Eleisaun Prezidencial sei ba halo ba dala rua, tamba iha eleisaun dala uluk la iha kandidatu ida maka hetan 50% +1 atu bele manan. Kandidatu Lu´olo husi Fretilin maka estabelece meta ida ne´e atu to´o ba. Iha biban eleisaun rasik Lu´olo dehan ba Komunikasaun social iha Farol katak “tuir Fretilin nia sura, Lu´olo iha 40% (RTP i Lusa, 09/04/2007)”. Maibe ikus mai Fretilin hetan deit 29%, maske resultadu ida ne´e Laos final ona tamba: iha kandidatu nain lima sei ba kesar iha Tribunal Rekursus (TR) tamba iha «Irregularidade». Ikus mai haktuir porta voz Komisaun Nasional Eleisaun (CNE) Pe. Martinho Gusmão katak ”iha irregularidade graves neduni, CNE rekomenda ba TR atu bele autoriza sura fila fali (Reuter i Lusa, 13/04/2007)”. Kandidatu José Ramos Horta no PM Timor Loro Sae nian mos hamutuk lian ida ho kandidatu sira seluk husu atu TR atu hola decisaun konaba «irregularidade» ne´e (TVI, 14/04/2007). Tamba total eleitorado nebe´e regista 522.933, vota deit 375.766 (70%) no 166. 167 (30%) ba iha nebe´e? Dado sira seluk hatudu mos katak numeru votuss la koresponde ho votantes. Siknifka katak TR mos tenke konsidere ba kesar sira ne´e, tamba Laos deit Kandidatu PR nain lima + José Ramos Horta,maibe rekomendasaun husi CNE rasik nebe konsidere iha «Irregularidade». Iha argumentus suficiente ba TR atu bele konsidere ba kesar sira ne´e, hodi bele konta fila fali votus sira hotu no mos hatudu ba transparência demokratiku nebe´e lao dadaun. Se lae imagem nebe´e maka hatudu ba mundo maka ne´e iha maka fraudu iha eleisaun, sira nebe´e iha poder politika no ekonomika bele manipula eleisaun. Iha poder politika bele utiliza buat estado nian (povo nian) ba halo kampanye politika ba ninia partido, instrumentaliza buat nebe´e emar hotu nian ba favor sira nia interesse, hanesan: Ministro sira lori kareta estado nian ba halao kampanye, funcionariu distritu no sub-distritu sira amaças elitorados, lori servisu estado nian ba hatauk emar atu vota ba sira nia kandidatu (Hare kasu Komandante PNTL Distrito Viqueque) ninia envolvimentu iha violência kontra militante UNDERTIM iha Viqueque. Iha poder ekonomika fahe osan ba sira nebe´e ba tuir kampanye manan dollar sanulu (10$) maske hakilar to´o dólar didiak. Orçamentu bot ba kandidatu Fretilin gasta iha kampanye ba dala uluk, neduni iha segunda volta orçamentu bele aumenta tan 100% ka mos bele hatun, tamba osan nebe´e maka gasta iha kampanye la koresponde ba expektativa nebe Fretilin estabelece ona.
Ba Sekjen Fretilin, Mari Alkatiri iha konferencia imprensa iha quinta feira iha Dili katak “segunda volta kandidatu nain rua 50-50 (Lusa i TV SIC, 12/04/2007)”. Kandidatu José Ramos Horta buka hakbesik ba kandidatu sira nebe´e maka sira iha percentagem (%) bot iha eleisaun Presidencial ba dala uluk, hanesan Fernando Lasama iha (18, 52 %), Javier do Amaral (12, 82%), Lúcia Lobato (9, 24 %), Manuel Tilman (4,22 %) no Avelino Coelho (2,2 %). Hare ses husi cenariu ida «konta fila fali votus», iha eleisaun ba dala rua iha loron 9 fulan Maio mai ne´e Kandidatu Lu´olo mesak sei ba hasoru koligasaun kandidatu JRH ho nain lima seluk. Neduni tendência ba votasaun maka ne´e:Iha eleisaun ba dala rua Presidencial nian Lu´olo sei hetan (29-30 %) hasoru kandidatu JRH nebe´e tau hamutuk ho kandidatu sira seluk sei hetan (69, 60-70 %). Hare husi barometer eleisaun ba dala uluk ninia tendência no margem erro kiik liu hodi sik orientasaun eleitorado ba nebe´e. Husi Kandidatura Lu´olo buka hakbesik ba kandidatura sira seluk hanesan Xavier, Lúcia Lobato no Manuel Tilman atu bele iha iquilibrio ba votasaun, maibe kandidatu sira ne´e iha komprimissu ho eleitorado, eleitorado nebe´e hakarak fo lisan ba Fretilin Radikal Maputo (FRM), eleitorado nebe´e identifika ona Kausa no Problema ba Krise Politika Militar (KPM) maka Mari Alkatiri. Se kandidatu sira ne´e maka ba hamutuk ho Lu´olo, siknifika sira sei lakon konfiança iha Eleisaun legislativa iha loron 30 Fulan Junho mai ne´e no eleitorado sei la ba vota tan ba sira nia Partido tanba deit sira trai ona eleitorado nebe´e fo fiar ba sira.
