VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20080411

Surat Nakloke

Ba Presidenti da Repulika Interinu, Fernando de Araújo La sama
Ba Primeiru Ministru, Xanana Gusmão
Ba Presidenti Parlamentu Nasional Interinu, Vicente Guterres

Hau nia respeitu

Hare ba katak oras ne’e dau-daun:

- Timor oan lubun wain hela iha rai Inglaterra ho Irlanda.
- Timor oan lubun wain servisu iha Inglaterra ho Irlanda.
- Timor oan lubun wain maka estuda iha kursus profissionais i universidades iha Inglaterra ho Irlanda.
- Timor oan lubun wain maka kaben ona ho ema Inglaterra ho Irlanda sira, i nasionalidades seluk tan. Por exemplo: Polandia, Lithuania, Africa do Sul, etc.
- Labarik lubun wain maka moris ona iha Inglaterra ho Irlanda,
- Labarik sira ne’e eskola iha jardim infantil, pré-primaria i secundaria iha Inglaterra ho Irlanda nia laran.
- Labarik sira ne’e hetan nasionalidade hosi Inglaterra ho Irlanda nian.
- Timor oan iha Inglaterra ho Irlanda fo’o tulun maka’as ba sira nia familia iha Timor Leste.
- Timor oan iha Inglaterra ho Irlanda fo’o kontribuisaun maka’as ba desenvolvimentu ekonomiku i social rai no povo Timor.
- Inglaterra ho Irlanda fo garantia ba Timor oan sira nia moris.

Ne’e duni, liu hosi surat nakloke ida ne’e, ho respeitu, hau husu atu IV Governu Konstituisional Timor Leste harí UMA FUKUN (Embaixada RDTL) iha rai Inglaterra ho objectivo:

1. Hodi bele hametin liu tan relasaun bilateral entre Timor Leste ho Inglaterra, no mos Irlanda.
2. Servi servisu i interesse ba komunidadi timorense iha rai Inglaterra ho Irlanda.

Laiha tan assuntu seluk atu koalia, ho respeitu, konfiansa i esperansa ba Governu AMP, hau hato’o obrigadu barak.

Celso Oliveira, poeta Timor oan hela iha Inglaterra
Loron 10 fulan Abril tinan 2008

Sem comentários:

Enviar um comentário

Nota: só um membro deste blogue pode publicar um comentário.