VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
UKUN HAMUTUK?
Sorumutu "Meja Bo'ot" nakonu ho "bua-malus". Sei lo'ok ba malu hela hodi mama hamutuk.
Fretilin
Fretilin - CNRT
Fretilin - PLP
Fretilin - PD
Fretilin - KHUNTO

 
 
   

sexta-feira, 11 de maio de 2007

Ramos Horta Manan hanesan lisaun ida ba demokrasia


*Rogerio Lobato tama kadeia

Kandidatura Presidencial José Ramos Horta manan iha eleisaun 2º volta,ne´e laos novidades,tamba hare husi barometer eleisaun 1º volta nian. No koligasaun sira nebe maka kandidatus Lu´olo i Ramos Horta hetan husi kandidatus sira seluk. Kandidatus nain nem (6) nebe la ba 2º volta,nain lima (5) fo tulun ba kandidatura Ramos Horta no ida deit, Manuel Tilman maka fo tulun ba Lu´olo. Hare husi Baromete 1º volta nian. Maibe iha resultado 2º volta kandidatu Ramos Horta manan ho margem bot liu tamba tau hamutuk ho kandidatus nain Lima (5) seluk. Leitura ba resultadu kandidatura Ramos Horta nian nebe la ses husi resultado tau hamutuk kandidatura nain nem (6) iha 1º volta: Ramos Horta (21,81 %), Fernando Lasama (19,18 %), F. Xavier do Amaral (14,39 %), L. Lobato (8,86 %), A. Coelho (2, 06 %) no J. Carrascalao (1, 72 %), hamutuk sira nain nem (68,02 %). No kandidatu Lu´olo (27,89 %) nebe hetan tulun husi Manuel Tilman (4,09 %), tau hamutuk hetan (31,98 %), resultadu la altera tendencia votus ba Lu´olo, tuir CNE ninia lian tatoli katak kandidatu Lu´olo hetan deit 30,87%, ne tansaida? Sae makas votantes ba Ramos Horta nian no tun votantes Lu´olo nian iha faktor balun maka bele explika faktu ne´e, tendencia votus Lu´olo tun:

Ida (1); Abstensaun (sira be la ba vota), sira ne´e bele iha 1ª volta vota iha Lu´olo. Tansaida maka sira la ba, ne bele mos dehan sira baruk ona ho probaganda politika husi Kandidatu Lu´olo nebe hetan suporta husi Fretilin.

Rua (2); eleitorado nebe vota ba Lu´olo iha 1º volta, sira balun maka desvia sira nia voto ba Ramos Horta.

Tolu (3); eleitorado nebe maka vota ba Manuel Tilman iha 1º volta, balun ba vota ba Ramos Horta. Hare deit deklarasaun husi diresaun KOTA nian ba STL katak «Tulun Manuel Tilman nian ba Lu´olo la representa partido(in STL, 05./04/2007)». Tamba iha 1ª volta Manuel Tilman lori vantagem iha Distrito Ainaro nebe nia vota iha sub-distrito Maubisse parte ba Ainaro, resultado hatudu katak maske Ramos Horta lori vantagem maibe kiik kompara ho kandidatu Lu´olo nebe hetan suporta husi Manuel Tilman.

Tendencia votus ba Ramos Horta sae ultrapassa tau hamutuk husi kandidatus Ramos + kandidatur 5 seluk, tamba somatorius ba sira nia votus iha 1º volta hetan deit (68,02 %), enquanto resultadus 2ª volta kandidatu Ramos Horta hetan (69,19%), ne tan saida?

Ida (1); Votantes ba Ramos Horta sae makas tamba eleitorado ka povo hakarak penaliza ba Partido nebe maka Ukun Timor LoroSae iha tinan lima nian laran. Ida ne´e hanesan lian menon ida ba lideransa Fretilin. Hare ba sinal ida ne´e, Sekjen Fretilin Mari Alkatiri haktuir ba Lusa katak” Fretilin sei ba halo kongresso extraordinário maibe nia sei la dimite (in Lusa, 11/05/2007)”. Lideransa Fretilin Lu´olo/Mari Alkatiri sei la admite fila fali FM hodi participa iha kongresso, ba Mari Alkatiri oinsa maka sira (FM) bele fila ba Fretilin, se sira rasik maka kontra Fretilin. Neduni la hatene objektivu kongresso extraordinária ne lori ba halo saída deit, legitima deit poder Mari Alkatiri ho ninia apoiantes sira ka hakarak reestruturasaun partido?

Rua (2); Eleitorado hatene ona ka identifika se maka protogonista ba KPM (Krise Politika Militar) iha tinan 2006. Povo Timor LoroSae tomak hatene katak se maka kausa no problema ba KPM iha tinan 2006 nebe´e afekta ba sira nia moris.

Tolu (3); Eleitorado mos identifika katak,vota iha Lu´olo,ne hatudu katak laos Lu´olo maka Presidente maibe Mari Alkatiri maka kondutor, Lu´olo maka nudar penumpang,neduni kondutor maka manda hakarak lori kareta ba nebe. Hanesan hakturi Saky iha STL katak “Lu´olo Presidente iha Surat tahan deit, maibe MA maka Presidente lolos (STL, edisaun 1, 2 i 3/04/2007 ) i Forum Haksesuk (http://forum-haksesuk.blogspot.com/2007/04/sakys-article-by-vtavares.html).

