Belun sira, haré diskusaun nebe Riak Leman (AMP) ho David Ximenes halo foin lalais ne´e, hau hakerek hanoin ki´ik oan ida hodi hatan ba questaun iha leten: se mak bele konta historia: deputado ou historiador sira???Wainhira ita haré fali ba haksesuk malu iha uma fukun kona ba programa IV governu konstitusional nian, lori mai liur buat oi-oin. Ida mak mudansa notavel iha disukusaun (quase ema hotu koalia, la hein hi´it liman deit hanesan tinan hirak liu ba). Ida fali mak kontra ataque entre deputados Fretilin ho Primeiro Ministro Xanana Gusmão tan lia sakat kona ba programa Governu foun nian. Buat ida normal teb-tebes ba ema nebe habitua ona ho situsaun hirak hanesan ne´e. Ema balu haré buat ne´e hanesan fali hirus malu tebes, la respeita malu, la rekonhese historia no buat seluk tan. nune´e rekore be-beik ba historia hodi bele explica ninia posisaun. deputado nia papel laos konta historia.
Faktu mak, Deputadu Riak (AMP) ho Deputado David Ximenes (Fretilin) haksesuk malu kona ba ataques hirak kontra Xanana durante diskusaun Programa Governo nian. Deputado nain rua ne´e kahur fali buat tolu ba ida deit: Emosaun, Hostória ho diskusaun nebe precisa, liu-liu mak argumentu (razaun) kona ba programa Governo nian. Deputado rua ne´e haré ba aspecto ida importante teb-tebes maibe laos sira nain rua nia kompetensia atu koalia buat hirak ne´e. Tan ne´e lao ses tiha husi assuntu prinsipal" aprovasaun progama governo nian. Tuir atan hau nia haré, deputado sira nia funsaun mak diskute, aprova lei ou programa ruma konaba desenvolvimentu ou Plano orsamental ruma estado nian. Agora, história? Xanana hatene ona katak sai Primeiro Ministro mak ne´e prontu hodi rona husi los no mos husi sorin karuk. Dala barak, fatuk ho ai mos nalsulin ba primeiro Ministro nia leten. Agora haré ida nebe importante mak halo komentário.. se ita hola ba lia hotu, interesse nasaun nian lalao ba oin.
Se ita haré ba oin, programa IV governo konstitusional nian implementa dau-daun ona. Por exemplo, Sekretário estado balu koalia dau-daun ona kona ba bolsa de estudo ba F-FDTL ba ensino superior iha Dili ou ba liur ou plano foun kona ba recrutamentu; balu fali koalia kona ba harí Instituto Micro Finanças (IMF) no mos preokupasaun kona ba investimento iha lian português, sst. Statement hirak ne´e laiha ema ida husi oposisaun la halo kontra proposta, basa ema hotu sei diskute hela se mak respeita xanana no se mak la respeita ou se mak hatene liu konta história.
Se hau mak estudante história ruma, hau revoltado kedas tan ba deputado sira mos hakarak sai fali historiador. Tinan lima liu ba, deputado balu passa vida konta historia los deit ba fali historiador seluk, to´o ema balu hirus (baruk rona) hodi dehan, "sira ne´e hatene konta história deit maibe la hatene ukun". Ne´e duni hau sugere, se deputado sira iha tempo barak liu, analisa didiak deklarasaun husi governante sira balu foin lalais ne´e husi tetu vantagem ho desvantagem iha nebe. Deklarasaun hirak nebe ukun nain foin sae sira refere iha leten laos atu repete historia maibe kria mekanismus nesessarios hodi konsolida desenvolvimento nebe ita hotu hakarak.
Nusa historia la husik ba historiador sira mak konta ka hakerek historia???
Coimbra, 24.09.2007
Félix Jesus etsa@yahoogroups.com
Hein kata Sr Félix Jesus komesa agora ba oin hakerek topik ruma karik ho ita nian lian Tetum, DUKE UJA LIAN PORTUGES!!! KETA HATUDU DEMAIS ITA NIA BOOT MATENEK IHA LIAN PORTUGES. SE ITA BOOT BELE HAKEREK HO LIAN TETUM NUSA LA UJA DEIT TETUM MAIS UJA BARAK LIU MAKA PORTUGIS?!