Maibe cenariu seluk maka ne´e iha konta fila fali votasaun. Ba Fretilin sira hakarak liu ba eleisaun dala rua, Lu´olo ba ho José Ramos Horta, do ke ba Lu´olo ba ho Fernando Lasama. Ba Fretilin no Lu´olo maka ne´e, Lasama maka kria liu difikuldade ba kandidatura Lu´olo do ke José Ramos Horta. Tamba Lasama ne´e kandidatu formal husi Partido Democrático (PD), tamba PD mos iha kompromissu politika ho ASDT nebe´e suporta ba Xavier do Amaral no PSD nebe´e fo suporta ba Lúcia Lobato. Mos Lasama sei manan votus husi kandidatura sira seluk.
Ses husi cenariu hotu-hotu, certeja maka ne´e iha eleisaun Presidencial ba dala rua, nebe´e sei ba halo iha loron 9 fulan Maio mai ne´e. Tuir resultadu provisoriu nebe´e iha maka ne´e ba Lu´olo ho José Ramos Horta, sira nain rua ne´e ida sei ba tur iha Palácio Ahu Kedesan. Ba kandidatura rua ne´e mos iha problemas.
Ba Sekjen Fretilin, Mari Alkatiri iha konferencia imprensa iha quinta feira iha Dili katak “segunda volta kandidatu nain rua 50-50 (Lusa i TV SIC, 12/04/2007)”. Kandidatu José Ramos Horta buka hakbesik ba kandidatu sira nebe´e maka sira iha percentagem (%) bot iha eleisaun Presidencial ba dala uluk, hanesan Fernando Lasama iha (18, 52 %), Javier do Amaral (12, 82%), Lúcia Lobato (9, 24 %), Manuel Tilman (4,22 %) no Avelino Coelho (2,2 %). Hare ses husi cenariu ida «konta fila fali votus», iha eleisaun ba dala rua iha loron 9 fulan Maio mai ne´e Kandidatu Lu´olo mesak sei ba hasoru koligasaun kandidatu JRH ho nain lima seluk. Neduni tendência ba votasaun maka ne´e:Iha eleisaun ba dala rua Presidencial nian Lu´olo sei hetan (29-30 %) hasoru kandidatu JRH nebe´e tau hamutuk ho kandidatu sira seluk sei hetan (69, 60-70 %). Hare husi barometer eleisaun ba dala uluk ninia tendência no margem erro kiik liu hodi sik orientasaun eleitorado ba nebe´e. Husi Kandidatura Lu´olo buka hakbesik ba kandidatura sira seluk hanesan Xavier, Lúcia Lobato no Manuel Tilman atu bele iha iquilibrio ba votasaun, maibe kandidatu sira ne´e iha komprimissu ho eleitorado, eleitorado nebe´e hakarak fo lisan ba Fretilin Radikal Maputo (FRM), eleitorado nebe´e identifika ona Kausa no Problema ba Krise Politika Militar (KPM) maka Mari Alkatiri. Se kandidatu sira ne´e maka ba hamutuk ho Lu´olo, siknifika sira sei lakon konfiança iha Eleisaun legislativa iha loron 30 Fulan Junho mai ne´e no eleitorado sei la ba vota tan ba sira nia Partido tanba deit sira trai ona eleitorado nebe´e fo fiar ba sira.
Maibe cenariu seluk maka ne´e iha konta fila fali votasaun. Ba Fretilin sira hakarak liu ba eleisaun dala rua, Lu´olo ba ho José Ramos Horta, do ke ba Lu´olo ba ho Fernando Lasama. Ba Fretilin no Lu´olo maka ne´e, Lasama maka kria liu difikuldade ba kandidatura Lu´olo do ke José Ramos Horta. Tamba Lasama ne´e kandidatu formal husi Partido Democrático (PD), tamba PD mos iha kompromissu politika ho ASDT nebe´e suporta ba Xavier do Amaral no PSD nebe´e fo suporta ba Lúcia Lobato. Mos Lasama sei manan votus husi kandidatura sira seluk.
Ses husi cenariu hotu-hotu, certeja maka ne´e iha eleisaun Presidencial ba dala rua, nebe´e sei ba halo iha loron 9 fulan Maio mai ne´e. Tuir resultadu provisoriu nebe´e iha maka ne´e ba Lu´olo ho José Ramos Horta, sira nain rua ne´e ida sei ba tur iha Palácio Ahu Kedesan. Ba kandidatura rua ne´e mos iha problemas.
Se vota ba Lu´olo sei loke odamatan ba Mari Alkatiri maka fila ba sai PM Timor LoroSae nian. Se vota José Ramos Horta, nia mos nudar PM iha problema balun maka buka atu resolve tamba buka atrai tulun husi kandidatura sira seluk hanesan PD, PSD no ASDT. Tamba Partido sira ne´e la simu mandatu nebe´e maka Presidente RDTL hasae hodi haruka Forças Internacionais (FI) ba ataka Alfredo Reinado ho ninia grupo iha Same iha fulan Março nia laran. Tuir Kandidatu José Ramos Horta ninia deklarasaun ba STL katak “FI sei para ataka no buka kaer Alfredo Reinado, se nia hakarak dialog (STL, 13/04/2007)”.
