VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
UKUN HAMUTUK?
Sorumutu "Meja Bo'ot" nakonu ho "bua-malus". Sei lo'ok ba malu hela hodi mama hamutuk.
Fretilin
Fretilin - CNRT
Fretilin - PLP
Fretilin - PD
Fretilin - KHUNTO

 
 
   

domingo, 17 de junho de 2007

Fretilin la Iha autoridade moral atu hatudu liman ba sira seluk konaba KPM

Komunikadu Imprensa Fretilin nian iha loron 10-06-2007, konaba” Opozisaun lakon reputasaun kona ba nia pozisaun ba paz, lei no ordem”. Tuir Lu´olo:

(...) “Lider CNRT nian halo alegasaun ida nebe salah bainhira dún GovernuFRETILIN mak organiza ka mak fo "lisensa" ba Polisia no Militar siraatu luta kontra malu iha tinan kotuk liu ba, no lori ita nia nasaunjoven ne'e lao fali ba kotuk, tenik Lu Olo”.

Lu´olo nudar Prezidente Parlamento Nasional (PN), orgaun soberania Estado Timor nian tuir Ukun Fuan Inan ka Konstituisaun RDTLnian. Posisaun saida maka Lu´olo foti hodi suporta ba executivo ka Governo hodi buka solusaun ba Krise Politika Militar (KPM), hahu husi problemas F-FDTL Peticionarios sira nian. Hare husi kronologia akontecimentu KPM ne´e rasik, Lu´olo suporta ba Governo ninia decisaun no Hierarquia F-FDTL ninia posisaun. Posisaun Governo Mari Alkatiri nian no Hierarquia F-FDTL nian maka ne´e “Expulso sira 600 Militares, hahu fulan Março 2006, tuir Komandante F-FDTL Taur Matan Ruak iha Parlamento”. Maibe Lu´olo convencido katak «ninia solidariedade ba hierarquia F-FDTL hodi expulso 600 Militares F-FDT ne´e maka resolve problemas».

Konfusaun ba Fretilin ho ninia Prezidente Lu´olo maka ne´e la konsegue distingue ninia personalidade nudar Prezidente Partido Eleisaun Prezidencial Lu´olo nudar Kandidatu “Kelinci Percobaan” deitno personalidade nudar Prezidente Parlamento Nasional tamba hakarak partidriza instituisaun estado. Lu´olo la konsegue distingue Instituisaun Estado nian nebe nia maka lider no ninia posisaun pessoal no afekto ho Hierarquia F-FDTL nian. Lu´olo dala barak maka konfundi nudar Prezidente Parlamento mesmo tempo nudar Prezidente Partido, Lu´olo koalia halis liu ba nia nudar Prezidente Partido, defende liu partido do ke ninia funsaun nudar lider bot ba orgaun soberania ida. Dala barak maka Lu´olo lori Parlamento lori defende interesse partido nian. Iha ne´e maka konfusaun Lu´olo nian, la hatene kamisola nebe maka nia hatais, hatais kamisola Prezidente Partido ka Parlamento.

Lu´olo la konsegue interpreta impaktu husi «Expulsaun 600 Militares F-FDTL Petisaun» nudar Kausa ba KPM, kala Lu´olo maka hare la hetan ka maka lakohi hare duni. Lu-Olo nudar Prezidente Parlamento nia fo suporta ba Hierarquia F-FDTL hodi expulso 600 F-FDTL Petisaun. Atitude nebe´e konsidere infantil, tamba hare husi experiencia rai barak nian,la iha KPM ida nebe´e bele «expulso 1/3 Militares husi Forças Armadas»,so akontece iha Timor tamba Governo (PM ho Ministro da Defesa), Prezidente Parlamento (Lu-Olo rasik) no Hierarquia F-FDTL mesak matan delek deit, hare sasan husi matan sorin deit, hare husi angul ida deit, laos hare husi perspectiva hotu-hotu.

Fretilin La Iha Autoridade Moral Atu Hatudu Liman ba Sira Seluk:

Tuir Fretilin: (idem) “Lider CNRT nian mos tenki hola responsabilidade tamba hatama eiskomandante polisia nasional Sr. Paulo Martins nia naran iha listakandidatura partidu CNRT nian ba Parlamementu Nasional; relatóriukomisaun Inkéritu independente Nasoens Unidas nian tinan kotuk fo saikatak Sr. Paulo Martins, la iha no la hetan autorizasaun atu fahekilat ba ninia Adjuntu Komandante Sr. Abilio Mesquita, nebe tuir maisai hanesan dirijente ba grupu ida hodi ataka Sr. Brigadeiru Jeneral Taur Matan Ruak nia uma, iha loron 24 Maiu 2006", tenik tan Lo Olo.