ResponderEliminarHau hatene ita boot nia direitu atu uja lian saida deit la iha ema ida ke ubriga ita boot konaba ida nee, mais hau ata hakarak hateten deit katak ita Timor oan deit ladun uja ita nia lian rasik oinsa ema seluk?
Obrigado ba komentario hirak nee,
ResponderEliminarLabele haluha katak, historia fas parte iha istoria nasaun ida nee.
Normalmente itania kakutak sei lembra historia nebe akontese liu ba,aseita ho ideia katak diskusaun kona ba istoria luta nia diak liu halao iha forum diskusaun ruma iha radio ou intervista iha TVTL, ne importante tamba konforme hau hare ita komesa dadaun atu haluha e nega e aat liu tan trata malu i la respeita figura sira nebe durante nee lidera e fo an ba luta libertasaun nasaun ida nee. Nasaun nebe forte nasaun nebe hatene e respeita heroik sira, Hau honesti hateten katak Sr Xanana Sr David Ximenes, Sr Leandro Isaac Sr. Leak Reman, Sr Mauhudu, Mauhunu barak tan maka labele temi ida-ida sira hotu nee mesak heroik deit. Hau sei hanoin Sr David sira bele hakilar nafatin walau sira iha lafaek nia ibun laran. Hau fiar ema hirak nee esforca an atu fo nia moris tomak ba funu ida nee.
Hamrik kaer rasik kuda talin, labele hadau malu kuda talin.
Servico ho kakutak malirin atu nune bele moris ho neon hakmatek nakonu ho pass iha servico fatin no dame ho maluk sira seluk nebe diferenses idea.
Rain laran.
Maluk aikameli nia komentario mos uja portugues maka barak mas sei hateten fali maluk felix
ResponderEliminarIta bot usa liafuan portugues barak hanesan: komesa agora, duke uja, demais.
Hau la hatene tetum lolos ida ita bot hakarak ne, maka tetum ida uja portugues hanesan ita bot nian ne, ka, hanesan ida belun felix nian. Afinal rua ne hatama hotu lia fuan portugues barak iha laran.
Ou dalaruma tamba, lian tetum ida ita hotu kulia ne sempre hatama lia fuan barak husi rai seluk desde portugues, indonesia no ikus ikus ne ingles mos tama hotu ituan. Sira ne hotu halo ita nia tetum riku tia no ajuda ita atu hato ita nia hanoin diak liu tan.
dala ruma ne mos la diak tamba triste ituan ita hare ba ita nia tetum mosu liafuan rai seluk bara-barak, mas hare ba mai, afinal, ita sidauk iha regra tata bahasa (gramatica)ida kona ba tetum ida lolos para bele uja hanesan tolok ukur hodi menilai tetum ida nebe maka los e ida nebe maka sala.
Obrigado
Tuir hau hata Lian barak mundo nee barak iha influensa husi lian seluk. Hanesan Bahasa Indonesia uluk 1945 too 1970 mos uja barak lian fuan ka termu husi Belanda nian, no mos Engles deit agora adopta lian fuan foun husi lian nasaun seluk nian.
ResponderEliminarOinsa Tetum ida nee nebe sidauk iha gramatika, Sr GLUTON "Nakdedar" kritik ema seluk dehan hakerek/uja Tetum la laos.
Atu kritik ema hare lae situasaun maka kritik.
KUITADO HAU RAIN TIMOR, "EMA MATENEK DEMAIS"!!!!!
Maluk sira, diak liu ita hotu la bele litik malu tan lian nebe balun uza iha hakerek. Tanba tuir ha'u nian hanoin Timor presiza lian estranjeiru barak, povo ida kuantu mais hatene lian barak diak liu tan. Nune'e Povo Timor, kuantu mais hatene lian barak iha mundo povo husi rain selu gaba katak Timor ne'e nian povo matenek, hatene lian oi-oin.