Interpreta ba deklarasaun Kandidatu José Ramos Horta nian ne´e hanesan komprimisu politika nebe´e maka nia assumi ho kandidaturas sira seluk.
Ita hakarak ka lae,sira nain rua ida sei ba tur iha Palácio Ahu Kedesan, laos ba dasa mos Ahu kedesan iha Kaikoli maibe oinsa maka atu hasae ita nia povo nebe´e moris iha Ahu kedesan nia laran. Vota ba sira nain rua la koresponde ba expektativa povo nian, ba José Ramos Horta mos hanesan deit katuas sira maka Ukun nafatin maibe Timor Loro Sae nia Prezidente ema nebe´e iha pestigiu internacional. Ba Lu´olo mos hanesan loke odamatan ba katuas Mari Alkatiri ba sai PM. Neduni iha loron 9 fulan Maio Timor oan tenke hili sira nain rua ne´e ida ba sai Prezidente Republika Timor LoroSae nian!
António Ramos Naikoli*
Timor oan, hela iha Lisboa, Portugal
Senhor Nai Koli, curso hotu ona hare fila mai Timor atu servisu, lalika tur halo kidun kalu fali iha Portugal neba, hodi hakerek teoria lahun-ladikin! Uluk ami rona katak ita boot wainhura hotu kursu atu fila mai Timor atu sai gubernur Manufahi. Hela iha Portugal tinan sanulu resin tolu (13 anos) lahatene se hasai ona kursu ruma kalae, koalia lian portugues mos salgae hela deit, buka uluk ona atu sai gubernur! Ita boot nia target nee kikoan no badak tebes dunik hanesa ita boot nia ulun fatuk toos nee!
ResponderEliminarTuir hau nia openiao Ema nebe sai nudar ema presidente iha 2007-2012 maka hanesan tuir mai nee:
ResponderEliminar1. Figur 1 nebe Hadomi tebes povu Timor husi lorosae to loromuno(kria unidade Nasional, hametin stabildade nasional (FDTL no Polisia), hatudo nudi katak Timor nee Nasao ida que Demokrasia ba ema hotu, lakuinese nia bot ka kiik (hotu2 iha dereito hakruk lei no orde nebe ita vigora ona, .
2. labele entrega timor nia riku ba nasao seluk.
3. Halakon sistem korupsao, Nepotismo, no kolegasao
4. Loke serviso iha area hotu2 nomos, haruka investor sira tama barak mai Timor atu hamenus pengangguran nebe butuk rai los iha Timor.
5. Fo importansia ba edukasao no saude.
6. Reconstruksao Uma, dalan no ponte atu povu kiik sira bele fa'an nia aihahan nomos seluk2tan.
atu sese deit mak sae ba prezedente diak hotu deit maibe, tenki iha maturidade politika ida ke diak. nudar lideranca ida ba nasaun ida ne'e, prezedenti tenki iha kapasidade, kareteristik, no bele kolabora ho situasaun iha defisil nia laran no mos bele colabora hamutuk ho partido se-se deit. prezedente ne'e ba ema tomak nian laos ba grupo A ou B nian.
ResponderEliminarwainhira prezidente ba grupo A ou B maka sei hetan failansu.
oras ne'e ita iha deit ona ema nain 2 ba 2 volta eleisaun. agora ita maka hare no tetu didiak entre sira rua ne'e ida nebe maka nia diak barak e ida ne'ebe maka nia at barak.entre nain 2 ne'e ida ne'ebe maka bele resolve krisis ida ne'ebe lao kleur tebes ona ne'e.
GRUPU ALFREDO NO PARTIDU OPOZISAUN SIRA
ResponderEliminarIHA POZISAUN NE´EBÉ DILEMÁTIKA KONA-BA LU-HORTA
Hakerek-na´in haree katak rezultadu dahikus (finál) votu hahilik
(eleisaun) prezidensiál iha fila dahuluk nian (primeira volta)
kurakuran hakbesik ba númeru ne´ebé maka hakerek-na´in hatada tiha
ona iha ninia artigu ho títulu "Sé maka sei sai Prezidente ba
períodu 2007 – 2012?". Haree hosi sura hamutuk votu apuramentu
nasionál provizóriu daruak nian ne´ebé Komisaun Nasionál Hahilik
nian ka CNE (comissão Nacionál das Eleisôes) fó-sai ba públiku iha
loron Kinta, 18-04-07, maka tuirmai ne´e: kandidatu ho númeru aas ka
fatin dahuluk nian maka Lu-Olo ne´ebé hetan votu sura hamutuk 112.