Tansaida maka dehan Fretilin la iha autoridade moral atu hatudu liman ba sira seluk maka responsavel ba KPM hodi dehan « Opozisaun lakon reputasaun kona ba nia pozisaun ba paz, lei no ordem », liliu hodi ataka CNRT no lideres CNRT sira. Lu´olo hare ba KPM ne´e husi ninia efeitu deit maibe la hare ba ninia Kausa (Forum Haksesuk: Mari Alkatiri maka Kausa no problema ba KPM). Oinsa maka Mosu KPM?Se se maka protogonismo? Se maka kaer poder (executivo) no se maka fiskalisa no se maka kaer poder ligislativo? Waihira hatan ona hafoin ita bele fihir saida maka Kausa ba KPM no saida maka ninia efeitu. Tansaida maka Lu´olo hakarak ataka Ex-Komandante PNTL, Paulo Martins no Komandante Serviço Secreto Fretilin (SSF) Railos.

Konaba Paulo Martins, Lu´olo hare witoan ba Konstituisaun RDTL, pelo menos le ka sani witoan ita nia Ukun Fuan Inan (UFI) do ke didika liu tempo ba sani no interpreta maka Estatuto Interna Fretilin (EIF) nian no Manual Politika Fretilin. Tuir UFI ka K-RDTL iha ninia artigo 147 konaba «Força Segurança» hakerek nune´e (…) “Policia maka iha knar hodi garante ba seguransa interna”. Maibe saida maka akontece iha KPM maka ne´e Lu´olo nudar Prezidente Parlamento suporta ba decisaun PM MA nian hodi entrega «Força Segurança» ba F-FDTL. Nebe tuir Eis-komandante PNTL Paulo Martins dehan katak: ”Pois, mas como a função confiada à polícia foi entregue às F-FDTL… No dia 23 à tarde, as F-FDTL tomaram conta da cidade. Se a Polícia está na cidade e é alvejada (pelos soldados) como é que podemos garantir a segurança? (Público, 29/05)”. Resultado husi decisaun «Inconstitucional» Eis-PM MA nian no hetan suporta institucional husi Lu´olo nudar Prezidente PN maka provoka massacre kontra PNTL iha loron 25/05/2006 no sst. Oinsa maka iha momentu kampanye ba eleisaun Legislativa, Lu´olo ho Fretilin mai hodi fo sala ba sira seluk?

Se Fretilin rasik no instituisaun hanesan Governo no Parlamento nebe Fretilin maka kaer ninia responsabilidade iha nebe no solusaun saida maka hola hodi resolve KPM.

Lu´olo no Fretilin akusa CNRT foti Railos nudar responsavel ba kampanye iha Liquisa

(idem) “Lider CNRT nian mos tenki hola responsabilidade ba asuntu ida ne'etamba ohin loron Rai'los sai fali koordenador kampanha partidu CNRTnian iha distritu Liquiça. Ema nebé koalia ho ulun rua tenke ramata”.

Lu´olo mos haluha tiha ka finsi la hatene buat ida konaba SSF nebe´e Railos maka nudar cefe no eis-Vice Prezidente Partido Fretilin maka forma ka harii ho autorizasaun husi Sekretario Jeral Fretilin rasik. Se Lu´olo la hatene no ataka Railos nudar Milicia nebe suporta CNRT, siknifika maka ne´e “Mari Alkatiri-Rogerio Tiago Lobato-Railos”, sira nain rua nia plano ho Railos sem conhecimento Lu´olo nudar Prezidente. Tuir depoimentu Railos nian iha Tribunal Dili katak: ”«Esteve reunido, a 8 de Maio de 2006, com Alkatiri, na sua residência, e na presença entre outros, de Lobato”, revelou “Railos (in Jornal 24Horas, 10/01/2007)»”.

Saida maka interpreta ba atitude Sekjen no eis-Vice Prezidente nian ne´e? Interpretasaun livre,maibe no minimo sira nain rua tuir hierarquia iha Prezidente nia okos, sira nain rua la respeitu ba Prezidente Partido. Tuir lolos Lu´olo invoca ba EIF hodi aplika «Processo Disciplinar» kontra Vice Prezidente no Sekjen Partido.

