Koligasaun Pos-Eleitoral: Xanana ho CNRT bele iha kondisaun harii Governo

Eleisaun legislativa iha loron 30-06-2007, resultadu provisorio no tendencia votasaun katak iha Partido rua (2) maka iha oin, Fretilin ho CNRT. Maibe faktus maka ne´e partido rua (2) la iha ida maka bele hetan maioria absoluta atu bele governa mesak tuir K-RDTL nian katak «Partido nebe maka hetan votantes barak maka bele governa no forma governo», se la konsegue hetan mairia absoluta neduni buka harii governoho partido seluk. Se partido ida 1º la konsegue forma Governo, neduni partido ida hela iha 2º mos bele konvida partido sira seluk hodi forma Governo. Atu harii Governo iha periudo tinan 2007/12 buka hare husi pontus sira tuir mai ne´e: Projketu ba Nasaun, Governasaun nebe estavel no Revisaun Konstitucional iha tinan 2008.

1. Projektu ba Nasaun

Iha tinan lima (5) mai ne´e Timor buka rekupera iha biban badak (curto prazo, red) husi konsekuencia politika, ekonomika i socialmente husi Krise Politika Militar (KPM) nebe afekta RaiTimor iha Tinan ida nia laran (2006). Iha biban naruk oinsa maka bele halao desenvolvimentu iha areas sira hanesan: edukasaun, ekonomika,justisa (ça), rekuperasaun pos-traumatika nebe maka afekta ba Timor oan hotu husi vitima Funu Uma Laran iha tinan 1975 (Guerra Civil, red), vitima iha okupasuan Indonesia nian,vitima iha KPM nian hanesan deskriminasaun kontra F-FDTL Peticionarius sira husi Loromono, divisaun Lorosae vs Loromono, problema deslokadus sira, no sst. Nivel psikologika buka rekupera Timor oan ninia auto-estima (fiar an, fiar ba ninia maluk Timor oan, fiar ba sasan Timor nian).

2.Governasaun estavel

Atu halao projektu bot ida iha tinan lima nia laran PM nebe bele kumpri iha kriterius sira hanesan tuir mai ne´e: a) Lider ida kapaz maka sai hanesan figura iha maka sai hanesan garante ba estabilidade Governativa no b) buka hetan suporta maioria iha Parlamento.

Iha parte ida uluk buka iha Figura PM nebe maka bele hakuak ema hotu, laos lider nebe maka hatene kria mak problemas, lider nebe maka hatene no moris hamutuk ho povo iha susar nia laran. Laos lider nebe maka iha biban funu moris iha liur la moris no la senti saida maka terus. Liliu lider nebe maka sektores hotu iha sociedade Timor nian simu, laos lider nebe maka sociedade maioria la simu.

Husi parte seluk, governo nebe maka bele governo ho maioria iha parlamento, atu bele hetan maioria buka iha lider ida maka bele halibur no rona ema hotu no bele dialog ho partido sira nebe maka iha representasaun iha parlamento.

3. Revisaun Konstitucional 2008

Koligasaun nebe maka halo bele mos hanoin mos konaba projekto Revisaun Konstitucional (RK) nebe sei ba halo iha tinan 2008. Tamba iha Konstituisaun RDTL nian iha buat barak maka buka altera ka buka iha alterasaun iha artigo balun Atu iha alterasaun buka iha akordo nebe maka bele alkansa 2/3 husi votos parlamenares. Neduni koligasaun Parlamentares buka mos hanoin ba RK iha tinan oin (2008).

Hare husi pontus sira iha leten ne´e no resultadu husi partido hotu-hotu,liliu Fretilin ho CNRT la iha ida maka sei manan ho maioria absoluta hodi bele governa ka ukun mesak nebe bele kumpri kriterius sira iha leten ne. Sekjen Fretilin la iha kondisaun hodi bele konvida Partido Oposisaun sira seluk atu hamutuk ho Fretilin, liliu partidos sira nebe hetan votasaun barak hanesan CNRT, PSD/ASDT i PD. Tamba iha Governo Mari Alkatiri iha tinan lima (5) nia laran, MA ho Fretilin la kria kondisaun atu bele ih koligasaun ka entendimentu politika ho partido sira oposisaun liliu PD, PSD i ASDT. Faktu maka ne´eiha tinan lima (5) nia laran, Mari Alkatiri sempre miniza oposisaun, ignora opisasaun no dehan aat oposisaun sira. Neduni se Mari Alkatiri maka oras ne atu simpatiku hodi konvida Partido oposisaun sira ne´e atu ba hamutuk ho Fretilin, ne´e hipotese minimu liu.

Ba Xanana ho CNRT bele iha kondisaun atu bele harii Governo nebe maka bele iklui Partido Oposisaun sira nebe maka hetan votantes barak liu hanesan: PSD, ASDT, PD i UNDERTIM!


Lisboa, 02-07-2007

António Ramos Naikoli