666 ka persentajen 27,89, fatin daruak (segundu) maka Horta ne´ebé
hetan votu sura hamutuk 88.102 ka persentajen 21,81, fatin datoluk
(terseiru) maka Lasama ne´ebé hetan votu sura hamutuk 77.459 ka
persentajen 19,18, no fatin dahaat (kuartu) maka Xavier ne´ebé hetan
votu sura hamutuk 58.125 ka persentajen 14,39. Kandidatu na´in-haat
sira seluk sira-nia persentajen la to´o 10. Haree ba rezultadu hirak-
ne´e, Kandidatu Lu-Olo no Horta sei konkorre dala ida tan ba fila
daruak nian, ne´ebé lei Eleitorál nian hateten katak bainhira
kandidatu sira la hetan to´o persentajen 50 ka liu, maka kandidatu
ne´ebé hetan númeru aas fatin dahuluk no daruak nian sei bá tuir tan
hili daruak nian. Ho maturidade polítika kandidatu prezidente na´in-
neen sira-seluk tenke simu rezultadu lakon ida-ne´e. Kandidatu Lu-
Horta, ida sei bá troka Kadeira Xanana nian. Sasukat no fatór saída
de´it maka ka´er destinu Lu-Horta nian?
Sasukat sira maka tuirmai ne´e:
Sasukat Figura nian
Iha rai avansadu no dezenvolvidu balu, sidadaun sira ne´ebé iha
kbiit matenek nato´on, iha tempu hahilik ruma, sira sei hili sira-
nia ema ka kandidatu ho sasukat figura nian; kandidatu ne´e tenke
iha matenek intelektuál, iha koñesimentu jerál iha área oioin no mós
hetan konfiansa, la´ós deit hosi ninia povu maibé mós komunidade
internasionál. Karik sasukat ida-ne´e maka sidadaun Timoroan ne´ebé
iha kbiit matenek nato´on sira uza, inklui kandidatu prezidente
na´in-neen ho sira-nia simpatizante no militante sira, entaun sei la
iha dúvida katak Horta sei manán iha fila daruak nian. Sai hahusuk
ida maka oinsá povu hirak-ne´ebé uza sasukat seluk? Sasukat partidu
nian ka sasukat bandeira nian, ka sasukat sentimentu istóriku nian?
Sasukat partidu nian (partidu iha-ne´e refere liu ba bandeira ka
simbúlu partidu nian)
Tuir hakerek-na´in ninia haree, iha fila dahuluk hahilik nian fasíl
lahalimar duké fila daruak nian agora. Fila daruak ne´e fasil ba
povu hirak-ne´ebé la´ós mate-moris ba partidu ka ema independente no
mós ba sidadaun simples sira, tanba bainhira sira ba tu´u karik iha
fatin tu´u rua ka fotografia rua ka bandeira rua deit; liuliu sira-
ne´ebé la iha koñesimentu nato´on kona-ba figura na´in-rua ne´e nian
no lala´ok polítika na´in-rua ne´e nian. Ho razaun ne´e maka iha
posibilidade boot atu ema barak ne´ebé hela iha foho sei vota ba Lu-
Olo, tanba sira sei uza sira emosaun istóriku maka´as liu atu tu´u
ba bandeira.
Fatór determinante sira maka tuirmai ne´e:
1. Partidu polítika sira
Uluknanai´n hakerek-na´in hakarak halo fafahek partidu polítiku ba
oin rua:
a. Partidu FRETILIN
Partidu FRETILIN (FRETILIN partidu) ne´ebé Isin FRETILIN no klamar
FRETILIN nian, ne´ebé maka ka´er ukun daudaun. La iha dúvida ba
militante no simpatizante sira atu vota daruak nian ba Lu-Olo;
liuliu povu sira iha foho ne´ebé uza emosaun istóriku maka´as sira
sei vota ba bandeira FRETILIN. FRETILIN mudansa ka renovadór ne´ebé
klamar FRETILIN no isin mudansa (inklui Horta no Xanana ( ne´ebé
hatais roupa independente) , Partidu UNDERTIM, FRETILIN mudansa no
partidu CNRT).
Liafuan balu ne´ebé polítiku balu FRETILIN nian hateten iha tinan
balu kotuk maka hanesan tuirmai ne´e: "FRETILIN ninia ema rasik maka
bele hatún FRETILIN" no liafuan ida-seluk maka "FRETILIN sei manán
nafatin maske FRETILIN partidu lakon". To´o ba ne´e, hakerek-na´in
hakarak lehat liafuan rua maka hatada tiha iha leten.
Ø FRETILIN ninia ema rasik maka bele hatún FRETILIN
Karik bainhira horta maka manán iha fila daruak ne´e nian, entaun
liafuan ne´e sai duni realidade; ema sira-ne'ebé hosi Partidu
UNDERTIM, FRETILIN mudansa no CNRT ne´ebé fó apoiu masimu ba Horta,
ema hirak-ne´e mesak ema FRETILIN nian de´it, sira sai hosi partidu
FRETILIN tanba razaun ideia balu ne´ebé lahanesan. Objetivu sira sai
hosi partidu FRETILIN maka atu hadi´a liután no halo mudansa iha
FRETILIN ninia laran hodi nune´e FRETILIN bele manán iha tempu
oinmai. polítiku FRETILIN mudansa ninia balu hateten katak "maske
ami agora FRETLIN mudansa ona maibé ami FRETILIN nafatin". Horta mós
loron ida hatenten: "ha´u mós ema FRETILIN nian, fundadór FRETILIN
nian no isin-klamar FRETILIN nian". Tanba ne´e Horta ka Lu-Olo maka
manán, ne´e hanesan FRETILIN maka manán nafatin.
