Joven Timor Leste ho nia problema*

Iha tempo ida hau ba tuir training iha japaun, hau ba misa ho bisikleta, dader ida ne malirin maibe laos tanba udan, iha japan ema komprende buat ida naran environment ou bahasa lingkungan ita bele hare ema nia fatin mos e kapaas, dala ruma colega sira husi Africa dehan ita kuando uja sapatu ita ita nia nasaun sapatu ne foer lalais, maibe iha japan ita nia sapatu nunka bele foer tanba rai rahun la iha. Hau la hatene colega nia comentario ne hanesan bombastis ga tebes maibe realidade hatudu duni katak japan nia ema hatene kuidado sira nia environment. Foer sira nebe la uja ona sira recyle fali ou bahasa Indonesia dehan daur ulang ou tetum dehan dulas fila fali para halo buat seluk hanesan tissue, plastic, no seluk-tan. Sira halo buat ne tanba agora issue ida nebe mak naran climate change maibe desculpa hau laos ema nebe kupmrende diak iha area ida ne.

Ita bele hare katak iha japan hau la hatene ema japaun iha area seluk maibe fatin ida nebe ami hela ba ita bele hare katak la iha diferensia entre ema riku ho ema kiak, hau pernah husu perguntas ida ba ami nia instructor e nia dehan iha japaun riku ho kiak bele dehan la iha defensia e dala ruma nia dehan tan... CIO perusahaan boot mos sae train… hau admira oituan ho lia fuan ida ne tanba biasanya ema nebe riku nia iha kareta no kondutor privado nomos uma nebe luxo. Ida ne hanesan hanoin ida ba ita katak buat ida be naran riku ou kiak ne hanesan kondisaun ida nebe ema rasik kria atu hatun malu. Buat nebe mak ita bele aprende husi japaun katak bainhira ema hotu iha servico, escola, nomos iha osan, hela fatin mesmo uma ne kiik maibe diak para hela, bele hamenus kriminalitas.

Iha timor leste ita bele dehan joven sira mayoria educado hotu alias kaum terdidik, maibe tamba sa mak sei akontese violencia nebe involve joven sira. Tuir hau nia hanoin joven timor leste agora kehilangan harapan, uluk sira hanoin kuando independia ona ema hotu hetan servico maibe realidade hatudu katak ukun aan ne la gampang, ema hotu tenke fo nia contribusaun labele tur no mehi deit. Aproveita tempo para estuda, aprende buat teknik sira hanesan computer, eletricidade, carpentero, no sira seluk tan. Maibe, governo mos tenke ser fo suporta makaas ba area nebe bele hamenus joven sira nia rasa frustasi hanesan harii uma komunidade joven nia iha area dili no timor laran tomak. Iha uma comunidade ida ne bele tau komputador, printer e bele mos hanesan workshop ida para joven sira ne bele aprende no hadia komputador ho gratuito e bele mos prepara uma comunidade ba joven nia iha area sira seluk hanesan, carpenterio, electricidade no sira seluk tan. Maibe joven mos tenke ser iha responsabilidade ba uma nebe governo fo labele uja ba hemu tua, joga karta no ba buat sira seluk nebe la iha valor.

Krize nebe akontese 2006 too agora, liu-liu joven no povo kiik nunca hetan vantagem ho krize ida ne, maibe habelar liu tan ita nia terus no susar. Uma ema sunu, oho malu, hana malu, taa malu odio malu bobar lia ba malu, ita nia laran sempre deskumfia ba malu sei mak hetan vantagem husi krize ida ne? ema nebe iha bisnis no ema riku no boot sira. Tamba ita kundo sunu uma beibeik, oho malu beibeik sira nebe iha bisnis mos kontente tamba sira nia sasan bangunan mos laku makaas, loja faan aimoruk mos laku makaas tanba aimoruk para kura nebe kanek no sira seluk tan. Ida ne hanesan ijemplo ida katak joven no povo kiik sira sempre sai victima nafatin.

Iha tempo ida hau hasoru joven ida iha dalan nebe prepara an atu balu tuda malu ho grupo barrio seluk, hau husu ba joven ida tamba sa mak imi gosta tuda malu, baku no hana malu? Joven ne dehan ba hau: maun..ami halo hanesan ne para ami nia stress lakon. Hau senti ho resposta ida ne hatudu ba ita hotu katak ita nian joven agora persisa pemulihan dan kesembuhan husi moras frustasi no sentimento sira seluk. Ida ne laos buat nebe fasil atu halo iha tempo badak nia laran ida ne persiza tempo naruk e hotu-hotu tenke ser servico makaas atu resolve problema ida ne.

*Joao da silva
Hela iha Dili. No: +670-7342219
E-mail: camoetj@gmail.com