VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20070821

Tansa maka Fretilin lakohi lori decisaun PR nian ba Tribunal Rekursus?

http://farm1.static.flickr.com/Iha Tinan kotuk waihira ema hotu kestiona konaba eleisaun iha Kongresso Fretilin iha fulan Maio 2006, uja metodo foti liman deit hodi hili Prezidente Lu´olo no Sekjen Mari Alkatiri ba kaer lideransa Fretilin nian. Sira militante Fretilin husi Grupo FM (Fretilin Mudanças) lori kasu ne´e ba Tribunal Rekursus (TR). TR interpreta eleisaun lideransan Fretilin liu husi metodo foti liman ne´e legal. To´o ikus se maka hananu ho vitoria maka Mari Alkatiri ho Lu´olo tamba sira manan konaba interpretasaun konaba Konstituisaun RDTL.

Waihira PR hola decisaun hodi bolu AMP no Xanana harii IV Governo Konstitucional (IV GK), Mari Alkatiri ho lideransa Fretilin nian mai ho diskursu “IV GK ne´e Inkonstitucional. Neduni Fretilin buka luta liu husi meius legais atu kontra konaba Violasaun Konstituisaun RDTL”. Iha fatin seluk, lideransa Fretilin sira rasik adopta diskursu nebe incentivo ba «Violência», hanesan: Mari Alkatiri waihira journalista sira husu konaba sunu gedung Beasukai nian, nia hatan nune: ne´e la iha buat ida tamba Fretilin maka halo. Propaganda iha distritu sira, hanesan: Antoninho Bianco iha ninia sorumutuk ho militante sira iha Ainaro Sabado (11/08) husu atu Militante sira sunu tiha uma sira nebe Governo Fretilin maka halo iha tinan lima (5) nia laran, inkluindo Centro Klinika iha Suku Kasa no Suku Kasa (Fonte anonimo husi Ainaro).

Hare ona katak, Fretilin la ba hatou ninia kesar ba TR tamba nia hare katak IV GK ne´e konstitucional, tamba Mari Alkatiri sira mos husu parecer husi Jorge Miranda Konstitucionalista husi Universidade Lisboa, nebe tulun Mari Alkatiri hodi hakerek Konstituisaun RDTL fo parecer ba «Konstitucionalidade decisaun PR nian hodi bolu AMP ho Xanana harii IV GK». Tamba dalan legais ka konstitucional nian la bele ona, neduni buka liu husi «Violência», grave liu maka militante sira husi base atake Convento Salesiano to´o estremo no krimi liu maka «Viola tan labarik feto ida ho tinan 12». Neduni Violência iha ne´e ho objektivo politika ka forma seluk hodi halao politika ho ninia objektivo oinsa maka Fretilin bele fila ba kaer IV GK ka husu PR anula ninia decisaun hodi entrega IV GK ba AMP ho Xanana.

Tamba deit Violência to´o ona estremo, emar hotu husi liur no laran kondena ba Violencia, neduni mosu iniciativa husi lideransa Fretilin katak hakarak hapara Violência. Hodi hatudu boa fé atu resolve instablidade nebe militante sira halo tamba deit la simu decisaun PR nian. Responsabilidade ba lideransa Fretilin maka ne´e: la explika didiak Konstituisaun RDTL ba militante sira konaba «cenario pós-eleitoral» hanesan dadaun oras ne´e, maibe lideransa Fretilin fiar an demais katak Fretilin sei manan ho Maioria absoluta neduni sira hanoin hetan ho cenario ida ne´e. Responsabilidade seluk, la hatou lian tatoli lolos ba militante no simpatizantes sira konaba interpretasaun artigo 106 nebe opsaun ba Fretilin ka AMP bele harii Governo hotu, tamba dalan rua ne´e konstitucional hotu, maibe iha ne´e PR buka hili dalan nebe loke Krise Institucional, siknifika loke dalan ba Eleisaun Anticipada.

Decisaun PR nian pragmatika, oinsa maka iha fulan tolu nia laran halo maka eleisaun deit, buat hotu parado, la iha progama atu halao, la iha orçamento atu tau programa Governo iha pratika, ekonomika estagnado, povo frutstado tamba la iha solusaun ba problemas sira nebe sira hasoru, instabilidade aumenta tamba la iha Governo, investor rai liur sira ladun iha motivo atu ba kuda sira nia investimentu iha ita rain, no sst.

Baseia ba faktores rua (2): Konstitucional, tamba AMP Governo ne´e tuir Konstituisaun, maske Koligasaun Pos-eleitoral ne´e bele halo, tuir Konstitucionalista Pedro Bacelar Vasgoncelos dehan katak “Cenario koligasaun pos-eleitoral ne´e konstitucional iha Konstituisaun RDTL”. Husi sorin seluk, decisaun PR ne´e pragmatika buka evita Krise Institucinal no bele hamenus Krise Politika!

Lisboa, 21-08-2007

António Ramos Naikoli

3 comentários:

  1. hau tuir dala barak ona sr. antoio ramos nia hakerek nee mas conclusao ida deit.koalia hanesan vinga no dehan aat deit. laiha ideia ida que foun e construtiva.

    ResponderEliminar
  2. Ita hatene deit ona ba , normalmente golpista sira sempre koalia nune duni maun bot . Ne la os novidade foun , tamba ema ida manan maibe ema seluk mak aproveita ukun nune duni ... mas keta contetente lai ... ukun too nebe ?

    ResponderEliminar
  3. Qual respeito pela Consituição qual carapuça! Um foi o comandante da montanha e o outro o "passeante" a viver à pala dos feitos do habilioso da mata. Quem os conhecer que os compre... Já analisaram por aí o que seria um PR sem nomear o comandante para PM?
    Não era a pontinha de nadinha... Bem agora lá vão indo com as palavrocas baldrocas... prometendo aquilo que não conseguem e lá vão indo passando o tempo. O Dr. Mari Alkatiri há muito que está nos projectos do "duo" de Timor para o eliminar. Agora o Ximenes Belo de Portugal depachou 14 tonelados de bronze com a estátua do papa (o último que deu o badagaio) que eternamente está a dormir na redoma do Vaticamo onde estão os outros "mafiosos" de séculos, seculórium amen! Bem melhor seria o Ximenes mandar esse dinheiro para as "criancinhas" de Timor que ele tanto adorou... Até havia uma frase dele: "deixar vir a mim todas as criancinhas porque as quero amar!
    Os pobres de Timor continuam a ser uns pobretas alegretos... Bem a Indonésia, para acalmar o povo mandou-lhe com um Cristo-Rei, agora o Ximenes manda-lhe um papa de 14 toneladas de bronze...
    Que mais dávidas, religiosas, haverá para o pobre povo de Timor? A irmão Lúcia e os dois pastorinhos?
    A guerra surda e terrível para as gentes de Timor leste é a que vão desenvolvendo os bispos encapotada com a caridade e umas miolas que vão dando.... Outra coisa... Podemos perguntar? Que terrenos já possui a igreja em Timor-Leste? Claro que muitos... Ela (a Igreja rapinou e vai rapinando) continua a ser a maior latifundiário em cima do planeta terra...

    ResponderEliminar

Nota: só um membro deste blogue pode publicar um comentário.