Ø FRETILIN sei manán nafatin maske FRETILIN partidu bele lakon
Loos duni, dala ida tan ita haree-hetan katak karik bainhira Lu-Olo
lakon, ida ne´e hanesan momentu ida reflesaun nian, hadi´a an nian,
hodi nune´e bele manán iha tempu oinmai. Hanesan Horta hateten katak
ninia isin-klamar FRETILIN nian, tanba ne´e karik Horta mós iha
hanoin atu hadi´a liután FRETILIN, ne´ebé iha momentu ida-ne´e nia
hatais hela roupa independente nian ka UNDERTIM nian ka FRETILIN
mudansa nian ka CNRT nian, maibé ninia klamar nafatin FRETILIN nian.
Lu-Horta ne´e nu´udar ema mesak uma laran ninian de´it ne´ebé
haksesuk fafahek rikusoin inan-aman nian. Partidu ne´ebé iha
relasaun familiár besik ho umakain FRETILIN maka ASDT. Relasaun
familiár ne´e maka dala barak Horta bolu Lu-Olu nu´udar Tiu no
Xavier nu´udar Avó.
Oinsá ema hosi partidu opozisaun sira-seluk ne´ebé la iha relasaun
famíliár ho umakain FRETILIN nian ne´e? Tanba ne´e, bainhira karik
Horta maka manán ne´e hanesan FRETILIN maka manán nafatin. Ida-ne´e
hanesan Troka isin de´it maibé klamar nafatin. Hanesan isin FRETILIN
bele mate maibé klamar FRETILIN sei la mate. Ho ne´e, hakerek-na´in
bele hateten Nu´udar figura Horta-Lu-Olo sei bá konkorre tan iha
fila daruak nian maibé hanesan FRETILIN, maka FRETILIN manán tiha
ona iha fila dahuluk nian.
b. Partidu opozisaun sira (La inklui partidu UNDERTIM no CNRT)
Iha ne´e hakerek-na´in hakarak ko´alia kona de´it ba partidu rua
ne´ebé hetan votu boot iha fila dahuluk hahilik prezidensiál nian
hafoin Lu-Horta. Partidu rua ne´e maka:
Ø Partidu PD
To´o iha ne´e, partidu PD iha pozisaun polítika ne´ebé dilemátika
tebetebes atu hili ida hosi Lu-Horta. Iha opsaun balu sai tatetuk ba
PD maka Tuirmai ne´e:
Ida: Vota ba Lu-Olo
Iha posibilidade vota ba Lu-Olo tanba Karik ho razaun partidu
opozisaun sira laran-moras ba Horta, liuliu ba ema hirak hosi
partidu CNRT, partidu UNDERTIM, FRETILIN mudansa no sira-seluk
ne´ebé apoia hodi kandidata Horta. Sira laran-moras tanba sira-nia
partidu harii no la´o durante tempu naruk (tinan 5 ninia laran);
gasta osan barak, enerjia barak no tempu barak ho objetivu atu hetan
rezultadu di´ak liuhosi hahilik prezidensíal ida-ne´e. Ho laran-
susár, ema hirak-ne´ebé ladún servisu kole, partidu ne´ebé foin
moris iha fulan ida ka balu fali iha fulan balu ninia laran manán
fali konfiansa hosi povu. Buat hirak-ne´e bele hamoe no halo laran-
susar partidu opozisaun sira-nia ema.
Iha mós posibilidade atu vota ba Lu-Olo tanba ho razaun Lu-Olo ema
ida ne´ebé konsistente, liuliu ninia linguajen polítika ne´ebé ba
loos-mai loos. Lahanesan ho Horta ninian, nu´udar diplomata ida dala
barak nia uza liafuan ne´ebé iha diferente entre ´liafuan´ no
´sentidu´ iha ninia polítika diplomátika. Nia (Horta) iha fluénsia
ko´alia ho sentidu rua (master of double talk), tantu linguajen
diplomasia ka prosedimentu no pratika diplomasia nian. Purezemplu
bainhira Horta sei ka´er knaar nu´udar Ministru Rarosan Rai-Liur no
Tulun-lisuk nian, nia hetan krítika maka´as hosi ema partidu
opozisaun sira-nian, liuliu Horta ninia polítika kona-ba Markasaun
Fronteira Tasi nian ho Austrália, Markasaun Fronteira Rai nian ho
Indonézia. Bainhira nia ka´er knaar nu´udar Primeiru Ministru hafoin
troka Marii tanba Krize polítika-militá r iha fulan-Abril no Maiu,
tinan 2006, nia la konsege rezolve problema hotu-hotu; problema F-
FDTL-PNTL, deslokadu, petisionariu no Alfredo nian. Nia mós halo
laran susár ema polítiku balu opozisaun nian hodi hatenten, sira
(opozisaun) maka ka´er governu ne´e karik sira sei la hetan tulun
hosi rai-liur no governu ne´e ukun la to´o tinan karik. Daudaun ne´e
nia (Horta) hakbesik an fali ba ema opozisaun sira inklui PD atu fó
vota konfiasa ba nia. Kona-ba problema petisionáriu nian no Alfredo
nian, nuda´ar diplomata ida, horta hetan susár tanba tenke rona ema
hotu-hotu no difikuldade hotu no lehat ninia tatetuk hotu hafoin
responsabiliza ba desizaun ka polítika sasá de´it maka nia foti.
