Klientes TT hatou sira nia Lian ba PM

Sua Excelencia DR. Jose Alexandre Kay Rala Xanana Gusmao
Primeiru Ministru IV Governu Konstitusional RDTL

Hodi responde ba pedidu lubun mak hato'o husi komunidade Timor oan Jornal Tempo Semanal halao ona polling opiniaun publiku ida hahu husi loron 28 Outobru to'o 18 Novembru 2007 nebe konsege koleta opiniaun husi klientes TT no komunidade Timor oan ho total 33.622. 99.4 % husi respondents sira hakarak atu iha kompetisaun iha sector telekomunikasaun Timor Leste ninian no 0.6% hakarak mantein ho TT. Klientes ho povu koalia ona ¨C Sa ida maka Estadu, Governu ho TT atu halo??!!

Perguntas nebe husu husu iha Formularius Polling ne'e mak hanesan:

Atu loke dalan ba kompetisaun servisu telekomunikasoens iha nasaun Timor Leste, nune'e bele fo atendementu ba klientes ho kualidade mak diak no presu nebe baratu ba povu, karik ita boot (klientes sira) hanoin katak, Governu Timor Leste, PRESIZA konsidera konvida tan kompanha telekomunikasaun seluk atu halakon tiha monopoli Timor Telkom iha sektor telekomunikasoens Timor Leste ninian? Presiza ka Lapresiza ? Se presiza, tau Vistu (¡Ì ) ou (X) iha kolom Presiza. Se la presiza, tau vistu (¡Ì) ou (X) iha kolom La Presiza.(Vota ba PRESIZA ne'e signifika katak Governu tenke loke dalan ba kompanha foun atu tama. Se vota ba LA PRESIZA signifika katak klientes sira hakarak mantein nafatin ho Timor Telkom nia operasaun nudar kompanha uniku iha Timor Leste.

Rezultadu Final husi opiniaun poll ne'e mak hanesan:

33.460 Afavor atu loke sector telekomunikasaun ba kompetisaun.

186 Afavor hodi mantein nafatin ho monopoli TT dadaun ne'e.

Rezultadu ne'e rasik koalia ho lian maka'as no klaru tebes.

Tempo Semanal aprezenta rezultadus Polling ne'e ba Prezidencia da Republika, Governu RDTL no Parlamentu Nasional ho hanoin katak parte relevante hirak ne'e sei foti asaun apropriado ruma hodi loke sector telekomunikasaun ba kompetisaun atu bele fo garantia kualidade de servisu mak diak ho presu nebe baratu ba povu Timor Leste hanesan hatudu iha sira nia ejijencia katak liu husi telekomunikasaun sira sei dezenvolve sira nia an no sira nia nasaun Timor Leste.

Dili, 27/11/2007

Jose A. Belo
Direktor Tempo Semanal