hodi kasu nian sala.

Ao kontrariu, infrator bele hetan mos vantajem signifikativa nebee mos boot se nia halo krime nebee boot, maibe tanba nian sorte, autoridade ida nebee kaer infrator lei iha lokal krime nian la hanoin ka la interese sa mak artigo hateten kona ba kodigo penal, ka nia la importa ho kestaun proporsionalidade entre grau krime ho kuantidade punivel, importante ba autor sujeito (autoridades) nee mak oin sa bele hetan suborno (KUHP), «lesar a lei» iha momentu oportunu (kesempatan dalam kesempitan).

Husi sorin seluk, autoridades (sujeito) iha pratikas KUHP, iha ninian parte la hetan vantajem iha aktu ilisito ida nee, karik infrator nee ema kiak ka osan la iha atu kasu nian sala, iha nee, nem infrator (objecto) nem autoridades (sujeito) KUHP hetan vantajem, kazu nebee involve sidadaun ruma nebee halo krime sei la’o tuir prosedimentu legal konforme lei haruka. Pior liu tan infrator lei nee «bom cidadão» ida, iha sensibilidade nebee boot kona ba lei no konstituisaun iha rain nee, nune bainhira nia halo sala mak karik ema ka autoridades ruma lori estado nian naran husu «uang rokok» ba infrator atu bele hetan impunidade, em vez de hatan suborno infrator rasik denunsia no aprezenta keixa hasoru tentativa korupsaun nee. Se nunee mak autor sujeito ba pratika KUHP la’os hetan desvantajem nebee boot maibe hetan konsekuensia nebee todan tebes.

Ida nee hanesan ilustrasaun husi observasaun no esperiensia nebee autor (hakerek na’in) dada da’et ho tema ba hakerek ida nee ho objektivu atu forma ka relativiza leitores (le na’in) sira nian hanoin kona ba pratika korupsaun simples nee oin sa, hodi nunee bele haree hetan pratika korupsaun iha dimensaun boot oin sa, hodi bele hetan nian pontu fraku, atu hodi trasa estratejia ka metudus ba solusaun ka prevensaun hahalok korupsaun ho efikaz, efisien no efetivo.

Kestoins problematikas

Problema kona ba kombate korupsaun, konluio no nepotismu iha rain ka nasoins hotu hanesan.
Se Timor-Leste nudar nasaun ida nebee despreza sistema ditador, signifika Rain no Povo Timor-Leste hakarak demokrasia. Se hakarak sai demokrasia no dezenvolvimentu mak Timor-Leste la bele ses husi prinsipiu ida livre husi KKN. Se hakarak livre husi KKN mak la’os impossivel atu kombate moras aat tolu naran.
Importante atu tetu mak kestaun ida kona ba ita Timor hakarak ka lae atu kombate moras tolu nee ?
Moras tolu nee sei bele kura entaun buka kura oin sa ?
Metudus, meios no mekanismus atu kura KKN mak ida nebee ?

Hipotezes ba solusaun

Atu hatan ba kestoins hirak nee hakerek na’in aprezente hipotezes balun hanesan tuir mai :
Vontade no kompromisu : governo hanesan faktor xave hodi hatudu nian vontade inkondisional no kompromete iha desizaun no implementasaun politika atu kombate KKN.
A. Desizaun politika :

1. Kria orgaun independente (hakerek na’in hato’o proposta) ho naran Alta Autoridade para o Combate a Corrupção e Evasão Fiscal (AACCEF)
2. Definisaun funsaun no kompetensia
2.1. Funsaun :
2.2. Kompetensia :
3. Investimentu iha instituto AACCEF ho meius finanseiru, teknikus no profisionais adekuadus. Ho prinsipiu katak investimentu hanesan aktu preventivu nebe efikaz iha kontestu aktual ba kombate KKN, vantajem nebee mos boot du ke estadu buka kura (primitiva no desatualizado) kona ba korupsaun, konluio no nepotismu maibe selu ho material no imaterial (moral) nebe duplu ka triplu maibe korupsaun nian abut metin.
B. Area de intervensaun :
1. Instituisoins publikas no privadas
2. Actividades ekonomikas
3. Actividades desportivas
4. Etc...

Nota :
Fo hatene ba leitores sira katak autor la le livro kona ba lei ka direito nem estuda ka hasai kursu kona ba siensia kriminolojia.
Karik leitores sira hasoru espresaun, termus ka abordajem ruma nebe irelevante ho tema iha kontestu ida nee mak autor nakloke ba kritikas, opinioins no sujestoins husi leitores sira hotu. Autor mos sei la hato’o referensia bibliografia ruma, basa, hakerek ida nee apenas autor nian kreatividade exkluziva no fo vida ba autor nian hanoin rasik hodi kontribui ba Estado ho Povo Timor-Leste iha area kona ba kombate ba korupsaun.

ºººvtººº

Sem comentários:

Enviar um comentário

Nota: só um membro deste blogue pode publicar um comentário.