Tanba ne´e, ita haree-hetan hahalok laliga ba kazu hirak-ne´e.
Bainhira ema opozisaun sira kritika Horta katak nia la iha
kapasidade atu rezolve problema petisionariu no Alfredo nian, ho
liafuan diplomasia nia hateten hodi kompara "telespetadór tebe-bola
ne´ebé hamriik iha liur kampu ka liña kampu sorin ne´ebé baibain nia
maka hanesan matenek ka hatene liu hotu treinadór jogadór tebe-bola
sira-nian".
Rua: Vota ba Horta
PD iha posibilidade boot atu vota ba Horta ho razaun Lu-Olo ne´ebé
reprezenta ka hetan kandidata hosi partidu FRETILIN nian hanesan
inimigu boot ba PD. Opozisaun sira hatene ona momoos lala´ok
polítika FRETILIN nian durante ninia ukun iha tinan liman ninia
laran, liuliu relasiona ho krize polítika-militá r; kazu fahe-kilat,
problema petisionáriu, problema F-FDTL no PNTL no mós Kazu Alfredo
nian. kompara ho xanana, susár ona Xanana (ema independente) nu´udar
xefe-estadu nian hodi hakuak ema hotu-hotu, liuliu oinsá bele rona
ema hosi opozisaun sira, satán Lu-Olo maka sei sai prezidente no
hahilik lejislativa ne´ebé sei hala´o iha loron 30, fulan-Juñu,
tinan 2007; ne´ebé maka Partidu FRETILIN manan, maka ai-rin rua
Estadu no governu sei sai farda ida ba Partidu FRETILIN nia
Interese, ida-ne´e sei sai fatuk boot ida iha ema opozisaun sira-nia
dalan.
Haree ba figura, PD sei la iha duvida atu vota ba Horta tanba Horta
iha kbi´it intelektuál, ema koñesidu iha mundu no liuliu hakarak
hakuak ema hotu-hotu.
Tolu: La vota ba sira na´in-rua hotu
Vota ba ida hosi Lu-Horta ne´e signifika fo lejitimidade ba
prezidente ne´ebé eleitu. Dala ruma iha futuru, Partidu opozisaun
sira tenke simu desizaun ka polítika sasá de´it maka prezidente
eleitu ne´e foti maske kontra sira-nia polítika rasik, tanba
prezidente ne´ebé eleitu sei justifika ninia an hodi hateten "tanba
imi maka hili ha'u.
Hosi opsaun tolu ne´e susár no dilemátika tebetebes atu PD foti
ninia desizaun polítika. Dala barak PD hato´o ninia deklarasaun
polítika hodi hateten katak "tempu to´o ona atu jerasaun foun ka´er
ukun!" Tuir hakerek-na´in ninia haree liafuan jerasaun foun
relasiona ho kandidatu rua ne´e la refere ba sira na´in-rua ne´e
hotu. Ka dala ruma PD vota ba Horta tanba horta ninia otas ki´ik liu
ka joven liu Lu-Olo nian, joven liu tanba dala barak Horta bolu Lu-
Olo nu´udar ninia Tiu?
Vota sira na´in-rua ne´e ida, ne´e hanesan vota ba FRETILIN nafatin.
Sira rua iha umakain FRETILIN hotu. Lu-Olo haree liu ba interese
umakain FRETILIN ninian, Horta La´os haree de´it ba interese umakain
FRETILIN nian, maibé haree mós interese umakain viziñu sira-seluk
ne´ebé hale´u nia.
La hili sira na´in-rua ne´e hotu ne´e signifika la iha
responsabilidade no konxiénsia polítika ba dezenvolvimentu nasaun
Timor-Leste nian. Sira la fó ezemplu di´ak ba sidadaun atu hala´o
ninia direitu polítika. Ho opsaun hirak-ne´e, hein PD sei vota hodi
tetu buat hotu molok fó ninia desizaun polítika.