ResponderEliminarNeduni ita hotu la bele rende ba buat nebe ita hanoin katak todan. La bele rende ba lei de menor esforço. Ha'u la'os atu defende lian Portugues ka defende malae nian interesses maibe Portugues nudar lian oficial ita precisa adapta ita nian an ba lian ne'e. Ita balu hanoin nune'e, portugues ne'e dificil tebes nebe susar atu aplica iha Timor, maibe se ita hakarak hatene ba oin dok uitoan mak ita sei hanoin hetan katak ita sira nebe kalu ona karik susar ona atu aprende maibe ba geração nebe tuir mai, husi ohin ba tinan sanulu ka rua nulu karik labarik sira nian situasaun oin seluk ho ita. Ne'eduni se mak hakerek ho Portugues hakerek nafatin maibe hakerek ne'e nian inti bele akompanha ho esplikasaun badak ida ba leitores sira.
Ita mos precisa hanoin katak iha mos Timor oan barak nebe moris (lahir) iha rain seluk ka balun ran kahur etc. ladun hatene Tetum, maibe sira mos presiza hatene povo no rain Timor nian situasaun.
Mak ne'e deit, husu maluk sira nian komprensaun mos.
Hakoak boot
Victor Tavares
Maluk sira, ha'u tutan tan deit hakerek iha leten. Katak ha'u la'os bandu atu maluk sira hato'o hanoin ka direito atu halo kritika ka sujestaun. Opiniaun, sujestaun no kritikas sejam bem vindos, well come ka selamat datang hotu !!!
ResponderEliminarObrigadu barak ba atensaun
Victor Tavares
Já alguém neste blogue disse que o Zé da Horta, o comandante Xanana se estão nas urtigas para o português... a língua portuguesa para quê? Que se lixe... O inglês do vizinho (o que explora os pitróleos)é que é bué! O portugalito foi bué para dar uns dinheirinhos ao Zé da Horta, para os copos e para as "gájas". O comandante Xanana, casado como uma "balarina", dois ou três filhotes austral-timoreses, "cagou-se" para o português!Os portugalitos, generosos como sempre, carregaram com o comandante aos ombros em Lisboa; encheram-se as ruas aplaudirem um heroi "pilha galinhas" de quando andava na mata: mata-mata o bandido.
ResponderEliminarHáááááááááááá.... onde anda o Sampaio que foi de todos os portugueses? O Sampaio (ai Sampaio, (quem te conhecer que te compre!)antes de deixar o palácio da Beleza, carregou com todo o seu pessoal, num C130 (os dinheiritos já eram poucos no portugalito)e foi visitar o comandante a Timor! Falaram de muitas "tretas" (conversa de treta) e um dos topless que o comandante Xanana lhe prometeu foi que a lingua portugalita estava segura como uma rocha em Timor
Hau hamsanasa fali wain hira balun dehan kuandua ita kolia lian barak ema gaba ita.
ResponderEliminarTuir hau hare ema matenek nain iha mundo nebe koalian lian barak nee barak maka mai husi social sicience ho politik nian.
Nee be Timor ba futur matenek nain sira maka barak maka iha poitik no social science.
Factu barak hatudo katak politik ho social science matenek nain sira buka maka hatun malun deit ho provaka ema seluk hodi halo kriminosu.
Oainsa nasaun TL atu ba desenvolve aan ba oin se ita nia matenek nain natural science ho technology ladun barak.
Kuandu iha uma labarik sira nia inan aman la hatene kualia lian Portuges depois tempo iha eskola la dun barak se compara iha ho uma.
Wain hira labarik sira fila ba uma lori sira nia home exercise iha lian Bloody Portuges klaru ke sira inan aman labele hanorin sira nia oan iha uma tamba sira la komprende lian nebe uja ba exercise nian.
So kualidade labarik sira nian nee ATU SAEIDA.