Lu´olo no Fretilin akusa Paulo Martins fahe kilat hodi cita relatoru Komisaun Independente ONU nian:

(idem) “Tuir relatorio' UN ne'e nian iha pagina 41 hateten katak: Kamandante Jeral PNTL nian hasai kilat sira husi Armazén nasional PNTLnian, maibé, la fo' hatene ba ofisiais sira nebe servisu iha fatinarmazen nian. Iha loron 23 Marsu, kilat 60 marka Steyr no bala musankaixa 50 haruka ba URP iha akampamentu Aileu. Iha loron 15 April,kilat 10 marka Steyr no bala musan balun haruka ba estasaun Polisiaiha distritu Liquiça. Hafoin insidente nebe akontese iha 25 Maio, Nia (Komandante geral PNTL) fo ordem ba lori kilat 10 marka Steyr hobala musan balun ba tau iha armazén estasaun Polísia nian iha Gleno. Komisaun ne'e preokupa mós katak sira hili deit polísia husi parteloru monu nian mak simu kilat no halo parte ba grupu nebé Komandante Adjuntu Abílio Mesquita, nebé fó treinamentu ba polísia nain 10 husi "Ekipa ho Misaun Espesial" Distritu Dili nian, iha loron 11 de Maiu. Tuir mai, ofisiais PNTL sira hotu nebé tuir treinamentu ne'e hela ihaninia komandu nia okos no kaer kilat Steyr. Tuir mai tan Komandanteadjuntu Abilio Mesquita fo kilat marka Steyr ba Ofisiais PNTL nain 20 husi parte Loro monu nian, iha loron 17 Maio, no tuir mai sira hotuhetan ordem diretamente husi nia. Treinamentus sira ne'e hotu no fahekilat sira ne'e hotu ba iha Ofisiais PNTL parte Loromonu nian halaoho autorizasaun husi Komandante Geral PNTL nian. (tradusaun livrehosi lian inglés). Kilat sira ne'e hotu fahe husi Sr. Paulo Martins no uza atu hodihatun ou hasai tiha Governu FRETILIN nebé eleitu, ema sira ne'e makorganisa, maibe, agora dadaun lider CNRT nian du'un fali katakFRETILIN mak responsabilisa ba violénsia ne'e".

Agora se koalia fahe kilat sira nebe maka PNTL nian,oras ne´e dadaun husu ba líder Fretilin nian no liliu ba Lu´olo, se maka apresenta proposta Lei hodi hola kilat? No empresa nebe maka iha autorizasaun ba hola kilat sem liu husi konkursu publiku tamba hola kilat Laos lori Fretilin nia Osan nem lori família Alkatiri nia osan maka hola (Empresa Kuda Fuik). Neduni sr. Lu-Olo nudar Prezidente PN maka suporta lori instituisaun estado nia naran hodi hola kilat.

Fretilin no Lu´olo hatudu katak Massakre kontra PNTL iha loron (25/05/2006) ne´e hanesan hola parte ba responsabilidade Paulo Martins nian. No Paulo Martins autoriza fahe kilat no kilat musan ba PNTL ho UIR husi parte Loromono nian. Husu fali ba Lu´olo no Fretilin expulsaun ba F-FDTL Petisaun hamutuk nain 600 husi parte «Loromono»,saída maka Lu´olo ninia posisaun ba kasu F-FDTL Petisaun nian? Lu´olo lori dupla funsaun nudar Prezidente Fretilin no PN fo suporta ba hierarquia F-FDTL hodi expulso 600 militares F-FDTL.Iha ne´e maka hahu KPM nia hun no abut. Maibe Fretilin ho Lu´olo mai koalia no fokit maka KPM nia dikin deit maibe haluhu tiha lia ne´e nia hun rasik. Se de fakto tuir relatoriu ONU nian katak Paulo Martins fahe kilat ba PNTL sira husi Loromono deit, se hanesan ne´e, ita mos litik se maka fahe kilat ba civil sira be husi parte Lorosae nian, nebe ninia resultadu sunu Mate moris família Rogério Lobato nian. Tansaida maka Fretilin ho Lu´olo lakohi koalia konaba kasu ne´e?

Fretilin maka vitima ka autor ba KPM?

Tuir Fretilin no Lu´olo: (idem) Fretilin vitima no funu ba Paz. (idem) Iha eleisaun ba Parlamentu ida ne'e, buat nebe a'as liu no diak liu mak konaba paz, no seguransa no hasai tiha ita nia ema hosi moris ihankiak nia laran.FRETILIN sai vitima ba violénsia iha tinan ida ho balun nia laran no la'os FRETILIN mak autor ba violénsia ne'e”.