c. Partidu ASDT
Hanesan Ita-nia istória hateten katak Partidu FRETILIN daudaun ne´e
maihosi ASDT (ASDT hafoin muda ba FRETELIN). Ita hotu hatene lala´ok
mudansa iha tempu ne´ebá. Hafoin sai tiha frente iha ninia lala´ok,
nakonu ho problema ka diferensa barak. Ema sira iha tempu ne´ebá
maka daudaun ne´e halo lala´ok polítika hela. Entre sira ne´e
hakerek-na´in bele hateten Xavier, prezidente ASDT daudaun ne´e, Lu-
Olo, Horta, Xanana no seluk-seluk tan. Oinsá hafoin hetan tiha ukun-
an, sira la haloos hela istória ba jerasaun foun ida-ne´e no sira-
seluk ne´ebé sei mai, maibé balu halo manipulasaun hela ba ita-nia
istória. Tanba ne´e, ita haree, moris hias fali ASDT, FRETILIN
Maputu, FRETILIN mudansa, CPD-RDTL, CNRT no UNDERTIM. Oinsá desizaun
polítika Xavier nian ho kandidatu Lu-Horta nian. Ba Xavier ema na´in-
rua ne´e la´ós ona ema foun ba nia. Dala barak Horta bolu Lu-Olo
nu´udar ninia Tiu no Xavier nu´udar ninia avó. Hanesan hakerek-na´in
hateten tiha ona katak sira ne´e mesak iha relasaun familiár
FRETILIN ninian. Ita rona karik deklarasaun Xavier liuhosi TVTL, nia
hateten katak nia seidauk foti desizaun polítika kona-ba kandidatu
Lu-Horta nian. Xavier hateten "tuir ha´u nia haree sira rua (Lu-
Horta) aat hotu, maibé ami sei hili ida-ne´ebé maka aat uitoan". Ho
liafuan hirak ne´e bele hateten ASDT iha mós pozisaun ida ne´ebé
dilemátika tebes. Liuhosi Xavier ninia liafuan ne'e, hakerek-na´in
lehat to´o ninia liafuan maka tuirmai ne´e:
Liafuan kandidatu ida-ne´ebé aat uitoan, karik Xavier refere ba
Horta. Tanba ASDT la iha lia sakar ne´ebé signifikante tebes hasoru
Horta. La iha konfrontasaun polítika ne´ebé boot hasoru Horta
durante ninia ukun nu´udar Primeiru Ministru. Nu´udar Horta Hatada
lia ba Xavier-LU-Olo, maka ASDT sei hako´ak metin ninia beoan Horta
liu fali ninia oan Lu-Olo.
Liafuan kandidatu ida-ne´ebé aat (aat liu), karik refere ba Lu-Olo,
ASDT sei la vota ba Partidu FRETILIN tanba ASDT hatene ona ninia
lala´ok polítika iha tinan 5 ninia laran; ne´ebé nakonu ho foer no
problema barak hahú hosi kazu fahe kilat, petisionáriu, F/FDTL-PNTL
no kazu Alfredo nian.
Maske ASDT iha posibilidade boot atu vota ba Horta, maibé la taka
mós dalan atu ASDT vota ba Lu-Olo. Karik ita rona deklarasaun balu
hosi Xavier nian, ne´ebé Dala barak nia temi kona-ba asuntu rasizmu
(malae-mutin no malae-metan) , ninia polítika maka kontra ka la simu
ukun-na´in sira ho rasa malae-mutin- malae-metan nian. Haktuir nia,
ida-ne´e hanesan forma kolonizasaun ida. Karik nune´e, Lu-Olo sei
iha hakat balu iha fila daruak ne´ebé sei mai.
2. CPD-RDTL
CPD-RDTL Nu´udar movimentu ne´ebé iha ema barak besik hale´u
territoriu tomak. CPD-RDTL hanesan mós iha relasaun familiár ho
umakain FRETILIN nian. FRETILIN ne´ebé daudaun ukun maka partidu
FRETILIN, CPD-RDTL ne´e maka FRETILIN movimentu. Hafaoin ukun-an CPD-
RDTL iha haksesuk no ataka maka´as hasoru partidu FRETILIN. Loron
boot nasionál balu ne´ebé governu selebra la hetan partisipasaun
hosi CPD-RDTL. Purezemplu Governu (Partidu FRETILIN) hala´o
seremónia loron boot nasionál nian hodi dada bandeira, iha tempu
hanesan CPD-RDTL mós hala´o ninia seremónia dada bandeira rasik. Iha
akontesimentu balu ne´ebé Governu halo presaun tantu psikolojía no
físika hasoru membru CPD-RDTL nian. Povu liuliu iha foho iha dúvida
boot no la hatene loloos sira-nia estadu demokrátiku maka ida-ne´ebé
loos? Povu dala ida tan ta´uk hanesan tempu Indonézia nian, ne´ebé
atu leál loos ba Indonézio (forsa indonézia nian) ka ba FALINTIL
nian? Nune´e maka daudaun ne´e akontese iha foho balu, povu iha
situasaun dilemátika tebetebes, atu fiár ba governu Partidu FRETILIN
nian ka ba FRETILIN movimentu nian. Hanesan surpresa boot ida, karik
foinlalais ne´e maka teki-teki FRETILIN Movimentu hetan naroman hosi
lalehan hodi fó sira-nia votu konfiasa ba Partidu FRETILIN. Loke tan
ita-nia povu nia matan hodi haree katak, afinal FRETILIN partidu no
FRETILIN movimentu ne´e hanesan oan rua ne´ebé haksesuk rikusoin iha
umakain ida ninia laran, bainhira ema seluk hakarak mai hada´u
rikusoin ne´e maka sira rua tenke hamutuk hodi hasoru fali ema ne´e.