Hat (4); resultadu votus 1ª i 2ª volta hatudu katak iha pluralismo iha sociedade Timor nian,nebe la koresponde ba intensaun husi Fretilin. Fretilin ninia hakarak governa ho Partido Uniku maka impoen sira nia hakarak ba sociedade Timor nian. Tuir Ana Gomes, hakerek iha Currier Internacional edição 107 rekonyece katak resultadu eleisaun 1ª hatudu katak pluralismo iha sociedade Timor LoroSae nian (http://www.forum-haksesuk.blogspot.com/timor-leste-dividir-para-somar.html).

Lima (5); Votantes Ramos Horta nian sae makas,tamba ultrapassa somatorius husi votantes kandidatus Ramos Horta + lima (5) seluk iha 1ª volta, ne´e mos iha explikasaun balun: a) Diskursu violente nebe´e maka kandidatu Lu´olo no liliu Sekjen Fretilin Mari Alkatiri iha kampanye, nebe maka hatudu katak deskontrolado ona,emosional maka domina liu racio.
b) Timor la iha Lisan. Timor la iha Lisan, ida mos provoka mos alterasaun ba intensaun votus populsaun Timor nebe iha sira nia Lisan, sira nia Uma fukun, sira nia knua, no sst.
c) Kampanye foer, hanesan ameasa ho violência, dehan sosa votus, hatudu ba sira seluk, fo sala ba sira seluk, no sst.

Hare husi resultadu ba kandidatu rua (2) Ramos Horta ho Lu´olo nian ne´e hatudu katak halo analise komparativa ho experiência iha transisaun demokratiku iha rai sira Foin «Independência» Timor ninia experiencia bele sae hanesan «Fenomea ida ba demokrasia». Lori padraun analise ocidente ka barat nian, se maka domina estrutura,se maka iha liu meius hodi mobiliza maquina eleitoral nia iha liu vantagem atu manan. Kandidatu Lu´olo iha estruturas makas suporta (ekonomika, infraestruturas),maquina eleitoral (meius hodi halo probaganda) hare deit waihira debate entre Lu´olo ho Ramos Horta, Lu´ola kala hatan pergunta ida rua nebe ho resposta direkta, maquina probaganda liliu meius hanesan Blog Timor-online hakerek kedan katak «Lu´olo manan iha debates». Maibe debate ladun influencia votus tamba povo nia votus determinado tiha ona,kandidatu nebe maka sira atu ba vota. Neduni eleisaun Presidencial 1º no 2ª volta Povo demostra ona sira nia maturidade politika nebe aás tebes. La fácil manipula sira, ida tan uja metodo nebe maka Indonésia utiliza iha pré-kampanye ba Referendum iha tinan 1999. Tuir Ana Gomes haktuir katak «”dala ruma partido Fretilin iha poder, maibe ladun aprende ho experiência nebe povo Timor moris hamutuk ho Indonésia (idem)”». Hare envolve Ministro hotu-hotu iha kampanye ba Lu´olo nian makas tebes, uja meius sira nebe iha: Programa fahe voz ho Osan ba votantes sira liliu iha zonas rurais (foho), lori meius estado nian hanesan Kareta, Telefone, ujas serviço estado nian ba halo serviço politika partidarios. Utiliza metodo kampanye “Dor to dor ka dari pintu ke pintu”. Maibe aktos sira ne´e la altera «tendencia votos» povo Timor nian, povo «determinado» ona,sira nia sentido ba votasaun ne´e ba nebe?Orientasaun votos mos sei la muda iha Legislativa loron 30 Fulan Junho mai ne´e. Se Fretilin la reflekte no la apreende ho lisaun iha 1ª no 2ª volta presidencial, sei simu nia konsekuencia, tamba ita la hatene sira abstensaun ne´e sira nia votus ba nebe? No CNRT Xanana nian ne´e mos mosu hodi halo rame festa demokracia tamba Xanana ho CNRT sei ba hadau votus barak husi Fretilin. Tamba ba sira militante Fretilin base sira sei «konsidere Xanana maka Fretilin liu sira FRM», Xanana maka defende liu ideal Fretilin nian do ke «Grupo Maputo», Xanana maka Fretilin tamba nia maka iha susar no terus hamutuk ho povo. Tuir Carlos Gaspar especialista iha Politica Internacional husi IPRI/UNL(Instituto Português das Relações Internacionais/Universidade Nova de Lisboa) hsktuit ba Jornal Pública katak: «Se projectamos os resultados da 1ª volta das presidenciais para as legislativas próximas, a configuração que nos aparece é a de um sistema de três partidos (a Fretilin, o PD de Lasama e o CNRT de Xanana Gusmao) com votações entre os 20 e os 30 por cento (in Público,11/05/2007,pag.16)».

Neduni vitoria Ramos Horta nian ne´e sai hanesan lisaun ba Demokrasia iha Timor Lorosae!

*Nota: Rogerio Tiago Lobato (RL) tama kadeia, iha loron nebe maka CNE fo sae resultadus nebe fo vantagem ba Kandidatu Ramos Horta. Mari Alkatiri ho Grupo Maputo mos preokupado tamba sira iha komprimissu ruma ho RTL. Bele kumprimissu politiku, ekonomiku i mos judicial ho RTL!

António Ramos Naikoli
Hakerek Nain Timor oan, hela iha Lisboa!

Sem comentários:

Enviar um comentário

Nota: só um membro deste blogue pode publicar um comentário.