Jerasaun Tuan ho Jerasaun Foun

(kestaun responsabilidadi)

hosi: Celso Oliveira *

Koalia kona ba, papel hosi jerasaun tuan ho jerasaun foun iha processu libertasaun nasional nia laran, laos buat ida foun. Klaro que jerasaun tuan maka jerasaun nebe hahu projecto bo'ot ukun rasik-an nian. I, jerasaun foun maka jerasaun nebe moris hafoin tiha tinan 70.

Ohin loron, iha tempu desenvolvimento nia laran, jerasaun tuan ho jerasaun foun, hotu-hotu, hatudu sira nia kompromissu ba povo Timor, liu-liu ba jerasaun aktual. Signifika, jerasaun tuan ho foun hatudu sira nia responsabilidadi, power, i, iha konsiensia katak jerasaun aktual labele assisti tan violensia, labele moris iha trauma pós-guerra.

Kuandu Fernando Araujo Lasama, hosi partidu demokratiku, sae hanesan Presidenti Parlamento Nasional, hotu-hotu senti kontenti. Jerasaun tuan, ita agora koalia kona ba José Ramos Horta, Xanana Gusmão, sira seluk tan (sst), senti orgulho i kontenti liu tan tamba Lasama representa jerasaun foun. Signifika, processu kaderizasaun hosi jerasaun tuan ba jerasaun foun existe.

Hau lembra primeiru diskursu hosi Presidenti Republika, José Ramos Horta, iha Parlamentu Nasional:

"Quero começar por felicitar o novo Presidente do Parlamento Nacional, eleito na passada segunda-feira por uma maioria clara. A eleição de Fernando de Araújo Lasama, para cargo tão importante, o 2º na hierarquia do Estado, é hoje tanto mais importante pelo simbolismo que carrega a transferência de poder de uma geração a outra. Muito se tem dito que a geração que iniciou o grande projecto de luta pela independência, que culminou no acto referendário de 30 de Agosto de 1999 - falo, claro, da geração de 70 - deveria passar as rédeas do poder e da governação à nova geração.Fernando Lasama, foi estudante e prisioneiro de consciência durante o tempo da ocupação, e faz parte dessa nova geração que muito contribuiu para que hoje, a pátria, seja de todos nós e livre. Muitos deputados eleitos para a nova legislatura fazem parte da geração de Fernando Lasama".

Perante pozisaun i susessu hosi Fernando Araujo Lasama hodi hetan kargu importanti ida ne'e, hau konkorda "politika i moralmente". Iha perspectiva ida ne'e, iha epoka ohin loron, hau buka extermina tiha teoria falsa nebe hafahe povo Timor. Ne'e duni, konseitu "Lorosa'e ou Loromonu" la existe iha IV Governo Konstituisional, lideradu hosi Primeiru Ministru Kayrala Xanana Gusmao. Embora, hau aceita katak fundamentalmente konseitu Lorosa'e ho Loromonu laos apenas konseitu ras/grupo maibe radikalmente existe konseitu politiku. Hanesan mos, iha epoka moderna, konseitu miseria i exklusaun sosial laos apenas konseitu ekonomiku ou sosiais, maibe tama iha kategoria politika.

Agora, hau koloka situasaun seluk, Major Alfredo Reinado nian.

Alfredo Reinado, klaru que hosi jerasaun foun. Se los maka responsabiliza ba popularidadi Major Alfredo Reinado nian? Jerasaun tuan nebe kria hela sandiwara ou telenovela ida ne'e? Ka, jerasaun foun nebe Alfredo Reinado, Fernando Araujo Lasama, sira seluk tan representa?

Duranti tinan lima nia laran, IV Governo Konstituisional iha obrigasaun "moral i politika" atu resolve problema Major Alfredo Reinado nian. Se karik la resolve situasaun ida ne'e, entaun ita hotu merese atu halo refleksaun profunda. Kestaun responsabilidadi hosi jerasaun tuan ho foun peranti jerasaun aktual (jerasaun pós 1999).

* poeta i hakerek nain (escritor) Timor oan, hela iha England