Hau sente belun sira nebe fo komentario iha nee barak maka hela iha liur Timor, maibe sira gaba sira nian katak sira maka hatene liu hotu ema sira nebe hela iha TL.
HAU LA DEHAN EMA TL LA PERISA HATENE LIAN BLOODY PORTUGES, MAIBE LIAN BLOODY PORTUGES NEE LAOS LIAN IMPORTANTE ATU SAE HANESAN LIAN OFFICILA, SATAN HANESAN LIAN UJA IHA ESKOLA HODI HANORIN LABRIK SIRA.
Maluk ida hanaran Aikameli,
ResponderEliminarHa'u mak hateten liafuan ida katak kuantu mais povo ida hatene lian barak ema rai seluk gaba povo ne'e. Maluk presiza haree lia-fuan povo ne'e haree husi aspektu luan. Basaa, ita hotu hatene katak society ka sosiededae ka masyarakat ne'e la'os buat ida fixo, sosiedade ne'e buat ida dinamiku, evolui tuir natureza haktuir no mos evolui tuir evolusaun siensias no teknolojias. Ha'u fo ezemplo simples ida nune'e: Ohin loron ita Timor (povo) hatene lian português limitadu/terbatas iha klase/golongan tertentu deit. Maibe klase ka golongan ne'ebe hatene português bele aumenta tinan sanulu mai ne'e sai 1/3 ka 1/4 husi populasaun Timor koalia lancar lian ne'e, tinan rua-nulu ka tolu nulu numeru ne'e bele aumenta boot liu tan tuir evolusaun populasaun iha natalidade em paralelo ho aprendijazem iha lian ne'e. Nune'e to'o iha jerasaun rua ka tolu tuir mai karik povo Timor oin seluk ona iha komunikasaun uza lian portugues ka kualker lian nebe ita aprende tuir ita nian nesesidades. Ne'eduni povo Timor nian imajem iha rejiaun ASEAN ka iha Forum Pasifiku do Sul nian leet povo Timor sai oin seluk alias, Timor hatene (+) lian hirak iha rejiaun nebee rain selu-seluk iha zona nebaa hatene iha komunikasaun. Karik to'o ne'eba lian Português ne'e sei sai nafatin lian ofisial Timor nian.
Haree husi aspektu ida ne'e mak ha'u dehan povo husi rain seluk bele gaba povo Timor ho ninian kelebihan iha komunikasaun ho lian portugues. Keta haluha mos katak Português mos ohin loron sai lian mundu nian. Ita hakarak halo belun ho rain ruma iha Kontinente Afrika mak ita presiza koalia Português, hakarak halo belun ho Amerika du Sul presiza hatene portugues, atu fo hatene deit katak Venezuela rasik komesa tau ona Portugues iha eskola primeiru sikulu hanesan materia obrigatoria. Se mak dehan lian ofisial ne'e la importante ne'e ita hakarak dadur ita nian an rasik, se ita hanoin nune'e. Los duni maluk Aikameli hateten katak karik imi iha rain-laran mak hatene liu sasan hotu. Maibe ha'u la fiar katak imi nebe iha Timor mesak hatene buat hotu, ha'u la fiar. Tanba sa ? Ha'u fo ezemplu ki'ik deit, katak imi nebe iha Timor, maibe balun hakerek lia Tetum mos seidauk los, hakerek fraze ruma iha Tetum mos balu sei ulun-ain. Neduni ho faktus ki'ik oan hirak ne'e halo ha'u duvida boot katak maluk sira iha Timor mak hatene liu, lalika hanoin dok, haree deit hakerek lori lian Tetum nebe maluk sira uza kalan-loron maibe sei sabraut. Halo nusa mak ita bele uza Tetum sai hanesan lian ofisial ne'ebe los hodi rejeita lian Português ???
Kestoins iha leten ne'e ha'u lansa iha forum hanesan sadik/dezafiu ida ba ita hotu atu hanoin hodi diskuti.
Boa discussão !
Victor Tavares