Ita lehat liafuan Marii nian iha loron ida, iha serémonia
konsolidasaun partidu nian, nia hateten: FRETILIN ne´e hanesan ai-
hun ida, krize (forsa sira seluk) ne´e hanesan anin ida, ne´ebé mai
huu ai-tahan sira. Ai-tahan maran sei monu hotu no ai-tahan matak
sira sei troka fali (moris fali). Ai-hun ne´e sei moris matak liután
tanba ita-nia ai-tahan matak mai hamutuk fali ho ita. Ai-tahan matak
ida-ne´e, nia (Marii) refere ba Sr. Ai-tahan Matak, sekretáriu Jerál
CPD-RDTL nian. Ho votu konfiansa ida-ne´e, CPD-RDTL sei vota ba Lu-
Olo.
3. Alfredo ho ninia Grupu.
Hanesan ita hotu hatene katak iha ema barak maka simpatía ba
Alfredo, entre ema hirak-ne´e inklui, juventude barak iha Dili,
petisionáriu, Railos no partidu polítiku balu; liuliu opozisaun
sira. Grupu Alfredo ne´e hanesan grupu presaun (pressure group).
Liafuan grupu presaun daudaun ne´e ema hanaran filafali nu´udar
grupu interesse (interest group). Ita hatene katak problema hun
Alfredo nian maka problema militár nian, ne´ebé tatutan problema hun
petisionáriu ninian. Oinsá Alfredo ninia pozisaun ba kandidatu Lu-
Horta nian? Alfredo mós iha pozisaun dilemátika tebes, dilematika
tanba:
a. Karik Alfredo vota ba Horta tanba Alfredo hatene katak kazu krize
polítika-militar maka FRETILIN. FRETILIN maka kauza no provoka krize
ne´e hodi hamoris problema hotu-hotu; kazu fahe kilat, petisionáriu,
F/FDTL-PNTL no ninia problema rasik. Vota ba Lu-Olo ne´e hanesan oho
ninia an rasik. Grupu Alfredo nu´udar grupu interese ka grupu
presaun hakarak fo influénsia ba órgaun estadu ho governu nian hodi
foti desizaun ne´ebé bele favorese ba ninia interese. Loos duni
Alfredo grupu la iha reprezentante iha parlamentu hanesan partidu
sira seluk, maibé atu lori ninia interese ba oin, nia fó influénsia
deit ema ka partidu balu ne´ebé reprezenta povu iha parlamentu.
Hanesan realidade ita haree nia fó influénsia ba Leandro Isaak no
seluk-seluk tan.
b. Iha mós posibilidade Alfredo vota ba Lu-Olo, tanba Alfredo bele
lakon konfiasa ba Horta. Horta hanesan uza nia nu´udar instrumentu
atu fó presaun ba governu FRETILIN nian. Rezultadu maka ita haree
katak iha duni ezijénsia no presaun maka´as ba Marii ninia
governasaun hodi Marii tun hosi ai-rin governu nian. Hafoin Horta
sa´e, Alfredo mehi katak nia sei hetan naroman ruma hosi Horta ninia
ukun. Ikusmai nia hamutuk ho grupu no ema partidu nian balu basa
sira-nia rein-toos hodi hateten, afinál nia (Horta) hakarak uza
de´it ita nu´udar instrumentu ida hodi to´o ba ninia objetivu ida.
Sente laran-dodok liután banhira Horta hamutuk ho ninia belun Xanana
ne´ebé hatais roupa independente haruka forsa Internasionál ba Tiru
sira. Karik Alfredo bele konsidera ne´e hanesan jogu fute-bol ida
ne´ebé Horta fó golu ida-zero ba nia. Haree ba hilik daruak ne´e,
horta hahú hakbesik fali ba partidu opozisaun sira, inklui Alfredo
ho ninia grupu. Sinal naroman ne´ebé Horta hakarak fó ba Alfredo
maka iha ninia deklarasaun ba TVTL,loron ida-rua liubá hodi hateten
katak "iha tempu badak ninia laran ha´u sei ko´alia ho Xanana atu
dada fila-fali desizaun kapturasaun ba Alfredo". Oinsá Alfredo ninia
haree ba estratéjia jogu Horta ninia ne´e. Alfredo tenke hili hosi
opsaun rua katak hakarak hetan golu ida-ida ka rua-zero. Hakerek-
na´in hanoin Alfredo iha konxiénsia todan ba opsaun rua ne´e, maibé
hanesan Xavier ninia liafuan hateten diak liu hili ida-ne´ebé aat
uitoan karik?
Ho hakerek-na´in ninia haree no lehat ida-ne´e, haree-hetan katak
iha posibilidade boot Horta sei manán iha fila daruak ne´e, maske
nune´e, la taka posibilidade atu Lu-Olo manán, karik nune´e, ida-
ne´e hanesan surpresa boot mai ita hotu. Hakerek-na´in mós hakarak
husu ba timoroan hotu tetu didi´ak ba molok ita hili ita-nia
prezidente foun. Vota ba ho ita-nia konxiénsia, uza ita-nia sasukat
rasik ho néon no laran-malirin, atu nune´e loron ida ita la bele
basa ita-nia rein-toos hodi hateten "ha´u hili sala tiha ona!"
Ita hein!
Original article at: http://timor- itarain.blogspot .com