Fretilin maka vitima ba KPM? Tuir diskursu Eis-PM MA nian katak «Fretilin maka fonte ba estabilidade no instabilidade». Tuir Francisco Cepeda iha ninia artigo publika iha STL (03/10/2006) dehan katak: ”Só Fretilin ho F-FDTL maka bele kria instabilidade”. Diskursu sira ne´e hotu ninia materializasaun maka fahe kilat ba SSF, harii EMA no nudar kausa ba KPM. Neduni laos Fretilin maka «vitima» iha KPM nia laran durante tinan ida ho balun maibe «Fretilin rasik maka fonte ka sumber ba KPM». Neduni povo Timor tomak tenke vota ba sira nebe hakarak funu ba paz, moris hakmatek, hasae ita nia emar husi moris susar nia laran, buka hakribi ba sira nebe maka halo aat iha tinan hirak ne´e nia laran. Vota ba Fretilin la kontribuio ba Paz no hakotu ba «violência», kontrariu vota ba Fretilin vota ba «Estatutus quo», vota ba MA no vota ba Grupo Maputo.


Mari Alkatiri Uja Lu´olo Hanesan Boneko:

MA uja deit Lu´olo mos hanesan uja deit naran Bot familia Lobato no naran bot familia Reis hodi atingi ninia poder no militante partido historiku sira. Ba MA poder maka fins ba nia no partido hanesan meios ida deit. Nia (MA) uja Lu´olo hanesan instrumentu ida deit hodi atingi ninia poder tamba peso nebe maka Lu´olo iha nudar Funu Nain ida iha ailaran. Maibe historia konaba Lu´olo no MA oinsa maka ba kaer poder iha Fretilin mos, sei la kotu iha ne´e, historia sei naruk tamba: buka dada husi Konis Santana nudar ulun bot CDF mate, Convençao Fretilin iha Sidney Australia, Agusto 1998 no ikus mai konferencia no kongresso extraordinario iha tinan 2000/2001 hodi konsagra ba LU´olo nudar Prezidente no MA nudar Sekjen Fretilin. Husi kronologis akontecimentu sira nebe maka conduz MA ho Grupo Maputo ba kaer Fretilin buka biban seluk maka ita haksesuk malu.

Eleisaun Prezidencial Lu-Olo nudar Kandidatu “Kelinci Percobaan” deit:

Tamba saida? Hakiduk ba kotuk,iha biban seluk waihira Fretilin no Governo seidauk iha RupturaEleisaun Prezidencial Lu´olo nudar Kandidatu “Kelinci Percobaan” deit ho Eis-Prezidente Xanana, dala barak maka MA dehan katak «nia defende rekandidatura Xanana ba Prezidente». Maibe Xanana iha biban neba sempre «afirma katak: Nia la rekandidatura». Tuir sira balun husi CCF koalia ho MA hodi dehan nune: ”«Se Xanana la kandidatu, diak liu kandidatu ita nia Prezidente Lu´olo. Saida maka MA hatan diak liu ba eskola tan”. Molok Fretilin atu buka kandidatu ba Prezidencial,iha naran barak maka tau iha meja lete CCF nian, ida maka José Ramos Horta (Prezidente Repúblika), mosu naran seluk tan no ikus liu maka mosu naran Lu´olo, tamba la iha tan kandidatu seluk ba kandidatu oficial husi Fretilin.

Husi ne´e ita bele hare katak MA ho Grupo Maputo hakarak uja deit Lu´olo, hanesan uja Rogerio Tiago Lobato no José Reis hodi tingi objectivo maka «Mantem iha poder MA ho GM».

António Ramos Naikoli

Nota:

MA: Mari Alkatiri
GM: Grupo Maputo
CCF: Comite Central da Fretilin
CDF: Comissão Directiva da Fretilin
KPM: Krise Politika Militar
EMA: Esquadrão de Morte de Alkatiri
EIF: Estatuto Interna Fretilin
UFI: Ukun Fuan Inan
PN:Parlamento Nasional
PNTL: Policia Nacional de Timor-Leste
F-FDTL: Falentil-Força da Defesa nacional de Timor-Leste
RDTL: República Democratico de Timor-Leste
K-RDTL: Konstituisaun
CNRT: Congresso Nacional da Reconstrução Timorense
UIR: Unidade Intervenção Rápida

Sem comentários:

Enviar um comentário

Nota: só um membro deste blogue pode publicar um comentário.